మంచి మాటలు 1

🍁🌹🍁
1. జీవితంలో ఎప్పుడైనా
ఎవరి నైనా పనికి రాని వారిగా
పరిగణించవద్దు ఎందుకంటే
చెడిపోయిన గడియారం
కూడ రోజుకు రెండు సార్లు
సరైన సమయం
సూచిస్తుంది
🍁🌹🍁
2. ఎప్పుడూ ఇతరుల తప్పులను
అన్వేషించే వ్యక్తి అందమైన
పుష్పాల పరిమళాలను
వదలి పుండు మీద వాలే
ఈగ లాంటి వాడు
🍁🌹🍁
3. పేదరికం ధరిచేరినప్పుడు
ఆప్తమిత్రులు కూడ
దూరమైతారు అదే
ధనవంతులైనప్పుడు
తెలియని వారు కూడ
మిత్రులవుతారు
🍁🌹🍁
4. ఒక్క సారి నవ్వుతూ చూడు
ప్రపంచంలో ఉండే అందాలన్ని
నీ సొంతమవ్వుతాయి కానీ
తడిసిన కనురెప్పలతో
చూసే అద్దంకూడ మసక
బారి పోతుంది
🍁🌹🍁
5. తొందరగా దొరికేది ఏదైనా
ఎక్కువకాలం మన్నికరాదు
ఎక్కువకాలం మన్నిక
వచ్చేది అంతతొందరగా
దొరకదు
🍁🌹🍁
6. జీవితంలో వచ్చే చెడు రోజులు
కూడా మన మంచి కొరకే
అనుకోవాలి అప్పుడే
తెలుస్తుంది నిజమైన
స్నేహితులు ఎవరైనది
🍁🌹🍁
7. మనిషికి రోగాలు కుందేలు లాగా
వస్తాయి తాబేలు లాగా
వెళ్లుతాయి కానీ డబ్బులు
తాబేలు లాగ వస్తాయి
కుందేలు లాగా
వెళ్లుతాయి
🍁🌹🍁
8. చిన్న చిన్న మాటల్లో ఆనందాన్ని
వెతకటం అలవాటు
చేసుకోవాలి ఎందుకంటే
పెద్ద పెద్ద మాటలు
జీవితంలో చాలా
అరుదుగా చోటు
చేసుకుంటాయి
🍁🌹🍁
9. ఈశ్వరుని ప్రార్ధించినప్పుడు
నాకు ఏమి ఇవ్వలేదని
బాధపడకు ఎందుకంటే
నీకు అక్కడ ఇవ్వక
పోయినా నీకు నచ్చిన
చోట నీకు ఈశ్వరుడు
నచ్చినవిధంగా ఇస్తాడు
🍁🌹🍁
10. నిత్యము ఎదురయ్యే
అపజయాలను చూసి
నిరాశ చెందకు కానీ
ఒక్కోసారి తాళంచెవి
గుచ్చంలో ఉండే ఆఖరి
తాళంచెవి కూడ తాళం
తెరుస్తుందని
గమనించు
🍁🌹🍁
11. ఈ సమాజంలో నేను ఒక్కడిని
ఎంచేయగలననీ ప్రతి మనిషి
నిరాశ చెందుతుంటాడు
కానీ ఒక్క సారి తలపైకెత్తి
చూడు ప్రపంచానికి
వెలుగునిచ్చే సూర్యుడు
కూడ ఒక్కడేనని
🍁🌹🍁
12. బంధవులు ఎంత చెడ్డ వారైనా
సరే వదులుకోవద్దు
ఎందుకంటే మురికి నీరు
దప్పిక తీర్చలేక పోయిన
కనీసం అగ్గి మంటలు
ఆర్పటానికి పనికి
వస్తాయి
🍁🌹🍁
13. నమ్మక ద్రోహి స్నేహితునికన్నా
దురాశపరుడు సన్నిహితుడు
మిన్న మట్టితో చేసిన
మనుషులు కాగితాలకు
అమ్ముడు పోతారు
🍁🌹🍁
14. మనిషి గా మాట్లాడుట
రాక పోయినా కనీసం
పశువుల మౌనంగా
ఉండటమే ఉత్తమం
🍁🌹🍁
15. మనకు మాటలు రాక ముందు
మనముఎంచెప్పబోతున్నామో
అమ్మకు అర్థమయ్యేది కాని
మనము మాటలు అన్ని
నేర్చిన తరువాత ఇప్పుడు
మాటమాటకు ప్రతిసారి
అమ్మా నీకు అర్థం
కాదులే అంటాం
🍁🌹🍁
16. కష్టాల్లో ఉన్నప్పుడు మిత్రులు
దూరమైనారని బాధపడకు
ఎందుకంటే నీవు ఒక్కనివే
జయించగలవని వారు
నమ్మినందుకు నీవు
సంతోషించు
🍁🌹🍁
17. సిగ్గు మర్యాద లేని
ధనవంతుడు ఎల్లయ్య కన్నా
మంచి మానవత్వం ఉన్న
పేదరికం సుబ్బయ్య మిన్న
🍁🌹🍁
18. జీవితంలో హెచ్చుతగ్గులు
రావటంకూడ మనమంచి
కోసమే అనుకోవాలి
ఎందుకంటే ECG లొ
వచ్చే సరళరేఖా కూడ
మృత్యువును
సూచిస్తుంది
🍁🌹🍁
19. ఈ రోజుల్లో సంబంధాలు
రొట్టె తొ సమానమైనవి
ఎందుకంటే కొద్దిగా మంట
ఎక్కవైందొలెదో రొట్టె
మాడిమసి కావటం
ఖాయం
🍁🌹🍁
20. జీవితంలో మంచి వారి కోసం
అన్వేషించ వద్దు ముందు
నీవు మంచిగా మారు
బహుశా నిన్ను కలిసిన
వ్యక్తికి మంచి మనిషి
అన్వేషణ పూర్తి
కావచ్చు నేమో

చేసుకున్న వారికి చేసుకున్నంత మహాదేవ

🌹 చేసుకున్న వారికి చేసుకున్నంత మహాదేవ ....

🤔 పాపం చేస్తే నరకం , పుణ్యం చేస్తే స్వర్గం అన్నది ఆర్యోక్తి ... యోగం వలన ఆ లోకాలు ఉన్నాయని వారి చెప్పగలిగారేమో కానీ సామాన్యుడికి స్వానుభవానికి రావాలంటే అది శరీరం నేలకూలాక కానీ అది అనుభవానికి సాద్యం కాదు ... శరీరం నశించిన వాడు ఎంతటి అనుభవానికి లోనౌతున్నాడో బ్రతికి ఉన్న సగటు మనిషికి అసలు అంతుబట్టని విషయము .

మనిషి పుట్టడం .. పొవడం కంటి కనిపించే నిజాలు..మనుషులందరూ ముక్కు , మొహం అంత ఓకే రీతిలో ఉంటాయి , మతాలు , విదానాలు వేరుగా ఉన్న , సాంప్రదాయాలు భిన్నంగా ఉన్నా , నెల రాలిన తరువాత్త వారి వారి విశ్వాసాన్నిబట్టి దైవ సన్నిధి చేరగలం అన్నది ప్రఘాఢమైన నమ్మకం తప్ప , నిజానుభూతిని బ్రతికి ఉన్న వాటికి కలగడం కష్టమే...

ఉన్న వాడు పొవడం ఖాయం .. ఉన్నన్నాళ్ళు ఏది చేసి మూటకట్టుకొంటావో ఆ చేసి కర్మానుబట్టి స్వర్గ నరకాలు సంప్రాప్తమని ఒక వర్గం వాదన ...మంచి చెడులు ఏమార్గంలో అనుసరిస్తావో దానినిబట్టే ఈ జన్మలోనే నీకు అనుభవాలని మరొ వర్గం వాదన...ఏది నిజమో .. ఎదో ఉందని ఎప్పుడొ జరగబోయే అనుభవానికంటే , బ్రతికినన్నాళ్ళు ని ఆలోచననుబట్టే సుఖ దుక్కాలను అనుభవిస్తావన్నది కొందరి పెద్దల మాట...అన్నిటికీ కారణం మనసే ..అది ఉత్తమ సంస్కారాలను అలవర్చుకుంటే సద్గతికి , మాయలో పడి దొర్లాడితే అదే నరకం అనిపిస్తుంది ....

ముందు మనసు అదుపులేక ఎన్ని గ్రంథాలను చదివినా , ఎన్ని క్షేత్రాలు దర్శించిన అవి తాత్కాలిక ఉపశమనం తప్ప స్థిరమైన ఫలితానికి దొహదం చేయవంటారు
భగవంతుడి అనేవాడు నిమిత్తమాత్రుడే.. ఎవరెంత చేసుకొంటారో , ఆ ఫలితాన్ని పొందగలం..ఒక గ్రంధాన్ని చదివినా , ఒక గురువును ఆశ్రయించినా , మునుపటికీ , యిప్పటికి సంస్కారాలలో ఎంత మార్పు అనేది మనిషికి మనసు సాక్షి... ప్రతి సాధకుడు వాడి , వాడి మనసుకు జవాబు చెప్పుకొనగలిగేతే అదే స్వర్గం....చెప్పే మాటకు , చేసి ఆలోచనకు తేడాయే మానశిక పోరాటమే నరకం.. చని పోయిన వాడికీ ఆలోకాలు ఎటువుంటాయో అప్పుడు తెలుస్తుందేమో కాణీ సత్ప్రవర్తనతో జీవిత కాలంలోనే ప్రతి వారి స్వర్గ నరకాలనే అనుభూతి కలుగుతుందని పెద్దలమాట ..

ప్రశాంతంగ ఉన్నంత స్వర్గం వేరే లెదు.
ఆరాటంలో ఉన్నంత నరకం మరొకటి లేదు👍

ముక్కనుమ రోజు ప్రయాణం చేయవచ్చా?

ముక్కనుమ రోజు ప్రయాణం చేయవచ్చా?

🕉🚕🕉🚕🕉🚕🕉🚕🕉🚕🕉

సంక్రాంతి తర్వాత వచ్చే కనుమ రోజు, ఎలాంటి ప్రయాణమూ చేయకూడదన్నది పెద్దల మాట. అయితే కొంతమంది ముక్కనుమ నాడు కూడా ప్రయాణం చేయకూడదని చెబుతూ ఉంటారు. మరి ఈ మాటలో వాస్తవం ఎంత!!! నిజానికి ముక్కనుమ పండుగ ఈమధ్యకాలంలోనే మొదలైన సంప్రదాయం. ఒకప్పుడు సంక్రాంతి కేవలం మూడు రోజుల పండుగగానే ఉండేది. సంక్రాంతి ముందు రోజు భోగిని కీడుపండుగగా భావిస్తారు. ఈరోజు భోగిమంటలు వేయడం, భోగిపళ్లు పోయడం, బొమ్మల కొలువు పెట్టడం వంటి పనులు చేస్తారు. వీటితో జీవితంలో ఉన్న చెడు అంతా వెళ్లిపోయి... భోగభాగ్యాలు వస్తాయని నమ్ముతారు. అందుకే దీనికి భోగి అన్న పేరు వచ్చింది. సంక్రాంతి రెండో రోజుని, మార్పుకి సూచనగా భావిస్తారు. చేతికి అందిన పంటలతో పిండివంటలు చేసుకొని దేవతలకు కృతజ్ఞత చెబుతారు. పనిలోపనిగా పితృదేవతలని కూడా తల్చుకుంటారు. అందుకే ఈ రోజుకి పెద్దల పండుగ అన్న పేరు కూడా ఉంది. ఇక సంక్రాంతి మూడో రోజు కనుమ పశువుల పండుగ. ఈ రోజు పశువులని అలంకరించి, వాటికి మంచి ఆహారాన్ని అందిస్తారు. గారెలు, మాంసం వండి వాటిని పితృదేవతలకు నివేదన చేస్తారు.

ఇలా కనుమతోనే సంక్రాంతి సంప్రదాయాలన్నీ పూర్తయిపోతాయి. అందుకనే శాస్త్ర ప్రకారం అసలు ముక్కనుమ అన్న పండుగే లేదు. కాకపోతే కనుమ మర్నాడు గ్రామదేవతలకు బలులిచ్చి, మాంసాహారాన్ని వండుకునే ఆచారం మాత్రం ఉంది. అదే క్రమంగా ముక్కనుమగా మారింది. అందుకే ఈ రోజుని ముక్కల కనుమ అని కూడా పిలుస్తారు. అంతేకానీ ఈ రోజున ప్రయాణాలు చేయకూడదు అని కానీ, పండుగ చేసుకుని తీరాలి అని కానీ ఖచ్చితమైన

నియమాలు ఏవీ లేవు! సంక్రాంతిని నాలుగురోజుల పాటు చేసుకోవడం తమిళనాడులో కనిపించే సంప్రదాయం. అక్కడ మొదటి రోజు భోగి అనీ, రెండో రోజు సంక్రాంతి అనీ మూడో రోజు మట్టు పొంగల్ అనీ పిలుస్తారు. ఈ మట్టుపొంగల్‌ రోజున పశువులని పూజించి, వాటితో ఆటలాడతారు. మనం ఎప్పుడూ వినే జల్లికట్టు ఆట ఈ రోజే జరుగుతుంది. ఇక మట్టుపొంగల్ మర్నాడే తమిళురు కనుమ పండుగని చేసుకుంటారు. ఈ రోజు వాళ్లు దూడలని పూజిస్తారు. తమ పెద్దల ఇళ్లకి వెళ్లి, వాళ్ల ఆశీర్వాదాలు తీసుకుంటారు. అందుకని వాళ్లకి సంక్రాంతి నాలుగురోజుల పండుగ!!
🙏🙏🙏🙏🙏🙏🙏🙏🙏🙏🙏

నేటి బoధాల్లో బలమెoత?

🔴💟 💚💙 💟✴
నేటి బoధాల్లో బలమెoత?
💟❤💚💛💙💘

ప్రపoచంలో ఆడదే కరువైనట్టు ఏరి కోరి చేసుకున్నాను ఈవిడ గారిని
ఇది భార్య కాదు ...బ్రహ్మ రాక్షసి.
- ఓ భర్త ఆవేదన.
💟
ఏ జన్మలో ఏ పాపం చేశానో ఈ జన్మలో వీడికి భార్యనయ్యాను.
ఓ ముద్దా...ముచ్చటా..
వీడు మనిషి కాదు వ్యసనాలకు చిరునామా.
వీడికన్నా జంతువులు నయం.
- ఓ భార్య ఆవేదన.
💟
ప్రపంచంలోనే స్నేహం చాలా చాలా గొప్పది.
కానీ నాతో స్నేహం చేసినవారందరూ నన్ను అవసరానికి వాడుకుని అవసరం తీరాక ముఖం చాటేశారు.
స్నేహం అన్న మాట వింటేనే కంపరం పుడుతోంది .
- ఓ స్నేహితుడి ఆవేదన.

మధురమైనది...అమరమైనది ప్రేమ అలాంటి ప్రేమ పేరు చెప్పి నన్ను మోసం చేసి నా జీవితాన్ని సర్వనాశనం చేసి జీవితాంతం నాకు మనోవేదనను మిగిల్చి తన సంతోషం తాను వెతుక్కుని వెళ్ళిపో(యింది)యాడు.
నిజమైన ప్రేమకు ఈ లోకంలో విలువ లేదు.
- ఓ ప్రేమికు(రాలి)డి ఆవేదన.

నిజం చెప్పాలంటే ఒక మనిషి తన జీవిత కాలంలో సగం సమస్యలు తన ఆలోచనలవల్లో,తన ప్రవర్తనలవల్లో ''కొని'' తెచ్చుకొనేవే.
ఈ ప్రపంచంలో ''అవసరం'' కోసం ఎదుటివాడిని మోసం చేసేవారికన్నా...
తమ వారి మీదున్న ''అక్కసు''తో తమను తాము మోసగించుకునే వారే ఎక్కువ.
💟
ఇద్దరు వ్యక్తులు (భార్య/భర్త, ప్రేమికులు,స్నేహితులు) కలిసి జీవనం సాగించాలంటే ముందుగా వారి మధ్య ఉండాల్సింది ''నమ్మకం''.

నేడు ఎంతమంది భార్యాభర్తల్లో/స్నేహితుల్లో/ప్రేమికుల్లో తమ వారిని పూర్తిగా నమ్ముతున్నారు??

మనం చదువుద్వారా సంపాదించిన జ్ఞానం,స్వతహాగా ఉన్న తెలివితేటలు మనకు ఏదైనా సమస్య వస్తే ఆ సమస్యనుండి బైటపడటానికి ఉపయోగపడాలి.

దురదృష్టం ఏమిటంటే మనకున్న జ్ఞానంతో,తెలివితో సమస్య'లను తెంపుకోవడం కన్నా తెచ్చుకోవడమే ఎక్కువైపోతోంది.

ముక్కు,మొహం తెలియని పరాయి వారు పలకరిస్తే పళ్ళికిలించుకుని ముఖంలో చాటంత చిరునవ్వు తెచ్చుకుని మరీ పలకరిస్తాం
వారి తరపునుండి మనకు ఏదైనా కష్టమో,నష్టమో కలిగినా క్షమించేసి
వారి దృష్టిలో చాలా ''మంచివాళ్ళం'' అయిపోవడానికి ప్రయత్నిస్తాం.
అదే
జీవితాంతం కలిసి ఉండాల్సిన వారితో మాత్రం ఒక నియంతలా ప్రవర్తిస్తుంటాం
.''మన''వారి దగ్గరకొచ్చేసరికి ఎక్కడలేని రాక్షసత్వం బైటికొచ్చి విలయతాండవం చేస్తుంటుంది.
అస్సలు
''మనసు'' విప్పి మాట్లాడం.
పరాయి వారికిచ్చే ప్రాధాన్యతలో పదోవంతు ప్రాధాన్యత మనవారికిచ్చినా బంధాలు బలపడవా??

మనసు మెచ్చిన క్షణం ''నచ్చినోళ్ళు''

మనసు నొచ్చిన క్షణం ''సచ్చినోళ్ళు''
అయిపోతుంటారు మనవాళ్ళు.

ఇలా క్షణానికోసారి మనసు మారిపోతుంటే బంధాలకు బీటలు వారవా??

మనం ఒకరితో స్నేహం చేసేది..
మనం ఒకరిని పెళ్ళి చేసుకునేది...
మనం ఒకరిని ప్రేమించేది....
పొద్దస్తమానం వారి తప్పులను ఎత్తిచూపుతూ కించపరచడానికా?

పొద్దస్తమానం వారి పొరపాట్లను వేలెట్టి చూపడానికా?

పొద్దస్తమానం శత్రువుల్లా పోట్లాడుకోవడానికా?
💟
ఎక్కడైతే ... హక్కుల ప్రస్తావన రాకుండా ఉంటుందో

ఎక్కడైతే ... చట్టాల(రూల్స్) ప్రస్తావన లేకుండా ఉంటుందో

ఎక్కడైతే ... అహం తన విశ్వరూపాన్ని ప్రదర్శించకుండా ఉంటుందో

ఎక్కడైతే ... బలహీనతలను చూసీ చూడని అవకాశం ఉంటుందో

ఎక్కడైతే ... పొరపాట్లను మన్నించే మేధస్సు ఉంటుందో

ఎక్కడైతే ... తన మాటే నెగ్గాలన్న పంతం నశించి ఉంటుందో

ఎక్కడైతే ...''అవసరానికి'' కాక ''ఆత్మీయతకు మాత్రమే చోటుంటుందో

ఎక్కడైతే ... చేసిన తప్పుకు క్షమాపణ అడిగే/ మన్నించే వీలుంటుందో

ఎక్కడైతే ... మాట,పట్టింపులకు ప్రధాన్యత ఉండదో

అక్కడ బంధాలు బలంగానే ఉంటాయి.

అక్కడ మనుషులతోపాటు మనసులూ మాట్లాడతాయి.
💟
తప్పే చేయని సత్యహరిశ్ఛoద్రులే కావాలంటే గృహాల్లో దొరకరు వేరే గ్రహాల్లో వెతుక్కోవాల్సిందే.

పొరపాట్లే చేయనివారు కావాలంటే సమాజoలో దొరకరు సమాధుల్లో వెతుక్కోవాల్సిoదే.☝

ఉన్నత పదవులలో ఎవరుండాలి?

ఉన్నత పదవులలో ఎవరుండాలి?


‘🤔ఉన్నత పదవులలో ఎలాంటివారిని నియమించాలి?’ అన్న అనుమానం వచ్చింది ధర్మరాజుకి. తన సందేహాన్ని నివృత్తి చేయమని ఆయన భీష్ముణ్ణి కోరాడు. అప్పుడు భీష్ముడు ఓ కథ ద్వారా ధర్మరాజు సందేహాన్ని నివృత్తి చేశాడు.

‘‘పూర్వం ఒక అడవిలో ఓ ముని తపస్సు చేసుకుంటూ జీవిస్తున్నాడు. ఓ కుక్క ఎప్పుడూ ఆ ముని వెంటే తిరుగుతూ ఉండేది. తనపట్ల విశ్వాసంగా ఉన్న ఆ కుక్కని చూసిన ముని, దానిని తన చెంత ఉండనిచ్చేవాడు. వీరి అనుబంధం ఇలా కొనసాగుతుండగా ఓరోజు ఆ కుక్క ఓ పులి కంటపడింది. అంతే! ఆ పులి తన పంజా విసురుతూ కుక్కని బలిగొనబోయింది.

వెంటనే ఆ కుక్క పరుగుపరుగున పోయి మునీశ్వరుని వెనుక నక్కింది. తనను నమ్ముకున్న కుక్క ఆ పులికంటే బలహీనంగా ఉండటంవల్లే కదా... దానికి ఆపద కలిగింది అనుకున్నాడు మునీశ్వరుడు. దాంతో ఆ కుక్కను పులిగా మార్చేశాడు. ఆ ఘటనను చూసిన పులి భయపడి గిర్రున వెనక్కి తిరిగి పారిపోయింది.

కానీ, పులిగా మారినంత మాత్రాన కుక్క జీవితం పూర్తిగా సురక్షితమనడానికి లేదు. ఎందుకంటే మరోసారి దానిమీదకి ఓ ఏనుగు దూసుకువచ్చింది. దాంతో పులి రూపంలో ఉన్న కుక్కను ఏనుగులా మార్చివేశాడు ఆ మునివర్యుడు.

ఇలా... ఏ జంతువు దాడిచేసినా తన దగ్గర ఉన్న కుక్కను అంతకంటే బలమైన జంతువుగా మార్చసాగాడు ముని. అలా మృగరాజులా మారిన కుక్క ఓరోజు బోర విరుచుకుని అడవిలో తిరగసాగింది.


ఇక తనమీద దాడి చేసేంతటి శక్తి మరో జంతువుకి లేదన్న నమ్మకంతో నిర్భయంగా సంచరించసాగింది. కానీ అలా తిరుగుతుండగా దాని మనసులో ఓ ఆలోచన మొదలైంది.

‘ముని నామీద జాలిచూపాడు కాబట్టి, నన్ను అన్నింటి కంటే శక్తిమంతమైన జంతువుగా మార్చాడు. అంతవరకు బాగానే ఉంది కానీ, రేపు మరో జంతువు ఏదన్నా మునీంద్రుని శరణువేడితే నా పరిస్థితి ఏంటి? అప్పుడు నాకంటే బలమైన జంతువు ముందు తల వంచాల్సిందే కదా’ అనుకుంది. ‘అసలు ఆ మునీశ్వరుణ్ణే చంపిపారేస్తే, అతను మరో జంతువు మీద జాలిచూపే అవకాశం ఉండదు’ అని పన్నాగం పన్నింది.

కుక్క తన మనసులో ఇలాంటి దుర్మార్గపు యోచనలు చేస్తూ ఏమీ ఎరగనట్లు ముని ముందరకి వచ్చి కూర్చుంది. కానీ కుక్కను మృగరాజుగా మార్చినవాడు... దాని మనసులో ఏముందో గ్రహించలేడా! మునీశ్వరుడు ఎప్పుడైతే కుక్క మనసులోని దురాలోచనను పసిగట్టాడో వెంటనే తిరిగి దానిని కుక్కగా మార్చేశాడు. అది పూర్వంలాగే కుక్క బతుకుని గడపసాగింది.


కాబట్టి ధర్మనందనా! దుర్మార్గులకు ఉన్నత పదవులని ఇస్తే, వారి బుద్ధి చివరికి ఇలాగే పరిణమిస్తుంది. అందుకే యోగ్యతని అనుసరించి పదవులను అందించాలి. అలాంటి యోగ్యులు తన అనుచరులుగా ఉన్న రాజు ఏ కార్యాన్నయినా సాధించగలడు’’ అంటూ వివరించాడు భీష్మ పితామహుడు.🤔

కాలజ్ఞానం

కాలజ్ఞానం

👌 కాలం ఎంతో శక్తిమంతమైనది. అత్యంత వేగంగా, చురుకుగా కదులుతూ ఉంటుంది. ఓ సుశిక్షితుడైన సైనికుడిలా కదను తొక్కుతూ ఎవరికోసం ఆగక, దేనికోసం ఎదురుచూడక నిశితదృష్టితో ముందుకు సాగుతుంది. యుగాలు మారినా తరాలు మారినా అది తన పథమూ మార్చదు, పంథానూ మార్చుకోదు. కాలం ఓ అధ్యాపకుడు, వైద్యుడు, జీవిత సత్యాల సారాన్నెరిగిన ఓ మహర్షి- వెరసి ఓ జ్ఞాని, వేదాంతి. సృష్టిలోని సకల కార్యకలాపాలకు ఓ మౌన సాక్షి.

కాలం తన గమనంలో ఎన్నో ఉత్పాతాలను, విపత్తులను చూసింది. చీకటి యుగాలను, అనాగరిక సమాజాలను గమనించింది. నాగరిక సొబగులను నేర్చుకుంటూ సంస్కరించుకుంటూ అభివృద్ధి పథంలో నడిచిన ప్రజలను చూసి సంతోషించింది.
మహా సామ్రాజ్యాలను, చక్రవర్తులను వారి సామ్రాజ్య విస్తరణ కాంక్షను, సాగించిన యుద్ధాలను కాంచింది. తరతరాలుగా బానిసత్వంలో మగ్గి, చనిపోయిన ప్రజలను చూసింది.

పశుప్రాయ దశనుంచి మానవుడు తనను తన ఆలోచననను మెరుగుపరచుకుంటూ ముందుకు సాగడం చూసి అబ్బురపడింది. మేధావులు తమ మేధతో, శాస్త్రజ్ఞులు జిజ్ఞాసతో చేసిన నూతన ఆవిష్కరణలు, కొత్త విషయాలు మానవుడి జీవితాన్ని మానవ నాగరికతను ఉన్నతంగా తీర్చిదిద్దుతున్న తీరుకు ఆనందించింది. అదే మానవుడు ఉచ్చనీచాలు మరచి అమానవీయంగా అమానుషంగా ప్రవర్తిస్తున్న తీరును చూసి ఖిన్నురాలవుతూ వడివడిగా అడుగులు వేసింది.

కాలం పక్షపాతి కాదు. ఒకరి మీద అవ్యాజమైన ప్రేమను చూపదు. మరొకరిమీద అకారణమైన ద్వేషాన్ని కనబరచదు. రాజు, పేద, పండితుడు, పామరుడు... ఎవరైనా ఒకటే. ఎవరి మీదైనా సమదృష్టే. బాల్య, కౌమార, యౌవన వృద్ధాప్యాలను అందరికీ వర్తింపజేస్తుంది. అలాగే మరణాన్నీ! మరిన్ని ప్రాణులకు ఊపిరిపోస్తుంది. రాగద్వేషాలకతీతంగా ఉంటూ తన సుదీర్ఘ ప్రయాణాన్ని సాగిస్తూనే ఉంటుంది.

ఈ అనంత విశ్వపయనంలో మనం నిర్దేశించుకున్న కాలప్రయాణం, దానిలో మానవజీవిత కాలవ్యవధి- అత్యంత పరిమితమైనవి. ఎవరికైనా అవే గంటలు, అవే నిమిషాలు... సరైన యోచనతో విభాగించుకుని మనకు, ఇతరులకు ఎంతెంత వినియోగించుకోవాలో నిర్ణయించుకోవాలి.


కాలానికున్న మరొక ధర్మం ‘శీఘ్రగతి.’ అలా సాగకపోతే మానవులు వారి బాధలనుంచి దుఃఖాల నుంచి వేదనల నుంచి తేరుకోలేరు. అలా జరగనంతకాలం వారి జీవితం స్తంభించిపోతుంది. ఆ జీవితంలో ఆనందమే ఉండదు. కాలం ప్రవహిస్తూ ఆ వ్యధ వారు మరచేటట్లు చేస్తుంది. కార్యోన్ముఖులను చేసి వారి జీవితాలను గాడిలో పెడుతుంది. కాల శీఘ్రగమనం ఒంటి దెబ్బలకే కాక, మానసిక గాయాలకు సాంత్వన ఇచ్చే ఓ చల్లనిపూత.

అలసట ఎరుగని తన రెక్కలతో కాలం నిరంతరం ఎగురుతూనే ఉంటుంది. దాన్ని నియంత్రించే సత్తాగాని, దాని వేగాన్ని మందగింపజేసే శక్తిగాని ఎవ్వరికీ లేదు. ఎవరు గమనించినా, గమనించకున్నా దానిది ఎప్పుడూ ముందుచూపే.

కాలగమన ప్రభావం శరీరం మీద పడని వారుండరు. ఎప్పుడూ కొత్త స్నేహితులు, కొత్త ఊసులు, కొత్తవారితో నెయ్యం కొనసాగిస్తూనే- పాతవారి మేధతో, సృజనతో, దార్శనికతతో, మానవీయ విలువలతో మైత్రిని కొనసాగిస్తూనే ఉంటుంది.


గడిచిన క్షణాన్ని పొందలేం. దాని తాలూకు అనుభవాన్ని మాత్రమే పొందుపరచుకోగలం. పంచుకోగలం. దాని ఉపయోగ నిరుపయోగాలను బట్టి చేదు, తీపి జ్ఞాపకాలు మిగులుతాయి. గడచిన కాలం గురించి వగచటమంటే దాన్ని వ్యర్థం చేశామనే అర్థం.🙏

అందమైన ప్రవర్తన జీవితకాలం ఉంటుంది

ఒక సమావేశంలో ఉపన్యాసం సందర్భంగా గురుాజీ
30 ఏళ్ల వ్యక్తిని నిలబడమని అడిగాడు
- మీరు హైదరాబాద్ లోని నెక్లెస్ రోడ్ లో నడుస్తున్నారు. మీ ముందు నుండి ఒక అందమైన అమ్మాయి వస్తున్నట్లయితే, మీరు ఏమి చేస్తారు?
ఆ యువకుడు - ఆమెనే చూస్తాను.
గురూజీ అడిగారు - అమ్మాయి ముందుకు కదిలితే, మీరు వెనక్కి తిరిగి చూస్తారా?
యువకుడు - అవును, నా భార్య నా వెంట లేకపోతే. (సమావేశంలో అందరూ నవ్వారు)
గురు జీ అప్పుడు అడిగాడు - ఆ అందమైన ముఖాన్ని మీరు ఎంతకాలం గుర్తుంచుకుంటారో చెప్పు?
(మరో అందమైన ముఖం కనిపించే వరకు) ఆ యువకుడు 5 - 10 నిమిషాలు అన్నాడు.

గురూజీ ఆ యువకుడితో - ఇప్పుడు ఆలోచించండి,
మీరు భద్రాచలం నుండి హైదరాబాద్ కి వెళుతున్నారు. నేను మీకు ఒక ప్యాకెట్ పుస్తకాలు ఇచ్చి, ఈ ప్యాకెట్‌ను హైదరాబాద్ లోని ఒక గొప్ప వ్యక్తికి అందజేయమని చెప్పాను.
మీరు ప్యాకెట్ డెలివరీ చేయడానికి హైదరాబాద్ లోని అతని ఇంటికి వెళ్లారు.
మీరు అతని ఇంటిని చూసినప్పుడు, అతను పెద్ద బిలియనీర్ అని మీకు తెలిసింది.
10 కార్లు , 5 చౌకిదార్లు ఇంటి బయట నిలబడి ఉన్నారు. మీరు ప్యాకెట్ యొక్క సమాచారాన్ని లోపలికి పంపితే, అప్పుడు వారు స్వయంగా బయటకు వచ్చారు. మీ నుండి ప్యాకెట్ తీసుకున్నారు. మీరు బయలుదేరడం ప్రారంభించినప్పుడు, మిమ్మల్ని ఆయన పట్టుబట్టడం ద్వారా ఇంటిలోనికి తీసుకువెళ్లారు. మీ దగ్గర కూర్చుని వేడి ఆహారాన్ని తినిపించారు. బయలుదేరేటప్పుడు, మిమ్మల్ని అడిగారు -
మీరు దేనిలో వచ్చారు?అని మీరు చెప్పారు - స్థానిక రైలులో. అతను డ్రైవర్‌తో మాట్లాడి, మిమ్మల్ని గమ్యస్థానానికి తీసుకెళ్లమని అడిగాడు. మీరు మీ గమ్యం చేరుకోగానే ఆ బిలియనీర్ నుండి ఫోన్ - సోదరా మీరు హాయిగా చేరుకున్నారా అని..
ఇప్పుడు చెప్పు, ఆ ప్రముఖుడిని మీరు ఎంతకాలం గుర్తుంచుకుంటారు?
యువకుడు అన్నాడు - గురూజీ ఆ వ్యక్తి జీవితంలో చనిపోయే వరకు మనం మరచిపోలేము.

గురూజీ యువకుడి ద్వారా సభను ఉద్దేశించి మాట్లాడుతూ
"ఇది జీవిత వాస్తవికత."

"అందమైన ముఖం కొద్దిసేపు మాత్రమే గుర్తుకు వస్తుంది
కానీ మన అందమైన ప్రవర్తన జీవితకాలం ఉంటుంది. "🍃

నిజమే కదూ..

జీవితంలో డబ్బే ముఖ్యము కాదు ( పాత రష్యన్ కథ )

జీవితంలో డబ్బే ముఖ్యము కాదు ( పాత రష్యన్ కథ )

👌ఒకతను వున్నంతలో భార్యా పిల్లలతో ఆనందంగా బతుకుతుంటాడు..
ఒకరోజు అతడు బజార్లో నడుస్తూ వుంటే ఒక నాణెం దొరుకుతుంది..
మకిలి పట్టి మధ్యలో చిల్లు వున్న రాగి నాణెం..అది...!!
అతడు దాన్ని రుద్ది చూస్తాడు..ఆశ్చర్యం..!!
ఇంకో రాగి నాణెం వస్తుంది..
మళ్ళీ రుద్దుతాడు..
మరోటి వస్తుంది..
మళ్ళీ రుద్దితే మళ్ళీ ఒకటి..!!
అప్పుడు ఆకాశవాణి వినిపిస్తుంది..
ఓ మనిషీ..!
ఇది మాయానాణెం..
దీన్ని ఎన్నిసార్లు రుద్దితే అన్ని నాణేలు ఇస్తుందీ..
అయితే మధ్యలో ఒక్కసారి ఆపినా ఆమాయ పోతుందీ...!!
అని చెప్తుంది..
అంతే ఆ మనిషి తన ఇంటిలో వున్న నేలమాళిగలోకి వెళ్ళి నాణేన్నిరుద్దటం మొదలు పెడతాడు..
తనను తాను మర్చిపోతాడు.. కుటుంబాన్ని మర్చిపోతాడు..
పిల్లల్ని మర్చిపోతాడు..
ప్రపంచాన్ని మర్చిపోతాడు.
.అలా రుద్దుతునే వుంటాడు..
గుట్టలుగా సంపదను పోగెస్తునే వుంటాడు..!!
ఒకరోజు అతడికి ఇక చాలనిపిస్తుంది..
రాగినాణేన్ని పక్కన పడేసి..బయటికి వస్తాడు..
అతడిని ఎవ్వరూ గుర్తు పట్టరు..
పిల్లలకు పిల్లలు పుట్టి వుంటారు..
కొత్త భవనాలు వెలసి వుంటాయి..
కొత్త సంగీతాలు వినిపిస్తుంటాయి..
స్నేహితులు..
చుట్టాలు..
పుస్తకాలు..
ప్రేమ,పెళ్ళి...
జీవితం ప్రసాదించిన అన్ని సంతోషాలనూ అనుభవిస్తుంటారు..
ఆ మనిషికి ఏడుపు వస్తుంది.
ఇంతకాలం ఇవన్నీ వదిలెసి నేను చేసింది ఏమిటా అని కుప్పకూలుతాడు..!!
ఒక్కోసారి మనం కూడా చేతిలో ఇలాంటి మాయానాణెం పట్టుకొని వుంతున్నామా అనిపిస్తుంది...
సంపాదనలో పడి ..
కెరీర్ లో పడి..
కీర్తి కాంక్షలో పడి..
లక్ష్య చేధనలో పడి,
బంగారు నాణెం వంటి జీవితాన్ని..
మకిలి రాగినాణెం లా మార్చుకుంటున్నామా అనిపిస్తుంది..!!
అమ్మ చేతి ముద్ద..
భార్య ప్రేమ..
పిల్లల అల్లారు ముద్దు..
స్నేహితుడి మందలింపు..
ఆత్మీయుడి ఆలింగనం..
ఈ బంగారు నాణేలు మన జేబులో తగినన్ని వుండాలి..
ఈ బంగారు ముచ్చట్లు గుండె అంతా నిండా👍

వీలైనంత వరకు ఎవరి మనసులను కష్టపెట్టకుండా మాట్లాడడం తెలుసుకోవాలి

కొన్ని విషయాలు మనకు తెలియకుండానే మనం ఇతరులను బాధపెట్టేస్తుంటాం

ఎవరికైనా ఫోన్ చేసినప్పుడు వారు ఏదో పనిలో ఉండి తీయలేదంటే మళ్ళీ మళ్ళీ చేసి వారిని విసిగించకండి
వీలు చూసుకుని వారే మీకు చేస్తారు
అలా చేయకపోతే సైలెంట్ గా ఉండి పోవాలి కానీ వారిని శత్రువులుగా అనుకోకండి

ఎవరి దగ్గరైన అప్పుగా డబ్బు కానీ వస్తువు కానీ తీసుకుంటే వీలైనంత త్వరగా తిరిగి ఇచ్చేయండి
వారు అడిగే వరకు మీదగ్గర ఉంచుకోకండి
కొందరు మొహమాట కూడా పడవచ్చు అడగడానికి
అవసారానికి ఇచ్చారు మనము ఆ గౌరవాన్ని కాపాడుకోవాలి

ఎవరైనా ఎదురుపడినప్పుడు కానీ లేదా కలిసినప్పుడు కానివ్వండి
ఇంకా పెళ్లి కాలేదా
పిల్లలు లేదా
సొంతంగా ఇల్లు కట్టుకోలేదా
మీ పిల్లలు ఏం చేస్తున్నారు
అని ప్రశ్నించకండి
బావున్నారా అని ఒక్క ప్రశ్న చాలు
నేను ఉంటాను నీకు ఎప్పుడూ అని చెప్పే చిన్న సమాధానము మీదయితే చాలు

ఎవరైనా మిమ్మల్ని భోజనాలకు ఆహ్వానిస్తే
ఖరీధైనదో లేదా మీకు నచ్చినవో అన్ని పెద్ద లిస్ట్ చెప్పకండి
మీ ఇష్టం అని చిన్న మాట చెప్పండి చాలు

ఎవరింటికైనా వెళ్ళినప్పుడు బోంచేయమంటే కనీసం మంచి నీళ్ళైనా తాగి రండి
ఇప్పుడే బోంచేసివచ్చాము వద్దు అని చెప్పకండి

ఎక్కడైనా మీరు గేటు తీసుకుని లోపలకు వెళ్లేప్పుడు వెనుక ఎవరైనా వస్తుంటే తీసే ఉంచండి మూసేయకండి తలుపును

మీరు స్నేహితులతో కలిసి వెళ్లేప్పుడు వాళ్ళు ఒక్కసారి ఖర్చు పెడితే గుర్తుపెట్టుకుని మరొకసారి మీరు ఖర్చు పెట్టండి
బస్సు టికెట్
సినిమాటికెట్
హోటల్ బిల్లు అలా

ఎదుటి వ్యక్తి ఏదైనా చెప్పే అప్పుడు మౌనంగా పూర్తిగా వినండి మాటల మధ్యలో మీ అభిప్రాయాలను చెప్పకండి
పూర్తయ్యాక వీలైతే చెప్పండి

అందరితో కలిసి బొంచేసేప్పుడు త్వరగా లేచేయకండి వారు భోజనం పూర్తయ్యేవరకు మీరు తోడుగా కూర్చోండి

బ్యాంకు గుడి ఎక్కడైనా సరే అందరిని తోసుకుంటూ ముందుకు వెళ్లకుండా ఎవరి స్థానాల్లో ఉండి ముందుకు సాగుతూ ఉండాలి
బలం ఉంది కదా అని తోసేయకండి

గుడిలో కూడా అందరికి అడ్డంగా నిలబడకుండా త్వరగా పూజ ముగించుకుని ఇతరులకు అవకాశం ఇవ్వండి
ఎక్కడ నుండి చెప్పినా దేవుడు మీ మాటలు వింటాడు
మన తృప్తి కోసం మాత్రమే గుడికి వెళ్తున్నాం

వీలైనంత వరకు ఎవరి మనసులను కష్టపెట్టకుండా మాట్లాడడం తెలుసుకోవాలి
చిరునవ్వుతో అందరిని పలకరించాలి .
ఏమంటారు??

ఋణం మనసున్న కధ.

ఋణం మనసున్న కధ.

అబ్బబ్బా ఈ కొబ్బరి ముక్కలు కాపలా కాయలేక ఛస్తున్నా! కన్ను మూసి తెరిచేలోగా తన్నుకుపోతున్నాయ్ వెధవ కాకులు. అయినా మీఛాదస్తానికి వేగలేక ఛస్తున్నాననుకోండి. ఈకాలంలోకూడా ఏమిటీ నూనె ఆడించుకోవడాలు, నాఖర్మకాకపోతే? పెచ్చులు తీయడం, ముక్కలు కోయడం, ఎండబెట్టడం.. నావల్లకాదుబాబూ. గుళ్ళోకొట్టినవన్నీ తెచ్చి నా నెత్తినపాడేస్తారు. ఇకనుంచి నా వల్లకాదు.

తెల్లవారుఝామున నాలుగింటికి గుడికెళ్ళిన శాస్త్రిగారు పదకొండుగంటలకి ఇంటికొచ్చారు. ఆచమనంతప్ప పచ్చిమంచినీళ్ళుకూడా తాగలేదు. ఈవిడ దండకంలో కొత్తేముంది? ఏదైనా మాట మాట్లాడితే దానికి ఉత్తరపీఠిక, స్తోత్రం, పూర్వపీఠిక, ఫలస్రుతి చెప్తేగాని ఆపదు.

నాక్కాస్త ఫలహారం పెడితే తిని కాసేపు నడుం వాలుస్తాను అన్నారు ఆవూరి శివాలయం పూజారి శాస్త్రిగారు

తిన్న తరువాత కాసేపు పేపర్ తిరగేసి గదిలోకెళ్ళి మంచమ్మీద వాలారో లేదో... గుప్పున కొట్టింది చేపల వాసన. లలితా! ఏమిటీవాసన? గదిలోంచే అరిచారు శాస్త్రిగారు. ఆకిటికీ తలుపు తెరచుకోవచ్చుగా స్వచ్ఛమైన గాలి లోపలికొస్తుంది అని అరిచారు లలితమ్మ పెరట్లోంచే, సమాధానంగా.

కిటికీ తలుపు తెరచిన శాస్త్రిగారు ఒక్కనిముషం కూడా అక్కడ ఉండలేకపోయారు. అరగంట క్రితం తిన్నదంతా గొంతులోకొచ్చేసింది. గబగబా బయటికి వచ్చేసి, ఏంటోచూడు అరుగుమీద ఏముందో.... దుంపతెగ ప్రేగులు కూడా బయటికి వచ్చేసేటట్టున్నాయ్!" అనగానే....
ఇంద ఈ ముక్కల దగ్గర నుంచోండి చూసొస్తాను అని వీధితలుపు తెరచి మళ్ళీ ఏదో దండకం మొదలెట్టారు లలితమ్మ. ఈసారి ఎవరిమీదనో భద్రకాళిలా విరుచుకు పడిపోతోంది. విసురుగా పెరట్లోకొచ్చి శాస్త్రిగారికి చెప్పింది ఎవరో ముసలమ్మ.... చేపలగంప పెట్టుక్కూర్చుంది అరుగుమీద. ఇంకే అరుగు దొరకనట్టుంది. ఓ బకెట్టు నీళ్ళు పట్టుకెళ్ళి జల్లండి ఆవేశంగా చెప్పి వెళ్ళి మరల కొబ్బరి ముక్కలదగ్గర స్టూలుమీద కూర్చున్నారు లలితమ్మ.

వీధి అరుగు మీదికి నీళ్ళు పట్టుకెళ్ళేసరికి ఆ ముసలమ్మ అక్కడే ఉంది, లేచి నిలబడటానికి కూడా సత్తువలేనట్టుంది. గంప ఎత్తుకోబోయి తూలిపడి, ఎలాగో తమాయించుకుని లేచింది. ఏమ్మా, ఒంట్లో బాలేదా? ఏమయ్యింది? అడిగారు శాస్త్రిగారు.

అవును బాబయ్యా, జొరమొచ్చేసింది. గొంతెండిపోతుంది చాల నీరసంగా చెప్పింది ముసలమ్మ.

సరే ఆగంప అలా సందులో పెట్టుకుని వచ్చి కుర్చో! ఈలోగ మంచినీళ్ళు తెస్తాను అని లోపలికెళ్ళి, నీళ్ళు, గోరువెచ్చని పాలు చెరో గాజు గ్లాసులోనూ పట్టుకొచ్చారు శాస్త్రిగారు. సందులో ఆడుకుంటున్న ఓ పిల్లాణ్ణి పిలిచి పదిరూపాలిచ్చి కిరాణాకొట్టుకెళ్ళి ఒక రొట్టె తీసుకురమ్మన్నారు.

ఇంద ఈ రొట్టెతిని పాలుతాగు. తరవాత ఈ బిళ్ళవేసుకుని అలా కాసేపు ఒరుగు. అదే సర్దుకుంటుంది అని ఒక క్రోసిన్ టేబ్లెట్ కూడా ఇచ్చారు.

గంటతరవాత వచ్చిచూస్తే అమె అక్కడ లేదు. గంపతీసుకుని వెళ్ళిపోయింది.

విషయం తెలుసుకున్న లలితమ్మ మళ్ళీ దండకం మొదలెట్టారు. పళ్ళెంలో పడే రూపాయి దక్షిణకోసం పాకులాడే బ్రతుకులు మనవి. సంఘసేవొకటి. సాయంత్రం ప్రసాదంకోసం ఉంచిన పాలు అవి ఇప్పుడెక్కడి నుంచి తెస్తారు? కొబ్బరిముక్కలు ఎండబెట్టుకోవడానికి వలనేయించమని ఏళ్ళుగా మొత్తుకుంటున్నా. నన్ను ఎండలో కాపలా పెడతారు గాని ఓ వంద రూపాయలిచ్చి వల మాత్రం అల్లించరు. పదిరూపాయలిచ్చి రొట్టెకూడా కొనిచ్చేరంట. ఏంత ఉదారమో? వ్యంగ్యంగా అంటూ మూతి ముప్పై వంకర్లు తిప్పారు.

పోన్లేవే జ్వరంతో ఉంది. పాలదేముంది.. ప్రెసిడెంటుగారికి కబురెట్టి ఒక లీటరు పాలు పంపించమంటే సరి. ప్రసాదానికే కదా. సర్దిచెప్పడానికి చెపుదామనుకున్నారు గాని, తనలో తానే అనుకోగలిగారు.

నెలరోజులు గడిచాయి. సాయంత్రం అయిదింటికి పంచె కట్టుకుని పళ్ళెం పట్టుకుని బయలుదేరారు శాస్త్రిగారు గుడితలుపులు తెరవడానికి. వీధి తలుపు తెరవగానే, గుమ్మంలో నుంచుని ఉంది ముసలమ్మ. అరుగుమీద గంప పెట్టి ఉంది. కానీ వాసన రావట్లేదు. చక్కగా వుతికి ఆరేసిన చీర కట్టుకుని పెద్ద కుంకుమబొట్టు పెట్టుకుని చేతులు జోడించి దణ్ణంపెట్టింది, శాస్త్రిగారిని చూసి.

ఏమ్మా ఇప్పుడెలాఉన్నావ్ అని అడిగారు శాస్త్రిగారు.

బాగున్నాను బాబయ్య. ఆపదలో కాపాడేరు. మీరుణం తీర్చుకోలేను.

ఏంపర్లేదమ్మా. నేనేంచేసాను. ఒక బిళ్ళ , కాసిని పాలు ఇచ్చాను అంతేకదా! వెళ్ళిరా! అని ముందుకి కదలబోయారు శాస్త్రిగారు.

లేదుబాబయ్యా. ఇది మీకోసమే తెచ్చాను అంది గంపచూపిస్తూ.

ఏముంది అందులో అడిగారు శాస్త్రిగారు.

మాయింటికాడ కొబ్బిరి సెట్టుందండి. పదికాయలు దింపించి ఒలిపించాను. మా ఆయన మోకుతాళ్లు అల్లుతాడండి పదిగజాల తాడు అల్లించాను. గిలకబావి సేద క్కట్టుకోవచ్చండి. మరేమోనండి సిక్కం కూడా అల్లించేనండి.

సిక్కమా, అదేంటి? అర్థంకాక అడిగారు శాస్త్రిగారు.

వలండీ వల. ఏవన్నా ఎండలో ఎండబెట్టుకుంటే సిక్కమేసేత్తే ఇంక కాకుల గొడవుండదండి. ఇంకా చింతచిగురు, సీమసింతకాయలు కూడా వున్నాయండి. కొత్త గంపండి. సేపలు గట్రా దీనికి అంటుకోలేదండి. గంపను ఉన్న పళంగా లోపలకట్టుకుపోండి. మీరు పంతులుగోరు కదండి బాబయ్యా. మడీ ఆశారం ఉంటాదని నేనే తానం సేసి కట్టేనండి అన్నీని. ఆయ్!

గుక్కతిప్పుకోకుండా చేప్పేస్తుంటే.. నిశ్చేష్టులై వింటున్నారు శాస్త్రిగారు. పువ్వుల పొట్లం మర్చిపోయారండీ అంటూ ఉంటే... శాస్త్రిగారి వెనకాలే వచ్చి అన్నీ విన్న లలితమ్మకు నోటమాటలు రాలేదు.

ఎల్లోత్తానండి పంతులుగోరు... దండాలండి అమ్మగోరు అని ఇద్దరికి దణ్ణాలు పెట్టేసి వెళ్ళిపోబోతుంటే ఆపి మొల సంచిలోంచి యాభై రూపాయలు తీసి ఇవ్వబోయారు శాస్త్రిగారు.

వద్దు బాబయ్య. తమలాంటి దర్మ పెబువుల దగ్గర మేం పుచ్చుకోగూడదు. వత్తానండయ్యా అని మళ్ళీ దణ్ణం పెట్టి వెళ్ళిపోయింది.

( మనిషి ఆర్థిక- సామాజిక స్థితికి, సంస్కారానికి సంబంధంలేదు అని శాస్త్రిగారు ఎప్పుడూ చెప్పేమాట అప్పుడర్థమైంది లలితమ్మ గారికి.)👌👌👌🙏🙏🙏

శివడు లింగాకారం పైన మూడు తిలకాలను దిద్దుతారు వాటి యొక్క రహస్యము.

శివడు లింగాకారం పైన మూడు తిలకాలను దిద్దుతారు వాటి యొక్క రహస్యము.🙏🕉️

1. మొదటిది బ్రహ్మ కి గుర్తు
2. రెండవది విష్ణువు కి గుర్తు
3. మూడవది శంకరుడు కి గుర్తు

మద్యలో గంధాన్ని బిందువుగా పెడతారు, అది పరమాత్మని యొక్క స్మృతి చిహ్నమునకు గుర్తు అదే పరమాత్మని యొక్క యథార్థ స్వరూపం.

1. పరమాత్ముని నామం సదా శివ,

2. సదా శివ అంటే
సదా - ఎల్లప్పుడూ , శివ అనగా కళ్యాణకారి " మంగళకారి " మరియు "శుభకారి"

3. పరమాత్మ జ్యోతిర్బిందు స్వరూపుడైన చైతన్య మూర్తి ఇతనికి స్థూల సూక్ష్మ స్వరూపములు రెండూ లేవు.

4. పరమాత్మ బ్రహ్మా-విష్ణు-శంకరుల సూక్ష్మలోకాలకు పైన బ్రహ్మలోకంలో (ముక్తిధామంలో) ఉంటారు.

5. పరమాత్మ త్రిమూర్తి, అనగా బ్రహ్మా, విష్ణు, శంకరులను కూడ సృష్టించినవాడు.

6. పరమపిత పరమాత్మ బ్రహ్మా ద్వారా సృష్టి స్థాపన, విష్ణువు ద్వారా పాలన, శంకరుని ద్వారా మహావినాశనము,
ఈ ముగ్గురు చేత మూడు కర్తవ్యాలను చేయించువాడు పరమాత్మడు అందుకే ఇంగ్లీష్ లో GOD అంటారు.

7. లింగం శబ్ధము లీనము అనగా వస్తువును తెలియపరచు చిహ్నమని మరియు లక్షణములు చూపించేది అని
అర్థము. పరమాత్మ లక్షణములు చూపించేది కావున శివలింగం అని అంటారు .

8. ఓం నమః శివాయ అంటే
ఓం - నేను ఆత్మను
నమః - నమస్కారం
శివాయ -పరమాత్మడు
ఆత్మనైనా నేను పరమాత్మకి నమస్కారం చేస్తున్నాను అని అర్ధం.,

🌷ఓం నమః శివాయ🌷

అన్ని రోగాలకూ కారణమూ "మనస్సే", విరుగుడూ "మనస్సే"

అన్ని రోగాలకూ కారణమూ "మనస్సే", విరుగుడూ "మనస్సే"

🤔 “జపాన్ శాస్త్ర వేత్తలు చేసిన వివిధ ప్రయోగాలలో ఆశ్చర్యకర విషయాలు వెలుగు చూశాయి. ఇంత కాలం మనం "గుడ్డి"గా నమ్ముతున్న అనేక ఆరోగ్య సమస్యలకు మూలాలు మనం తీసుకునే ఆహారం లో లేవని,కాదు.

"మనం జీవించే
విధానం లోనే
ఉన్నాయని",
మనసును హాయిగా ఉంచు కున్న వారికి ఏ రోగాలు రావని వారు తేల్చి చెబు తున్నారు. అమెరికాలో జరిగిన మరో సర్వేలో కూడా మనసు బాగున్న వారు ఎక్కువ కాలం జీవిస్తున్నారని తేల్చారు. మనసు కలత బారితే లేని పోని ఆలోచనలు చోటు చేసుకుని వాటి నుంచి బైటపడ డానికి "బలహీనతలు" పెంచు కోవడం, వాటికి బానిసలై "దురలవాట్ల" పాలై పోవడం వంటివి చేస్తున్నారని వారు తేల్చారు.

ఇటీవల కాలంలో ప్రపంచ వ్యాప్తంగా డాక్టర్లు కీలక రోగాలకు మందులు ఇవ్వడం తగ్గించి, "జీవన శైలిని" సరిదిద్దే పనిలో పడ్డారు.

అందుకే డయాబిటిక్, బిపి వంటి నిరంతర అనారోగ్యకర అంశాలకు డాక్టర్లు ట్రీట్‌ మెంట్ ఇచ్చే పద్ధతి మార్చు కున్నారు.

ఇది వరకు తిన కూడదు అన్న అనే డాక్టర్లే, అన్ని రకాల ఆహారాన్ని నిరభ్యంతరంగా తిన మంటున్నారు.

పొద్దుటే వాకింగ్ వెళ్ళే వారు ప్రశాంతమైన మూడ్‌లో ఉండాలని అందు కోసం నచ్చిన పాటలు విన మంటున్నారు.

ఏం చేస్తే ఉత్సాహంగా అనిపిస్తుందో అది చేయ మంటున్నారు. కొందరు వాకింగ్ ఇష్టపడితే, మరి కొందరు జిమ్‌కు వెళ్ళాలను కుంటారు. ఇంకొందరు బ్రిస్క్‌వాక్ చేయాలనుకుంటే, ఇంకొందరు స్టెయిర్ కేస్ వాక్ చేయాలను కుంటుంటారు. అందుకని డాక్టర్లు పేషెంట్ల ఇష్టానికే విడిచి పెట్టి ఎంతో కొంత వ్యాయామం మాత్రం చేయ మని సూచిస్తున్నారు.

ఒక్క సారిగా వీరి వైఖరి ఇలా మారి పోడానికి కారణం సరికొత్త అధ్యయనాలలో వెలుగు చూస్తున్న అంశాలే కారణం.

ఇలా వెల్లడైన అనేక పరి శోధనల ఫలితాలలో జపాన్ శాస్త్రవేత్తల పరిశోధన, అధ్యయనం సరికొత్తది. దీనిలో పాల్గొన్న సైంటిస్టులు ఏం చెబు తున్నారో మనస్సు పెట్టి చూద్దాం.

➢ "మానసిక ఒత్తిడి" వల్ల గ్యాస్ ::
కడుపులో గ్యాస్ సమస్యను వాయువు అంటారు. ఇది రావ డానికి, ముదర డానికి కారణం ఆహార లోపాల వల్ల కాదట, మానసిక ఒత్తిడి వల్లే ఎక్కువ వస్తుంది.

➢ "ఆవేశ కావేశాల" వల్లే అధిక రక్తపోటు ::
ఉప్పు ఎక్కువగా తినే వారి కంటే
ఆవేశ కావేశాలను అదుపులో పెట్టుకోని వారిలోనే అధిక రక్తపోటు ఎక్కువట!.

➢ "అతి బద్ధకం" వల్ల చెడు కోలెస్టరాల్ ::
కొవ్వు పదార్థాలు తినేవారిలో కంటే అతిబద్ధకం వలన కొవ్వు పెరిగిన వారిలోనే చెడు కోలెస్టరాల్ ఎక్కువట!

➢ "మధుమేహం" సమస్య: తీపి పదార్థాలు అధికంగా తినే వారిలో కంటే,
"అధిక స్వార్ధం",
"మొండితనం"
ఉన్నవారి లోనే ఎక్కువట.

➢ "అతి విచారం" వల్ల ఆస్త్మా ::
ఊపిరి తిత్తులకు గాలి అందక పోవడం కంటే,
అతివిచారం వల్లనే ఊపిరి తిత్తులలో మార్పులు వచ్చి ఆస్త్మా వస్తుందట...

➢ "ప్రశాంతత" లేక గుండె జబ్బులు ::
ధమనుల్లో రక్తం ప్రసరణ లోపాల కంటే ప్రశాంతత లోపించడం వల్లనే గుండె కొట్టు కోవడంలో మార్పులు వస్తున్నాయట,అందువల్ల మనిషికి గుండెజబ్బులు వస్తున్నాయట.

మొత్తం మీద శరీరంలో వచ్చే సర్వ రోగాలకు మూల కారణాలు తరచి చూస్తే ఆహార అలవాట్ల వల్లకాదని లైఫ్‌ స్టయిల్ సంబంధ మైన వేనని తెలుస్తోంది. అందుకు వారు వివిధ కారణాలను చూపించారు.వారి అధ్యయనం ప్రకారం.

50% ఆధ్యాత్మికత
లోపంవల్ల,
25% మానసిక కారణాల వల్ల,
15% సామాజిక, స్నేహబాంధవ్యాల లోపం వల్ల
10% శారీరక కారణాల వల్ల...
రోగాలు వస్తున్నాయి. అందువల్ల కడుపు మాడ్చుకుని ఆరోగ్యాన్ని కాపాడుకోవాలని ఆరాటపడేకన్నా, జీవన శైలి ని మార్చుకుని ఆరోగ్యాన్ని కాపాడుకోవడం మేలని జపాన్ సైంటిస్టులు అంటున్నారు.

వీరి సూచనల ప్రకారం మనం ఆరోగ్యంగా ఉండా లంటే
- స్వార్ధం,
- కోపం,
- ద్వేషం,
- శత్రుత్వం,
- ఆవేశం,
- అసూయ,
- మొండితనం,
- బద్ధకం,
- ఇగో,
- విచారం,
పైన చెప్పిబడిన వ్యతిరేక భావాల ను మన నుండి వదిలించు కోవాలి.
- కారుణ్యం,
- త్యాగం,
- శాంతం,
- క్షమ,
- నిస్వార్ధం,
- స్నేహభావం,
- సేవాభావం,
- కృతజ్ఞత,
- హాస్య ప్రియత్వం,
- సంతోషం ,
- సానుకుల దృక్పథం
పెంచు కోవాలి.

ఆలోచించండి --- ఆచరించండి*

“ దేవుడు మనం పెట్టిన నైవేద్యం తింటాడా, తింటే పెట్టిన పదార్థం ఎందుకు అయిపోలేదు”

“ దేవుడు మనం పెట్టిన నైవేద్యం తింటాడా, తింటే పెట్టిన పదార్థం ఎందుకు అయిపోలేదు”

👌 నన్ను బాల్యం నుండి ఒక ప్రశ్న ఎప్పుడూ వేధిస్తూ ఉండేది......
ఇంట్లో, గుడిలో దేవుడి ముందు ఉంచే నైవేద్యాన్ని దేవుడు స్వీకరిస్తాడా అనే ప్రశ్న .... ? నన్నెప్పటినుండో వేధిస్తుండేది...... బాల్యం లో ఎన్నోసార్లు దేవుడు నైవేద్యాన్ని స్వీకరించేటప్పుడు చూడాలని దేవుడి గది వద్ద వేచిచూసే వాణ్ణి.... ... భయం తో పెద్దవాళ్ళని అడిగినా, అప్పటి నా మనస్థితి వల్లనో ఏమో ... వాళ్ళ సమాధానం నాకు రుచించేది కాదు.....
నైవేద్యం గూర్చి, ఈ మధ్య ఒక సందర్భం లో ఒక గురు శిష్యుల మధ్య జరిగే సంభాషణ ద్వారా నాకు బోధపడేలా చేయడం జరిగింది.
ఒక గురువు గారి దగ్గర కొంతమంది శిష్యులు చదువుకుంటుండేవారు, వారిలో ఒక పిల్లవాడికి ఇదే విధమయిన సందేహం వచ్చి, గురువు గారిని ”దేవుడు మనం పెట్టిన నైవేద్యం తింటాడా, తింటే పెట్టిన పదార్థం ఎందుకు అయిపోలేదు” అని ప్రశ్నించాడు .... గురువు గారు ఏం సమాధానం ఇవ్వకుండా, పాఠాలు చెప్పసాగారు.
ఆరోజు పాఠం
“ ఓం పూర్ణమద: పూర్ణమిదం
పూర్ణాత్ పూర్ణముదచ్యతే
పూర్ణస్య పూర్ణమాదాయ పూర్ణమేవావశిష్యతే” అనే శ్లోకం .
పాఠం చెప్పడం పూర్తయిన తరువాత, అందరిని పుస్తకం చూసి శ్లోకాన్ని నోటికి నేర్చుకొమ్మని చెప్పారు గురువు గారు. కొద్దిసేపటి తరువాత , నైవేద్యం గూర్చి ప్రశ్నించిన శిష్యుడి దగ్గరకు వెళ్ళి నేర్చుకున్నావా అని అడిగారు. నేర్చుకున్నాను అని వెంటనే అప్పచెప్పాడు శిష్యుడు. శ్లోకం సరిగ్గానే చెప్పినప్పటికీ, గురువు గారు తల అడ్డంగా ఆడించారు . దానికి ప్రతిగా శిష్యుడు, కావాలంటే పుస్తకం చూడండి అని గురువు గారికి పుస్తకం తెరచి చూపించాడు. శ్లోకం పుస్తకం లోనే ఉందిగా... నీకు శ్లోకం ఎలా వచ్చింది అని అడిగారు గురువు గారు. శిష్యుడికి ఏం చెప్పాలో అర్థం కాలేదు. గురువు గారే మళ్ళీ అన్నారు. పుస్తకంలో ఉండే శ్లోకం స్థూల స్థితి లో ఉంది... నువ్వు చదివినప్పుడు నీ బుర్ర లోకి అది సూక్ష్మ స్తితిలో ప్రవేశించింది. ఆదే స్థితి లో నీ మనస్సులో ఉంది. అంతే కాదు, నువ్వు చదీవి నేర్చుకోవడం వల్ల పుస్తకం లో స్థూల స్థితి లో ఉన్న శ్లోకానికి ఎటువంటి తరుగూ జరగలేదు. అదే విధం గా విశ్వమంతా వ్యాప్తి అయి పూర్ణంగా ఉన్న పరమాత్ముడు నైవేద్యాన్ని సూక్ష్మస్థితి లో గ్రహించి, స్థూలరూపం లో ఎటువంటి నష్టం లేకుండా చేస్తాడు . దాన్నే మనం ప్రసాదం గా తీసుకుంటున్నాం. అని వివరణ చేశారు 🙏

భగవంతునికి ఇష్టమైన పూలేంటో తెలుసా!

భగవంతునికి ఇష్టమైన పూలేంటో తెలుసా!
ఇవిగో.....

అహింస ప్రథమం పుష్పం పుష్పం ఇంద్రియ నిగ్రహః
సర్వ భూత దయా పుష్పం క్షమా పుష్పం విశేషతః
జ్ఞాన పుష్పం తప: పుష్పం శాంతి పుష్పం తథైవ చ
సత్యం అష్ట విధం పుష్పో: విష్ణో హో ప్రీతి కరం భవేత్ !!

1.అహింసా పుష్పం:
ఏ ప్రాణికీ మానసికంగా బాధ కలిగించకుండా ఉండటమేదేవునికి సమర్పించే ప్రధమ పుష్పం.

2.ఇంద్రియ నిగ్రహం:
చేతులు, కాళ్లు మొదలైన కర్మేంద్రియాలు లను అదుపులో ఉంచుకోవడమే దేవుని అందించాల్సిన రెండో పుష్పం.

3.దయ:
కష్టాల్లో, బాధలో ఉన్న వారిబాధను తొలగించడానికి చేసేదే దయ.ఇది దేవునికి అర్పించే మూడో పుష్పం.

4.క్షమ:
ఎవరైనా మనకి అపకారం చేసినా,ఓర్పుతో సహించడమే క్షమ.ఇది దేవునికి సమర్పించే నాలుగవ పుష్పం.

5.ధ్యానం:
ఇష్ట దైవాన్ని నిరంతరం మనసులో తలచుకుంటూ ఆయన మీదే మనసు లగ్నం చేయడం.ఇది దేవుని అందించే ఐదో పుష్పం.

6.తపస్సు:
మానసిక ( మనస్సు),వాచిక (మాట),కాయక( శరీరం)లకు నియమాలు ఉండం తపస్సు.ఇది దేవునికిచ్చే ఆరవ పుష్పం.

7.జ్ఞానం:
పరమాత్మ గురించి సరైన తెలివితో ఉండడమే జ్ఞానం.ఇది దేవుని అర్చించాల్సిన ఏడవ పుష్పం.

8.సత్యం:
ఇతరుల కు బాధ కలుగకుండా నిజాన్ని చెప్పడమే సత్యం.ఇది దేవునికి అలంకరించాల్సిన ఎనిమిదవ పుష్పం.

ఇవి చాలా అరుదైన పుష్పాలు, ఇవి మా తోటలో అన్నీ లేవే అంటున్నారా! మరేం పర్లేదు, ఇవాళే మొక్కలు నాటండి.
త్వరలోనే మిగతా పూలు పూయించండి.

పిడికెడు ఉప్పు

🌹 పిడికెడు ఉప్పు

"👌స్వామీజీ... నా జీవితమంతా కష్టాలే. ఈ జీవితాన్ని భరింoచలేకపోతున్నాను. దయచేసి నా కష్టాలు తీరే మార్గo చెప్పండి."
గురువు ఆ యువకుడి వైపు చూశాడు.
ఒక గ్లాసు నీటిలో ఒక పిడికెడు ఉప్పు వేయమన్నాడు.
యువకుడు అలాగే చేశాడు.
"తాగు"
యువకుడు గ్లాసు పైకెత్తాడు. నీటిని తాగాడు. వెంటనే ఉమ్మేశాడు...
"అబ్బ... భరిoచలేని ఉప్పు...."
ఇంకో పిడికెడు ఉప్పు తీసుకుని ఆ యువకుడిని చెరువు దగ్గరకు తీసుకెళ్లాడు గురువు.
"ఈ ఉప్పు ఈ చెరువులో వెయ్యి. ఈ నీటిని తాగు"
యువకుడు చెరువు నీటిని గడగడా తాగేశాడు.
"ఎలా ఉంది?"
"నీరు తీయగా ఉంది"
"అదే పిడికెడు ఉప్పు. అప్పుడెందుకు భరించలేకపోయావు. ఇప్పుడెలా భరించావు?"
అది తక్కువ నీరు. గ్లాసుడు నీరు. అందుకే ఉప్పగా ఉంది. ఇది చెరువు. అంటే ఎక్కువ నీరు... అందుకే ఉప్పదనం లేదు." అన్నాడు యువకుడు.
"నాయనా... సమస్యలు పిడికెడు ఉప్పు లాంటివి. అది గ్లాసులోనూ పిడికెడే. చెరువులోనూ పిడికెడే. కానీ నీ జీవితం గ్లాసులా ఉండాలా... చెరువులా ఉండాలా అన్నది మాత్రం నువ్వే నిర్ణయించుకోవాలి. నీ పరిధి పెరిగితే పిడికెడు ఉప్పు తక్కువవుతుంది. నీ పరిధి సంకుచితమైతే పిడికెడు ఉప్పు భరించలేనంత అవుతుంది" అన్నాడు గురువుగారు.🌹

బాధ & మరణం దివ్యత్వంతో భాషణలు 🌟✍ నీల్ డొనాల్డ్ వాల్స్

🌟 దివ్యత్వంతో భాషణలు 🌟
✍ నీల్ డొనాల్డ్ వాల్స్

🌟 బాధ🌟

1." బాధ అన్నది సరికాని ఆలోచన యొక్క ఫలితమే. బాధ అన్నది ఆలోచించడంలో చేసే తప్పిదం."

2. "తీర్పుని తీసివేయండి మరి బాధ మాయం అవుతుంది."

3."ఏ క్షణం అయితే 'ఏదీ నిజం కాదు' అని మీరు అర్థం చేసుకుంటారో అప్పుడే మీకు ఏదీ బాధాకరంగా ఉండదు."

4. "మీలో ఏ ఒక్కరూ ఒక నిర్ణయం ద్వారా ఒక తలనొప్పిని పోగొట్టుకోలేదు, దంతవైద్యుడి దగ్గర నుండి ఒక నొప్పిని తగ్గించుకునే విధంగా కూడా లేరు.. ఏ ఒక్కరు కూడా ఈ విధంగా లేరు."

🌟 మరణం🌟

5.మీ జీవితాంతం మీరు మీ శరీరం అని భ్రమపడి జీవిస్తారు. మరికొంతకాలం మీరు మీ మనస్సు అనే భ్రమలో జీవిస్తారు. కేవలం మరణ సమయం ఆసన్నమైనప్పుడే మీ నిజతత్వాన్ని కనుగొంటారు.

6. "ఒకానొక వైద్యునికి కానీ, ఒకానొక వైద్య సహాయకురాలి గానీ మరణం అంటే అపజయం. ఒకానొక స్నేహితుడికి లేక ఒకానొక బంధువుకి, మరణం అంటే విషాదం. కేవలం ఆత్మకు మాత్రమే మరణం అంటే ఒక విశ్రాంతి- ఒక విడుదల."🤔

స్నేహం

స్నేహం

👬🏻 సృష్టిలో తియ్యనిది, అపురూపమైనది స్నేహం. ఇరుహృదయాల మధ్య ఆత్మీయ అనుభూతులకు నెలవుగా, అనుబంధ, అనుభవాల కొలువుగా విరాజిల్లేది స్నేహం.
రక్తసంబంధాలను దేవుడు సృష్టిస్తే , స్నేహమనే బంధాన్ని వ్యక్తులు సృష్టించుకోవాలి.

‘పాలు నీళ్లలో క్షీరాన్ని హంస త్రాగినట్టు’ నిశితంగా పరిశీలించి చేసే స్నేహం వలన మంచి స్నేహితులు లభిస్తారు.
‘ స్నేహం కలకాలం నిలుపుకోవాలన్న ’ సత్యాన్ని గుర్తించడంతో బాటు ‘ సగర్వంగా రాజాస్థానానికి వెళుతున్నప్పుడే కాదు, విషాదంతో స్మశానానికి వెళుతున్నప్పుడూ వెంట వచ్చేవాడే నిజమైన స్నేహితుడన్న’ చాణక్యుడి మాటలోని యదార్ధాన్ని గుర్తించి స్నేహం కొనసాగించాలి. ఆర్ధిక బంధాలకు అతీతంగా మెలుగుతూ దాపరికాలు లేని స్వచ్ఛమైన , పారదర్శకమైన స్నేహాన్ని అనుభూతించినప్పుడే సంతోషం కలుగుతుంది. అభిప్రాయలు, అభిరుచులు, రహస్యాలను స్వేచ్ఛగా పంచుకుని ఊరట పొందే బంగారు అవకాశం స్నేహితుల దగ్గర మాత్రమే దక్కుతుంది.

బాల్యస్నేహాలు కడదాకా కొనసాగిన ఉదంతాలను పురాణాలు వివరించాయి. కృష్ణ కుచేలుల మధ్య చిగురించిన స్నేహ పుష్పం పేదగొప్పలకు అతీతంగా వికసించి, స్నేహ పరిమళాలు వెదజల్లినట్టు, కుచేలుని పాదాలను కడిగి సింహాసనంపై కూర్చుండబెట్టి ఆత్మీయతను, అఖండ ధన సంపదను కృష్ణుడు ప్రసాదించినట్టు భాగవతం తెలిపింది.

స్నేహితుడి కోడలైన సీతమ్మను రక్షించేందుకు రావణునితో పోరాడి రెక్కలు కోల్పోయి కొనవూపిరితో రాముడికి సమాచార మందించిన జటాయువు వృత్తాంతాన్ని రామాయణం, ఆత్మగౌరవం నిలబెట్టిన దుర్యోధనుడితో ఏర్పడిన స్నేహానుభూతుల్ని నిత్యం శ్వాసిస్తూ కడదాకా విడువని కర్ణుడి కథను భారతం వివరించాయి.


కొన్ని స్నేహాలు బంధుత్వానికి మించి ఆప్యాయతలను పంచుతాయని రామసుగ్రీవులు, కృష్ణార్జునులు నిరూపించగా, స్నేహితులు శత్రువులుగా మారిన ఉదంతాలలో ద్రోణ ద్రుపదులు ముందుంటారు. సహాయార్ధియై వెళ్ళగా అవమానించిన గురుకుల స్నేహితుడు ద్రుపదుణ్ణి బంధింపజేసి ప్రతీకారం తీర్చుకున్న ద్రోణుడి వృత్తాంతాన్ని భారతం తెలిపింది.

‘విజయం వరించినప్పుడు వెన్ను తట్టి కరచాలనంతో కౌగిలించుకునేది , పరాజయం వెక్కిరించినప్పుడు గుండెలకు హత్తుకుని ఓదార్చేది, మంచి స్నేహితుడే’ అయినప్పటికీ స్నేహితుల మధ్య పొరపొచ్చాలు రావడం సహజం. ‘స్నేహితుడి వలన కలిగిన కష్టాలను ఇసుక మీద రాసుకుంటూ, పొందిన ప్రయోజనాలను రాతి ఫలకం మీద చెక్కుకుంటూ , ఇచ్చింది మర్చిపోయి, పుచ్చుకున్నది జ్ఞప్తి చేసుకోవడమే” స్నేహం నిలుపుకునే ఉత్తమ మార్గం.

మారుతున్న కాలంతోబాటు కల్తీ వస్తువులు పెరిగినట్టే స్నేహాల్లో కూడా స్వార్ధ ప్రయోజనాలు ఆశించే స్నేహాలు ఇటీవల పెరిగాయి. మనోనేత్రంతో యోచించి దుష్టస్నేహాల బారిన పడకుండా జాగరూకులై మెలిగినప్పుడే స్నేహం కలకాలం నిలుస్తుంది. చిక్కులూ తప్పుతాయి.👍

కర్తవ్యం

కర్తవ్యం

🌹మనం ధనానికి దాసులం అయితే, దైవానికి క్రమంగా దూరం అయిపోతున్నట్టు.

బొట్టు బొట్టుగా ఆగకుండా పడే నీటితో కుండ నిండుతుంది. అందులోని నీరు స్వచ్ఛంగా ఉంటుంది.

అలాగే జ్ఞానం, ధనం, పుణ్యం పోగు చేయడానికి కూడా అలాంటి మార్గమే అనుస రించాలి.

ధనవంతునిగా అయ్యేందుకు కాకుండా, ఆనందంగా జీవించడానికి ప్రయత్నించాలి.

ధనం నుంచి గుణం రాదు. కానీ, సద్గుణాలు అలవర్చుకుంటే ధనంతో పాటు తనకు కావాల్సిన అన్నీ దొరుకుతాయి.

మనం సంపాదించిన డబ్బును మనం శాసించగలిగితే మనం నిజమైన శ్రీమంతులం. కానీ, మన ధనం మనల్ని శాసిస్తుంటే, మనం ధనానికి దాసులం. అప్పుడు మనకు తెలియకుండానే దైవానికి దూరం అవుతున్నట్టు లెక్క.

కష్టాలు, విఘ్నాలు మనసును బలహీనపరుస్తుంటాయి.

వాటి నుంచి ఎలా బయటపడాలి?

మనం ఎప్పుడూ విజయాన్నే కోరుకోవడం వల్ల బాధకు లోనవుతున్నాం.

కష్టాలు, విఘ్నాలు కొందరికే పరిమితం కాదు. అవి అందరినీ ఏదో సమయంలో పలకరిస్తూనే ఉంటాయి. బాధైనా, కోపమైనా మితంగానే ఉంటాయి.

ఎవరికైనా రోజూ కష్టాలే ఉండవు. కాకపోతే వాటినే ఎక్కువగా గుర్తుంచుకుని బాధపడు తుండటం వల్ల ముందుకు వెళ్లలేకపోతుంటాం.

మనకు లభించిన సంతోషాలను మనం గుర్తుంచు కోవడం లేదు. లేదా అత్యాశ వల్ల పట్టించుకోవడం లేదు.


మన విధానం ఎలా ఉండాలో తెలియ చెప్పడమే అవతార పురుషుల ఆంతర్యం.

శ్రీరాముడు, హనుమంతుడు కూడా సీతాదేవి విష యంలో అంతులేని బాధను అనుభవించారు. ఆమె కనిపించలేదని హనుమంతుడు చనిపోవాలని కూడా అనుకున్నాడు.

కష్టాలు, విఘ్నాలను తట్టుకోవడంలోనే మన మనో నిగ్రహం తెలుస్తుంది.

శ్రీరాముడు సీతాదేవి కోసం దు:ఖించాడే తప్ప అలాగే చింతిస్తూ కూర్చుండి పోలేదు.

అంత బాధలోనూ తన కర్తవ్యాన్ని విస్మరించనంత ధీరత్వంతో ఉన్నాడు.

విజయం కోసం ఆయన వెంపర్లాడలేదు. కేవలం ధర్మంగా తన పని తాను చేసుకుంటూ వెళ్లాడు. అదే మనకు సద్బోధ.

అందుకే మనం వదలాల్సింది.. కర్తవ్యాలను కాదు. మన కర్మలను వదులుతూ జీవన గమనాన్ని కొనసాగించాలి. 🌹

ఏ వేలితో బొట్టు పెట్టుకోవాలి ? ఎరుపు రంగు తిలకమే ఎందుకు ?

ఏ వేలితో బొట్టు పెట్టుకోవాలి ? ఎరుపు రంగు తిలకమే ఎందుకు ?

అతివలను చూడగానే చంద్రబింబం వంటి ముఖంలో ముందుగా కనిపించేది బొట్టు. ముఖ సౌందర్యాన్ని పెంచే బొట్టులో.. చాలా ప్రత్యేకతలున్నాయి. అందంగా కనిపించడమే కాకుండా.. ఆరోగ్యానికి ప్రయోజనకరమే. కుంకుమ బొట్టు పెట్టుకుంటే.. దాని ద్వారా సూర్యకిరణాలు శరీరమంతా ప్రసరించి.. నూతనోత్తేజాన్నిస్తాయి.

హిందువుల సంప్రదాయం ప్రకారం మహిళలు, ముఖ్యంగా పెళ్లైన ముత్తైదులు తిలకం తప్పనిసరిగా పెట్టుకోవాలి. ఐదోతనానికి బొట్టు చిహ్నం కాబట్టి పెళ్లైన ముత్తైదువులు ఎల్లవేళలా బొట్టు పెట్టుకోవాలి. బొట్టు లేని ముఖం అందవిహీనంగా కనిపించడమే కాదు..శుభ కార్యాలు చేయటానికి అర్హత లేదని హిందూ సంప్రదయం చెబుతోంది. మహిళలు ఉదయాన్నే స్నానం చేయగానే ముందుగా బొట్టు పెట్టుకుని పూజ చేయాలని పెద్దలు చెబుతుంటారు.

బొట్టు పెట్టుకోవడం మంచిది, సంప్రదాయం అని అందరికీ తెలుసు. కానీ.. బొట్టు ఎందుకు పెట్టుకుంటున్నాం..? ఎలా పెట్టుకుంటే మంచిది అన్న విషయంలో చాలామందికి తెలియకపోవచ్చు. అందుకే అసలు బొట్టు ఎందుకు ధరించాలి ? నుదుటి మీదే ఎందుకు పెట్టుకోవాలి ? ఏ వేలితో బొట్టు పెట్టుకోవాలి ? అన్న సందేహాలను తీర్చుకుందాం...

గౌరవసూచకం బొట్టు పెట్టటం మర్యాదకి గుర్తింపు. అందుకే ఎవరినైనా ఆహ్వానించడానికి ముందుగా బొట్టు పెట్టడం ఆనవాయితీగా వస్తోంది. ముత్తైదువులు ఇంటికి వచ్చినప్పుడు వాళ్లకు బొట్టు పెట్టి గౌరవిచమూ హిందూ సంప్రదాయం.

బొట్టు పెట్టుకునేటప్పుడు ఏం స్మరించాలి ? సర్వమంగళ మాంగల్యే శివే సర్వార్థ సాధికే శరణ్యే త్ర్యంబకే గౌరి నారాయణీ నమోస్తుతే అని జగన్మాతను స్మరించుకుంటూ నుదుటన బొట్టు పెట్టుకుంటే మంగళకరం.. శుభకరం.

ఏ వేలితో ఏం ప్రయోజనం ? బొట్టు పెట్టుకునేటప్పుడు ఒక్కొక్కరు ఒక్కొక్కటి చెబుతుంటారు. కొందరు మధ్య వేలు మంచిదని.. మరికొందరు ఉంగరపు వేలు మంచిదని. అయితే ఉంగరపు వేలుతో బొట్టు పెట్టుకుంటే శాంతి.. మధ్య వేలితే పెట్టుకుంటే ఆయువు పెరుగుతుంది. బొటన వేలితో పెట్టుకుంటే పుష్ఠి కలుగుతుంది. చూపుడు వేలితో పెట్టుకుంటే ముక్తి కలుగుతుందని పురాణాలు చెబుతున్నాయి.

నుదుటనే ఎందుకు ? బొట్టు నుదుటిపైనే పెట్టుకోవాలనే సంప్రదాయం వెనక కారణాలున్నాయి. జ్ఞాపక శక్తికి, ఆలోచనా శక్తికి స్థానమైన కనుబొమ్మల మధ్య తిలకము పెడతాము. మరో అధ్యయనం ప్రకారం.. బ్రహ్మ స్థానం నుదురుగా భావిస్తారు. అందుకే కనుబొమ్మల మధ్య బొట్టు పెట్టుకుంటే.. బ్రహ్మను పూజించినట్లు అవుతుందని నమ్ముతారు.
ఎరుపు రంగే ఎందుకు ? బొట్టు అంటే ఎరుపు రంగుకే ఎక్కువ ప్రాధాన్యమిస్తారు. ఎందుకంటే.. చతుర్ముఖ బ్రహ్మ రంగు ఎరుపు. అందుకే బ్రహ్మస్థానమైన నుదుటిపై ఎరుపు రంగు బొట్టు పెట్టుకోవడానికి ప్రాధాన్యత ఇచ్చారు. అంతేకాదు.. మనుషుల ఆత్మ జ్యోతి స్వరూపమని.. అందుకే ఎరుపు రంగు బొట్టు పెట్టుకోవాలని సూచిస్తారు.

ఆరోగ్యానికి కుంకుమ బొట్టుపై సూర్యకాంతి ప్రసరించి.. శరీరాన్ని ఉత్తేజపరుస్తాయి. కనుబొమ్మల మధ్యనున్న సూక్ష్మమైన స్థానము విద్యుదయస్కాంత తరంగ రూపాలలో శక్తిని వెలువరిస్తుంది. అందువలననే విచారముగా నున్నప్పుడు వేడి కలిగి తలనొప్పి వస్తుంది. తిలకము లేక బొట్టు మన నుదిటిని చల్లబరచి వేడి నుండి రక్షణ నిస్తుంది. శక్తిని కోల్పోకుండా మనల్ని కాపాడుతుంది. కొన్ని సమయాలలో చందనము లేదా విభూతి నుదుట రాయడమూ మంచిదే.

స్త్రీలకే కాదు ధర్మాన్ని పాటిస్తూ.. భగవంతున్ని నమ్ముతున్నారనడానికి బొట్టు ప్రతీకగా చెప్పవచ్చు. కాబట్టి కుంకుమ పెట్టుకోవడం స్త్రీలకే పరిమితం కాలేదు. పురుషులు కూడా పెట్టుకుంటే సంప్రదాయం పాటిస్తున్నారని తెలియజేస్తుంది. బొట్టు పెట్టుకోవడం మూఢాచారం కాదు. పెద్దలు, మనకోసం పాటించిన ఆధ్యాత్మిక ఆరోగ్య రహస్యం. ఇది భారతీయులకే ప్రత్యేకం.

నిత్య పూజ - నైవేద్యం

నిత్య పూజ - నైవేద్యం

ప్రతి కుటుంబమూ భగవంతుని ఆరాధన తప్పక చెయ్యాలి. వీలు ఉన్నవారు సరియైన విధివిధానాలను అనుసరించి పెద్ద పెద్ద ఆరాధనలు చేస్తారు. మిగిలిన వారు కనీసంలో కనీసం రోజూ పది నిముషాలైనా ఈశ్వర పూజ చెయ్యాలి. కార్యాలయాలకు, ఉద్యోగాలకు వెళ్ళేవారు కనీసం ఈ లఘు పూజనైనా చేసి తీరాలి. ప్రతి గృహంలో తప్పక ఘంటానాదం వినబడాలి.

శివుడు, అంబిక, విష్ణు, వినాయక, సూర్యుడు ప్రతిమలను తప్పక ఆరాధించాలి. దీనినే ‘పంచాయతన పూజ’ అంటారు. సాంప్రదాయం ప్రకారం వీటిని కరచరణాదులతో అర్చించరు. ఈ ఐదుగురిని ప్రతిబింబించే ప్రకృతి ప్రసాదితములను వాడాలి. నర్మదా నది తీరంలోని ఓంకార కుండంనుండి శివస్వరూపమైన బాణ లింగం, సువర్ణముఖరి నది నుండి సంగ్రహించబడిన అంబిక రూపం, నేపాళంలోని గండకి నది నుండి విష్ణు స్వరూపమైన సాలిగ్రామం, తంజావూరు దగ్గరలోని వల్లంలొ లభించే సూర్య స్ఫటికం, గంగా నది ఉపనది అయిన సోనా నదివద్ద లభించే శోనభద్ర శిల వినాయక స్వరూపంగా మనదేశ ఐక్యతను చూపించే ఈ అయిదు రాళ్ళను పూజించాలి.

వీటికి కళ్ళు, ముక్కు, చెవులు మొదలగునవి ఉండవు. మూలలు లేకపోవడం వల్ల నీటితో శుభ్రపరచడానికి చాలా తేలిక. త్వరగా తేమ ఆరిపోతుంది. పెద్ద పూజగది కూడా అవసరం లేదు, ఒక చిన్న పెట్టె చాలు. ఈ పంచాయతన పూజను పునరుద్ధరించినవారు శంకర భగవత్పాదులు. షణ్మత స్థాపనాచార్యులై ఈ ఐదింటితో పాటు సుబ్రహ్మణ్య ఆరాధనను కూడా కలిపారు. ఈ ఐదు రాళ్ళతో పాటు చిన్న వేలాయుధాన్ని జతపరచాలి.

పూజ చెయ్యడానికి పెద్ద శ్రమ కూడా లేదు. నీకు ధృతి ఉంటే ఎక్కడైనా ఎప్పుడైనా పూజ చేసుకోవచ్చు. ఇంటిలో పూజ చేసుకునేటప్పుడు దేవతామూర్తులకి వండిన అన్నాన్ని మహా నైవేద్యంగా సమర్పించాలి. పరమాత్మ ఈ విశ్వమునంతటిని మనకోసం సృష్టించాడు. మన ఇంద్రియములచేత ఆ సృష్టిలోని వాటిచేత సుఖమును పొందుతున్నాము. అటువంటి వాటిని మనం తీసుకునే ముందు వాటిని భగవంతునికి అర్పించి తీసుకోవాలి. మనం ఏదేని నైవేద్యం సమర్పించేటప్పుడు దాన్ని ఆయనకే ఇచ్చివేస్తున్నమా? కేవలం భగవంతుని ముందు ఉంచి మరలా మనం పుచ్చుకుంటున్నాం.

కొంతమంది హేళనగా అడుగుతారు, ఇవన్నీ భగవంతుడు తింటాడా అని? నివేదన అంటే నిజంగా భగవంతునికి తినిపించడమా? ఆయనకు తినవలసిన అవసరం లేదు. పూజవల్ల మన మనస్సు శుద్ధమవుతుంది. కాబట్టి దాని వల్ల లాభం మనకే భగవంతునికి కాదు. “నివేదయామి” అంటే “నేను నీకు తెలియబరుస్తున్నాను” అని అర్థం, “నీకు ఆహారం పెడుతున్నాను” అని కాదు. మనం భగవంతునితో అదే చెప్పుకోవాలి, “ఈశ్వరా! మీ దయ వల్ల మాకు ఈ ఆహారాన్ని ప్రసాదించావు” అని. అలా భగవంతునికి నివేదించిన దాన్ని ఆయనను స్మరిస్తూ మనం తినాలి.

ఆయన అనుగ్రహం లేకపోతే అసలు బియ్యం ఎలా పండుతుంది. మేధావులు పరిశోధనలు చేసి పెద్ద పెద్ద విషయాలు వ్రాయవచ్చు. కాని అవేవి ఒక గింజ ధాన్యాన్ని కూడా పండించలేవు. కృత్రిమ బియ్యం తయారుచేయాలన్నా భగవంతుడు సృష్టించిన వాటిని ఉపయోగించే తయారుచెయ్యాలి. మనిషి తయారుచేసే ప్రతి వస్తువు చివరకు భగవంతుని సృష్టి కిందకే వస్తుంది. మరి దాన్ని భగవంతునికి నివేదించకుండా మొదట మనం స్వికరిస్తే అది పెద్ద దొంగతనమే అవుతుంది.

--- “దయివతిన్ కురల్“ పరమాచార్య స్వామి వారి ఉపన్యాసముల సంగ్రహము

అపారకరుణా సింధుం జ్ఞానదం శాంత రూపిణమ్ శ్రీ చంద్రశేఖర గురుం ప్రణమామి ముదాన్వహం ।

కంచిపరమాచార్యవైభవం

సిద్ధి బుద్ధి వినాయకా రక్ష రక్షా

నా మనసు కోతి రా రామా....

నా మనసు కోతి రా రామా....


🍁🍁🍁🍁

మనస్సు కోతిలాంటి దని మనకు తెలుసు...కానీ దానిని ఎలా అదుపు లో పెట్టాలి ??

దానికి ఒక తాడు కావాలి . దానినే మనం దైవం అంటాం . సరే తాడు కోతికి కట్టినా ఉపయోగం లేదు .
అప్పుడు ఆ తాడుని ఒక రాట కి కడతాం . ఆ రాటే మంత్రం లేదా ఒక రూపం -లేదా ఒక భావం .

రోజుకి కొన్ని వేల ఆలోచనలు చేస్తుంది మనస్సు . వాటిలో మెజారిటీ ఆలోచనలు ఒకే విషయం గురించి అదీ వ్యతిరేక భావనలు ,రాజస తామస భావనలు ... భద్రతకు , అత్యాశ ,దురాశ కి చెందిన వై
ఉంటాయి .
వీటన్నింటి నుండి మనస్సుకి విముక్తి కలిగించాలీ అంటే
,మనస్సుకి ఏదో ఒక్క విషయం మాత్రమే ఇవ్వాలి . అదీ సాత్విక పరమైన అహంకార రహిత మైన భావం ఐతే మంచిది .

మరి సాత్విక ఆలోచనలు అంటే ఏవి ?

నిస్వార్ధం , తృప్తి , సహనం , క్షమ ,కరుణ ,పరోపకారం , పరహితం ,పర్యావరణ హితం ,లోక కళ్యాణ కారకం ...
వీటిని మన రోజు వారీ జీవనం లో అన్వయించు కొని మన " వృత్తి - ప్రవృత్తి -కుటుంబ -సంఘ " బాధ్యతలను
నిర్వర్తించడం . ఇదే కర్మ యోగ మార్గం .

"దైవం ' అనే భావనలో సాత్వికత ఉంది . ఎలా గంటే, దైవం చెప్పేది వింటాం( మనస్సాక్షి చెప్పేది ) . అదే ప్రార్ధన .

ప్రార్ధన అంటే మన కోరికల చిట్టా విప్పడం మాత్రం కాదు . దైవం అంటే సర్వ కాల సార్వ జనీన భావన .

కష్ట నష్టాలు వచ్చిన ప్పుడు మనిషి కి ఓ తోడు , ఆలంబన కావాలి .
అలాగే సుఖ సంతోషాలను పంచు కోవడానికి ఒకరు కావాలి .
వీటన్నింటినీ సమర్ధం గా పూరించే భావనే దైవం .


కొందరికి దైవం అంటే విగ్రహం కనబడాలి . మరి కొందరికి దైవం అంటే మంత్ర తంత్రాలు ఉండాలి .
మరి కొందరికి తీర్ధయాత్రలు ,వ్రతాలు ,నోములు ,హోమాలు ఉండాలి .
మనిషి లో ఉన్న వాసన గుణాలను బట్టి వివిధ పద్దతులు ఇష్ట పడతారు .

కానీ ఇవన్నీ, 'అహంకార రహిత మైన శరణా గతి తో నిర్వర్తించి నప్పుడే సాత్విక మవుతాయి .
దీనినే భక్తీ యోగ మార్గం అంటాం .

కళ్ళు తెరిస్తే కనబడే విషయాలు మనిషి ఆలోచనలను చిందర వందర చేస్తాయి .
కళ్ళుమూసి మనకు ఇష్ట మైన శబ్దం లేదా రూపము పై మన ధ్యాసను పెట్టాలి .
అది కూడా సంపూర్ణ శర ణా గతి తో ఉన్నప్పుడే ,ఎలాంటి ఆందోళన లేకుండా ఆ ధ్యాస ఒకే విధం గా ఉండి
ధారణ గా మారుతుంది .
మనస్సుకి ధారణ అలవాటు చేయడం ద్వారా మనస్సుని స్వాధీనం చేసు కొంటాం .

మనస్సుని చంపేయండి అంటే నిజ మైన అర్ధం మనస్సులోని ఆలోచనలను రూపు మాప మని ...
వేల ఆలోచనలు వద్దు . ఒకే ఒక్క సాత్విక మైన ఆలోచన ...
అహంకార రహిత సంపూర్ణ
శరణాగతితో కూడిన భావన .. అది నిలిచే వరకు మనం రోజూ అభ్యాసం
చేయడమే సాధన ...

ఏ పరిస్థితుల్లో అయినా ధర్మాన్ని వదులుకోకూడదు

మహాభారతంలోని ప్రముఖులైన ఇద్దరు మహోన్నతులు - కృష్ణుడు, కర్ణుడు మధ్యన ఒకసారి మంచి చర్చ జరిగింది...
,
కర్ణుడు కృష్ణుడుని అడిగాడు...

నేను పుట్టీపుట్టగానే నన్ను నా తల్లి వదిలేసింది..

అశాస్త్రీయమైన జన్మను పొందడం అనేది నా తప్పా..కాదే..

ద్రోణాచార్యులు నాకు విద్య నేర్పేటందుకు నిరాకరించారు..ఎందుకంటే నేను క్షత్రియుని కాను అన్న కారణంతో..

పరశురాముడు నాకు విద్యనైతే నేర్పారు కానీ నేను క్షత్రియుడిగా గుర్తింపబడేవరకూ ఆ విద్యనంతా మరిచిపోయేలా నాకు శాపం పెట్టారు..

పొరపాటున నా బాణం ఒక ఆవుకి తగిలితే ఆ ఆవు యజమాని నా తప్పు లేకున్నా నన్ను నిందించారు..

ద్రౌపదీ స్వయంవరంలో నాకు పరాభవం జరిగింది..

ఈనాడు కుంతీమాత వచ్చి నేను తన పుత్రుడిని అని నాకు నిజం చెప్పటం వెనకనున్న కారణం కేవలం ఆవిడ తన వేరే పుత్రులను కాపాడుకోవటం కోసమే..

నేనంటూ ఏదన్నా పొందాను అంటే అది దుర్యోధనుని దయాధర్మం వల్లనే..

అలాంటప్పుడు నేను దుర్యోధనుని పక్షాన ఉండటం తప్పెలా అవుతుంది అని చెప్పాడు కర్ణుడు...👍

దానికి కృష్ణుడు సమాధానంగా కర్ణునికి చెప్పాడు...

నేను పుట్టటమే కారాగారంలో పుట్టాను..

నేను పుట్టటం కంటే ముందే నా చావు నాకోసం కాచుకుని కూర్చుంది..

నేను పుట్టిన రాత్రే నా కన్న తల్లితండ్రి నుండీ వేరుచేయబడ్డాను..

చిన్నతనంలో నువ్వు కత్తులు , రధాలు, బాణాలు, గుర్రాలు ఇలాంటి శబ్దాల మధ్య పెరిగావు..

నేను గోశాలలో పేడ వాసనల మధ్యన ఉన్నాను...

నా చిన్నతనంలో నన్ను చంపేందుకు నా పైన ఎన్నో దాడులు జరిగాయి..అప్పటికి నాకు నడిచే వయసు కూడా రాలేదు..కానీ ఎన్నో దాడులు ఎదుర్కున్నాను..

నాచుట్టూ ఉన్న వారు వారి సమస్యలకు నేనే కారణం అని నన్ను నిందించేవారు కూడా..

నాకు సైన్యమూ లేదు, విద్య కూడా లేదు..

మీరందరూ మీ విద్యాభ్యాసం పూర్తి చేసుకుని మీ ప్రతిభలకు మీ గురువుల నుంచీ అభినందనలు పొందే వయసుకి నేను విద్య నేర్చుకునేందుకు నోచుకోలేదు కూడానూ..

సాందీపుని రుషి వద్ద నా పదహారో ఏట నా చదువు ప్రారంభం అయ్యింది..

నువ్వు నీకు ఇష్టమైన అమ్మాయిని వివాహం చేసుకోగలిగావు..

నేను నాకిష్టమైన అమ్మాయిని చేసుకోలేకపోయాను..పైగా నన్ను వివాహం చేసుకున్నవారు..వారు నన్ను కోరుకుని కొందరూ, నేను రాక్షసుల నుండీ కాపాడబడినవారు కొందరూనూ..

జరాసంధుని బారి నుంచీ కాపాడుకోవటానికి నా గోకులాన్నంతా నేను యమునవడ్డునుంచీ దూరంగా తీసుకెళ్ళాల్సివచ్చింది..

అప్పుడు పిరికివాడుగా పారిపోయానన్న చెడ్డపేరు నాకొచ్చింది..

సరే ఇంతకీ దుర్యోధనుడు ఈ యుద్ధం గెలిచాడే అనుకో నీకు మంచిపేరు వస్తుంది...

అదే ధర్మరాజు గెలిస్తే నాకేమీ రాదు...పైగా ఈ యుద్ధం మరియు యుద్ధానికి సంబంధించిన సమస్యలకూ నేనే కారణం అన్న నింద వేస్తారు అందరూ నాపైన...

ఒకటి గుర్తుంచుకో కర్ణా..

జీవితంలో సమస్యలు, సవాళ్ళు అందరికీ ఉంటాయి..జీవితం ఏ ఒక్కరికీ పూలబాట కాదు..అన్నివేళలా అంతా సవ్యంగానే ఉండదు..

దుర్యోధనుడు అవనీ యుధిష్టరుడు అవనీ అందరూ జీవితపు దెబ్బలు రుచి చూసినవారే..

ఏది సరైనదో ఏది ధర్మమో నీ మనసుకి నీ బుద్ధికి తెలుసు..

మనకు ఎంత అన్యాయం జరిగినా... మనకు ఎన్ని పరాభవాలు జరిగిన.. మనకు రావల్సినది మనకు అందకపోయినా...

మనం ఆయా సమయాల్లో ఎలా ప్రవర్తిస్తామో అదే మన వ్యక్తిత్వం...అదే చాలా ముఖ్యమైనది..

జీవితం ఆటుపోట్లు భరించామనో, మనకు చెడు అనుభవాలు ఎదురయ్యాయనో..అనే కారణాలు మనకు అధర్మమార్గంలో ప్రయాణించేందుకు అనుమతిగా (licence ) అనుకోకూడదు..మనం బాధపడ్డామని జీవితాన్ని చెడు మార్గంలోకి నడిపించకూడదు...ఏ పరిస్థితుల్లో అయినా ధర్మాన్ని వదులుకోకూడదు..అని కర్ణునికి కృష్ణుడు బోధించాడు..
మిత్రులారా ధర్మపరిరక్షణలో సమాజాన్ని నడిపించండి🙏

బ్రహ్మ రాసిన రాత మార్చు కోవచ్చా?

మనం పుట్టినప్పుడే భగవంతుడు మన తలరాతని రాసేస్తాడు కాదా,
మరి మనం పూజలు ఎందుకు చేయాలి అని కొంతమందికి అనుమానం వస్తుంది.

అయితే బ్రహ్మ నుదుటిని రాత రాసేటప్పుడు అందులోనే ఒక మాట రాసాడంట.
నేను రాసే రాతను నేను కూడా తప్పించలేను.
మీరు మీ ఉపాసనలతోటి, మీ అర్చనలతోటి మార్చుకోగలరు అని రాసారంట.
అర్చనలు, ఉపాసనలు కర్మఖాండ ద్వారా మీ విధిని మీ చేతుల్లో పెడతున్నాను అని తెలిపారు.

ఉదాహరణకి ఒక వ్యక్తికి బ్రహ్మ 100 ఏళ్ళు ఆయువు రాస్తే, ఆ వ్యక్తి చేసే పాపాలను బట్టి ఆవ్యక్తి ఆయువు తగ్గుతుంది.

ఈ తగ్గిన ఆయువుని తిరిగి పూర్చుకునే శక్తి కూడా మనకి కర్మఖాండ ద్వారా చేసుకోమని బ్రహ్మ చెప్పాడు.
పురాణాలు శ్రద్దగా వింటే ఒక్కొక్క అక్షరం మన పాపాలను తొలగిస్తుంది.

పూర్వం విభుముఖుడు అనే రాజు ఉండేవాడు,
ఇతనికి 50 వ ఏట మరణ గండం ఉంది. ఆ మరణ గండాన్ని ఎవ్వరు తప్పించలేరని రాసాడు బ్రహ్మ.

అతని అదృష్టం బాగుండి ఒక గురువుని ఆశ్రయించి, గురువు చెప్పినట్టు అర్చన, మృత్యుంజయ జపం చేసి చావవలసినవాడు బ్రతికాడు.

జాతకం రాసిన జ్యోతిష్యులు ఆశ్చర్యపోయి జాతక రీత్యా వీడు చచ్చిపోవాలండి, కాని బ్రతికాడని అనుకుంటే…
అప్పుడు వశిష్ట మహర్షి ఇలా అన్నాడు…

ఇతనికి జాతక రీత్యా చావు ఉన్నప్పటికి గురువుగారి ద్వారా మృత్యుంజయ మంత్రాన్ని ఉపాసనగా పొంది జపం చేసి దాని ఫలితం వలన మృత్యుగండం నుంచి బయట పడ్డాడని చెప్పాడు.

కాబట్టి బ్రహ్మ రాసిన రాత బ్రహ్మ మార్చడు గాని, మనం ఇలా పురాణాలను శ్రద్దగా వినడం, మంత్రాలను చదవడం, ప్రదక్షణలు చేయడం వలన చాలా వరకు బ్రహ్మరాత పాతది తొలగిపోయి కొత్తది వస్తుంది.

ఆపద వచ్చినప్పుడు ఏడుస్తూ కూర్చోకుండా అమ్మవారి పాదాలను రెండిటిని స్మరించాలి.
అమ్మ పాదాలను స్మరించడం వలన బ్రహ్మ వంటి దేవతలను మనకు సేవకులను చేస్తుంది.

128 ఏళ్ల ఆయువు ఉన్న దుర్యోధనుడు, ద్రౌపతిని జుట్టుపట్టి దుశ్యాసునితో ఈడ్పించడం వలన చేసిన పాపానికి 60 వ ఏట చనిపోయాడు.

కాబట్టి ఆయువు ఉన్నప్పటికీ, బ్రహ్మ రాసినప్పటికీ చేసిన పాపానికి నశించాడు.
అదే పుణ్యం వలన రాత మార్చుకుని సుఖంగా బ్రతికినవాళ్ళు ఉన్నారు.

అందుకని ఏ కష్టం వచ్చిన బ్రహ్మ నాకు ఇలా రాసాడు అని కృంగిపోకుండా… ఆ రాతను మార్చుకోవడానికి పూజలు, దానాలు, ధర్మాలు, పేదలకు సహాయం చెయ్యండి.

ఈ విషయం అందరికి తెలియజేసి కొంత మీరు కూడా పుణ్యం మూట కట్టుకోండి.

*పరమౌషధం*

*పరమౌషధం*

👌అనారోగ్యంతో ఉన్నప్పుడుగానీ ఆరోగ్యం విలువ తెలియదంటారు అనుభవజ్ఞులు. అలాగే ఆర్థిక ఇబ్బందుల్లో పడితేగానీ డబ్బు విలువ తెలియదంటారు.

మనిషి అన్నీ బావుంటే నేలమీద నడవడు. నిలువెల్లా నిర్లక్ష్యం ఆవహిస్తుంది. ఏవి నిషిద్ధమో అవే ఆచరిస్తాడు. ఫలితంగా చిక్కులు తప్పవు.

ఆరోగ్యం, ఆర్థిక పుష్టి మనిషికి రెండు చేతుల్లాంటివి. ఏది బలహీనంగాఉన్నా ప్రగతి కుంటువడుతుంది. ఆరోగ్యం బావుండి ఆర్థిక సమస్యలున్నా, అలాగే ఆర్థికంగా బావుండి ఆరోగ్య సమస్యలున్నా ఆ జీవితంలో సుఖశాంతులుండవు.

మనిషి మనసెప్పుడూ సుఖశాంతులనే కోరుకుంటుంది. అందుకోసం మనిషిని ప్రోద్బలం చేస్తుంది. సుఖశాంతులు శాశ్వతం కాదు. అవి మనిషితో దోబూచులాడుతుంటాయి. మనిషి జీవితంలో అధికభాగం సుఖశాంతుల వేటలోనే గడిచిపోతుంది. సుఖం సిరిసంపదల్లో ఉందనిపిస్తుంది. శాంతి ఆనందంలో ఉంటుందనిపిస్తుంది. కానీ, అవి రెండూ భ్రమలే.

సుఖశాంతులు తృప్తిలో నిక్షిప్తమై ఉంటాయి. రాక్షసుడి ప్రాణం చిలుకలో ఉందన్నట్లుగా తృప్తి అనే నిత్యానందం మనసులోనే ఒక మూల మౌనిలా నిశ్చలంగా ఉంటుంది. దాని ఉనికి తెలియనంతమేరకు మనిషికి తిప్పలు తప్పవు.


తృప్తి అంటే తనకు ఉన్నదానితో సంతుష్టి చెందడం. గొంతువరకు తిని ఇక చాలనుకోవడం తృప్తి కాదు. ఎందుకంటే, కడుపు ఖాళీకాగానే మళ్ళీ అంతకు అంత తినాలని ఆరాటపడతారు.

యుక్తాహార విహారాలే ఆరోగ్యానికి, ఆయుష్షుకు ఆలంబనాలు. అమితాహారం ఆరోగ్యభంగం. ఆయుష్షుకు హాని చేస్తుంది. ఎంతో ఆరోగ్యంగా ఉండే శరీరాన్ని అనారోగ్యం పాలుచేసుకుని, ఔషధాలతో గడపడం జీవితాన్ని దుర్భరంగా మార్చేస్తుంది.

మన సంప్రదాయంలో వివిధ సందర్భాల్లో ఉపోషాలు పాటిస్తారు. దీనినే ‘ఉపవాసం’ అని వ్యవహరిస్తారు. ఆధ్యాత్మికంగా చూస్తే ‘ఉపవాసం’ దైవ సన్నిధిలో వసించడం. ఆరోగ్యపరంగా చూస్తే ఆయుర్వేదం చెప్పిన ‘లంఖణం పరమౌషధం’గా ఆరోగ్యరక్షణ చేస్తుంది.

ఆహారం నియమిత వేళల్లో, మితంగా తీసుకోకపోతే జీర్ణవ్యవస్థ దెబ్బతింటుంది. శరీరాన్ని రక్షించినా, శిక్షించినా జీర్ణవ్యవస్థదే ప్రధాన పాత్ర.

శరీరం బావుంటేనే ధర్మాచరణ సాధ్యపడుతుంది. యోగసాధనలన్నీ శరీర రక్షణతోపాటు, మనసునూ బలోపేతం చేస్తాయి. ఆధ్యాత్మిక సాధనలు మనసులోని తృప్తిని జాగృతం చేస్తాయి. ‘సత్యదర్శనం అయ్యాక పూజలతో పనిలేదు’ అంటారు శ్రీరామకృష్ణులు. మనిషి క్రమంగా ఆ స్థాయికి ఎదగాలి.

‘ఔషధం’ అంటే సాధారణ రుగ్మతలకు వాడేది. ‘పరమౌషధం’ అంటే ప్రాణాంతక వ్యాధులను నివారించేది. మనిషి స్వయంకృతాలన్నీ ప్రాణాంతక పర్యవసానాలకే దారితీస్తాయి. వాటికి పనికొచ్చే పరమౌషధాలను మనమే వెతుక్కోవాలి!👍

నిద్ర లేవగానే చేతులు రుద్ది కళ్ళకు ఎందుకు అద్దుకుంటారు.

🌞 *నిద్ర లేవగానే చేతులు రుద్ది కళ్ళకు ఎందుకు అద్దుకుంటారు.*..

🌹మానవుని శాస్త్ర జ్ఞానము అంతగా అభివృద్ధి చెందని కాలములో ఋషులు , మునులు ఆన్ని అరోగ్య సూత్రాలను ఆద్యాత్మికము గా రూపొందించారు . వైద్య రంగము అంతగా అభివృద్ధి చెందని కాలములో సుచి , శుబ్రత , వ్యాధినిరోదకత అన్నీ దైవకార్యాలరూపములో ఉండేవి . పుణ్యము , పురుషార్ధము వస్తుందంటే సామాన్యప్రజలు ఆనురిస్తారనేదే ముఖ్యాంశము .

" అది చేస్తే ఆరోగ్యము ... ఇది చేస్తే అనారోగ్యము--- అలా చెబితే చాదస్తము గా కొట్టిపారేస్తారు " కాని అందులో ఎంతో ఆరోగ్యము , ఉత్సాహము దాగిఉన్నాయి .

నిద్రలేవగానే రెండుచేతులు రుద్దుకొని కళ్ళకు అద్దుకుంటే చేతులలో్ని ఉష్ణశక్తి , వేడి కళ్ళకు తగిలి కళ్ళలోని రక్త ప్రసరణ ఎక్కువై ఆరోగ్యవంతంగా తెజోవంతము గా ఉంటాయి. కళ్ళజబ్బులకు దూరముగా ఉండవచ్చును . కళ్ళ అద్దాల అవసరము అంతతొందరగా రాదు . ఇది వైద్యశాస్త్రము చెప్పిన ఆరోగ్యసూత్రము .

కాని ఋషులు ఏమిచెప్పారు : చేతులు రుద్దుకునేటప్పుడు బ్రహ్మ రాసిన చేతిగీతలు అనుకోకుండ చూడడం ద్వారా బ్రహ్మను పూజించినంత ఫలితము ఉంటుందని , బ్రహ్మజ్ఞానము కలుగుతుందని ... అలా ప్రతిరోజూ చేయడము వల్ల కోటి పుణ్యక్షేత్రాలు సందర్శించినంత పుణ్యము సంప్రాప్తిస్తుందని పెద్దలు అంటారు.

*తాళిబొట్టు - మాంగల్యం*

🤔 తాళిబొట్టు - మాంగల్యం

👉దౌర్భాగ్య పరిస్థితి ఏమిటంటే మన హిందూ సోదరీమణులు నవీనత పరాకాష్టకి వెళ్లి మంగళసూత్రాన్ని త్యజించడం. సినిమాలు టీవీల పుణ్యమా అని అది ఒక ఆట వస్తువుగా మారిపోయింది. ఎక్కువ శాతం కనిపిస్తున్న లేదా మన ఖర్మ కొద్దీ మన బంధు మిత్రగణాల నుండి వచ్చే వాట్సాప్ లు ఫేస్బుక్ లలో వచ్చే ఫోటోలు అన్ని ఎక్కువ శాతం మంగళసూత్రాలు, బొట్టు, గాజులు లేకుండా ఉన్నవే. ఇది చాల అరిష్టం.

“మ్రింగెడివాడు విభుండని మ్రింగెడిదియు గరళమనియు మేలని ప్రజకున్ మ్రింగుమనే సర్వమంగళ మంగళసూత్రంబు నెంత మదినమ్మినదో!”

పరమశివుడు భయంకరమైన హాలాహలాన్ని త్రాగి కూడా చిరంజీవి గా ఉన్నడంటే అది ఆయన గొప్ప కాదట, అమ్మ పార్వతీ దేవి కంఠాన్న ఉన్న మాంగల్యాభరణం గొప్పదనమట.

“మాంగల్యం తంతునానేనా మమజీవన హేతునా! కంఠే భద్నామి సుభగే త్వం జీవ శరదాం శతం”

ఓ సుభగా! నా జీవనానికి ఆధారమైన ఈ మంగళ సూత్రాన్ని నీ కంఠానికి కడుతున్నాను. నువ్వు దీనిని ధరించి నా జీవితాన్ని నిలుపుతావు. అటువంటి నువ్వు నూరేళ్ళు జీవించు, అంటే పుణ్యస్త్రీగా, ముత్తయిదువుగా జీవించు అని స్పష్టముగా తెలుస్తున్నది.

పూర్వం భారతదేశంలో మాతృస్వామిక వ్యవస్థ విరాజిల్లినప్పుడు ఎటువంటి ఆచారాలు, కట్టుబాట్లు ఉండేవి కాదు. బలవంతుడిదే రాజ్యం అన్న రోజులవి.

భారతావనిలో పిండారీలు, థగ్గులు వంటి కిరాత జాతులవారు వలస వచ్చారు. ఒక తెగకు చెందిన స్త్రీలను మరొక తెగకు చెందిన పురుషులు ఎత్తుకొనిపోయేవారు. మహిళ మెడలో మంగళసూత్రం కనిపిస్తే చాలు ఏ హాని చేయకుండా విడిచిపెట్టేవారు. కిరాతకులు కూడా ఈ మంగళ సూత్రాన్ని గౌరవించారు. అలా కోట్లాది మగువల మాన ప్రాణాలను కాపాడిందీ మంగళసూత్రం. అందుకే అప్పటినుండీ ఆడపిల్ల పుడితే బాల్యంలోనే పెళ్ళి చేసి మాంగల్యం వేసేవారు.

ఆదిశంకరాచార్యుల వారు వ్రాసిన సౌందర్యలహరి పుస్తకములో కూడా మంగళ సూత్రానికి విశేష విశిష్టత కల్పించారు.

మంగళసూత్రంలో ముత్యం, పగడం ధరింపజేసే సాంప్రదాయం మనది, ఎందుకంటే, ముత్యం చంద్రగ్రహానికి ప్రతీక. చంద్రుడు దేహ సౌఖ్యం, సౌందర్యం, మనస్సు, శాంతి, ఆనందములకు, అన్యోన్యదాంపత్యములకు కారకుడు, శారీరకంగా నేత్రములు, క్రొవ్వు, గ్రంథులు, సిరలు, ధమనులు, స్తనములు, స్త్రీల గుహ్యావయములు, నరములు, ఇంద్రియములు, గర్భధారణ, ప్రసవములకు కారకుడు.

పగడం కుజగ్రహనికి ప్రతీక. కుజగ్రహ దోషాల వలన అతికోపం, కలహాలు, మూర్ఖత్వం, సామర్ధ్యము, రోగము, ఋణపీడలు, అగ్ని, విద్యుత్భయములు, పరదూషణ, కామవాంఛలు, దీర్ఘసౌమాంగల్యము, దృష్టి దోషము యిత్యాదులు మరియు శారీకంగా ఉదరము, రక్తస్రావము, గర్భస్రావము, ఋతుదోషములు మొదలగునవి.

ఖగోళంలో ముఖ్యమైన నక్షత్రాలు 27. ఆ 27 నక్షత్రాలలో చంద్రుడు 27 రోజులు సంచారంగావించి 28వ రోజున
కుజునితో కలిసే రోజే స్త్రీకి ఋతుసమయం. అంటే అర్ధం, ఆరోగ్యమైన స్త్రీకి 28వ రోజులకు ఋతుదర్శనమవాలి.

భారతీయ సాంప్రదాయ స్త్రీలకు మంగళసూత్రములో ముత్యం మించిన విలువైనది లేనేలేదు, దానికి తోడు జాతిపగడం ధరించడం మన మహర్షులు చెప్పటంలో విశేష గూడార్ధమున్నది.

అదేమిటంటే ముత్యం పగడం ధరించిన పాత తరం స్త్రీలలో ఆపరేషన్ అనేది చాలా అరుదైన విషయం. కాని నేటితరం స్త్రీలలో కానుపు ఆపరేషన్తోనే జరగటం సర్వ సాధారణమైపోయింది.

ముత్యం, పగడం సూర్యుని నుండి వచ్చే కిరణాలలో ఉండే ఎరుపు (కుజుడు) తెలుపు (చంద్రుడు) స్వీకరించి స్త్రీ భాగంలోని అన్ని నాడీకేంద్రములను ఉత్తేజపరచి శరీరకంగా, భౌతికంగా ఆ జంట గ్రహాలు స్త్రీలలో వచ్చే నష్టాలను, దోషాలను తొలగిస్తాయనటంలో ఎటువంటి సందేహం వలదు.

కనుక చంద్ర కుజుల కలయిక ప్రతి స్త్రీ జీవితంలో ఎంత ప్రాముఖ్యం వహిస్తాయో అలాగే ముత్యం, పగడం రెండూ కూడా కలిపిన మంగళసూత్రం స్త్రీకి అత్యంత శుభఫలితాలు సమకూర్చగలవు.

పాశ్చాత్య అనుకరణ వెర్రి లో ఊగుతున్న మన ఆడ కూతుర్లను మందలించైనా తిరిగి మన ధర్మం వైపు తీసుకుని వద్దాం. దీని విశిష్టతని అర్ధం అయ్యే వరకు తెలియపరుద్దాం. 🌹

సంక్రాంతి సంబరాలు

🏵సంక్రాంతి సంబరాలు🏵



తెలుగు వారి పెద్ద పండుగ సంక్రాంతి.

నెల రోజులపాటు జరుపుకునే పండగ సంక్రాంతి. మనం జరుపుకునే పండుగలన్నీ ఏదో దైవానికి సంబంధించినవే.!

కానీ సంక్రాంతి పండుగ మాత్రం పంటల పండుగ. రైతుల పండుగ. కళాకారుల పండుగ. ఈ పండుగ కు మూలపురుషుడు రైతన్న.ఆరుగాలం పంటపొలాలలో శ్రమించే రైతన్న చేసుకునే పండుగ ఇది.

తన పంట కోతకొచ్చినప్పుడు ఉదయం నుంచీ అర్ధరాత్రి వరకు పొలంలో కష్టపడిన రైతన్నకు కళాకారులు అందరూ అండగా నిలబడతారు.వాళ్ళ వివరాలు తెలుసుకుందాం.



💧బుడబుక్కలవాడు:💧

ఈ పండుగ కళారూపాలలో తొలి తాంబూలం బుడబుక్కలవానిది.

పగలంతా కష్టపడిన రైతన్న రాత్రికి నడుం వాలిస్తే కళ్ళంలోని ధాన్యాన్ని దొంగలు తరలించుకు పోకుండా తొలిఝూములో ఊరి పొలిమేరలలో సంచరిస్తూ క్రొత్తవాళ్ళను గ్రామంలోకి చొరబడనీకుండా 'కట్టు' కట్టి కట్టడి చేసేవాడు బుడబుక్కలవాడు.ఇతను తొలిఝామంతా పంటకు కాపలా కాసి రెండోఝాము ప్రవేశిస్తుండగా జంగం దేవరకు ఆ పని అప్పచెబుతాడు



🌺జంగందేవర:🌺

సాక్షాత్తూ శివుని అవతార అంశలుగా భావించే ఈ జంగందేవరలు శంఖ నాదాలతో ఢమరుక శబ్దాలతో రైతుల కళ్ళాలకు ఊరి ప్రజానీకానికి శుభం పలుకుతూ పరమశివుని ఆశీస్సులను అందించే కాపాలికుడు ఈ జంగందేవర!



🌹హరిదాసు:🌹

'హరిలో రంగ హరి' అంటూ శ్రీకృష్ణుని గాధలను కీర్తిస్తూ ఇంటింటి ముంగిటికీ వచ్చి పొలం వెళ్ళిన రైతుల క్షేమసమాచారాలను వాళ్ళ ఇళ్ళలో తెలుపుతూ హరినామసంకీర్తనామృతాన్ని దోసిళ్ళతో అందించి దోసెడు బియ్యాన్ని కృష్ణార్పణమంటూ స్వీకరిస్తాడు.ఆ యదుకులేశుని ఆశీస్సులను తన ద్వారా మనకు అందిస్తాడు.



🍁గంగిరెడ్లు:🍁

హరిదాసు ఇంటిలోని వారిని పలకరించి ఇంటి ఆడపడుచులు వేసిన రంగవల్లులపై కృష్ణపరమాత్మ ఆశీస్సులు కురిపించాక

అయ్యగారికి దండపెట్టు, అమ్మగారికి దండం పెట్టు, బాబుగారికి దండంపెట్టు, పాపగారికి దండం పెట్టూ

అంటూ బసవన్నల చేత దండాలు పెట్టించి,రైతు బ్రతుకుకు అంతా తానై నడిపే ఎడ్లను అలంకరించి ఇంటి ముంగిట్లో ఎడ్ల ఆట ఆడించి ఇంట్లోని చిన్నా పెద్ద అందరినీ అలరించిన గంగిరెద్దుల వాళ్ళు సన్నాయి ఊదుకుంటూ వెళ్ళిపోతారు



🌷పిట్టలదొరలు:🌷

గంగిరెడ్లు, డూడూ బసవన్నలు వెళ్ళాక మనలను నవ్వులలో ముంచెత్తే కబుర్ల పోగు, కోతలరాయుడు పిట్టలదొర వస్తాడు. తనకు ఆరేబియా సముద్రంలో ఆరువేల ఎకరాల భూమి ఉందని,బంగాళాఖాతంలో బంగ్లాలున్నాయని ఆ బంగ్లాలకు వెళ్ళడానికి సరైన దారిలేక ఈమధ్యనే బొప్పాయి కలపతో బ్రహ్మాండమైన బ్రిడ్జి కట్టించాననీ అవన్నీ పిల్లలు అడిగితే ఇచ్చేస్తానని డంబాలు పోతాడు.పిల్లలందరికీ నవ్వుల పువ్వులు పంచుతాడు



🎷సోదెమ్మ🎷

సోదెమ్మ వెళ్ళిన తరువాత మన భవిష్యత్ ఫలాలను చెబుతానంటూ

'సోదె చెబుతానమ్మా సోదె చెబుతాను ఉన్నదున్నట్టు చెబుతాను లేనీదేమీ చెప్పను తల్లీ' అంటూ మన భవిష్యత్తులో జరగబోయే వాటి గురించి తనకు తోచింది చెప్పి ఇంత ధాన్యం, పాతచీర,రవికల గుడ్డ పెట్టించుకుని పోతుంది.



🌳భట్రాజులు:🌳

ఆరు నెలల కష్టానికి ఫలితం వచ్చేవేళలో ధాన్యాన్ని ఇంటికి తరలించే సమయంలో రైతుల కళ్ళాలలోకి వెళ్ళి రైతుని ఆతని వంశాన్ని ఆతని పెద్దలనూ పొగడుతూ ఆ రైతు కుటుంబం నూరేళ్ళు చల్లగా ఉండాలని దీవిస్తూ పద్యాలల్లి ఆశీస్సులను వెదజల్లి ఓ కుంచెడో రెండు కుంచాలో ధాన్యాన్ని కొలిపించుకుని భుజాలకెత్తుకుంటారీ భట్రాజులు.



🌸కొమ్మదాసర్లు:🌸

అన్ని పనులు పూర్తి చేసుకున్న తరువాత కాస్త నడుం వాల్చి విశ్రాంతి తీసుకుందామనుకుంటే ఈ కొమ్మదాసరోడు వచ్చి పెరట్లో చెట్టుకొమ్మనెక్కి 'అప్పయ్య గోరో పడతా పడతా నే పప్పుదాకలో పడతా,పడతా పడతా నే పాతరగోతిలో పడతా' అంటూ అల్లరి చేస్తాడు.అమ్మలక్కలు,పిల్లలు చెట్ల క్రింద జేరి క్రిందకు దిగమని బ్రతిమాలతారు.ఆ పాతరగోతి మీద పాతబట్టలు పరచమని చెప్పి వాటిని పట్టుకెడతాడు.

ఇక్కడ పాతరగోతి గురించి చెప్పాలి.

పూర్వం పండిన పంటను ఇంటికి తెచ్చి పెరట్లో గొయ్యి తవ్వి ఆగోతిలో తాటాకులు కొబ్బరాకులు పరిచి వాటిపైన గడ్డి పరిచి మెత్తను తయారుచేసి ఆపైన ధాన్యం పోసి నిలవచేసే వారు. దీనినే పాతరగొయ్యి అంటారు. పొద్దన్నుంచి పని చేసి చేసి అలసి సొలసి నిద్రపోతారేమో ఇదే సందని దొంగలు ఆ గోతిని తవ్వి పండిన పంటనంతా దోచుకుపోవచ్చు.మీ పాతరగొయ్యి సరిగా ఉందో లేదో ఓ సారి చూసుకోండి అని చెప్పడానికి ఈ కొమ్మదాసరి వస్తాడు.

ఈవిధంగా ఇంతమంది కళాకారులు నెలరోజుల పాటు రైతుల పంటలకు కాపలా కాస్తూ రైతుల క్షేమాన్ని కాంక్షిస్తూ మన పొలాలకు పహారా ఇస్తారు.

మనకింత సాయం చేసిన వాళ్ళకు మనమేమిస్తున్నాము???

నాలుగు గుప్పెళ్ళ బియ్యం,నాలుగు పాత గుడ్డపీలికలు.ఇంటిల్లిపాది మంచిని కోరుకుంటూ మన ముంగిటికొచ్చే కళాకారులను ఆదరించండి!!!

వెండితెరపై, బుల్లితెరపై ఓ సారి కనబడిన వాళ్ళందరికీ వేలు,లక్షలు పోసి వాళ్ళ వెకిలి చేష్టలను ఆనందించేకన్నా మన సౌఖ్యాన్ని,మన సౌభాగ్యాన్ని కోరుకునే ఈ పల్లె కళాకారులను అక్కున జేర్చుకుందాం!!!!!!



మన సంస్కృతి సంప్రదాయాలను కాపాడుకుందాం..........

నిజమైన సంక్రాంతి సంబరాలను చేసుకుందాం.........!!!!!!

ఎల్లప్పుడు సంతృప్తిగా ఉండేందుకు వేదాలలోని పది ముఖ్య సూత్రాలు

ఎల్లప్పుడు సంతృప్తిగా ఉండేందుకు వేదాలలోని పది ముఖ్య సూత్రాలు

1. ఇతరులను మార్చాలనే ప్రయత్నం మాని నిన్ను నువ్వు మార్చుకోవటం మీద శ్రద్ధ పెట్టు.

2. ప్రతి ఒక్కరూ తమ తమ దృష్టి కోణాల్లో ఎవరికి వారే కరెక్టు అనేది అంగీకరించు.

3. అనవసర అనుమానాలు, అపోహలు లేకుండా ఎలా ఉన్నా ఒక వ్యక్తిని వ్యక్తిగా స్వీకరించు!.

4. ఇతరుల నుంచి ఏదో పొందాలనే ఆశ వదిలిపెట్టి చేతనైన సహాయం చేస్తూ అనుబంధాలను పెంచుకుంటూపో!

5. నువ్వు చేస్తున్నది ఏదైనా సరే ఫలానా వారి కోసం చేస్తున్న అనుకోకుండా, నువ్వు ఏది చేసినా అది నీ మనశ్శాంతి కోసమే చేస్తున్నామని మనస్ఫూర్తిగా అంగీకరించు!

6. నువ్వు ఎంత మేథావివో ప్రపంచానికి ప్రదర్శించి చూపాలని పాకులాడకు!

7.ఇతరులు ఎల్లప్పుడూ నిన్ను ఆమోదిస్తూ నువ్వు చెప్పినది అంగీకరిస్తూ ఉండాలని ఆశించకు!

8.'అవసరానికి' మరియు 'కోరిక' కు మధ్య చాలా తేడా ఉంది, అవసరాన్ని మరియు కోరికను రెండిటిని విడదీసి వాటి మధ్య తేడాను గుర్తించి నీతో నువ్వు ప్రశాంతంగా ఉండటం నేర్చుకో!

9.నిన్ను ఇతరులతో పోల్చుకోవడం లేదా ఇతరులను నీతో పోల్చుకోవడం...ఈ రెండూ వదిలెయ్!

10.శాంతి, ఆనందం, తృప్తి అనేవి సాధనాలతో పొందే ప్రాప్తులు కాదు... సాధనతో మాత్రమే పొందే మానసిక అనుభూతులు అనే సత్యాన్ని గ్రహించు!

ఈ సూక్ష్మమైన ఇటువంటి వేదవాక్కు లను వెనక మనస్సు ద్వారా అర్థం చేసుకొని అంగీకరించి ఆచరించినట్లయితే సుఖమైన జీవితం యొక్క శాతం రోజురోజుకూ పెరుగుతూ ఉంటుంది.

భగవద్గీత అంటే ఏమిటి?

భగవద్గీత అంటే ఏమిటి?
– జీవితమంతా అయిపోయిన తర్వాత చదువుకోవాల్సిన పుస్తకమా?
– రిటైర్‌మెంట్‌ రోజు సహోద్యోగులు ఇచ్చే బహుమతా?
– ఎవరైనా మరణించినప్పుడు ప్లే చేసే సీడీనా?
– అది కేవలం హిందువులదా?
– పనీపాటా వదిలేసి సన్యసించమని చెబుతుందా అది?
కాదు. అవన్నీ అపోహలు. ఒక్కముక్కలో చెప్పాలంటే భగవద్గీత ‘డైనమిక్‌ ప్రిస్కిప్షన్‌ ఫర్‌ లైఫ్‌’. సంతృప్తిసంతోషాలు నిండిన జీవితం గడపాలంటే, చేస్తున్న పనిలో విజయం సాధించాలంటే గీతను అర్థం చేసుకోవాలి
☆భగవద్గీత హిందువులది, కనుక నేను దాన్ని చదవను, నాకు దాని అవసరం లేదు’ అని చెప్పేవాళ్లు ఎలాంటివాళ్లంటే ‘భూమ్యాకర్షణ సిద్ధాంతం న్యూటన్‌ కనిపెట్టాడు, అది బ్రిటిష్‌వాళ్లది – మనం దాని జోలికి పోవద్దు’ అనేవాళ్లతో సమానం. గీత భారతీయులు అందరిదీ.
☆సంతోషంగా ఉండాలి అని ఏవేవో చేస్తుంటాం. వాస్తవానికి కోరిక లను అధిగమించినప్పుడు మీరు సంతోషంగా ఉంటారు. ఉదాహరణకు ప్రమోషన్‌ కావాలి, కావాలి… అనుకుని నిరంతరం దాని గురించే ఆలోచించే వ్యక్తికి చింత తప్ప మరేం మిగలదు. అదే తన పని తాను నిజాయితీగా సమర్థంగా చేసుకుపోయే వ్యక్తికి ఆలోచించనవసరం లేకుండా ప్రమోషన్‌ లభిస్తుంది. గీత చెప్పేదీ అదే. నీ పని నువ్వు చెయ్యి, ఫలితం గురించి ఆలోచించకు అని.
☆ సన్యాసం అనేది కాషాయదుస్తులతో రాదు. అదొక మానసిక స్థితి. వందమంది మధ్యన ఉన్నా, వంద పనులున్నా కూడా తామరాకు మీద నీటిబొట్టు మాదిరిగా ఉండటమే సన్యాసమంటే.
☆ఇంద్రియాలను అదుపులో పెట్టుకోవాలి అంటే దానర్థం అన్నిటినీ వదిలేసి మిమ్మల్ని మీరు ఇబ్బంది పెట్టుకోవడం కానేకాదు. ప్రపంచ ం అందిస్తున్న అన్నిటినీ ఇంద్రియాల సాయంతో, తెలివిగా వాడుకోమని. అలా వాడుకుంటే ప్రశాంతత, తద్వారా విజయం లభిస్తాయి.
☆ఒక క్రీడాకారుడు ఉన్నాడనుకోండి. అతని సామర్థ్యం, ఫిట్‌నెస్‌ అన్నీ ఒకేలా ఉన్నప్పటికీ, ఒకరోజు విజయం సాధిస్తాడు, మరుసటి రోజు చిత్తుగా ఓడిపోతాడు, ఆ మర్నాడు మామూలైన ఆటతీరును ప్రదర్శిస్తాడు. ఎందుకలా? అదే మైండ్‌ చేసే మేజిక్‌. మైండ్‌ ప్రశాంతంగా ఉంటే, ఉత్సాహంగా ఉంటే దేన్నైనా సాధించవచ్చు. ప్రశాంతతను సాధించడమెలాగో భగవద్గీత చెబుతుంది. కేవలం మీకోసమే అనుకుని మీరు చేసే పనుల్లో రాణించలేకపోవచ్చు. ‘నేను’ అన్నదాన్ని అధిగమిస్తే మీకు కొత్త శక్తి వస్తుంది. ఉదాహరణకు ‘కేవలం నా ఆనందం కోసమే ఆడుతున్నాను’ అనుకునే క్రీడాకారుడి భవిష్యత్తు అక్కడితో ఆగిపోతుంది. అదే దేశం కోసం ఆడాలి అనుకుంటే వెంటనే అతడిలో కొత్త ఉత్సాహం వస్తుంది, ఏకాగ్రతతో ఆడతాడు, అతణ్ని విజయం వరిస్తుంది. ‘నాకోసం కాదు’ అనుకుని చూడండి ఏ పనిలోనైనా మీకు బాధ్యత పెరుగుతుంది, ఏకాగ్రత పెరుగుతుంది. భగవద్గీత చెప్పేది అదే.
☆అసలు భగవద్గీత ఏం చెబుతుంది?
-ధర్మాధర్మాల గురించి చెబుతుంది.
-కర్తవ్యం గురించి చెబుతుంది.
-నాగరికత అంటే కోరికలను తీర్చుకోవడం కాదు… అదుపులో పెట్టుకోవడమని చెబుతుంది.
– ఆనందంగా జీవించడం ఎలాగో చెబుతుంది.
-సుఖం… శాంతి… త్యాగం… యోగం… అంటే ఏమిటో చెబుతుంది.
-ఏది శాశ్వతమో ఏది అశాశ్వతమో చెబుతుంది.
పాప పుణ్యాల వివరణ ఇస్తుంది.
-ఆత్మ తత్త్వ నిరూపణ చేస్తుంది.
స్వకల్యాణం కోసం కాక లోక కల్యాణం కోసం జీవించమని చెబుతుంది.
-జ్ఞానం… మోక్షం… బ్రహ్మం… ఆధ్యాత్మం అంటే ఏమిటో చెబుతుంది.
-ఎవడు పండితుడో ఎవడు స్థితప్రజ్ఞుడో చెబుతుంది.
-ప్రతిఫలాపేక్ష లేకుండా కర్మ చేయడంలో ఉండే ఆనందం ఎంతో చెబుతుంది.
-మంచి పనులు చేసేవాడికి లభించే శాశ్వత కీర్తి ఎంతో చెబుతుంది.
-పరమాత్ముడికి ఎవడు ఇష్టుడో చెబుతుంది.
-ఆయన్ను చేరే మార్గాన్ని చూపిస్తుంది.
-కర్మ, భక్తి, జ్ఞాన మార్గాల ద్వారా వేలు పట్టుకుని నడిపించి, మనిషిని దైవాన్ని చేస్తుంది.
-నీలానే ఇతర ప్రాణికోటినీ ప్రేమించమని చెబుతుంది. అనారోగ్యకరమైన భావోద్వేగాలను నియంత్రిస్తుంది.
అందుకే భగవద్గీత సర్వమానవాళి కోసం. అర్థం చేసుకున్నవారు ధన్యులు. వేరే మతగ్రంథం లా అన్య సాంప్రదాయాలను ఆచరించేవారిని చంపమని భగవద్గీత చెప్పదు. నిన్ను నన్ను మన అందరి గురించి మాట్లాడుతుంది. మానవుడు ఎలా అభ్యున్నతి సాధించాలో చెబుతుంది.
గీత చదువుకో
రాత మార్చుకో

స్వామి వివేకానందుని స్పూర్తి వచనాలు, Jan 12-స్వామి వివేకానంద జయంతి (జాతీయ యువజన దినోత్సవం) సందర్బంగా

*🙏స్వామి వివేకానంద జయంతి (జాతీయ యువజన దినోత్సవం)*

అసలు పేరు : నరేంద్రనాథ్ దత్తా

జననం : 12 జనవరి 1863, కలకత్తా,

నిర్యాణము : జూలై 4, 1902 (వయసు 39)

స్థాపించిన సంస్థ : బేలూరు మఠం, రాష్ణకృష్ణ మఠం, రామకృష్ణ మిషన్

గురువు : రామకృష్ణ

తత్వం : వేదాంత

సాహిత్య రచనలు : రాజయోగ, కర్మయోగ, భక్తియోగ, జ్ఞానయోగ

*●స్వామి వివేకానందుని స్పూర్తి వచనాలు●*

◆మందలో ఉండకు ..వందలో ఉండటానికి ప్రయత్నించు.

◆ప్రయత్నం చేసి ఓడిపో కానీ ప్రయత్నం చేయడంలో మాత్రం ఓడిపోకు.

◆కెరటం నాకు ఆదర్శం .. లేచి పడుతున్నందుకు కాదు పడినా కూడా లేస్తున్నందుకు.

◆ప్రతి మనిషికీ వ్యక్తిత్వం ఊన్నట్లే, ప్రతి దేశానికీ, జాతికీ ఒక వ్యక్తిత్వం ఉంటుంది. దాన్ని పరిరక్షించుకోవాలి. అలా చేయనినాడు ఆ జాతి నశించిపోతుంది.

◆ఏ పనీ అల్పం కాదు. ఇష్టమైన పని లభిస్తే పరమ మూర్ఖుడు కూడా చేయగలడు. అన్ని పనులూ తనకిష్టంగా మలచుకొనేవాడే తెలివైనవాడు.

◆ఓర్పు అనేది ఎంత చేదుగా ఉంటుందో, దాని వల్ల లభించే ప్రతిఫలం అంత తీయగా ఉంటుంది.

◆కళింకిత హృదయులకు ఆధ్యాత్మిక వికాసం ఉండదు.

◆తెలివైన వారి తమ పని తామే సాధించుకోవాలి.

◆దేవునిపై నమ్మకం లేనివాడు కాదు, ఆత్మవిశ్వాసం లేనివాడే నా దృష్టిలో నాస్తికుడు.

◆జీవితం పోరాటాల,భ్రమల పరంపర.జీవిత అంతరార్ధం సుఖపడడంలో లేదు, అనుభవాల ద్వారా నేర్చుకోవడంలోనే ఇమిడి ఉంది

◆దైవభక్తి గురుభక్తిలపై అచంచల విశ్వాసం నీలో ఉన్నంత వరకూ నేకెవరూ అపకారం చేయలేరు.

◆పదిమంది యువకుల్ని నాకివ్వండి. ఈ దేశ స్వరూపాన్నే మార్చేస్తాను.

◆పిరికితనం మనిషిని నిర్వీర్యుడ్ని చేస్తుంది, ఆత్మవిశ్వాసం మనిషిని విజయపథం వైపు నడిపిస్తుంది.

◆విద్య మనిషి జీవితానికి వెలుగునిస్తుంది. అతని వికాసానికి, నడవడికకు అది ఎంతో తోడ్పడుతుంది. మనుషులను తేజోమయులను చేస్తుంది

ప్రకృతిని పరిశీలించడం ద్వారా నిజమైన విద్య లభిస్తుంది.

◆ప్రతి మనిషికీ వ్యక్తిత్వం ఊన్నట్లే, ప్రతి దేశానికీ, జాతికీ ఒక వ్యక్తిత్వం ఉంటుంది. దాన్ని పరిరక్షించుకోవాలి. అలా చేయనినాడు ఆ జాతి నశించిపోతుంది.

◆నిరంతరం వెలిగే సూర్యున్ని చూసి చీకటి భయపడుతుంది. నిరంతరం శ్రమించేవాణ్ని చూసి ఓటమి భయపడుతుంది.

◆మనం హీనులమని భావించుకుంటే నిజంగానే హీనులమైపోతాం.

◆మీ కంటె ఎక్కువ తెలివి, బలం, సత్యం, జ్ఞానం ఇంకొకరికి ఉంటే కోపించి చిందులు తొక్కడం అవివేకం.

◆విశ్వాసమే బలము, బలహీనతయే మరణము.

◆వేదకాలానికి తరలిపోండి.

◆సమాన భావం ఉన్న స్నేహమే కలకాలం నిలబడుతుంది.

◆సముద్రం మీద వచ్చే అలల మాదిరిగా కాకుండా సముద్రమంత లోతుగా ఆలోచించు.

◆విశ్రాంతిగా కూర్చుని క్రమక్రమంగా అభివృద్ధి చెందుతాములే అని వేచిచూడకూడదు. వెంటనే ప్రారంభించాలి.

◆తనకు నచ్చితే మూర్ఖుడు సైతం ఘనకార్యం సాధించగలడు. కాని వివేకి ప్రతి పనినీ తనకు నచ్చే రీతిలో మలుచుకుంటాడు. ఏ పని అల్పమైనది కాదు.

◆విజ్ఞానం అనేది ఒకరి నుంచి మరొకరికి చేరినపుడే దానికి విలువ. అనంత విజ్ఞానం సంపాదించినా అది నలుగురికీ పంచకపోతే నిష్ప్రయోజనం.

◆ఒక్క క్షణం సహనం కొండంత ప్రమాదాన్ని దూరం చేస్తే... ఒక్క క్షణం అసహనం మొత్తం జీవితాన్నే నాశనం చేస్తుంది.

◆జననం-మరణం, మంచి-చెడు, జ్ఞానం-అజ్ఞానం, వీటి మిశ్రమాన్నే మాయ అంటారు. ఈ వలలో అనంత కాలం ఆనందం కోరుకుంటూ చరించవచ్చు.

◆జీవితం పోరాటాల,భ్రమల పరంపర.జీవిత అంతరార్ధం సుఖపడడంలో లేదు, అనుభవాల ద్వారా నేర్చుకోవడంలోనే ఇమిడి ఉంది.

◆విద్య మనిషి జీవితానికి వెలుగునిస్తుంది. అతని వికాసానికి, నడవడికకు అది ఎంతో తోడ్పడుతుంది. మనుషులను తేజోమయులను చేస్తుంది.

◆టన్ను శాస్త్రజ్ఞానం కన్నా ఔన్స్ అనుభవం గొప్పది.

డబ్బులో శక్తి లేదు. కానీ మంచితనంలో, పవిత్రతలో శక్తి ఉంటుంది.

◆చెలిమిని మించిన కలిమి లేదు, సంతృప్తిని మించిన బలిమి లేదు.

◆విద్య బాల్యానికి మాత్రమే పరిమితం కాదు. నాకున్న కొద్ది శక్తితో ఇంకా నేర్చుకోవాల్సిన విషయాలెన్నో ఉన్నాయి.

◆విజ్ఞానం అనేది ఒకరి నుంచి మరొకరికి చేరినపుడే దానికి విలువ. అనంత విజ్ఞానం సంపాదించినా అది నలుగురికీ పంచకపోతే నిష్ప్రయోజనం.

◆మిణుగురు పురుగు ఉన్న కాస్త వెలుతురును, లోకానికి పంచాలని చూస్తుంది. కాబట్టి మనలో ఏ కొద్ది విజ్ఞానం ఉన్నా అది ఇతరులకు పంచినపుడే ప్రయోజనం,సార్ధకత.

◆అనాలోచితంగా తొందరపడి ఏ పని చేయరాదు. చిత్తశుద్ది, పట్టుదల, ఓర్పు ఈ మూడు కార్యసిద్ధికి ఆవశ్యకం. కానీ ప్రేమ ఈ మూడింటి కన్నా ఆవశ్యకం.

◆స్వార్ధం లేకుండా ఉండడమే అన్ని నీతులలోకి గొప్పనీతి. స్వార్ధంతో నిండిన ప్రతి పని గమ్యాన్ని చేరడానికి అంతరాయం కలిగిస్తుంది.

◆సిరి సంపదలు మంచితనాన్ని తీసుకురావు. మంచితనం మాత్రం అభిమానాన్ని,దీవెనలను తీసుకువస్తుంది.

◆నిరంతరం వెలిగే సూర్యున్ని చూసి చీకటి భయపడుతుంది. నిరంతరం శ్రమించేవాణ్ని చూసి ఓటమి భయపడుతుంది.

◆భిన్నత్వంలో ఏకత్వాన్ని అన్వేషించడమే విజ్ఞానం.

◆మనిషికి వెలుగునిచ్చి మనోవికాసానికి తోడ్పడేది విద్య.

◆మానవునికి అహంకారం తగదు,ఈ దుర్గుణాన్ని విడిచి వినయమనే సుగుణ సంపదను పెంచుకోవడం మేలు కలిగిస్తుంది. వినయం మనిషికి భూషణం వంటిది.

◆సహాయం అందుతుందనీ భావించేవారు మాత్రమే పని చేయ గలరు, ప్రత్యక్షంగా వారు కార్యరంగంలో ఉన్నారు గనుక.

◆దూరదృష్టితో ఆలోచించే ప్రతి వ్యక్తీ తప్పకుండా అపార్ధం చేసుకోబడతాడు.

◆ఇతరులపై ఆనుకొనిన వ్యక్తీ సత్యమనే భగవంతున్ని సేవిం లేడు.

◆పాశ్చాత్య దేశాల అద్భుతమైన జాతీయ జీవిత కట్టడాలు శీలం అనే పటిష్టమైన స్తంభాలను ఆధారం చేసుకొని నిర్మితమైనాయి.

◆నాగరికత అనే వ్యాధి ఉన్నంతవరకు పేదరికం తాండవించి తీరుతుంది. అందుకే సహాయం అవసరమై ఉంది.

◆పాశ్చాత్య ప్రపంచం ధన పిశాచాల నిరంకుశత్వానికి గురియై మూలుగుతుంది. ప్రాచ్య ప్రపంచం పురోహితుల నిరంకుశత్వంతో ఆర్తనాదం చేస్తుంది.

◆ప్రతి వ్యక్తీ దేశము మహత్వం పొందగలిగితే మూడు విషయాలు ఆవస్యకములై ఉన్నాయి.

1.సజ్జనత్వపు శక్తి గురించిన ధృడ విశ్వాసం

2.అసూయ,అనుమానాల రాహిత్యం

3.సజ్జనులుగా మెలగాలనీ,మంచి చేయాలని ప్రయత్నించే యావన్మందికి సహాయపడడం.

◆మనం బయటికిపోయి మన అనుభవాలు ఇతరుల అనుభవాలతో పోల్చి చూసుకొనక పోవడం, మన చుట్టూ ఏం జరుగుతుందో గుర్తించకుండా ఉండడం, మన బుద్ది భ్రష్టమై పోవడానికి గొప్ప కారణం.

◆ఇతర దేశాలలో ప్రగల్భలాడేవారు చాలా మంది ఉన్నారు.కాని మతానుష్ఠాన పరులైనవారు, ఆధ్యాత్మికతను తమ జీవితాల్లో చాటి చూపిన వారిని ఇక్కడే, ఈ దేశంలో మాత్రమే చూడవచ్చు.

◆అపజయాలను లక్ష్య పెట్టకండి,అవి వాటిల్లడం సహజం, అవి జీవితానికి అందం చేకూరుస్తాయి.

◆అపజయాలచే నిరుత్సాహం చెందకండి. ఆదర్శాన్ని చేగొని వేయిసార్లు ప్రయత్నించండి. వేయి సార్లు ఓటమి చవిచూస్తే కూడా ఇంకోసారి ప్రయత్నించండి.

◆బలహీనతకు పరిష్కారం దానిని గురించి చింతన చెందడం కానే కాదు. బలాన్ని గురించి ఆలోచించడమే. అందుకు ప్రతిక్రియ మనుష్యులలో నిబిడీ కృతమైవున్న బలాన్ని గూర్చి వారికి బోధించండి.

◆ఆత్మవిశ్వాసాన్ని గూర్చి నేర్చి దానిని ఆచరణలో చూపించి ఉంటే, మనం ప్రస్తుతం అనుభవిస్తున్న అనర్ధాలు,దుఃఖాలు దాదాపు మటుమాయమై పోయేవి.

◆మానవ చరిత్రనంతటినీ పరికిస్తే, ఘనకార్యాలు చేసిన స్త్రీ పురుషుల జీవితాల్లో అన్నింటికన్నా ఎక్కువగా సామర్ధ్యాన్ని ఇచ్చిన మూలశక్తి వారి ఆత్మ విశ్వాసమే అని తెలుస్తుంది. తాము ఘనులమనే విస్వాసంతో వారు జన్మించారు, ఘనులే అయ్యారు.

◆ఒక మనిషికి మరొక మనిషికీ మధ్య గల తారతమ్యం ఆత్మవిశ్వాసం ఉండడం, ఆత్మ విశ్వాసం లేకపోవడం, అనే భేదం వలన కలుగుతుందని మనం గుర్తించవచ్చు.

◆సంకల్పనశక్తి తక్కిన శక్తులన్నిటికన్నా బలవత్తరమైనది. అది సాక్షాత్తు భగవంతుని వద్ద నుండి వచ్చేది కాబట్టి దాని ముందు తక్కినదంతా వీగిపోవలసిందే.నిర్మలం,బలిష్ఠం అయిన సంకల్పం సర్వశక్తివంతమైనవి.

◆ఆత్మవిశ్వాసపరులైన కొందరు వ్యక్తుల చరిత్ర ప్రపంచ చరిత్ర. ఆ విశ్వాసం వ్యక్తిలోని దివ్యత్వాన్ని బహిర్గతం చేస్తుంది.

◆స్వార్ధరాహిత్యమే విశేష లాభదాయకం. కాని దానిని అలవరచుకొనే ఓర్పు జనానికి లేదు.

◆ఇతరులకు మేలు చేయాలనే నిరంతర ప్రయత్నంచే మనలను మనం మరచి పోవడానికి ప్రయత్నిస్తున్నాం. ఇలా మనలను మనము మరచిపోవడమే జీవితంలో గొప్ప గుణపాఠం.

◆అవివేకంతో మనిషి తనను తాను ఆనందమయుణ్ణిగా చేసుకోగలనని భావిస్తాడు.కాని అనేక సంవత్సరాలు కొట్టూమిట్టాడి స్వార్ధపరతను చంపుకోవడమే నిజమైన సౌఖ్యమని తన సౌఖ్యం తన చేతిలో ఉన్నదేగాని ఇతరుల చేతుల్లో లేదని గ్రహిస్తాడు.

◆జీవితమంతా ఇవ్వడమే అని తెలుసుకో. ప్రకృతే బలవంతముగా నీ చేత త్యాగం చేయిస్తుంది. కనుక ఇష్టపూర్వకంగానే ఇచ్చివేయి.

◆ఏది స్వార్ధపరమో అదే అవినీతి, స్వార్ధరహితమైనదేదో అదే నీతి.

◆పవిత్రంగా ఉంటూ ఇతరులకి మేలుచేడమే పూజలన్నింటి సారం.

దుస్థితిలో ఉన్నవారి కోసం పరితపించి సహాయానికై ఎదురు చూస్తే,అది వచ్చే తీరుతుంది.

◆ఈ జీవితం క్షణికమైనది,లోకంలోని ఆడంబరాలు క్షణ భంగురాలు.కాని ఇతరుల నిమిత్తం జీవించే వారు మాత్రమే శాశ్వతంగా జీవిస్తారు. తక్కినవారు జీవచ్ఛవాలు.

◆నాయనా! ప్రేమ ఎన్నటికి అపజయం పొందదు;నేడో,రేపో లేదా యుగాల తదనంతరమో సత్యం జయించే తీరుతుంది.ప్రేమ విజయాన్ని సాధిస్తుంది.

◆నా సోదరులారా! మనం పేదలం,అనామకులం.కాని అత్యున్నత స్థితిలోని వారికి సదా అవే పరికరాలైనాయి.

◆అసత్యం కన్నా సత్యం అనంత రెట్లు బరువైనది,మంచితనం కూడా అంతే.

◆ఈ ప్రపంచం ఒక పెద్ద గారడీశాల. మన మిచ్చటికి రావాడం మనల్ని బలిష్ఠులుగా చేసుకోవడానికే.

🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

*💐జాతీయ యువజన దినోత్సవ శుభాకాంక్షలు💐