*కర్మఫలము :*

*కురుక్షేత్ర యుద్ధం తర్వాత, శ్రీకృష్ణుడు ద్వారకలో నివసిస్తున్నాడు. ఒకరోజు, కొందరు మునులు ద్వారకకు శ్రీ కృష్ణుని దర్శనానికి వచ్చారు. కొందరు యాదవ యువకులు ఆ మునులను ఆటపట్టించాలని అనుకున్నారు.*

*ఒక యువకుడికి స్త్రీ వేషం వేసి, మునుల దగ్గరకు తీసుకువెళ్ళి, "ఇతనికి పుట్టబోయే బిడ్డ మగ లేదా ఆడ అని చెప్పమని" అడిగారు.*

*మునులు విషయం గ్రహించి, కోపంతో యాదవ వంశానికి ముప్పు వాటిల్లుతుందని శపించారు.*

*మునుల శాపం వల్ల యాదవ వంశంలో కలహాలు మొదలయ్యాయి. వారు ఒకరితో ఒకరు కొట్టుకుని చనిపోయారు. ఈ విషయం తెలుసుకున్న శ్రీకృష్ణుడు విచారించాడు.*

*అరణ్యంలో బలరాముడు తన దేహమును విడిచి తన అంశ అయిన మహా సర్ప రూపం ధరించి సముద్రం లో కలిసిపోయాడు. తన అన్న లేని లోకంలో ఉండటం వృధా అని తలచి, తను చెయ్యవలసిన పనులు కూడా ఏమీ లేవని గ్రహించి తన శరీరం వదలడానికి ఏమి కారణం దొరుకుతుందా* *అని వేచి చూడసాగాడు.*

*ఒకనాడు తనకు అరికాలితో మరణం సంభవిస్తుందని "దుర్వాస" మహాముని శాపం ఇవ్వడం గుర్తుకువచ్చింది. అపుడు శ్రీ కృష్ణుడు ఒక మహా వృక్షం నీడన మేను వాల్చి, అక్కడకు వస్తున్న ఒక బోయవానికి, తన పాదం లేడి పిల్ల లాగా భ్రమింపచేశాడు.* 

*అది తెలియని బోయవాడు గురి చూసి కృష్ణుని పాదానికి బాణం వదిలాడు. తర్వాత వచ్చి చూసి దేవదేవుడైన వాసుదేవునికా నేను బాణం వేసింది అని రోదించడం మొదలు పెట్టాడు. శ్రీ కృష్ణుడు అతనిని ఓదార్చి ఇలా అన్నాడు.* 

*“త్రేతాయుగాన వాలివైన నిన్ను చెట్టు చాటునుండి చంపిన ఫలితం ఇపుడు అనుభవిస్తున్నాను. కర్మ ఫలమును భగవంతుడైనను అనుభవించవలసినదే. నీవు నిమిత్తమాత్రుడవు.” అని శ్రీ కృష్ణుడు తన శరీరమును త్యజించాడు...*

*II ఓం నమో భగవతే వాసుదేవాయ II*

*┈┉┅━❀꧁ హరే కృష్ణ ꧂❀━┅┉┈*

         *SPIRITUAL SEEKERS*

🍁🦚🍁 🙏🕉️🙏 🍁🦚🍁