దిబ్బ దేశం !

***********

నాదేశంచాలా గొప్పది!

చెప్పుకోవటం నాకు 

ఎంతో గర్వకారణం!

ఏం గొప్ప? ఎలా గొప్ప?

ఆలోచించి చూసాను!

భౌగోళికంగా గొప్పది!

సమశీతోష్ణ ప్రదేశం!

6ఋతువులు3కాలాలు 

సస్యశ్యామలం నా దేశం!

సుజలాం సుఫలాం 

మలయజ సీతలాం 

బంగారు పంటలదేశం

రాజకీయ దుర్గంధం ?

లంచగొండి వ్యవస్థ?

కులమతాల దుస్థితి?

వీటివల్ల నా దేశం 

పరువు కోల్పోయింది!

పతనం అంచుల్లో ఉంది!

డబ్బుపెట్టి 'ఓటు'కొనే 

ఓటు అంటే నోటు అనే 

అర్ధం చెప్పిన నాయకులు !

నిచ్చెనమెట్ల కులవ్యవస్థ 

తక్కువ ఎక్కువల తేడాతో 

వివక్షా పూర్వక హత్యలు!

శక్తివంతమైన ప్రజల్ని-వాళ్ళ 

తిండివాళ్ళను తిననివ్వరు!

దళితులపేరుతోఅస్పృస్యత

దేశమంటే తెలుసుకోనివ్వరు

దేవుణ్ణి మతాన్ని అడ్డంవేసి 

జనాన్నిభక్తిలో ముంచేసారు!

'పవిత్రత'ను హైప్ చేసి 

కుంభమేళా స్నానాలతో 

జనాన్ని తొక్కి చంపేసారు!

కులములన్నీ కూలిపోయి 

మతములన్నీ మాసిపోయి

ఎప్పటికి జరిగేను ఈమాట?

మిగిలింది ఉద్యోగవ్యవస్థ 

లంచాలతో రక్తం పిండేస్తారు!

జీతం కంటే'గీతం'ముఖ్యం!

ఇదీ  నాదేశం గొప్ప!

ఇదేనా గర్వకారణం?

ఎంత దీన హీన దృశ్యం!

పురాణాలు ప్రవచనాలు 

సనాతన ధర్మాలు.. అబ్బో!

పేరుగొప్ప- ఊరు దిబ్బ!

          **********

-తమ్మినేని అక్కిరాజు 

        1-3-2025