*_కాళిదాసు కథ_*

_[ఒక వింత సమస్యా పూరణం]_ 

=================

*కాళిదాసు అద్భుతమైన రచనలు చేస్తూ భోజుడి సభలో పండితుడిగా పేరు పొంది ఎన్నెన్నో రచనలు చేస్తాడు.*

*కానీ, రాజుకు కాళిదాసుకు తరుచుగా వాగ్వివాదాలు జరగటం కాళిదాసు అలిగి రాజ్యం వదిలి వెళ్ళటం జరుగుతూ ఉంటుంది.*

*ఒకసారి భార్య శాపం ఇచ్చిన తరువాత అక్కడ నుండి బయటకు వెళ్ళిన కాళిదాసు వేశ్యాలోలుడౌతాడు.*

*అట్లా ఒకసారి రాజు కోపంలో కాళిదాసుకు దేశ బహిష్కరణ శిక్ష విధిస్తాడు. అతను వెళ్ళి ఒక వేశ్య ఇంట తలదాచుకొని అఙ్ఞాతంలో నివసిస్తూ ఉంటాడు.*

_(భోజుడి రామాయణ చంపూ కావ్యం)_

*ఆ సమయంలో భోజుడు రామాయణం చంపూ కావ్యం రచిస్తాడు.*

 

*ఆ కావ్యం కాళిదాసు చదివి సవరణలు చేయాలని ఆయనకు ఆరాటం. కానీ, కాళిదాసు ఎక్కడ ఉన్నాడో ఆయనకు తెలియదు.* 

*కాళిదాసు కవితాప్రాభవం తెలిసిన రాజుగారు ఒక సమస్యా పూరణం చేయమని ప్రకటిస్తాడు. పూరించిన వారికి అర్ధ రాజ్యం ఇస్తానని కూడా అంటాడు.*

🏵️

*_"కుసుమే కుసుమోత్పత్తిః శృయతే న చ దృష్టతే"_*

🏵️🏵️🏵️🏵️🏵️🏵️

*అంటే... ఒక పుష్పం మీద మరో పుష్పం పూసింది అన్న మాట.* 

*ఇది వినటమే కానీ ఎక్కడా చూడలేదు.*

*ఈ సమస్యకు పూరణ కేవలం కాళిదాసే చేయగలడు అన్న నమ్మకం రాజుకు.*

*రాజుగారి ప్రకటన చూసిన వేశ్యకు (కాళిదాసుకు ఆశ్రయమిచ్చిన స్త్రీకి) దురాశ కలుగుతుంది. ఎట్లాగయినా కాళిదాసు చేత ఆ సమస్య పూరణ చేయించి అర్ధ రాజ్యం తానే పొందాలన్న ఆలోచన వస్తుంది. తన ఇంటి గోడ మీద కాళిదాసుకు కనబడేలాగా ఆ పాదం రాస్తుంది. చదివిన కాళిదాసు దాని కింద...* 

🏵️🏵️🏵️🏵️🏵️🏵️

*"బాలే! తవ ముఖాంభోజే దృష్టమిందీవర ద్వయం"* 

*(కొందరు "బాలే! తవ ముఖాంభోజే నయనేందీవర ద్వయం"......మరి కొందరు, "బాలే! తవ ముఖాంభోజే కథం ఇందీవర ద్వయం")*

🏵️🏵️🏵️🏵️

*అంటే.. "బాలికా! నీ ముఖకమలము మీద పద్మలోచనద్వయం ఉన్నాయి" అన్న అర్ధం.*

*👉అది చూసిన ఆ దుర్మార్గురాలు రాజ్యం సంపాదించాలన్న కోరికతో, కాళిదాసును తల మీద కొట్టి ఒక గుంటలో పడేసి ఆయన చనిపోయాడనుకొని పైన రాళ్ళు కప్పి ఆ సమస్యా పూరణ రాజుగారి వద్దకు తీసుకెళ్తుంది. ఉన్నదున్నట్టు పూరణం చదివేస్తుంది.*

 

*కానీ, ఆమె అక్కడే ఒక పెద్ద పొరపాటు చేస్తుంది. ఆ పాదం పురుషుడు స్త్రీని సంభోధించిన విషయం రాజు గమనిస్తాడు.*

 

*వెంటనే ఆమెను నిలదీసి ఈ సమస్యాపూరణం చేసినది ఎవరు అని ప్రశ్నిస్తాడు.*

*ఇంక చేసేది లేక ఆ వేశ్య తాను చేసిన ఘోర కృత్యం వివరిస్తుంది.*

*వెంటనే రాజు హుటాహుటిన తన చంపూ కావ్యం తీసుకొని కొనప్రాణంతో కొట్టుకుంటున్న కాళిదాసు వద్దకు చేరుకొని తన కావ్యం వినిపించటం మొదలెడతాడు.*

*కాళిదాసు ఆ స్థితిలోనే కొన్ని సవరణలు సూచిస్తూ, సుందరకాండ చివరి పద్యం పూర్తవగానే ప్రాణాలు వదులుతాడు.*

*కాళిదాసుకు వినిపించలేక పోయిన దుఃఖంలో రాజు తాను రాసిన కావ్యంలో మిగిలిన రెండూ అంటే యుద్దకాండ ఉత్తరకాండ చించి పారేస్తాడు.*

*ప్రపంచానికి భోజుడి రామాయణ చంపూ కావ్యం కేవలం సుందరకాండ వరకే లభ్యం అని ప్రతీతి.*

*ఒక స్త్రీ (కాళి) వల్ల గొప్ప పండితుడై, మరో స్త్రీ (భార్య) పెట్టిన శాపం వల్ల, స్త్రీలోలుడై ఒక నీచురాలి వల్ల అంతమౌతాడు... ఆ మహా కవి.*

*_{సేకరణ: --వెలిశెట్టి నారాయణరావు, విశ్రాంత సాంఘీకశాస్త్ర ఉపాధ్యాయుడు, ఆత్మకూరు పట్టణం, నెల్లూరు జిల్లా🙏}_*

🙏🙏🙏🙏🙏🙏🙏

🙏🙏🙏🙏🙏🙏🙏