*#సత్యం శివం సుందరం*

శివాయ విష్ణు రూపాయ, శివ రూపాయ విష్ణవే |

శివస్య హృదయం విష్ణుః, విష్ణోశ్చ హృదయం శివః ||

శివుడు విష్ణువు స్వరూపం, విష్ణువు శివుడి స్వరూపం.

శివుని హృదయం లో విష్ణువు ఉంటాడు, విష్ణువు హృదయం లో శివుడు ఉంటాడు.

పై శ్లోకం పరబ్రహ్మ తత్త్వాన్ని శివ – విష్ణువుల రూపాల్లో విడదీయలేమని తెలియజేస్తుంది.

శంకరాచార్యుల వారు అంటారు:

“శివో హరిః హరిరేవ శివః” 

శైవాగమాలు లో శివుడు పరమేశ్వరుడు. 

వైఖానస ఆగమాలు లో విష్ణువు పరబ్రహ్మ. 

కానీ పరమతత్త్వం విషయంలో వేదాలు, ఉపనిషత్తులు, పురాణాలు – అన్నీ ఒకే విషయాన్ని చెబుతాయి:

పరబ్రహ్మం ఏకమే అని అది అనేక రూపాలలో భాసిస్తుంది అని.

ఉపనిషత్తుల ప్రకారం శివ తత్వం

 (అథర్వ శిరోపనిషత్తు నుండి)

దేవాహ వై స్వర్గలోకమగమన్ం। తే దేవా రుద్రమపృచ్ఛన్। కో భవానితి?

స ఉవాచ। అహమేవ ప్రభురస్మి। ఆదౌ నాన్యదస్తి। మధ్యే నాన్యదస్తి। అంతే నాన్యదస్తి।

దేవతలు స్వర్గానికి వెళ్లి, రుద్రుని చూచి

“మీరు ఎవరు?” అని ప్రశ్నించగా,

ఆయన ఇలా ప్రత్యుత్తరమిచ్చారు :

“ఆదిలో నేను ఒక్కడే ఉన్నాను, మధ్యలో కూడా ఒక్కడే నేనే ఉన్నాను, అంత్యంలో కూడా నేనే ఉండబోతున్నాను. నేను తప్ప వేరెవ్వరూ లేరు.”

విష్ణువు కూడా పరబ్రహ్మమే

 (శ్వేతాశ్వతర ఉపనిషద్ )

వేదాహమేతం పురుషం మహాంతం

ఆదిత్యవర్ణం తమసః పరస్తాత్।

తమేవ విదిత్వా అతి మృత్యుం ఏతి

నాన్యః పంథా విద్యతేఅయనాయ ॥

ఈ శ్లోకములో “పురుష మహాంతం” అనబడినది పరమాత్మ స్వరూపమైన శివుడు గానీ, విష్ణువు గానీ, అనేక దృష్టికోణాలలో భిన్నంగా కనిపించినా వాస్తవికంగా పరబ్రహ్మ తత్త్వం ఒక్కటే అని వేదం చాటి చెబుతోంది.ఆదిత్యయోగీ.

ఈ తత్త్వాన్ని గ్రహించినవారే ముక్తిని పొందగలుగుతారు.

యో మాం పశ్యతి సర్వత్ర సర్వం చ మయి పశ్యతి |

తస్యాహం న ప్రజన్యామి స చ మే న ప్రజన్యతి || (భగవద్గీత)

ఎవడు నన్ను ప్రతి వస్తువులోనూ చూస్తాడో, ప్రతి వస్తువు నాలోనే ఉందని గ్రహిస్తాడో —

అటువంటి వాడిని నేను ఎప్పుడూ కోల్పోను, అతడూ నన్ను కోల్పోడు.

పరమాత్మ రూపం ఏ రూపంలో కనిపించినా – అది ఆ పరబ్రహ్మమే అని గ్రహించిన వారికి విభేదం ఉండదు.

బ్రహ్మ(సృష్టి)విష్ణు (పోషణ)శివ (లయం) ముగ్గురూ త్రిమూర్తులు. వీరు అనేక పురాణాల్లో పరబ్రహ్మం యొక్క కార్య బ్రహ్మలు కాని అద్వైత పరమాత్మ ఒక్కరే.

ఇంద్రో వై నామ, యమః సోమః, వరుణో, అగ్నిః, వాయుః,

స ఏష ఏకః | బ్రహ్మైవ తదప్యేతత్ పశ్యన్బ్రహ్మోపాప్నోతి |

నాన్యః పంథా అభ్యగతాయా వినా | (బృహదారణ్యకోపనిషత్)

ఇంద్రుడు, యముడు, సోముడు, వరుణుడు, అగ్ని, వాయువు —

ఈ అన్నీ కూడా ఓకే పరబ్రహ్మం యొక్క భిన్న రూపాలే.

ఈ పరబ్రహ్మతత్త్వాన్ని తెలుసుకున్న వాడే బ్రహ్మనందం పొందుతాడు.

ఇది తప్ప మరెలాంటి మార్గమూ లేదు 

“విష్ణువు మాత్రమే పరమాత్మ, శివుడు కాదు” అని చెబితే అది అజ్ఞానం మాత్రమే..*

.