****ఆప్త వాక్యమ్.....

 *ఆప్త వాక్యమ్.....* 

*🟠 అందరిలోనూ దైవాన్ని చూడగలిగితే అదే దివ్యత్వం.*

*🟠 అన్నిటినీ ప్రేమించగలిగితే అదే జ్ఞాన స్పర్శ.*

*🟠 స్వార్థం, సంకుచితం ఎరుగని సువిశాల భూమిక, ప్రేమ.*

*🟠 'మోక్షానికి అందరూ అర్హులే, కాకపోతే సాధనలో అర్హతను సాధించుకోవాలి.*

*🟠 అంతా బ్రహ్మమైనపుడు అందరూ బ్రహ్మమే.*

*🟠 వెలుగు మూలం వెలుగే. ఆ వెలుగు బయటా ఉన్నది, లోపలా ఉన్నది.*

*🟠 దైవం, ప్రకృతి, పదార్థం, శక్తి... ఏ పేరుతో అనుకున్నా ఉన్నదొకటే.*

*🟠 తాత, తండ్రి, కొడుకు, భర్త, అన్న, మామ, యజమాని, గురువు, శిష్యుడు, పరిచారకుడు వంటివి పురుషుడిపరంగాను, తల్లి, చెల్లి, కూతురు... వంటివిk స్త్రీపరంగాను, అనేక స్థితులున్నా ఉన్న వ్యక్తి ఒక్కరే! తనువుతో ఏర్పడేవన్నీ బాంధవ్యాలు, అనుబంధాలు, తనువుతోనే తెల్లవారే కల్లలు. దీన్నంతటినీ పరచుకుని ఉన్నది ఆత్మే.*

*🟠 ఆత్మక స్థితిని అనుభవించాలేకాని, ఆవిష్కరించలేం.*

*🟠 దర్శించగలిగితే ఆత్మ తప్ప అన్యం లేదు. అంతాj అదే అయినపుడు మరొకటి అంటూ లేదు.*

*🟠 కనబడుతున్న దానిని ప్రపంచమని, కనబడని దాన్ని దైవమనీ అంటున్నాం. కానీ ఉన్నదంతా దైవమే.*

*🟠 తాడుకి రెండు కొసలున్నట్లు విజ్ఞానం, ప్రజ్ఞానం ఉన్నయ్. రెండిటినీ సమన్వయం చేసుకోవటమే సాధన.*

*🟠 కదిలేదంతా కనబడుతున్నది. కదిలించేది కనబడటం లేదు. కనబడటం లేదు కనుక అది లేదనుకోరాదు. కనబడుతున్నదంతా శాశ్వతంగా ఉంటుందని అనుకోవటం అజ్ఞానమే.*

*🟠 కడలిలోనే కెరటాలున్నయ్. అవి సముద్రం కంటే భిన్నం కావు. స్థితి, గతి, రూపం, నామం, భిన్నంగా కనబడుతున్నయ్. అంతే!*

*🟠 అసమత్వమే సృష్టి వైరుధ్యమే ప్రకృతి, ఈ సత్యాన్ని గ్రహించగలిగితే యాతనలుండవు.*

*🟠 జరుగుతున్నదాన్ని అంగీకరించటం, సాక్షిగా ఉండగలగటం సిమితాన్నిస్తుంది. ఎదురీదటంలో అహంకారం, అలసట, నిర్వేదం, శ్రమ ఒదిగి ఉన్నయ్.*

*🟠 ప్రతి సంఘటనలో దాగిన ఘటనను స్పష్టంగా అనుభవించగలిగితే, శాంతి సైతం కైవసమవుతుంది. కావలసిందల్లా హేతువును గుర్తించగలగటం.*

*🟠 అహం స్ఫురణను పెంచుకోగలిగితే అహంకారం నశిస్తుంది.*

*🟠 దేన్నో ఆశిస్తూ ధ్యానించరాదు. అంతరంగంలో శూన్యస్థితిని, అంటే నిర్వికార స్థితిని అనుభవించటం కోసం ధ్యానించాలి. అదే అసలైన పూర్ణస్థితి.*

*🟠 తృప్తే సంపద, ఆనందం, శాంతి.*

*🟠 పరిస్థితులు మంచివీ కావు, చెడ్డవీ కావు. అర్థం చేసుకోగలిగితే, అవి గురు స్వరూపాలే. వాస్తవాన్ని ఆవిష్కరించే అవకాశాలవి.*

*🟠 అధ్యాత్మ భావంతో పెనవేసుకున్న వినయమే నిజమైన సాధన.*

*🟠 కింద పడిపోతే ఏడవటం చూస్తాం. అదే ఆటలో పడిపోతే హాయిగా నవ్వుతూ ఆట మొదలుపెట్టడం సహజంగా జరిగిపోతుంది. జీవితాన్ని ఆటగా అనుకోగలిగితే, కిందపడ్డా అనందమే.*

*🟠 అన్నింటిలో ఏకత్వాన్ని చూడగలగడమే పరమానందం.*

*🟠 పుట్టుకకీ, మరణానికి మధ్య తేడా లేదనుకోవటమే అమృతత్వం.*

*🟠 ఏది సాధ్యమో అదే సాధన. శోధిస్తున్నంత సేపు అసాధ్యంగా కనిపిస్తుంది. శోధన పూర్తయి, ఫలితం దొరికినపుడు కలిగే పులకింతే ఒక ఆనందరేఖ.*

*🟠 మతాలు సూచించిన మార్గాలన్నీ మంచివే. అర్థం చేసుకోవటంలోనూ, ఆచరించటంలోనూ ఉన్న అస్పష్టత వల్ల, అసమగ్రత వల్ల భేదం ఉన్న ట్లనిపిస్తుంది.*

*🟠 మతానికి ధర్మం ఉన్నది. ధర్మం మతాతీతం, దేశ కాలాతీతం. ధర్మంలోనే మిగిలిన మూడు పురుషార్థాలు ఇమిడి ఉన్నాయి.*

*🟠 జీవుడిదంతా ప్రయత్నమే, అది కనిపిస్తుంది. దైవానిది ప్రేరణ, అది కనిపించదు. కానీ అదే సత్యం.*

*🟠 సాధనలో ఒక స్థాయిని అందుకున్న తరుణంలో సాధకుడు తిరిగి వెనక్కు చూడకూడదు. ప్రాపంచిక ఆకర్షణలు ఎన్ని ఎదురైనా సతనం చెందకూడదు. అంతరంగ దర్శనానికై తీవ్ర ప్రయత్నం చేయాలి.*

*🟠 స్వార్థం మానవ ప్రవృత్తిలో ఒక భాగం. దానిని అధిగమించే ప్రయత్నమే సాధన. స్వార్థాన్ని దాటగలిగితే మానవుడు తనలోని మాధవత్వాన్ని అనుభవంలోకి తెచ్చుకోగలడు.*

*🟠 అధ్యాత్మ సాధన మన చేతుల్లోనే ఉన్నది. చేయగలిగినంత సాధన మనం చేయగలం. చేయలేనిది చేస్తామనటం అహంకారమే.*

*🟠 అరిషడ్వర్గాలను జయించటం మాత్రమే కాదు. ఆరు రకాల వికారాలను సాధన ద్వారా, అనుభవం ద్వారా రూపాంతరీకరణం చేసుకోవాలి. కాలగమనంలో సాధనా తీవ్రతతో అవే తమ ప్రభావాన్ని తగ్గించుకుని, సరైన సమయంలో సమ శక్తిగా అభివ్యక్తమవుతయ్.*

*🟠వికృతి నుంచి ప్రకృతి వైపు మరలటమే జరగవలసింది.*

*🟠 విధి ఉన్నది! దాన్ని దాని పని చెయ్యనిద్దాం. మన ప్రవృత్తి ద్వారా, జీవన విధానం ద్వారా, జీవన దృక్పథం ద్వారా జీవన శైలి ద్వారా విధిని అనుసరిస్తూ, అంగీకరించటమే మన విధి. కావలసిందల్లా సమన్వయమే, సంఘర్షణ కాదు.*

*🟠సర్వాత్మ భావనే, సర్వేశ్వర భావన! ఏది ఎలా జరగాలో అలాగే జరుగుతుంది! అన్ని పరిస్థితులనూ ఆకళింపు చేసుకోవాలి. అన్ని రూపాలూ ఆయనవే. అన్ని పేర్లూ ఆయనవే. అన్ని గుణాలు ఆయనవే. భగవంతుడంటే ప్రత్యేకం కాదు. ఉన్నదంతా దైవమే.*

*┈━❀꧁గురుభ్యోనమః꧂❀━┈*

       *ఆధ్యాత్మికం బ్రహ్మానందం*

🪷🪷🪷 🙏🕉️🙏 🪷🪷🪷