23.07.2025

మన తెలుగు పద్యం 3708

మిత్రులందరికీ శుభోదయం. నేటి నుండి శ్రీ పక్కి వెంకట నరసింహ కవి రచించిన ‘కుమారీ శతకము’ లోని మరో పద్యాన్ని మీ ముందుంచుతున్నాను. ఆసక్తిగల మిత్రులు చదివి ఆనందిస్తారని ఆశిస్తున్నాను. 

8వ పద్యము:

తెచ్చినఁ దేకుండిన నీ

కిచ్చిన నీకున్న మగని నెగ్గాడకుమీ

యొచ్చెము నీపైఁ దేలును

రచ్చల కామాట లెక్కు రవ్వ కుమారీ!

తాత్పర్యము: 

ఓ కుమారీ! నీమగడు నీకు బెట్తినను, పెట్టకపోయిననూ, తెచ్చిననూ, తేకున్ననూ, అతనిని దూషించుట మిక్కిలి తప్పు. మగని దిట్టుట మగువకు మంచిది కాదు. ఐదవతనము హరించును. అందరిలో అపహాస్యం పాలు కాక దప్పదు. కావున మగని దిట్టక చరించుట మగువల విధి.

--- శుభం ---