*పేగు బంధం, కడుపు తీపి.*💕

*ఈ రెండూ అమ్మకి దేవుడు ఇచ్చిన ప్రసాదాలు. ఆ ప్రసాదం ఎంత తీపిగా ఉంటుందో ఆ కడుపుకే తెలుసు. ఆ బంధం విలువ ఎంత లోతైనదో ఆ మనసుకే తెలుసు.*

*రెండు దశాబ్దాలపాటు పెంచిన తండ్రికి గానీ, అరవై డెబ్భై సంవత్సరాల సహచరునకు గానీ, తెలియని, తెలుసుకోలేని రెండు స్త్రీ గుణాలు.*

*ఇంట్లో అందరూ తృప్తిగా భోజనం చేస్తే తన కడుపు నిండినట్టే. ఏ పదార్థమైనా రుచిగా అనిపించి మారు అడిగితే అంతులేని సంతోషం.*

*పిల్లలు చేసింది తిన్నారో లేదో అని బెంగ. ఈ తాపత్రయం ఎందుకో గానీ కాలగమనంలో పిల్లలు గుర్తించడం లేదు. ఆ కడుపు తీపి ఆవేదనను గమనించడం లేదు.*

*"పిల్లల కనగానే తీరేనా స్త్రీ విధి, ప్రేమగా పాపలను పెంచనిదొక తల్లియా" అన్నారు కవి శ్రీ సముద్రాల జూనియర్.*

*మరి ప్రేమను గుర్తించక, తల్లి మనసు తెలుసుకోక విస్మరించే పిల్లల్ని ఎలా రచించాలో?* 

*"కూరిమి గల వారంతా కొడుకులేనురా, జాలి గుండె లేని కొడుకు కన్నా కుక్క మేలురా" అని అనుకోవాలా?"*

*ఏమో మరి.*🙆‍♂️