🌻 *శ్రీరమణీయం*🌻

*"దైవదర్శనానికి ఖచ్చితంగా అడ్డు అయ్యేది ఏమిటి ?"*

*నిస్సందేహంగా దేహభావనే. ప్రకృతి ప్రభావంచేత దేహమే దైవదర్శనానికి అడ్డు అవుతోంది. అందుకే జిల్లెళ్ళమూడి అమ్మవారు "దేహమే సందేహం నాన్నా" అన్నారు.*

*చాలామందికి కలలో దైవం కనిపించడానికి కారణం అక్కడ దేహభావన లేకపోవడమే.*

*మెలకువగా ఉన్నప్పుడు దేహాభిమానం పోగొట్టుకుంటే నిరంతరం దైవంతో ఉండటం ఏమిటో అర్థమవుతుంది.*

*భక్తి, భజన, సత్సంగాలు ఇవన్నీ వ్యక్తిగతంగా సాధనకు ఉపకరిస్తాయి. ఒకరి నోటిలోని చింతపండు మరొకరికి నోరూరించగలదు గాని పులుపు పుట్టించలేదు.*

*అలాగే ఇతరుల సాధన మనలో ఆసక్తిని పెంచుతుందే కానీ అనుభవాన్ని ఇవ్వలేదు. దైవసాక్షాత్కారంలో ఎవరి అనుభవం వారిదే.*

*విచారణామార్గంలో మనం సహజధ్యానాన్ని సాధిస్తే, అనంతరం ఏరూపంలో సాధన చేసినా దైవానుభూతిని గుర్తించవచ్చు !*_

_*{ఆధార గ్రంథం : "శ్రీరమణీయం"}*