****♥️ *కథ* ♥️ మనలని యధార్థ లక్ష్యం వైపు తీసుకెళ్ళే వాహనాన్ని మనం జాగ్రత్తగా చూసుకుంటున్నామా?

 🧘🧘🧘🧘🧘🧘🧘🧘

♥️ *కథ*  ♥️

మనలని యధార్థ లక్ష్యం వైపు తీసుకెళ్ళే వాహనాన్ని మనం జాగ్రత్తగా చూసుకుంటున్నామా?

*మన* *వాహనం*!

నేను ముంబైలో ఒక అధికారిక పని మీద బెంగళూరు నుండి విమానం ఎక్కాను. నేను ఎకానమీ క్లాస్‌లో ప్రయాణిస్తున్నాను. విమానం ఎక్కగానే పైన ఉన్నఅరలో నా బ్యాగ్ పెట్టి నా సీటులో కూర్చున్నాను. సీటు బెల్టు పెట్టుకుని కూర్చునుండగా, నా ప్రక్కన కిటికీ వద్ద సీటులో కూర్చొని ఉన్న వ్యక్తిని చూశాను.

మరుసటి రోజు ముంబైలో ఉపన్యాసం ఉండడంతో,  దానికి తయారవడంలో నిమగ్నమై, చివరిసారిగా దానికి సంబంధించిన అంశాలు చూసుకుంటున్నాను. దాదాపు 15-20 నిమిషాల తరువాత, నా పనిని పూర్తి చేసి, ఆ డాక్యుమెంట్లను భద్రంగా బ్యాగ్‌ లో పెట్టుకుని కిటికీలోంచి బయటకి చూస్తూ, నా పక్కన కూర్చున్న వ్యక్తి ముఖంలోకి యాదృచ్ఛికంగా చూసాను.

ఇంతకు ముందు ఎక్కడో ఈ మనిషిని చూసినట్లుగా నాకనిపించింది! నేను జ్ఞాపకం తెచ్చుకోవడానికి ప్రయత్నిస్తూ, అనాలోచితంగా ఆయననే తదేకంగా చూస్తున్నాను, గుర్తొస్తుందేమోనని!

ఆయన వృద్ధుడు, కళ్ళ చుట్టూ, నుదిటిపై ముడతలు ఉన్నాయి. ధరించిన కళ్ళజోడు సాదాగా, మామూలు ఫ్రేమ్‌ తో ఉంది. ఆకట్టుకునేంతగా లేని సాధారణమైన ముదురు గోధుమ రంగు సూట్‌లో ఉన్నాడు. సహజంగా, నా దృష్టి ఆయన బూట్ల మీదకు వెళ్ళింది. అవి చాలా సాధారణమైన మామూలు బూట్లు మాత్రమే.

 తన మెయిల్‌ కు సమాధానాలు ఇవ్వడంలో, తన ఆఫీస్ కాగితాలను పరిశీలించడంలో నిమగ్నమై ఉన్నాడు. అకస్మాత్తుగా, ఆయన ఎవరో నాకు జ్ఞాపకం వచ్చింది.

నేను, “మీరు నారాయణ మూర్తిగారు కదా?” అని సంభాషణ మొదలుపెడదామన్నట్లుగా అడిగాను.

 నన్ను చూసి, నవ్వుతూ, “అవును”, అని బదులిచ్చారు.

నేను ఆశ్చర్యపోయాను!  కొన్ని క్షణాలపాటు నా నోటమాట రాలేదు. ఇంక అక్కడ నుండి సంభాషణను ఎలా కొనసాగించాలో నాకు అర్ధం కాలేదు.

నేను ఆయనని మళ్లీ చూశాను, కానీ ఈసారి మాత్రం ఒక భారతీయ కోట్లాధికారి, నారాయణ మూర్తి గారిని  చూస్తున్నాను!

ఆయన బూట్లు, సూట్, టై, కళ్లద్దాలు- అన్నీ చాలా మామూలుగా ఉన్నాయి. హాస్యాస్పదమైన విషయం ఏమిటంటే, ఈ వ్యక్తి విలువ $2.3 బిలియన్లు, ఈయన ఇన్ఫోసిస్‌  సహ - వ్యవస్థాపకుడు!

నేను ఈ ప్రపంచంలోని అన్ని విలాసాలను పొందగలిగేలా, బిజినెస్ క్లాస్‌లో ప్రయాణించగలిగేంత ధనవంతుడిని అవ్వాలని ఎప్పుడూ కోరుకుంటూ ఉంటాను. 

నా పక్కనున్న ఈ వ్యక్తి, మాత్రం,  మొత్తం ఎయిర్‌లైన్స్ కొనగలిగే స్థోమత ఉన్నవాడు, ఎకానమీ క్లాస్‌లో నాలాంటి మధ్యతరగతి వారితో ప్రయాణిస్తున్నాడు!

నేను ఆపుకోలేక, “ మీరు బిజినెస్ క్లాస్‌ లో కాకుండా ఎకానమీ క్లాస్‌ లో ఎందుకు ప్రయాణం చేస్తున్నారు ?” అని అడిగాను.

“బిజినెస్ క్లాస్ లో ఉన్నవాళ్ళు త్వరగా గమ్యం చేరుకుంటారా?”, అని నవ్వుతూ సమాధానమిచ్చాడు.

అది ఒక చమత్కారమైన సమాధానం అయినా చాలా అర్ధవంతంగా అనిపించింది! 

అప్పుడు, నన్ను నేను పరిచయం చేసుకుని, సంభాషణ ఇలా కొనసాగించాను, “నమస్కారం అండీ ! నేను ఫ్రీలాన్స్ కార్పొరేట్ ట్రైనర్ ని,  (స్వతంత్రంగా సంస్థలకు శిక్షణ ఇచ్చేవాడు). నేను అనేక MNC లతో, పాన్-ఇండియాతో కలిసి పని చేస్తున్నాను."

తన ఫోన్ పక్కన పెట్టి, ఆయన చాలా శ్రద్ధగా నా మాట వినడం ప్రారంభించాడు. ఆ రెండు గంటల ప్రయాణంలో ఒకళ్ళకొకళ్ళం అనేక ప్రశ్నలు వేసుకున్నాం. ఒక్కో ప్రశ్నతో సంభాషణ ఇంకా లోతుగా సాగింది. ఆ తర్వాత,  ఈ విమాన అనుభవాన్ని నాకు మరింత చిరస్మరణీయం చేసిన ఆ క్షణం రానేవచ్చింది!

" ఈ ప్రపంచంలో చాలా మందికి మీరు ఆదర్శం. మీ జీవితంలో గొప్ప గొప్ప నిర్ణయాలు తీసుకొని ఉండచ్చు. కానీ, మీరు పశ్చాత్తాపపడిన సందర్భం ఏదైనా ఉందా?" అని నేను ప్రశ్నించాను.

అది వినగానే ఆయన మొహం కాస్త గంభీరంగా మారిపోయింది. కాసేపు ఆలోచించి సమాధానం చెప్పారు.

“కొన్నిసార్లు, నా మోకాలు చాలా నొప్పిగా ఉంటుంది.  నా శరీరాన్ని మరింతగా సంరక్షించుకోవలసిందని  అనుకుంటాను. వయసులో ఉన్నప్పుడు, పనిలో చాలా బిజీగా ఉండడం వల్ల, నన్ను నేను జాగ్రత్తగా చూసుకోవడానికి నా వద్ద సమయం ఉండేది కాదు, ఇప్పుడు ఎక్కువ పని చేయాలనుకున్నా చేయలేను, నా శరీరం అనుమతించట్లేదు."

“నీవు యవ్వనంలో ఉన్నావు, తెలివిగా, ఉన్నతస్థితిని కోరుకునేవాడిగా ఉన్నావు. నేను చేసిన తప్పు నువ్వు చేయకు. నీ శరీరాన్ని సరిగ్గా చూసుకో, సరైన విశ్రాంతి తీసుకో. భగవంతుని అనుగ్రహంగా నీకు లభించిన ఒకేఒక  శరీరం ఇదే!”

ఆ రోజు నేను రెండు విషయాలు నేర్చుకున్నాను, ఒకటి ఆయన నాకు చెప్పింది, మరొకటి నాకు చూపించినది!

మనమందరం భౌతికంగా మెరుగ్గా ఉండాలనే ఆశతో మన జీవితాలను గడుపుతాం. ఈ ప్రక్రియలో మన ఆరోగ్యాన్ని నిర్లక్ష్యం చేస్తాం! మన శరీరాన్ని నిర్లక్ష్యం చేయడం అంటే, మన శారీరక, మానసిక ఆరోగ్యం రెండూ దెబ్బ తినడానికి మార్గం సుగమం చేసినట్లే.

మన శరీరం బాధలో ఉన్నప్పుడు జీవితంలో ఎలాంటి విలాసవంతమైన వస్తువులైనా మనకు ఉపయోగపడవు. వాస్తవానికి, శరీరం సహకరించడం ఆగిపోయినప్పుడు ప్రతిదీ స్వయంచాలకంగా, అదంతట అదే ఆగిపోతుంది.

ఈ జీవితంలో మనలని ముందుకు తీసుకెళ్లడానికి లభించిన ఒకేఒక శరీరం ఇది, దానిని తేలికగా తీసుకోవడం మంచిది కాదు.

 బుద్ధుడు ఇలా చెప్పాడు, "మన శరీరం విలువైనది, జ్ఞాన సిద్ధికి ఇది మన వాహనం. దానిని సంరక్షించుకోండి."

ఆ రోజు, నా జీవితంలో చాలా అత్యవసరమైన పాఠం నేర్చుకున్నాను.

ఈ ప్రపంచాన్ని మన శరీరంతో పోల్చవచ్చు. ఏదైనా ఒక అవయవం అనారోగ్యస్థితిలో ఉంటే, శరీరమంతా ప్రభావితమవుతుంది. 🌼💌 ప్రతిరోజు మిమ్మల్ని మీరు గమనించుకోండి ఇంకా మెరుగ ఉండడానికి ఆరోగ్యంగా ఉండడానికి మనశ్శాంతిగా ఉండడానికి ఏమి చేస్తే బాగుంటుంది అని మీలో తపన కలిగే విధంగా మిమ్మల్ని మీరు మార్చుకోండి,

 జైహింద్