తలరాత అంటే ఏమిటి

 🙏🙏🙏🙏🙏

(తలరాత అంటే ఏమిటి)

🌼🌼🌼🌼🌼

 అసలు తలరాత అంటే ఏమిటో చూద్దాం

 మన ఆయుష్షు తీరిన తర్వాత నశించి పోయిన

మన భౌతిక శరీరాలు వారసత్వం భరించలేక మరో శరీరానికి కర్మల్ని బదిలీచేస్తాయి. శరీరాలు నశించిన కర్మశేషాలు నశించవు. వెన్నంటే వస్తాయి వెంటాడుతునే ఉంటాయి. ఆ కర్మశేషాలను అనుభవించడానికి మరల మరల జన్మించడం.

మనకి ఆ కర్మశేషాలు గుర్తుండక పోవచ్చు కానీ మనం మరిచిపోయినంత మాత్రాన మనవి కాకుండా పోవు. వాటిని కర్మల గా మారుస్తుంది విధి తన ధర్మం తాను నిర్వహిస్తుంది విధి, (వాటి ఆధారంగా ఇప్పుడు మనం ఎలా జీవించాలి.ఎలా మనకు అనుకూలంగా మార్చుకోవాలి అని రాసే రాత తలరాత అన్నారు) మన పెద్దలు ఆధ్యాత్మికవేత్తలు.

ఏ కర్మలకు ఎందుకు మరణం లేదు

అసలు ఈ కర్మలు ఏమిటి

అసలు ఈ కర్మలు ఎందుకు అంటారేమో

 మనం తెలిసి తెలియక చేసే తప్పులు ఒప్పులు అన్నిటినీ ఆ భగవంతుడు కు చేరవేస్తాయి పంచభూతాలు.

 అర్థమయ్యేలా చెప్పాలంటే

 స్కూల్లో  మంచి చెడులు ఆధారంగా మాస్టారు 

 మన ప్రవర్తన చదువు చేసే పనులను బట్టి మనకి పనిష్మెంటు ఇస్తారు అలాగే అభినందిస్తారు అలాగే భగవంతుడు కూడా మనం చేసిన పనులను బట్టి ఇస్తాడు పనిష్మెంట్ అంటే దుఃఖం

 అభినందించటం అంటే ఆనందం.

వాటినే ఆధ్యాత్మిక భాషలో కర్మలు అంటారు.

నాకు శివయ్య ఇచ్చినా జ్ఞానం తో

నాకు తెలిసింది చెబుతున్న

తప్పులు ఉంటే క్షమించండి 

ఈ కర్మలకు మరణం లేదు కచ్చితంగా అనుభవించాల్సిందే ఎన్ని జన్మలెత్తినా 

 కర్మ ఫలితాలు వదిలించుకోకుండా మళ్ల ఈ జన్మలో కూడా మనం చేసే తప్పులు ఒప్పులు కర్మలు గా మారి మనం మరణించినా ఆ కర్మలు మరోజన్మకు పయనిస్తాయి. గతజన్మ కర్మలు కంటికి కనిపించవు. కానీ ఈ జన్మలో అనుభవమవుతాయి. పూర్వజన్మల కర్మబీజ ఫలాలే విధిరాత. గతజన్మల కర్మలశేషఫలానికి .. నేటి కర్మల ఫలితంకు అనుసంధానింపబడి సాగుతుంది జీవనయానం.

మరి ఇంతకి తలరాత అంటే ఏమిటి అంటున్నారా 

చెబుతా మనకు సాధారణంగా కష్ట కాలంలో మనం అనుకునేరీతిలో జీవనం సాగనప్పుడు, అనుకోని అవాంతరాలప్పుడు అనిపిస్తుంటుంది - ఇదంతా మన తలరాత అని. మనచేతిలో ఏదీలేదు, తలరాత ఎలా వుందో అలా జరుగుతుంది, తప్పించుకోలేమని భావిస్తాం. ఇదో నిరాశావాదం. ప్రారబ్ధమే మనిషిని నడిపిస్తే అంతా విధిరాత ప్రకారమే జరిగితే ఇక మనిషి చేయాల్సింది ఏమీ లేదా ? విధి చేతిలో మనం కీలుబొమ్మలమైతే ఇక మనం చేయగలిగింది ఏముందీ ? ఇది నా తలరాత అని అనుకున్నంతకాలం ఆవేదన తప్పదు నిరాశ వీడదు.

తలరాత అంటే కష్టపడే వాడు లెక్క చేయునది

నా తలరాత ఇంతే అని నమ్మి ఆ రాతని అనుసరిస్తూ జీవిత గమనం సాగిస్తే కాలగమనంలో కలసిపోతాము.

  ఒకటి అడుగుతా చెప్పండి తల మాస్తే తల స్నానం చేస్తాము కదా.అలాగే తల నొప్పిగా ఉంటే తైలం పెట్టుకుంటాము కదా బాధపడుతూ అలాగే ఉండము లేదు కదా మరి తలరాత బాలేదని

బాధలో మునిగిపోతే ఎలా

మన రాత ని మనమే మార్చుకుందాం

 తెగించే తెగువే ఉంటే తలరాత అయినా తలవంచుతుంది.

చేయగలిగే ప్రయత్నానికి అడ్డుకట్ట

ఈ తలరాత అను మాట

 మన తలరాతను రాసేది మనకున్న బలమే

 మన తలరాతను మార్చే బలపం అదే 

 దానితో మన తలలో రాసుకున్న రాతను చెరిపేసి 

 తలపెట్టిన కార్యం ముగించే ప్రయత్నం చేద్దాం

 మన తలరాత ఇంతే అనుకుంటే మన జీవితం ఇంతే.రాతలతో కాకుండా చేతులతో బాటలు వేసుకుంటే ఇతరులకు మార్గదర్శిగా చరిత్రలో నిలుస్తాము 

మన వజ్ర సంకల్పంతో విధిని జయించొచ్చు ..

జన్మించిన ప్రతీజీవి విధికి తలవొగ్గక తప్పదు.

కానీ ప్రతి ఒక్కరికి విధిని ఎదురించేశక్తి వుంది.

విధి బలీయమైనదే కావొచ్చు... కానీ దానిని మార్చుకోవచ్చు... వజ్ర సంకల్పంతో నిరంతర సాధనతో అకుంఠిత భక్తితో... ఇందుకు ఉదాహరణంగా కొన్ని గాధలు గుర్తుచేసుకుందాం - విధిరీత్యా అల్పాయుష్కుడైన సత్యవంతుని వివాహమాడి తన ఆత్మ విశ్వాసంతో వజ్ర సంకల్పంతో యముణ్ణి ఎదిరించి తన భర్తను బ్రతికించుకున్న సావిత్రి - సత్య వంతుల కధ మనందరికీ విధితమే.

పదహారు ఏళ్ళు మాత్రమే ఆయుష్షు ఉన్న మార్కండేయుడు తన అకుంఠిత భక్తితో యముణ్ణి జయించి శివుని ఆశిస్సులతో చిరంజీవత్వాన్ని పొందలేదా ?

చేతిపై విద్యారేఖ గీరి .. సాధనతో వ్యాకరణం రాసి

చదువునందు రాణించలేక తను చెప్పింది అవగాహన చేసుకోలేకపోతున్న శిష్యుని హస్త సాముద్రికాన్ని పరిశీలించి నాయనా ! నీకు విద్యరేఖ లేదు చదువుకునే యోగం లేదు కాబట్టి నీవు తిరిగి నీ ఇంటికి వెళ్లి తగిన వృత్తిని స్వీకరించడం మంచిదని చెప్పిన గురువు మాటలకు మనస్సు భారమై ఇంటికి బయలుదేరి మార్గమధ్యంలో దప్పికై ఓ రాతిగిలక బావి దగ్గర ఆగి దాహం తీర్చుకుంటూ తాడు ఒరిపిడికి అరిగిన ఆ రాతిగిలకను చూసి బలహీనమైన తాడువల్ల రాయే అరగగా నేను సాధనతో విద్యను ఆర్జించలేనా అన్న దృఢ నిశ్చయంకు వచ్చి పదునైన రాతిముక్కతో చేతిపై విద్యారేఖను గీరుకోని తిరిగి గురువు చెంతకు వెళ్ళి నిరంతర సాధనతో అనతికాలంలోనే విద్యను అభ్యసించి సంస్కృత వ్యాకరణం వ్రాసిన పాణిని దృఢ సంకల్పం తన రాతను మార్చలేదా?

కర్మ ఫలితమే విధి 

అందరం ఒకటి గుర్తుంచుకోవాలి 

మనం ఏ కర్మ చేసినా దాని ఫలం అనుభవించటం నిశ్చయం. విధిరాతలు స్వయంకృతం. స్వీయకర్మలే మన విధిరాతలు. అంటే మన విధిరాత విధాతలం మనమే. గతజన్మల కర్మశేషాలే నేటి విధిరాతలయినట్లు .. నేటి కర్మలే మరుజన్మ విధిరాతలు. కర్మలు చేయడం అనివార్యం. ఆ కర్మలలో కొన్ని ప్రారబ్దాలుగా మూటకట్టుకోవడం నిజం. అవి అనుభవించడానికి జన్మించడం తప్పదు. ఇలా పుట్టడం ... గిట్టడం ... తప్పదా ఈ చక్రపరిభ్రమణం ... రాదా ముక్తి?

వస్తుంది ... ఎప్పుడు? గీతలో కృష్ణ భగవానుడు చెప్పినట్లు...

'స్వకర్మణా తమభ్యర్చ్య సిద్ధిం విన్దతి మానవః'

ఈశ్వరార్పణ బుద్ధితో, భగవత్ కైంకర్యబుద్ధితో కర్మలు చేస్తే జ్ఞాన మోక్ష సిద్ధులు ప్రాప్తమౌతాయి.

బ్రహ్మణ్యాధాయ కర్మాణి సంగం త్యక్త్వా కరోతి యః

లిప్యతే న స పాపేన పద్మపత్ర మివామ్బసా

ఎవరు కర్మఫలములన్నింటిని భగవానునికి అర్పించి, ఆసక్తి లేకుండా తన కర్మలు ఆచరిస్తారో అటువంటి వారు నీటిచే అంటబడని తామరాకు వలె

 పాప ఫలితంచే ప్రభావితులు కారు.

ప్రతీ ఒకరు చింత చింతన వీడి సానుకూల దృక్పధం ఏర్పరుచుకోవాలి. ఆత్మవిశ్వాసం,ఆ తండ్రి పరమాత్మ పే పూర్తి విశ్వాసం కలిగి ఉండాలి. సానుకూల భావం

సాధనా సోపానం.మన సంకల్పం దృఢమైతే సాఫల్యం తేలికే అవుతోంది అప్పుడు ఎచ్చాక

ఏ రాత అయినా మార్చగలం.

🙏🙏🙏🙏 🙏

శివయ్య అందరిని చల్లగా చూడు తండ్రి 🙏🙏🙏🙏🙏