🍃🪷 శివుడు అత్యంత ఆకర్షణీయమైన వాడు కావడానికి 5 కారణాలు పిల్లలు, యువత, గృహస్థులు లేదా సన్యాసులు, అందరూ కూడా శివుని అభిమానులే.. మరి శివుడిని ఇంత ఆకర్షణీయంగా చేస్తున్నది ఏమిటి? దానికి గల 5 కారణాలు ఇక్కడ చూడండి..

1) అతను అన్నింటి పట్లా ఐక్య భావన కలిగిన వాడు. అతను ఎవరితోనైనా స్నేహం చేయగలడు..

శివుడిని ఆరాధించేది కేవలం దేవుళ్ళు మాత్రమే కాదు రాక్షసులు, సమస్త ప్రకృతి జీవులు కూడా..

శివుడుఅతని వివాహం జరిగినప్పుడు, ఇతిహాస గ్రంథాలు వర్ణించిన దాన్నిబట్టి, గొప్పవారు, సామాన్యులు, అనామకులు, వారూ, వీరూ - అందరూ ఈ వివాహానికి హాజరైనట్లు తెలుస్తుంది..సకల దేవుళ్ళూ, దేవతలు, సమస్త రాక్షస గణాలు, ప్రమథ గణాలు, అందరూ వచ్చారు. సాధారణంగా, వీరిలో వీరికి, ఒకరంటే ఒకరికి పడదు..కానీ శివుడి వివాహంలో అందరూ అక్కడ ఉన్నారు..

అతను జంతు ప్రవృత్తిని జయించిన “పశుపతి” కాబట్టి, జంతువులన్నీ వచ్చాయి. ఇక సర్ప రాజములు(snakes) రాక మానవు, కాబట్టి అవన్నీ వచ్చాయి. పక్షులు ఇంకా కీటకాలు ఈ వివాహాన్ని చూడకుండా ఉండలేకపోయాయి, కాబట్టి అతిథులలో అవి కూడా ఉన్నాయి. ప్రతి జీవీ ఈ పెళ్లికి వచ్చింది..

మనకి, ఈ కథ ఏం చెప్పే ప్రయత్నం చేస్తున్నదంటే, మనం ఈ జీవి గురించి మాట్లాడుతున్నప్పుడు, మనం మాట్లాడుతున్నది ఒక గౌరవనీయుడైన, మర్యాదస్థుడైన మనిషి గురించి కాదు.. 

మనం మాట్లాడుతున్నది జీవంతో సంపూర్ణ ఏకత్వ స్థితిలో ఉన్న, ఆది రూపం గురించి.. అతను, ఎటువంటి ఆడంబరం లేని, ఎన్నడూ పునరావృత్తం కాని, నిరంతరం స్వత:సిద్ధమైన, నిరంతరం ఆవిష్కృతమైన, నిరంతర సృజనాత్మకమైన, స్వచ్ఛమైన చైతన్యం..సరళంగా చెప్పాలంటే, అచ్చంగా జీవమే ఆయన..

2) అతను పరమోత్తమ పురుషుడు, కానీ స్త్రీత్వం తనలో సగ భాగం..

సద్గురు: సాధారణంగా, శివుడు పరమోత్తమ పురుషత్వానికి ప్రతీక. కానీ, శివుని అర్ధనారీశ్వర రూపంలో, అతనిలో సగ భాగం పూర్తిగా అభివృద్ధి చెందిన స్త్రీ అయి ఉండడాన్ని మీరు చూస్తారు..

3) అతను అతను నాట్య మయుడు..నాట్య దేవునిగా, నటేశ లేదా నటరాజ రూపం అనేది, శివుని అత్యంత విశేషమైన రూపాలలో ఒకటి..

ఈ గ్రహం మీద అణువులను పగులగొట్టడం వంటి ప్రక్రియలు చేసే, భౌతిక ప్రయోగశాల అయిన, స్విట్జర్లాండ్‌లోని CERN ని నేను సందర్శించినప్పుడు, ప్రవేశద్వారం ముందు నటరాజ విగ్రహం ఉండడాన్ని చూశాను, ఎందుకంటే ప్రస్తుతం వారు చేస్తున్నదానికి, మానవ సంస్కృతిలో ఇంతకన్నా దగ్గరగా మరేదీ లేదని వారు గమనించారు..

4) ఆయన చిదానంద స్వరూపుడు శివుడిని ఎప్పుడూ కూడా ధ్యానం లో మునిగి ఉన్నావాడిగానూ అదే సమయంలో ఒక తపస్విగానూ వర్ణిస్తారు. అతను ఒక యోగి - ధ్యానంలో కూర్చున్నాడంటే, అతను కదలడు.. శివుడు నిరాడంబరుడు బంగారు అభరణాల కన్నా పూలు పత్రి, నీటి lతో అభిషేకిస్తే ఆనందిస్తాడు.అతను యోగి యోగ శాస్త్రం మీకు, ప్రశాంతంగా ఉంటూకూడా, ఎల్లప్పుడూ పరమానందాన్ని కలిగి ఉండగలిగే అవకాశాన్ని ఇస్తుంది..

ఒక ఇజ్రాయెల్ శాస్త్రవేత్త మానవ మెదడులోని కొన్ని అంశాలపై పరిశోధన చేస్తూ చాలా సంవత్సరాలు గడిపి, మెదడులో కొన్ని మిలియన్ల కానబీస్(మత్తు పదార్ధం/గంజాయి) గ్రాహకాలు ఉన్నాయని కనుగొన్నాడు! ఆ తరువాత, ఈ గ్రాహకాలను సంతృప్తి పరచడానికి, శరీరం ఒక రసాయనాన్ని - దాని సొంత కానబీస్ ని - అభివృద్ధి చేయగలదని న్యూరాలజిస్టులు కనుగొన్నారు..ఈ గ్రాహకాల వైపు వెళ్ళే ఆ రసాయనాన్ని వారు కనుగొన్నప్పుడు, దానికి అతికే విధంగా, ఒక పేరు పెట్టాలని ఆ శాస్త్రవేత్త అనుకున్నాడు..అతను వివిధ గ్రంథాలను పరిశోధించినప్పుడు, అతని ఆశ్చర్యానికి, భారతీయ గ్రంథాలు మాత్రమే ఆనందం గురించి మాట్లాడాయని అతను కనుగొన్నాడు..కాబట్టి అతను ఈ రసాయనాన్ని “ఆనందమైడ్” అని పిలిచాడు..

5) నియమాలను ఉల్లంఘించడంలో సర్వోన్నతుడు

మీరు “శివ” అన్నప్పుడు, అది మతం గురించి కాదు. ఈ రోజు ప్రపంచం, మీరు ఏ మతానికి చెందినవారన్న ప్రాతిపదికన విభజించబడింది..ఈ కారణంగా, మీరు ఏదైనా మాట్లాడితే, మీరు ఏదో ఒక మతానికి చెందినవారిలా అనిపిస్తుంది..ఇది మతం కాదు, ఇది ఆంతరంగిక పరిణామ శాస్త్రం..ఇది అతీతంగా వెళ్ళడం ఇంకా ముక్తిని గురించినది..మీ జన్యువులు ఏమిటి, మీ తండ్రి ఎవరు, లేదా మీరు ఏ పరిమితులతో జన్మించారు లేదా ఏ పరిమితులను ఆపాదించుకున్నారు’ అనే దానితో సంబంధం లేకుండా, మీరు కృషి చేయడానికి సిద్ధంగా ఉంటే మీరు వాటన్నిటినీ దాటి వెళ్ళవచ్చు..

ప్రకృతి మానవులకు కొన్ని నియమాలను నియమించింది - వారు వాటికి లోబడి ఉండాలి. ఉనికిలోని భౌతిక నియమాలను ఉల్లంఘించడమే ఆధ్యాత్మిక ప్రక్రియ..

మీరందరూ కూడా ఉప్పొంగే ఈ శక్తిని వినియోగించుకుని, "శివ" అని మనం పలికినప్పుడు, దానిలోని అందాన్ని ఆనందాన్ని ఇంకా పారవశ్యాన్నీ తెలుసుకుంటారని నేను ఆశిస్తున్నాను..

శివా..!! పెద్ద పెద్ద ఆశలు లేవు గానీ బ్రతికీ వున్నంత వరకు ఎవరి మీద ఆధారపడకుండా ఉన్నంతలో ప్రశాంతం గా బ్రతికే జీవితం ఇవ్వు చాలు తండ్రి..

🥀 ఓం నమశ్శివాయ ఓం శ్రీ మాత్రేనమః 🙏

                    ✒️ సద్గురు 🥀

🍃🪷కూర్పు:: వల్లూరి సూర్యప్రకాష్ బ్యాంక్ కాలనీ 1 కరీంనగర్