*వర్తమానం* పై దృష్టి పెట్టండి - --- డోంట్ వర్రీ

 2.                        Date: 25-04-2025.

 *వర్తమానం*  పై దృష్టి పెట్టండి   

                           - --- డోంట్ వర్రీ 

మనల్ని మనం సంతోషంగా ఉంచుకోవడానికి చేయాల్సింది

కొంతమంది జ్ఞాపకాల గురించి ఆలోచిస్తూ ఉంటారు. వారు గతంలో చిక్కుకున్నారని మీరు అనుకోవచ్చు.

"శ్వాసలో నిమగ్నమవు" అని జెంగో చెప్తుంది.

అంటే దీనర్థం, మనం ఊపిరి పీల్చుకునే ప్రతిక్షణం, వీలైనంత వరకు మనస్సాక్షిగా జీవించడం అని అర్థం.

దీనిలో "మూడు కాలాలలో నివసించు" అనే బౌద్ధ భావన మమేకమై ప్రతిధ్వనిస్తుంది.

మూడు కాలాలు గతం, వర్తమానం, భవిష్యత్తు. మనం ఈ మూడు కాలాల మధ్య గల అంతర సంబంధాలలో జీవిస్తున్నాము, అంటే మనం వర్తమానంలో జీవిస్తున్నాం, భవిష్యత్తు పుట్టబోతుంది. గతం ఇప్పటికే చనిపోయింది.

మరో విధంగా చెప్పాలంటే, చనిపోయిన, గతించిన గతాన్ని, పునరాలోచించడం వల్ల ప్రయోజనం లేదు. అలాగే వచ్చే వరకు ఇంకా పుట్టని భవిష్యత్తు గురించి కూడా మనం ఆలోచించకూడదు..

అంటే, మనం ఇక్కడ, ఇప్పుడు ఎలా జీవిస్తున్నాము. అనేది ముఖ్యమైనది.

ఈ మూడు లైన్ల పద్యం ఉంది. దీనిని సెన్సు అని పిలుస్తారు.

చెక్కి చేసిన గిన్నె కూడా

ఒకప్పటి చెర్రీ చెట్టు

యోషినో పర్వతం పై

ఇప్పుడు చైనా అరిగిపోయిన వస్తువుగా కనిపించేది ఒకప్పుడు యోషినో పర్వతంపై పూర్తిగా వికసించిన అద్భుతమైన చెర్రీ చెట్టు. అక్కడ ప్రేక్షకులు దాని అందాన్ని చూసి ఆశ్చర్యపోయారు.

మన గత వైభవం, గౌరవం మన ప్రస్తుత స్థితికి పునాది అవుతుంది.

కానీ ఇది యోషినో చెర్రీ పువ్వుల గురించి మాత్రమే కాదు. కొందరు వ్యక్తులు తమ అద్భుతమైన గతాన్ని తీసుకురావడానికి దొరికే అవకాశాన్ని చేజార్చుకోరు.

"నేను ఇంత పెద్ద ఉద్యోగంలో పనిచేశాను."

"ఆ ప్రాజెక్ట్ను విజయవంతం చేసింది నేనే"

వాస్తవానికి, బాగా చేసిన పని గురించి ఒకరు అనుభూతి చెందే సంతృప్తిని గుర్తించడం చాలా ముఖ్యం. విజయాన్ని జరుపుకోవడానికి పారదర్శకతను పెంచడం కూడా మంచిది.

అయితే పాత కథల మీద ఇంత కాలయాపన చేయడం సముచితమా? మన దృక్పథాన్ని కొంచెం మార్చుకుందాం.

"పదే పదే ఇష్టమైన విషయం గురించే మాట్లాడడం కాదు. ఇది వినడానికి చాలా దుర్భరంగా విసుగ్గా ఉంటుంది."

మీరు ఎప్పుడైనా అలాంటివి విన్నారా?

వాస్తవానికి, గత వైభవాల గురించి సుదీర్ఘమైన కథలను పదే పదే వినడం మహా అసహ్యకరంగా ఉంటుంది. అయితే ఇలాంటివి మాట్లాడే వ్యక్తికి, ఇది జుగుప్సాకరంగా అనిపించడం లేదా? అంటే వారు చాలా సంతోషంగా ఉన్నారని భావించడం కష్టం.

గతాన్ని స్థిరపరచడం అనేది ఒక వ్యక్తికి వర్తమానంలో విశ్వాసం లేకపోవడాన్ని సూచిస్తుంది. ఆందోళన, వ్యాకులత, భయం మీ హృదయం, మనస్సులోకి ఈ విధంగా ప్రవేశిస్తాయి.

ఇది మీ ప్రస్తుత స్వభావాన్ని అణగదొక్కేదానితో సమానమని కూడా ఎవరైనా అనవచ్చు.

నేను దీన్ని పునరుద్ఘాటిస్తాను. కాబట్టి ఇది మీ మనస్సులో నిక్షిప్తమవుతుంది: ఇక్కడ ఇప్పుడు మనం ఎలా జీవిస్తున్నామో ముఖ్యం.

మీ ప్రస్తుత స్థితి,ముక్కలని ఉడకపెట్టే పాత్ర లేదా ఎదుగు బొదుగూ లేని విషయం (లేదా డెడ్-ఎండ్ జాబ్...) తప్ప మరేమీ కాదని మీరు బాధ పడితే, అది మీ అసంతృప్తిని మాత్రమే పెంచుతుంది. ముక్కలు ఉడకపెట్టే పాత్ర కూడా ఒకరి ఆత్మారాముడిని సంతృప్తి పరచడానికి రుచికరమైన సూప్ తయారీ కోసం ఉపయోగపడుతుంది.

ఇప్పుడు మనం సూప్ చేయగలిగిన అత్యుత్తమ ముక్కలు ఉడకపెట్టే పాత్ర అయిపోదాం

శ్వాస తీసుకుంటూ వర్తమానంలో జీవించడం అంటే అదే.

సంసారం అనేది బౌద్ధ భావన ప్రకారం మరణం, పునర్జన్మ చక్రం-ప్రతిదీ పుడుతుంది.ఆ తర్వాత చనిపోతుంది, చనిపోయే ప్రతిదీ తిరిగి జన్మిస్తుంది.