(541) (12.02.2026)

మూడు ముళ్ళ జీవితంలో అన్నీ సమస్యలే 

తెల్లారి లేస్తూనే పలకరించేను ఎన్నో బాధలే

సంసారం అంటేనే అన్నీ సమకూర్చుకోవాలి

లేదు – కాదు అని అనుకుంటే ప్రతీదీ వెతుక్కోవాలి //

వచ్చే  అర కొర జీతంతో జీవితాన్ని వెళ్ళదీస్తూ

ఫీజుల భారం మోయలేక చిన్న చిన్న స్కూళ్ళల్లో చదివిస్తూ

ఒక పక్క పిల్లలకు అండగా ఉండాలి

మరో పక్క శ్రీవారికి చేతనైన సహాయం చేయాలి //

వయసు అయిపోయిన అత్తమామలు

పెళ్ళికాని ఆడపడుచులు

ఇందరిని చూచుకుంటూ జీవితాన్ని ముందుకు నెట్టుకు రావాలి

ఏ చిన్న తేడా వచ్చినా తల పట్టుకుని కూర్చోవాలి //

సంసారమనే సైకిల్ నడవడానికి రెండు చక్రాలు తిరగాలి

అందుకు శ్రీమతి కూడా ఎంతో కొంత బాధ్యత తీసుకోవాలి

ఏదో ఒక చిన్న కొలువు చేస్తేనే బ్రతుకు బండి ముందుకు సాగుతుంది

ఆపై వేన్నీళ్ళకు చన్నీళ్ళు కొద్ది తోడుగా నిలుస్తుంది //

ఏ చక్రం ఊడిపోయినా బండి ముందుకు నడవదు

ఇద్దరిలో ఎవరికి ఉద్యోగం లేకపోయినా జీవితం గడవదు

చిన్న చిన్న సమస్యలను అధిగమిస్తూ ముందుకు సాగిపోవాలి

అందుకు ఆలుమగలు ఒక్క మాట మీదే నిలబడాలి //

మధిర వెంకట రమణ, హైదరాబాద్