బోధించే ముందు ఆచరించండి!

 071022e2005.HF340.081022-6.

🍀🌺🍀🌺🍀🌺🍀🌺🍀🌺🍀

    *బోధించే ముందు ఆచరించండి!*

                  ➖➖➖✍️

బుద్ధ మహాత్మునికి  వేలాది మంది శిష్యులు ఉన్నారు. అతని శిష్యులలో ఎవరైనా జ్ఞానోదయం పొందినప్పుడు, ఆయన అతన్ని ఒక నిర్దిష్ట దిక్కుకి పంపి, అక్కడ ప్రజలకు అవగాహన కల్పించి, వారికి జ్ఞానాన్ని బోధించమని సూచించేవాడు. అతని శిష్యులలో ఒకరు ఆరు సంవత్సరాలుగా ఆయన శిక్షణలో ఉన్నాడు. అతను ఒకరోజు బుద్ధుని వద్దకు వచ్చి, "ఓ మహాత్మా, నేను మీ వద్దకు వచ్చి ఆరు సంవత్సరాలు అయ్యింది. నా తర్వాత చాలా మంది శిష్యులు వచ్చారు. మీరు వారిని ఏదో ఒక దిక్కుకి పంపి, జ్ఞానాన్ని అందించమని చెప్పారు, కానీ మీరు ఇంకా నన్ను పంపలేదు. నేను ఇంకా జ్ఞానోదయం పొందలేదా?"

బుద్ధ మహాత్ముడు చిరునవ్వు నవ్వి, “జ్ఞానోదయం అయ్యిందా లేదా అన్నది నీకు నీకుగానే నువ్వు అర్థం చేసుకోవాలి", అన్నారు.

శిష్యుడు ఇలా చెప్పాడు, "ఓ బుద్ధా, ఈ ఆరు సంవత్సరాలలో మీరు బోధించినవన్నీ నాకు గుర్తున్నాయి. మీరు నాతో చెప్పినవన్నీ నాకు గుర్తున్నాయి. మీరు నన్ను ఏదైనా అడగవచ్చు. దేనికైనా సమాధానం ఇవ్వడానికి నేను సిద్ధంగా ఉన్నాను. నేను ఏదో ఒక దిశలో వెళ్లి మీ జ్ఞానం గురించి ప్రజలకు చెప్పడానికి దయచేసి నాకు అవకాశం ఇవ్వండి." 

బుద్ధ మహాత్ముడు ఇలా చెప్పాడు, "జ్ఞానం తాలూకు పదాలను నువ్వు గుర్తుంచుకోవడం వల్ల ఏమీ రాదు! ఆ జ్ఞానాన్ని నీ ఆచరణలోకి తెచ్చుకుంటే తప్ప. అప్పటి వరకు, దానిని ఆచరించమని నువ్వు ఇతరులను అడగలేవు."

శిష్యుడు, "ఏదైనా సరే, దయచేసి నాకు అవకాశం ఇవ్వండి, దయచేసి నాపై నమ్మకం ఉంచండి, నేను నా జ్ఞానంతో అందరినీ మెప్పించగలను. వారి జీవితంలో శాంతిని కలిగించి, వారు ప్రశాంతంగా జీవించగలిగేలా - నేను ప్రజలకు అలాంటి విషయాలు చెప్పగలను" అని అన్నాడు.

బుద్ధ మహాత్ముడు ఇలా చెప్పాడు, "నువ్వు ఇంకా సిద్ధంగా లేవు, నువ్వు సిద్ధంగా ఉన్నప్పుడు, నేనే మిమ్మల్ని సరైన మార్గంలో వెళ్ళమని అడుగుతాను." 

దానికి శిష్యుడు, "ఈ ఆరు సంవత్సరాలలో నేను ప్రజలను ప్రభావితం చేయగలిగినంత జ్ఞానం కూడా నాకు మీరు ఇవ్వలేదా?" అని అడిగాడు.

బుద్ధ మహాత్ముడు ఇలా చెప్పాడు, "సరే, నువ్వు తూర్పు వైపుగా వెళ్ళు. అక్కడ ఒక గ్రామం కనిపిస్తుంది. వెళ్లి అక్కడ భిక్ష అడుగు, నీ జ్ఞానంతో అక్కడి ప్రజలకు సహాయం చెయ్యి. రేపు ఉదయం ఒంటరిగా అక్కడికి వెళ్లి, సాయంత్రం తిరిగి రా. అక్కడి ప్రజలకు నువ్వు ఎలా సహాయం చేశావో తిరిగొచ్చి చెప్పు."

శిష్యుడు అది విని చాలా సంతోషించి, బుద్ధుని ఆశీస్సులు తీసుకుని వెళ్ళిపోయాడు. రాత్రంతా జ్ఞానాన్ని సేకరిస్తూనే ఉన్నాడు. మరుసటి రోజు, ఆ గ్రామ ప్రజలతో పాటు బుద్ధుడు కూడా తనను చూసి ముగ్ధుడైపోయేలాగా, అలాంటి జ్ఞాన ముద్ర ఆ గ్రామంలో వేయాలని తనలో తాను అనుకున్నాడు. ఉదయాన్నే మేల్కొని, బుద్ధ మహాత్మునికి నమస్కరించి, ఆపై తూర్పు దిక్కుగా  బయలుదేరాడు.

అతను సాయంత్రం తిరిగి వచ్చినప్పుడు, అతని నుదిటికి గాయమై రక్తస్రావం అవుతూండడం బుద్ధుడు చూశాడు. 

బుద్ధుడు, "నీకు ఆ గాయం ఎలా అయింది?", అడిగాడు.

శిష్యుడు ఇలా చెప్పాడు, "అయ్యో గురుదేవా, అక్కడి ప్రజలు చాలా దుర్మార్గులు, వారికి కనీస తెలివితేటలు కూడా లేవు, నేను భిక్ష అడగడానికి ఆ గ్రామానికి వెళ్ళాను, కాని నాకు ఎవ్వరూ ఏమీ ఇవ్వలేదు.  అందరూ నన్ను దుర్భాషలాడారు. ఒక వ్యక్తి నాకు భిక్ష ఇచ్చాడు, కానీ అతను దానిని క్రిందకు విసిరి, "తీసుకో ", అన్నాడు. నేను వారికి చాలా వివరించాను, కాని వారు నా మాట వినడానికి సిద్ధంగా లేరు. బదులుగా, వారు నాతో గొడవ పడ్డారు, దానివల్లే నేను గాయపడ్డాను. ఓ బుద్ధా, మనుషులకు కొంత జ్ఞానం ఉన్న చోటికే నన్ను పంపండి, ఇలాంటి చోటికి కాదు."

శిష్యుడి మాటలు విని బుద్ధుడు నవ్వి, “ఇతర గ్రామాలలో కూడా ఇలాంటి వ్యక్తులే కనిపిస్తే ఏం చేస్తావు?” అని అడిగాడు. 

శిష్యుడు ఇలా అన్నాడు, "అయ్యో బుద్ధా, అలాంటి వారికి ఎవరూ జ్ఞానాన్ని అందించలేరు, ఆ వ్యక్తులు అజ్ఞానులు, వారికి ఏదైనా ఎవరు వివరించగలరు!"

 బుద్ధ మహాత్ముడు ఇలా అన్నాడు, "వారు అజ్ఞానులు కాదు, తెలివైనవారు. కానీ వారికి వారి స్వంత జ్ఞానం ఉంది. ఇప్పుడు నువ్వు మరొకరి జ్ఞానాన్ని దెబ్బతీస్తే, స్పష్టంగా వారు ఏదో ఒకటి అంటారు. నీకు అలాంటి వ్యక్తులు ప్రతిచోటా కనిపిస్తారు. అప్పుడు నువ్వు వారికి నీ జ్ఞానాన్ని ఎలా అందిస్తావు? " అని అంటూ శిష్యునితో "నువ్వు ఈరోజు విశ్రాంతి తీసుకో. రేపు సాయంత్రం నా దగ్గరకు రా" అన్నాడు. శిష్యుడు అతనికి నమస్కరించి వెళ్ళిపోయాడు.

అతను మరుసటి రోజు సాయంత్రం బుద్ధుని వద్దకు తిరిగి వచ్చినప్పుడు, మరొక శిష్యుడు అక్కడ ఉన్నాడు. అతని చేతికి గాయమైంది. శిష్యుని చేతికి ఉన్న గాయానికి బుద్ధుడు కట్టు కట్టి, "నీకు ఈ గాయం ఎలా అయ్యింది?" అని అడిగాడు. 

శిష్యుడు ఇలా చెప్పాడు, "ఓ బుద్ధా, మీరు నన్ను తూర్పున ఉన్న గ్రామానికి వెళ్ళమని చెప్పారు. అక్కడే నేను గాయపడ్డాను." 

బుద్ధుడు "అక్కడ జరిగినదంతా చెప్పు" అన్నాడు.

శిష్యుడు ఇలా చెప్పాడు, "ఓ బుద్ధా, నేను అందరినీ భిక్ష అడిగాను, కానీ ఎవరూ నాకు ఏమీ ఇవ్వలేదు. భిక్ష ఇచ్చిన ఒక్క వ్యక్తీ కూడా దానిని నేలమీద విసిరి, "తీసుకో" అన్నాడు. నేను నిశ్శబ్దంగా దానిని ఎత్తుకొని నా పాత్రలో పెట్టుకుని, అతనికి మంచి జరగాలని ఆశీర్వదించాను, అప్పుడు ఆ వ్యక్తి నాతో, 'నువ్వు చాలా విచిత్రమైన వ్యక్తివి, నేను నిన్ను అవమానిస్తున్నాను, కానీ నువ్వు నన్ను ఆశీర్వదిస్తున్నావు' అని అన్నాడు. 

నేను అతనితో, 'నువ్వు దాతవి, నీవు నాకు దానమిచ్చావు కాబట్టి నేను నిన్ను ఆశీర్వదిస్తున్నాను' అని చెప్పాను.

ఆ తర్వాత అక్కడి నుంచి ముందుకు వెళ్లగానే కొందరు నన్ను అక్కడి నుంచి వెళ్లిపొమ్మన్నారు.నన్ను దుర్భాషలాడారు, నాపై రాళ్ళు రువ్వారు, అది నన్ను బాధించింది. నేను తిరిగి వచ్చేస్తుంటే ఒక తల్లి రోదించడం చూసాను. అనారోగ్యంతో ఉన్న తన బిడ్డ గురించి ఆమె ఆందోళన చెందుతూ ఉంది. నేను వెంటనే అడవికి వెళ్లి ఆమె కోసం ఔషధ మూలికలు తెచ్చాను, కానీ అక్కడి ప్రజలు ఆమెకు మూలికలు ఇవ్వడానికి అనుమతించలేదు. ముందు బిడ్డను చూసుకోవడానికి నన్ను అనుమతించమని వారిని అభ్యర్థించాను, తరువాత, వారు చెప్పినట్లే చేస్తానని వాగ్దానం చేసాను.

అప్పుడు నాకు భిక్ష ఇచ్చిన వ్యక్తి గ్రామస్తులను ఒప్పించాడు, చివరకు వారు ఆ బిడ్డకు మూలికల మందు వేయడానికి నన్ను అనుమతించారు. కాసేపటికే పిల్లవాడు బాగుపడ్డాడు. వారి అసభ్య ప్రవర్తనకు గ్రామస్తులు క్షమాపణలు చెప్పి నాకు కృతజ్ఞతలు తెలిపారు. తర్వాత అక్కడి నుంచి తిరిగి వచ్చేసాను. ఓ బుద్ధా, నేను మిమ్మల్ని ఒకటి అభ్యర్ధించాలనుకుంటున్నాను. ఆ ఊరి ప్రజలు చాలా అమాయకులు, సాదాసీదాగా ఉన్నారు. నేను రోజూ అదే గ్రామానికి వెళ్లి భిక్ష అడగవచ్చా?"

మొదటి శిష్యుడు కూడా ఇదంతా వింటున్నాడు. ఇదంతా విన్న అతను బుద్ధుని పాదాలపై పడి, "ఓ బుద్ధా, ఇతరులకు జ్ఞానం ఇవ్వడానికి నేను ఇంకా సరిపోనని అర్థం చేసుకున్నాను" అన్నాడు.

బుద్ధ మహాత్ముడు ఇలా చెప్పాడు, "మనం లోపల ఉన్నట్లే, బయటి వ్యక్తులను చూస్తాం, మనల్ని మనం మార్చుకోకపోతే, మనం ఎవరినీ మార్చలేం. మనలో మార్పు ముఖ్యమైనది, ఏదైనా బోధించే ముందు, దానిని ఆచరణలో పెట్టడం చాలా ముఖ్యం. "✍️

             ♾️♾️♾️♾️♾️♾️

ఒక బిచ్చగాడు ఒక రాజభవనంలో ఎక్కువ కాలం ఉండలేడు, భగవంతుని దయతోనో లేదా రాజు దయతోనో అతను అక్కడ ఉండడానికి అనుమతించ బడతాడు. రాజభవనంలో ఉండాలంటే రాజుకుండాల్సిన లక్షణాలు పెంచుకోవాలి. మనల్ని మనం అంతర్గతంగానే కాకుండా మన ప్రవర్తనలో, మన జీవనశైలిలో కూడా అభివృద్ధి చేసుకోవాలి. సంపూర్ణ పరివర్తన అవసరం. ప్రతీది మారాలి. ✍️దాజీ.

.          *సర్వం శ్రీకృష్ణార్పణమస్తు*

                       🌷🙏🌷

   🙏లోకా సమస్తా సుఖినోభవన్తు!🙏

🍀🌺🍀🌺🍀🌺🍀🌺🍀🌺🍀

*రేపటి తరానికి బతుకు, భద్రత లతోపాటు భారతీయత కూడా నేర్పండి.*

                     ➖▪️➖