మునిమాణిక్యం..
ఈ పేరు చెవిన పడగానే...
కాంతమ్మే
గుర్తుకు వస్తుంది మనకు
కాంతం కథలే మెదులుతాయి మన స్మృతి పథంలో
అంతే కాదు ...
అప్రయత్నంగానే ప్రత్యక్షమౌతుంది
సన్నని దరహాసరేఖ మన పెదాలపై
********
కానీ ....
ఆయన హాస్యం పై
ఓ పెద్ద పరిశోధనే చేసి
'మన హాస్యం' అనే
సిద్ధాంత వ్యాసానికి ఏమాత్రం తీసిపోని
ఈ అద్భుత గ్రంథం రాసారని ఎంతమందికి తెలుసు
*******
"శృంగార హాస్య కరుణా....." అంటూ
మానవ మనుగడకు
ఆధారభూతమైన 'శృంగారం'
తరువాతి స్థానాన్ని
మనిషి జీవితాన్ని
సరళతరం చేసే 'హాస్యం' కే
ఇచ్చారు
మన లాక్షణికులు
అటువంటి హాస్య రస తాత్వికతను
విశ్లేషించి విశదీకరించే సిద్ధాంత గ్రంథం
అనదగ్గ రచన ఈ 'మన హాస్యం
********
ఇతరులను హీనంగా చూసే ...
తనని తాను గొప్ప వాడిగా భావించుకునే
ఓ డాబుసరి దర్పాలమారి పెద్దమనిషి
అరిటితొక్క పై కాలేసి జర్రను జారి మొత్తానికి నిలదొక్కుకున్నాడనుకోండి
పగలబడి నవ్వుతారు చుట్టూనున్నవారు
ఇది హాస్యం
అదే....
ఓ నిండు మూలాలు
జారి తడబడిందనుకోండి....
అయ్యో... అని చేయందించడానికి ముందుకురుకుతారు
చుట్టూ ఉన్నవారు
ఇదీ మానవత్వం
ఇటువంటి సందర్భంలో
ఎవరన్నా నవ్వారనుకోండి
అది అపహాస్యం బ్లేక్ కామిడీ
చీదరించుకుంటారు వాణ్ణి అందరూ
********
ఇలా....
హాస్యం అంటే ఏమిటి
ఆరోగ్యవంతమైన హాస్యం ఎలా పుడుతుంది
అది ఎన్ని రకాలుగా ఉంటుంది
ఇత్యాది విషయాలన్నీ
కూలంకుషంగానూ.... సోదాహరణంగానూ
అదే సమయంలో హాస్యస్ఫోరకంగాను చెబుతారు
మన ముని'మాణిక్యం' ఇందులో
**********
మొదటి పుట
తెరవడమే ఆలస్యం
మనసారా నవ్వినంత హాయిగా
అవలీలగా పూర్తి చేసేస్తాం
300 పైచిలుకు పుటలున్న ఈ గ్రంథాన్ని
అదీ... మనసారా
హాయిగా నవ్వుకుంటూనే !
******
- రత్నాజేయ్ (పెద్దాపురం)
-
No comments:
Post a Comment