****#ఆమె.! (ఇప్పటికే భర్తలయిన నాలాంటివాళ్లకోసం, ఇంకా భర్తలు కావాల్సిన మీలాంటివాళ్లకోసం ఇది.)

 #ఆమె.!

(ఇప్పటికే భర్తలయిన నాలాంటివాళ్లకోసం, 

ఇంకా భర్తలు కావాల్సిన మీలాంటివాళ్లకోసం ఇది.)

*ఖుషీ పాటలో ఆమె అడిగింది,

పసిఫిక్ సాగరం ఈదుతావా?

ఎవరెస్టు ఎక్కిస్తావా ?అని,

అందుకోసం నువ్వు 

స్వర్గాన్ని సృష్టిచేసి, 

కైలాసాన్ని దించక్కర్లేదు.

ఎందుకంటే ఆమెఅవి అడగదు,

నువ్వివి ఇవ్వలేవు.

*ఆమె వండితే, నువ్వు తోము,

ఆమె ఉతికితే, నువ్వు మడతెట్టు,

*ఆమె తుడిస్తే, నువ్వు తడిగుడ్డపెట్టు,

ఆమె పెడితే, నువ్వు తిని బాగుందని ఒక మాటను,

నువ్వు తినేముందు, ఆమెని తిన్నావా అని అడుగు.

*రొక్కం పది ఉంటే రోజాకొను,

అదే పదిలక్షలుంటే పసిడి కొను,

ఆమెకి రెండూ ఇష్టమే,

*ఆమె అలసిపోతే కాళ్లు పట్టు,

అలక వస్తే కన్నీళ్లు తుడు,

ఆమెకివింకా ఇష్టం.

*ఆమెకోసం ఏదైనా నేర్చుకో,

దాన్నొక సర్ప్రైజ్గా ఇచ్చుకో.

ఆమె కోపం వెనక కారణం తెల్సుకో,

చెప్పలేదని మిన్నకుండటం మానుకో.

*కండఉందని ఆమెని కొట్టేవు,

ఆ కండలవెనక నీ గుండె ఒక బండయ్యేను,

*నాలుకుందని ఆమెని తిట్టేవు,

నరకానికది ద్వారం తెరిచేను.

నీకోరిక తీర్చేందుకు ఆమె లేదు,

అదే కోరిక తీరినాక ఆమెని పక్కకి తొయ్యకు,

*అడిగి ముందడుగువెయ్యు,

మురిపెం పంచి ముద్దించు.

మంచం ఇద్దరిదీ అని మదిలో ఉంచు.

*ఆమెకున్న, ఆమెకి నువ్విచ్చిన గౌరవం నీకు నువ్విచ్చుకునేది,

నీకున్నది, నువ్వెప్పుడూ పిలవనిది ఆమె తగిలించుకోవాల్సిన 

*అవసరం లేనిది నీ ఇంటిపేరు,

ఆమె అస్తిత్వమే, నీ పేరు ప్రతిష్ట,

ఆమె స్వేచ్ఛే, నీ స్వాతంత్ర్యం. 

*ఆమె తెచ్చుకున్న రూపాయి నీదనుకోకు,

ఇస్తే కాదనకు, 

కాదంటే ఇంకెవ్వరికీ ఇవ్వకు,

అడిగి తీసుకుంటే మళ్లీ ఇచ్చెయ్యి,

*అర్థం, అర్ధం రెండూ ఆమే అని గుర్తించు.

కుచ్చిళ్లు సర్దు,

కుర్చీలు సర్దు,

చెవి దిద్దులు మెచ్చు,

చేతిసాయం పంచు.

❤❤❤❤❤❤❤