వివాహం అంటేనే ఒకే వ్యక్తితో చాలాసార్లు ప్రేమలో పడటం

 *కొత్త కాపురాన్ని చూడటానికి వచ్చిన తండ్రిని Beach కి తీసుకెళ్లాడు కొడుకు. అతడి భార్య కూడా వారితో వచ్చింది. ముగ్గురూ ఇసుకలో కూర్చుని మాట్లాడుకుంటున్నారు.*

*దూరంగా పిల్లలు తడి ఇసుకతో ఇళ్లు కట్టుకుంటున్నారు. Beach అంతా Rush గా ఉంది.*

*"ఎలా ఉంది కొత్త సంసారం" అని అడిగాడు తండ్రి.-*

*కొడుకు మాట్లాడలేదు. కోడలు మొహమాటంగా నవ్వింది.*

*ఇంతలో దూరంగా పిల్లల మధ్య గొడవ మొదలయింది. అందులో ఒక కుర్రవాడు పక్కవాడి గూటి మీద కాలు వేయటంతో ఆ ఇసుక ఇల్లు నేలమట్టం అయింది. అందరూ కలిసి వాన్ని కొట్టబోయారు. పెద్దలు వచ్చి వాళ్లను విడిపించి సర్ది చెప్పారు.*

*"నిన్న రాత్రి చాలాసేపు మీరు ఏదో విషయంలో గొడవ పడుతున్నారు. అర్ధరాత్రి వరకూ మీ మాటలు నాకు వినిపిస్తూనే ఉన్నాయి” అని తండ్రి అన్నాడు.*

*“అబ్బే అదేం లేదు మామయ్య గారు” అంది కోడలు.*

*ఆయన నవ్వాడు “మీకన్నా పాతికేళ్లు పెద్దవాన్ని నా దగ్గర దాచవద్దు. ఏ విషయంలో జరిగింది గొడవ”*

*"నా Computer ముట్టుకోవద్దని చెబుతూనే ఉంటాను. తనకి Laptop ఉంది కదా. అనవసరంగా నా దాన్ని కెలుకుతూ ఉంటుంది. ఎంతో కష్టపడి తయారు చేసుకున్న File మొన్న Delete అయిపోయింది” నిష్ఠూరంగా అన్నాడు కొడుకు.*

*కోడలు వెంటనే ”ఎంతో Neatness గా సర్దుకున్న నా Shelf లో బట్టలన్నీ మొన్న మీరు చిందర వందర చేయలేదా? అయినా మీ Watch నా పట్టుచీరల మధ్యన ఎందుకుంటుంది?” అంది కోపంగా.* 

*"పట్టుచీరలు చిందరవందర చేయటం, Computer లో File Delete చేయటం ఒకటేనా?” అన్నాడు మరింత కోపంగా కొడుకు.* 

*ముసలాయన నవ్వాడు “నిన్న కూడా మీరు మొదట్లో చిన్న స్వరంతోనే మాట్లాడుకొని, ఆవేశం పెరిగాక పక్క గదిలో నేనున్నానని కూడా మర్చిపోయి నాకు వినిపించేంత గట్టిగా మాట్లాడుకున్నారు”*

*ఇద్దరూ సిగ్గుతో తలవంచుకున్నారు. ఈలోపు అప్పటి వరకూ ఆడుకుంటూన్న పిల్లలు అక్కడ నుండి వెళ్లిపోయారు. పెద్దాయన అటే చూస్తూ “ఆ పిల్లలు కొట్టుకోవడం చూసారు కదా. మీకేమైనా అర్థం అయిందా?” అని అడిగాడు. అర్థం కానట్టు చూసారు ఇద్దరూ.*

*"ఎలాగూ కూలిపోయే ఇసుక గూళ్ల కోసం పిల్లలందరూ కొట్టుకున్నారు. చీకటి పడేసరికి ఆ గూళ్లని అలాగే వదిలేసి వెళ్లిపోయారు. మన జీవితాలు కూడా అంతే. కొంతకాలం బ్రతుకుతాం ఆపై అన్నీ వదిలేసి వెళ్లిపోతాం. ఈ కొద్దికాలం ఎంత సంతోషంగా ఉండాలి? ఎలా సంతోషంగా ఉండాలి? అని ఆలోచించాలి తప్ప Delete అయిపోయిన File కోసం, నలిగిపోయిన పట్టు చీరల కోసం కొట్టుకుని మనసులూ, జీవితాలూ పాడుచేసుకోకూడదు.”*

*"వివాహం అంటేనే ఒకే వ్యక్తితో చాలాసార్లు ప్రేమలో పడటం”*

              *నిజమే కదా...✍️*

🙏🙏🙏 🙏🙏🙏 🙏🙏🙏