*ఈ ప్రవచన చక్రవర్తికి వందనం...*
ప్రవచనాలకు ప్రథమ పౌరుడు
మంచి చెప్పే మొదటి మనుజుడు
వాగ్దాటి నదిని పొంగించే విజ్ఞానుడు
అంతర్ముఖ దారిని చూపే తాత్వికుడు
ఈ చాగంటి కోటేశ్వరుడు...
మనోలయ మమకారపు గురువు
ఏది ఆశించని పూలపరిమళ తెరువు
త్యాగఫల సుగుణ భూషణ మేరువు
ప్రవచన చక్రవర్తిగా తెలుగునేలన కొలువు
ఈ చాగంటి కోటేశ్వరుడు...
వేదాలను నుండి
పురాణాలను పిండి
జీవన బండిని నడిపే విధానం
ధర్మబద్ధంగా చెప్పే దయాస్వరూపుడు
ఈ చాగంటి కోటేశ్వరుడు...
సమాజాన్ని సఖ్యత పరిచే సైనికుడు
సంస్కారం విశిష్టత తెలిపే తాత్వికుడు
సంస్కృతి పరిమళం నింపే ప్రవచనకారుడు
సంతృప్తిని మాటతో ప్రసాదించే సరస్వతి తనయుడు
ఈ చాగంటి కోటేశ్వరుడు...
సున్నితత్వ సూర్యుడు
ధర్మనిష్ట రాముడు
తత్వజ్ఞాన కృష్ణుడు
ఫలాపేక్షరహిత నిరాడంబర శివుడు
ఈ చాగంటి కోటేశ్వరుడు...
*అభిరామ్ 9704153642*
No comments:
Post a Comment