మానవజీవిత లక్ష్యం ఏమిటి? ఆత్మజ్ఞానం. విలువైనదే గాని, అంత సులువైనది కాదు.

 🌷మానవజీవిత లక్ష్యం ఏమిటి?🌷

ఆత్మజ్ఞానం. 

విలువైనదే గాని,

అంత సులువైనది కాదు. 

ఇట్టి జ్ఞానాన్ని పొందటానికి ఒక్క మానవజన్మ మాత్రమే అర్హమైనది. 

జంతువులకు గాని, చెట్లకు గాని, దేవతలకు గాని, ఆత్మజ్ఞానాన్ని పొందే హక్కులేదు.

కర్మ చేయటానికి అధికారం, మానవులకు మాత్రమే ఉన్నది. 

అలాగని మానవులందరూ తమ జన్మలను ఆత్మానుభూతికి ఉపయోగించుకుంటారా?

అంటే, లేదు.

ఎందుకంటే,

1. ఆత్మానుభూతిని పొందాలని,  అదే మానవజీవిత పరమలక్ష్యమని ముందు తెలియాలి. 

2. ఆత్మానుభూతిని పొందాలనే పట్టుదల కలగాలి. 

3. పొందే విధానం తెలుసుకోవాలి. 

4. పొందటానికి ఆటంకంగా ఉన్న దోషాలను తొలగించుకోవాలి. 

5. మార్గం చూపే సద్గురువు లభించాలి. 

6. ఆయన చూపిన మార్గంలో పట్టుదలగా ప్రయాణించాలి. 

అందుకే, లోకంలో ఈ జ్ఞానాన్ని పొందేవారు, అరుదుగా ఉంటారని భగవానుడు తెలియజేస్తున్నాడు.

పిల్లి తన కూనలను కళ్ళుతెరిచే లోపల,  తట్టలలో, బుట్టలలో, గాదెలలో, గంపలలో మారుస్తుందట.

అలా ఏడుచోట్ల మారుస్తుందంటారు.

అలాగే 'మాయ' అనే పెద్దపిల్లి ఈ జీవులను కళ్ళుతెరిచే లోపల, ఎన్నిచోట్ల మార్చింది?

83 లక్షల 99వేల 999 గాదెలలో, గంపలలో, వివిధ గర్భకోశాలలో చేర్చింది. మార్చింది.

అలా మార్చిన తర్వాత,  వచ్చిన అపురూపమైన జన్మే ఈ మానవజన్మ. 

కళ్ళు తెరుచుకోవలసిన జన్మ.

పశువులాగా, పక్షిలాగా, పురుగులాగా,

ఇప్పుడూ కూడా కళ్ళు మూసుకుంటే

'పునరపి జననం పునరపి మరణం పునరపి జననీ జఠరే శయనం' 

తప్పదు.

 

చావుపుట్టుకలతో కూడిన ఈ సంసారచక్రబంధంలో ఇరుక్కొని,  బయటపడలేక బాధలుపడాలి.

ఆహారం సంపాదించుకోవటం, భోగాలను అనుభవించటం, పిల్లల్ని కనటం, పెంచటం, నిద్రపోవటం, పశువులకు, పక్షులకు, జీవితలక్ష్యాలు.

కాని, మానవుడి అసలు లక్ష్యం అదికాదు. 

మోక్షంను అందుకోవటమే మానవజీవిత పరమలక్ష్యం.

శ్రీ రామ జయ రామ జయజయ రామ

         శుభమస్తు  

🙏సమస్త లోకా సుఖినోభవంతు🙏