*"దేశ వ్యతిరేక NGOలు మరియు కొందరు నీతిలేని డబ్బు కక్కుర్తి న్యాయవాదులు దేశ భద్రతకు తూట్లు పొడుస్తున్న విధానం"*

సుప్రీం కోర్టు కూడా ఇప్పటివరకు ఈ దేశ భద్రతా విషయం మీద దృష్టి సారించలేదు. కానీ ఒక ట్రయల్ కోర్టు జడ్జి పైన చెప్పిన కుట్రను వారి అపవిత్రమైన సంబంధాన్ని బయటపెట్టడానికి సాహసించారు.

ఆయనే NIA కోర్టు స్పెషల్ జడ్జి  జస్టీస్ వివేకానంద్ శరణ్ త్రిపాఠి (వి.ఎస్. త్రిపాఠి)

 జనవరి 26, 2018న కాస్గంజ్‌లో అభిషేక్ అలియాస్ చందన్ గుప్తా అనే అతని దారుణమైన హత్యలో  28 మంది ముస్లిం సమాజానికి చెందిన నిందితులను దోషులుగా నిర్ధారించి జనవరి 3, 2025న వారికి జీవిత ఖైదు విధించారు. జనవరి లో జరిగిన తిరంగా యాత్ర సమయంలో ముస్లిం సమాజానికి చెందిన వ్యక్తులు ఈ దారుణమైన హత్యను చేశారు.

జీవిత ఖైదు విధించడంతో పాటు, జస్టిస్ త్రిపాఠి తన తీర్పులో మరో ముఖ్యమైన అంశాన్ని లేవనెత్తారు, అది ఖరీదైన న్యాయవాదులు డబ్బు కోసం ఎవరి కోసం అయినా ప్రాతినిధ్యం వహించడానికి సిద్ధంగా ఉండటం అనే అంశం! ఈ అంశంపై ఇప్పటివరకు సుప్రీం కోర్టు లేదా హైకోర్టు జడ్జి ఎవరూ వ్యాఖ్యానించలేదు. కానీ, పై తీర్పు వెలువరిస్తూ, జస్టిస్ త్రిపాఠి నేరస్థులను సమర్థించే జాతీయ మరియు విదేశీ NGOల పాత్రపై ప్రశ్నలు లేవనెత్తారు. అంతేకాకుండా ఈ తరహా వాటిని అరికట్టడానికి తన ఆదేశాలను కేంద్ర హోం మంత్రిత్వ శాఖకు మరియు బార్ కౌన్సిల్ ఆఫ్ ఇండియాకు పంపారు.

జస్టిస్ త్రిపాఠి తన ఆదేశంలో ఇలా పేర్కొన్నారు,

 “ఈ NGOలకు ఎక్కడ నుండి, ఎవరు నిధులు సమకూరుస్తున్నారు, వారి అంతిమ లక్ష్యం ఏమిటి అనే దానిపై సమగ్రమైన దర్యాప్తు అవసరం. ఒక ఉగ్రవాది పట్టుబడినప్పుడల్లా, అటువంటి NGOలు వెంటనే చాలా ఖరీదైన న్యాయవాదులను అతనిని సమర్థించడానికి సమకూరుస్తాయని ఆరోపణలు ఉన్నాయి. ఇది జాతీయ భద్రతకు సంబంధించిన ఆందోళనకరమైన విషయం.”

కోర్టు తన ఆదేశంలో ఈ క్రింది 7 NGOలు/సంస్థలను పేర్కొంది:

*సిటిజన్స్ ఫర్ జస్టిస్ అండ్ పీస్, ముంబై  

*పీపుల్స్ యూనియన్ ఫర్ సివిల్ లిబర్టీస్, ఢిల్లీ  

*రిహాయ్ మంచ్  

*అలయన్స్ ఫర్ జస్టిస్ అండ్ అకౌంటబిలిటీ, న్యూయార్క్  

*ఇండియన్ అమెరికన్ ముస్లిం కౌన్సిల్, వాషింగ్టన్ డీసీ  

*సౌత్ ఏషియా సాలిడారిటీ గ్రూప్, లండన్  

*జమియత్ ఉలేమా హింద్

జస్టిస్ త్రిపాఠి యొక్క ఈ ఆదేశం నిజంగా చారిత్రాత్మకమైనది. అతను ప్రభుత్వానికి మరొక డిమాండ్‌ను కూడా చేశారు. అది ఏమిటంటే హైకోర్టు మరియు సుప్రీం కోర్టులో ప్రాక్టీస్ చేసే న్యాయవాదుల ఫీజులు పబ్లిక్ డొమైన్‌లో అందుబాటులో ఉండాలి మరియు వారి ఆస్తి వివరాలు కూడా ప్రజల సమాచారం కోసం ప్రచురించాలి. వారు ప్రతి సంవత్సరం ఎంత ఆదాయపు పన్ను చెల్లించారో కూడా ప్రకటించాలి; న్యాయవాదుల ఫీజులు చెక్/బ్యాంకింగ్ మార్గాల ద్వారా మాత్రమే సేకరించాలి; సుప్రీం కోర్టు యొక్క ఉన్నత న్యాయవాదుల నుండి న్యాయవాది ఫీజులు ఎవరు చెల్లించారో సంబంధించి అఫిడవిట్‌లు తీసుకోవాలి, తద్వారా ఏ ఉగ్రవాద సంస్థ ద్వారా నిధులు సమకూర్చబడ్డాయో లేదో స్పష్టమవుతుంది.

NGO లు వారి తరుపున హాజరవుతున్న ఖరీదైన లాయర్లు ఉన్న కేసుల ఉదాహరణలు:

1. అడ్వకేట్ అశ్విని ఉపాధ్యాయ్ రోహింగ్యా బంగ్లాదేశ్ చొరబాటుదారులను డిపోర్ట్ చేయాలని కోరుతూ 2017 నుండి ఈ మధ్య వరకు పెండింగ్‌లో ఉన్న పిటిషన్.

2. ఇద్దరు రోహింగ్యాలు అనగా మహ్మద్ సలీముల్లా మరియు మహ్మద్ షాకిర్, బిచ్చగాళ్లలా కనిపించే మరియు దయనీయ పరిస్థితుల్లో జీవించే వీరి కోసం ఆరుగురు ఉన్నత న్యాయవాదులు సుప్రీం కోర్టులో వారి తరుపున హాజరయ్యారు. ఈ న్యాయవాదులు - డాక్టర్ రాజీవ్ ధవన్, ప్రశాంత్ భూషణ్, డాక్టర్ అశ్విని కుమార్, కొలిన్ గొన్సాల్వెస్, మాయత్ ఫలి నరిమన్ మరియు కపిల్ సిబల్.

3.  బలవంతపు మతమార్పిడులను ఆపడానికి సంబంధించిన అడ్వకేట్ అశ్విని ఉపాధ్యాయ్ వేసిన పిటిషన్‌ను 10 మంది ఖరీదైన ఉన్నత న్యాయవాదులు వ్యతిరేకిస్తున్నారు.

4. ప్లేసెస్ ఆఫ్ వర్షిప్ యాక్ట్‌ను సవాలు చేస్తూ ఉపాధ్యాయ్ యొక్క పిటిషన్‌ను 22 మంది ఉన్నత న్యాయవాదులు వ్యతిరేకిస్తున్నారు. వీరిలో ఎంపీలు, ఎమ్మెల్యేలు మరియు మాజీ న్యాయ మంత్రులు, హోం మంత్రులు, విదేశీ వ్యవహారాల మంత్రులు మరియు విద్యా మంత్రులు ఉన్నారు. ఇటువంటి ఉన్నత న్యాయవాదుల కారణంగా ఈ పిటిషన్ ఇంకా చాలా కాలంగా పెండింగ్‌లో ఉంది.

5. అక్టోబర్ 2024లో మరో NGO - సోషల్ జూరిస్ట్ ఢిల్లీ హైకోర్టులో పిటిషన్ దాఖలు చేసి, "రోహింగ్యా శరణార్థుల పిల్లలు" ప్రభుత్వ పాఠశాలల్లో చేరడానికి అనుమతించాలని కేంద్రం నుండి ఆదేశం కోరింది.

హైకోర్టు ఈ పిటిషన్‌ను రోహింగ్యాలు విదేశీయులు మరియు దేశంలోకి చట్టబద్ధంగా ప్రవేశించడానికి అనుమతి లేదని, వారు దేశ భద్రతకు ముప్పు అని చెప్పి తిరస్కరించింది. దీనిపై ఆ NGO సుప్రీం కోర్టును ఆశ్రయించింది. సుప్రీం కోర్టు రోహింగ్యాల పిల్లలకు విద్య అందించబడుతుందని తీర్పు చెప్పింది.

ట్విట్టర్ AI గ్రోక్ ప్రకారం కపిల్ సిబల్, AM సింఘ్వి, ప్రశాంత్ భూషణ్, ఇందిరా జైసింగ్, సంజయ్ హెగ్డే వంటి న్యాయవాదులు కేసు సంక్లిష్టత బట్టి కేసు గురించి సుప్రీంకోర్టు లో ఒక సారి హాజరు కావడానికి కనీసం ₹5 లక్షల నుండి ₹15 లక్షల వరకు ఫీజ్ తీసుకుంటారట. అది కాకుండా క్లరికల్ వర్క్ కోసం అని చెప్పి ఫీజ్ మీద మరో 10% అదనంగా వసూలు చేస్తారట. సాధారణంగా టెర్రరిస్టుల కేసులు, ఇతర సంఘ విద్రోహ కేసులు, దేశ ద్రోహ అభియోగ కేసులు వంటివి అన్ని ఈ తరహా న్యాయవాదులు తరుచుగా తీసుకుంటూ ఉండటం మనం గమనించవచ్చు.

పైన చెప్పినవి కొన్ని ముఖ్యమైన ఉదాహరణలు మాత్రమే. ఇలాంటి అనేక మంది న్యాయవాదులు ఉన్నారు. అలాగే అనేక NGOలు ఉన్నాయి. అందుకే వీరి/వీటి కార్యకలాపాలు మరియు నిధుల మీద సమగ్ర దర్యాప్తు చేయాలి.