వివేకానందుని భవిష్యవాణి

 Source from భారతీయ ప్రతిభా విశేషాలు 108 నిజాలు

------------------------------------------------------------------

వివేకానందుని భవిష్యవాణి

ఆది శంకరులు చిన్న వయసులోనే భారతదేశం నలువైపులా ప్రయాణించి, క్షీణిస్తున్న సనాతన ధర్మాన్ని పరిరక్షించారు. తన అద్వైత సిధ్ధాంతంలో సనాతన ధర్మాన్ని పునః ప్రతిష్ట చేసాడు.. అలాగే 19 వ శతాబ్దంలో ఒక యువ సన్యాసి ప్రపంచ దేశాలన్నీ తిరిగి అద్వైత సింహనాదంతో సనాతన ధర్మ కీర్తిని విశ్వవ్యాపితం చేసాడు. ఆ యువ సన్యాసియే స్వామివివేకానంద.

ప్రపంచానికి గురువు ‘భారతావని’ అని యుగయుగాలుగా లౌకిక విద్యలు, ఆధ్యాత్మిక విద్యలు భారత దేశంలో వెల్లివిరిసాయనీ మన పూర్వులు తమ నిత్య జీవితంలో భౌతికతకు, ఆధ్యాత్మికతకూ, సమతుల్యత పాటించి వారి జీవితాలను ఆనందమయం చేసుకున్నారని, ఇతర దేశాలకు స్పూర్తి ప్రదాతలుగా నిలిచారనీ అటువంటి భారతదేశం ,అటువంటి ప్రపంచం తిరిగి మానవాళి నిర్మించుకోవాలని, ఆ నిర్మించుకునే ప్రయత్నంలోనే ఈ ఘర్షణలనీ స్వామి వివేకానంద చెప్పిన భవిష్యవాణి ఒక్కసారి తలుచుకుని తరిద్దాం. 

“ఎప్పుడు ధర్మం తగ్గి, అధర్మం పెరుగుతుందో అప్పుడు నేను అవతరించి మానవ జాతిని రక్షిస్తాను అంటారు భగవద్గీతలో శ్రీకృష్ణుడు. ఎప్పుడు ఈ ఇహలోకంలో మన అభివృద్ధి; మారుతున్న పరిసరాలు ఒక క్రొత్త సవరణను కోరతాయో, ఆధ్యాత్మిక భౌతిక పయనాలు రెండూ సాగించే మనిషి ఆచరించే ఈ రెండు రంగాలలోనూ ఒక సవరణ తీసుకు రావటం కోసం ఒక బలమైన శక్తి జన్మిస్తుంది.

భౌతిక సుఖసంపద సమకూర్చుకునే పయనంలో ‘యూరప్/అమెరికా’ ఆధునిక కాలంలో ఎంతో ముందడుగు వేసింది. అలాగే అనాదిగా ‘ఆసియా’ మానవుల ఆధ్యాత్మిక దాహార్తి తీరుస్తూ ఉంది. 

ఇవాళ మానవునికి ఈ ఆధ్యాత్మిక రంగంలో మరో మేలుమలుపు, దిశానిర్దేశం కావలసి వచ్చింది. ఈ భౌతిక సుఖసంపద పెరిగిపోతున్న కాలంలో మనిషితన ఆధ్యాత్మిక మూలాలు మరచిపోతున్న కాలంలో మనిషి తనను తాను ధనం తయారుచేసే యంత్రంగా మార్చుకుంటున్న కాలంలో మనిషి తననుతాను సంస్కరించుకునే అవసరం చాలా ఉంది. ఆ అంతర్వాణి వినిపిస్తూ ఉంది. భౌతిక సుఖాలే సత్యమనే మబ్బులను తొలగిస్తుంది. 

మరో ఆధ్యాత్మిక సంస్కరణ ప్రక్రియ ప్రారంభమైంది. అనతి కాలంలో అది మనిషికి తన అసలు ‘సత్యం’ గుర్తు చేస్తుంది. అదిగో ఆ ప్రక్రియ ఆసియాతోనే మొదలవుతుంది.

భౌతిక సంపదలతో తులతూగుతూ, నాగరికత అనుభవిస్తూ ఉన్న దేశం. ఇటువంటి సంపదలు లేని ఆధ్యాత్మికోన్నతి మాత్రమే గల ఇతర దేశాన్ని చూచి, అదో పనికి రాని జాతిగా జాలి చూపిస్తుంది. మరో వైపు ఎటువంటి భౌతిక సంపదలు సమకూర్చుకోలేని దేశం ఆధ్యాత్మికత లేని జాతికి ఎన్ని భౌతికమైన సుఖాలున్నా అవి వృధా అని భావిస్తుంది. 

ప్రాచ్య దేశాల నుండి గతంలోనే ప్రపంచానికి తెలిసిన సత్యం ఏమిటంటే మనిసజి భూమిమీద గల అన్ని సుఖాలను అనుభవిస్తూ ఆధ్యాత్మికత లేకపోతే అతనిది ఏమి జీవితం? ఇక భౌతిక సుఖాలు మాత్రమే సమకూర్చుకుంటే చాలు అన్నది పాశ్చాత్యుల బోధన, ఈ రెండు విధానాలు దేనికవి వాటి వాటి వైబవాలను కలిగి ఉన్నాయి. ప్రస్తుతం జరగబోయే సవరణ ఏమంటే ఈ ఎండు విధానాల సమ్మిళితం, సమతూకం పాటించటం, భౌతిక ఆధ్యాత్మికరంగాలు కలసి ఎగిసే క్రొత్త కెరటం.

పాశ్చాత్య దేశాల భౌతిక భావన ఎంత అవసరమో ప్రాచ్య దేశాల ఆధ్యాత్మిక భావన కూడా మానవ జాతి పురోభివృద్ధికి అంతే అవసరం. నా దృష్టిలో ఈ ఆధ్యాత్మికత మరింత అవసరం, ఎందుకంటే యంత్రాలు మాత్రమే మనిష్కి సుఖమునీయజాలవు. సుఖం అన్నది మనసుకు సంబంధించినది. నిన్ను నీవు జయించిన రోజు నీలో ఆనందాన్ని పెంచుకునే శక్తి నీలో పెరుగుతుంది. 

మనిషి జన్మించింది ప్రకృతిని జయించటానికి, కానీ పాచ్చాత్య దేశాలు ‘ప్రకృతి’ అంటే బాహ్యమైనది అని అనుకుంటున్నాయి. కానీ దానికన్నా గొప్ప ప్రకృతి, “సూర్యుడు, చంద్రుడు, ఆకాశం, నక్షత్రాలు కంటే ముఖ్యమైనది అతి గొప్పది మనిషి అంతర్ స్వభావం!” ఇవి అన్నీ కూడా శతాబ్దం క్రితం స్వామివివేకానంద అన్న మాటలు. 

ప్రాచీన భారతదేశం భౌతిక శాస్త్రాలలోనూ ఆధ్యాత్మిక రంగంలోనూ సమపురోగతి సాధించి ధర్మ అర్థ కామ మోక్షమనే సన్మార్గంలో విజయవంతంగా పయనించేది. ఇది 2000 ఏళ్లనాటి మాట. ఆనాడు భారతదేశం ప్రపంచానికి గురుపీఠంగా వెలుగు దివ్వెగా నిలిచింది. అందరూ ఆధ్యాత్మకతతో పాటూ భౌతిక శాస్త్రాల విజ్ఞానం కోసం కూడా భారత్ వైపు చూసేవారు. దీనికితక్షశిల, నలంద విశ్వవిద్యాలయాలు, వేద సంస్కృతి, ప్రపంచ వ్యాప్తంగా విస్తరించిన మన వాణిజ్యం, తార్కాణాలు, కానీ ఎప్పుడైతే మనం ఈ సమతుల్యత కోల్పోయి, లౌకికతను విస్మరించడం ప్రారంభించామో అప్పుడు ఆధ్యాత్మికతలో కూడా పట్టు కోల్పోయాము. మనలను మనం రక్షించుకోలేని స్థితిలోకి దిగజారి పరాయి వారి దండ యారలకు తలొగ్గి, పతనమైనాము. చివరకు బానిసలుగా దాదాపు 1000 సంవత్సరాలు కడగండ్లు, అనుభవించాము. ఎందరో పుణ్యమూర్తుల స్పూర్తితో తీగి పుంజుకుని నేడు అగ్రరాజ్యంగా ఆర్థికంగా ఎదుగుతున్నా మన మూలాలను చూపిస్తున్న ఆధ్యాత్మికతకు దూరమైపోతున్నాం. జాతి సంస్కృతిని వదలి పరాయి వారి అనుకరణలో మునిగిపోతున్నాం. గత వేయి సంవత్సరాలు మనం పోగొట్టుకున్నది భౌతిక సంపద మాత్రమే. కానీ గత 60 ఏళ్ళుగ “స్వతంత్రులుగా మనం పోగొట్టుకుంటున్నది మన “స్వధర్మం”. మనం మన సంస్కృతికి దూరమౌతున్నాం. ఇది మరీ ప్రమాదకరమైనది.

గతమనే ‘అద్దం’లో చూసుకుని మన ప్రాచీన విజ్ఞాన వైభవాన్ని గుర్తించి తిరిగి మనం ‘ఆత్మవిశ్వాసం’ పొందాలి. అందుకు “మనకేమీ లేదు.” పాశ్చాత్యుల నుంచే అన్ని గ్రహిస్తున్నాం అనే  న్యూనత/పరాయి వారల అనుకరణ” విడనాడాలి.

ప్రాచీన భారతీయ శాస్త్ర విజ్ఞాన సంపదను గుర్తించి ఆధునికతలో రంగరించి ప్రపంచానికి మార్గనిర్దేశం చేయ్వలసిన తరునం ఆసన్నమైనది. తిరిగి మనం “గురుపీఠం” గా నిలిచి భౌతికత ఆధ్యాత్మికతల మధ్య సమతూకం పాటించి, ప్రపంచానికి సుఖశాంతులు అందించి, మానవాళి పురోగతికి పాటుపడవలసిన బాధ్యత మన మీద ఉన్నది. అందుకే మా ఈ ప్రయత్నం. అందరం కలిసి గమ్యం వైపు నడుద్దాం..!!

మీ

*ధర్మవీర్ ఆధ్యాత్మిక చైతన్య వేదిక*

To know more info and Support

Go to Website :

http://www.dharmaveer.org

Plz Like, Share , Follow and Invite your friends to

ధర్మవీర్ కార్యక్రమాలు :

http://www.facebook.com/dharmaveer618/photos

ట్విట్టర్ :

http://www.twitter.com/dharmaveer618

యూట్యూబ్ :

https://www.youtube.com/dharmaveer/videos