*మరణం - మోక్షం* 

*మనలో చాలామంది 'మరణం' అంటే భయపడతారు. దాని తత్త్వాన్ని అర్థం చేసుకోక పోవడమే ఈ భయానికి కారణం. మరణం అంటే సాధారణ పరిస్థితిలో కలుగు మార్పు, ఇటువంటి మార్పు వలన శవాన్ని వదలి బాల్యం, బాల్యాన్ని వదలి యవ్వనానికి మారే అవకాశం వస్తుంది. అత్యంత ప్రియమైన యవ్వనం పోయి ముసలితనం వస్తుంది. చివరగా ముసలితనం కూడా పోయి. శరీరం నేలకొరుగుతుంది.*

*రాత్రి గడచిపోయి సూర్యోదయం వస్తుంది. ఉదయం గడచి మధ్యాహ్నానికి అవకాశమిస్తుంది. అదే విధంగా రాత్రి ప్రారంభమయ్యిందంటే పగలు పోయినట్లే కదా. ప్రకృతి యొక్క తిరుగులేని నియమాన్ని ఎవ్వరూ నిరోధించలేరు. ఆ నియమాన్ని అనుసరించి జన్మించిన ప్రతి జీవి మరణించ సచ్చిదానందస్వామి కావలసినదే. అలాగే మరణించిన ప్రతి జీవీ తిరిగి జన్మించవలసినది.*

*ఈ విషయాన్ని సరిగా అవగాహన చేసుకుంటే, మరణం వలన భయమెందుకు కలుగుతుంది? ఈ భయాన్ని నివారించడానికి ఒకే ఒక మార్గం ఉంది. తిరిగి జన్మించ కుండా ఉండడమే అది. మనకు జననమే లేనప్పుడు, మరణం ఉండే సమస్యే లేదుకదా! ఎంతకాలం ఈ దేహమే 'నేను' అనే దేహాత్మ భావన ఉంటుందో అంతవరకు మరణం తప్పదు. ఏ క్షణాన శారీరక స్పృహను దాటతామో, అప్పుడే మనం నాళ రహితులమవుతాము.*

*మానవుడంటే శరీరం, మనస్సు, బుద్ధి మాత్రమే కాదు. అతను ఒక ఆత్మ స్వరూపి అని వేదాలు చెబుతున్నాయి. జ్ఞానాన్ని సంపాదించే యోగ్యత, అనేక రకాల కార్యాలను నెరవేర్పు దక్షతలు అనే లక్షణాలు కేవలం మానవులు మాత్రమే కలిగి ఉన్నారు. అంతరాత్మను కనుకొనడమే మానవ జీవిత ముఖ్య ఉద్దేశ్యం, కారణం కూడా. మానవుని జీవితంలో ఇదే ఉన్నతమైన ముఖ్య లక్ష్యము. 'ముక్తి' ని పొందడమే ఈ లక్ష్యం అని వేదాలు తెలుపుతున్నాయి. సర్వదా దైవత్వమే మన జీవిత నిజతత్వం అనే వాస్తవాన్ని గ్రహించాలని సూచిస్తున్నాయి. ఇదే పరిపూర్ణమైన ఆనందస్థితి (సచ్చి దానందము).*

*దీనిలో చైతన్యం... పరిధి లేనట్టి స్థితికి చేరుతుంది. ఇది శరీరం చేత, మనస్సు చేత, లేక బుద్ధిచేత అవగాహన చేసుకోవడానికి వీలులేనిది. దీనిని వర్ణించ శక్యము కాదు కాని కేవలం అనుభవించదగినది. మనం ఇప్పుడే, ఇక్కడే మోక్షాన్ని సాధించాలి. ఇది అంత సులభమైనది కాదు కాని అసాధ్యమైనది కూడా కాదు, ఈ విషయంలో గురువు మార్గదర్శనం ఎంతైనా అవసరం.*

*┈┉┅━❀꧁జై కృష్ణ꧂❀━┅┉┈*

       *ఆధ్యాత్మికం బ్రహ్మానందం*

🌸♻️🌸 🙏🕉️🙏 🌸♻️🌸