శ్రీ ఆదిశంకరాచార్య విరచితం

శివానందలహరి – శ్లోకం – 63 

మార్గావర్తితపాదుకా పశుపతేరఙ్గస్య కూర్చాయతే

గణ్డూషాంబునిషేచనం పురరిపోర్దివ్యాభిషేకాయతే |

కించిద్భక్షితమాంసశేషకబలం నవ్యోపహారాయతే

భక్తిః కిం న కరోత్యహో వనచరో భక్తావతంసాయతే ||

శంకరులు భక్తి ఎంత గొప్పదో‌ ఉపదేశిస్తున్నారు. ఈ‌ శ్లోకం భక్తకన్నప్ప యొక్క శివభక్తి విశిష్ఠతకు తార్కాణం.

దారులుతిరిగి అరిగిపోయిన చెప్పు, పశుపతి శరీరం (శివలింగం) తుడుచు కూర్చె అయినది. పుక్కిలినీటితో‌ తడుపుట త్రిపురాసురసంహారికి దివ్యాభిషేకం అయినది. కొంచెం తిని ఎంగిలిచేసిన మాంసపుముక్క, నైవేద్యము అయినది. ఆటవికుడు భక్తశ్రేష్ఠుడయినాడు. ఓహో! భక్తి చేయలేనిది ఏమున్నది