💐27శ్రీ లింగ మహాపురాణం💐

  

🌼శివార్చన తత్త్వము🌼

#ఇరవై ఏడవ భాగం#

సనత్కుమారుడు నందిని "పరమేశ్వరుడైనశివుడుస్వయంగా సృష్టి కర్త అయితే, ప్రతి జీవాత్మ యొక్కకార్యకలాపాలు ఆయనే ఎట్లా చేయిస్తాడుమహా దేవుడుశుద్దుడు,నిత్యుడునిష్కలుడు అంటున్నారు కదా! మరి ఆయనే ముక్తి దాత ఎలాఔతాడు" అనిప్రశ్నించాడు.

నందిసమాధానంఇలాఇచ్చాడు"పరమేశ్వర జ్ఞానము యొక్క ప్రయోజనం ఇరవై ఆరవ తత్త్వ మైన పరమేశ్వరుని అనుగ్రహం పొందటం. ధ్యానము జీవుని ఇరవై ఐదు తత్త్వాలు జయించ టానికి ఉపయోగ పడుతుంది.  మహత్తు, అహంకారము, ఐదు తన్మాత్రలు, జ్ఞానేంద్రియాలు ఐదు, కర్మేంద్రయాలు ఐదుపంచ భూతములు, బుద్ధి, మనస్సు, ప్రకృతి కలిపితే ఇరవై ఐదు తత్త్వాలు. పరమేశ్వరుడు ఇరవై ఆరవ వాడు. అతనే కర్త, భర్త,సంహర్త.బ్రహ్మనుసృష్టించిన వాడు ఆయనే. ఆయనే విశ్వము మాత్రమే కాదు విశ్వము కన్నా అధికుడు.

తల్లి తండ్రి లేకపోతే సంతాన జన్మము ఎలా అసంభవమో పార్వతి (ప్రకృతి), పరమేశ్వరుడు లేకపోతే ముల్లోకాలు ఉత్పన్నమయ్యేవే కావు.  కాలము అనగా సమయము ప్రతి వస్తువు కోసం వేచి ఉండి అభివృద్ధి చేస్తుంది. శివుడు కాలాన్ని అభివృద్ధి చేస్తాడు. కాలాన్ని గడిచేటట్టు కూడా ఆయనే చేస్తాడు.

మనస్సు శివుని పట్ల నిష్కళంగా ఉంటే ఆయన తన నిర్గుణ ప్రకృతిని మనస్సులో ప్రకాశింప చేస్తాడు. ఆయన వలనే విశ్వము స్థాపించబడి అస్థిత్వం కలిగి ఉంది. దేవాధిదేవుడైన శివుని అష్టమూర్తి ప్రతినిధి రూపమే ఈ జగత్తు. పంచభూతములు లేకపోతే , సూర్య చంద్రులు లేకపోతే , వీటిని సృష్టించిన యజమానుడు లేకపోతే ఈ జగత్తుకి అస్థిత్వమే ఉండేది కాదు. కాబట్టి సకల చరాచరములు శివుని రూపములే అని చెప్పవచ్చును.

మునులు, వేదములు దేనిని సూక్ష్మాతి సూక్ష్మంగా చెప్పుచున్నారో దానిని మనస్సు వాక్కుతో పొందలేము. ఎందుకంటే భగవంతుడు మనోవాక్కాయ కర్మలతో పొందేవాని కంటే అతీతుడు. సర్వము శివుని విభూతులే కాబట్టి సర్వము శివుడే. ప్రతి వస్తువు, జీవుడు శివుడే! శివుని విశిష్టతలపై ఈవిధంగా మనస్సు లగ్నము చేయుట పూర్ణ చింతన అవుతుంది.

భగవంతుని చింతన ప్రాణ, మనో, విజ్ఞాన, ఆనంద, అన్నమయ కోశ మార్గము ద్వారా చేయాలి లేదా విధి చేత చేయాలి. జగత్తు యొక్క అస్థిత్వానికి కారణము ఇదే. ఇదే మోక్షానికి హేతువు. మనస్సులో చింతన అనేక రకాలుగా ఉంటుంది. కావున పరమేశ్వర చింతన కోసం యోగులు నాలుగు మార్గాలు నిర్దేశించారు.

చింతనము ఒకే విషయము పై కేంద్రీకరించబడితే దానిని 'సునిష్ట' అంటారు. చింతనము రుద్రుని పై కేంద్రీకరించబడితే అది 'రౌద్రీ" అని పిలవబడుతుంది.  ఇంద్రుని పై కేంద్రీకరించబడితే' ఐంద్రీ' అనబడుతుంది. చంద్రుని పై కేంద్రీకరించబడితే  'చంద్రీ' అనబడుతుంది.  వ్యక్తి తన మనస్సుని ద్విధా అనగా రెండు విధాలుగా చింతన చేపడితే (అది, నేను లేక నేను అది) ఆ మననము' బ్రాహ్మీ' చింతనము అవుతుంది.

శౌనకాది మునులారా! కావున భగవత్ భక్తులు చరాచర జగత్తుని బ్రాహ్మీమయ రూపములో ధ్యానము (చింతన) చేయాలి. కోరుకున్న లక్ష్యాన్ని  మనస్సులో ఉంచుకుని మిగిలిన చరాచర ప్రపంచం వదలి వేయాలి.

మనస్సులో ఈ చింతన చేసేటప్పుడు అనేక ప్రశ్నలు ఉత్పన్నమవుతాయి. ఇది వదలి వేయుట నాకు సరియైనదేనా? ఇది స్వీకరించుటకు తగినదేనా? అది పొందుటకు యోగ్యమైనదేనా? ఏది చేయట మంచిది? ఏది చేయకుండా ఉండటం మంచిది? ఇలాంటి ప్రశ్నలకు సమాధానం చెప్పుకుంటూ సాధకుడు పరబ్రహ్మము యొక్క వాస్తవికత లేదా సత్యము గ్రహించాలి.

ఈవిధంగా అభ్యంతర పూజ ఉంటుంది. అభ్యంతర పూజలో నమస్కారాది విహిత కర్మలు కూడా ఉంటాయి. ఇటువంటి బ్రహ్మవాది వికృతుడైనా, విరూపుడైనా నిందించరాదు. పూర్వము దారుకావనంలో మునులు అలా శివుని నిందించడం వలన దుఖముల పాలైనారు"

అని నంది చెప్పగానే సనత్కుమారుడు "నందికేశ్వరా! తపస్సుల చేత పవిత్ర ఆత్మలు కలిగిన మునులు శివుని ఎందుకు నిందించారు? అసలు శివుడు నగ్న బ్రహ్మచారిగా వికృతరూపం ధరించి దారుకావనం ఎందుకు వెళ్లాడు? జరిగింది ఉన్నది ఉన్నట్టు తెలిపి నన్ను కృతార్థుని చేయండి" అని ప్రార్ధించాడు.

*తరువాత కధ రేపటి భాగంలో చదువుదాం*.

🌹శ్రీకాంత్ గంజికుంట 

కరణంగారి సౌజన్యంతో🌹

💜   ఓం శ్రీఉమా 

మహేశ్వరాయ నమ:💜

🙏లోకా:సమస్తాః 

సుఖినోభవన్తు🙏 

రేపటి తరానికి బ్రతుకు, భద్రత లతోపాటు భారతీయత కూడా నేర్పండి.*

     (సర్వం శ్రీశివార్పణమస్తు) 

                🌷🙏🌷

శుభమస్తు 🌹 🌷 ♥️ 🙏 స్వస్తి.

🍀🌺🍀🌺🍀🌺🍀🌺🍀🌺