*🌾🕉️నిర్వాణ షట్కమ్!!!🌾*

*🌺🌾పేరులోనే వున్నట్లుగా ఇది ఆరుశ్లోకాల మణిహారం.  అలతి పొలతి పదాలతో, సంస్కృత జ్ఞానం అంతగా లేకపోయినా, అర్ధం గ్రహించగలిగే, నవనీతపు ముద్దలు*.

*🌺🌾నిర్వాణ షట్కాన్ని ' ఆత్మషట్కమ్ ' అనికూడా వ్యవహరిస్తారు. జగద్గురువులు ఆదిశంకరులు ఈ ఆరుశ్లోకాలలో అద్వైతానికి మూలమైన  ' నేను ఎవరిని ? ' అనే ప్రశ్నకు సమాధానంగా చెప్పిన విధానం, ముముక్షువులకు కరదీపిక.   మహావాక్యాల సారమే ఈ నిర్వాణ షట్కమ్*.

*🌺🌾ఈ నిర్వాణ షట్కాన్ని ఆదిశంకరులు ఆశువుగా తన ఎనిమిదవయేట చెప్పారు.   నర్మదా నదిప్రాంతంలో, గురువు కొరకై అన్వేషిస్తున్న సమయంలో, గోవింద భగవత్పాదుల వారిని బాల శంకరుడు చూడడం సంభవించింది.  అప్పుడు వారు బాల శంకరుని, యదాలాపంగా,  ' నీవు ఎవరివి ? ' అని అడిగిన ప్రశ్నకు, ఈ ఆరు శ్లోకాలలో సమాధానం చెప్పారని ప్రతీతి*.  

*🌺🌾ఈ శ్లోకాలు విన్నవెంటనే, గోవింద భగవత్పాదులవారు, శంకరుని తమశిష్యునిగా అంగీకరించినట్లు తెలుస్తుంది. ఆత్మ సాక్షాత్కారానికి పునాది వంటివి ఈ శ్లోకాలు*.

*🌺ఒక్కొక్క శ్లోకం*

  *చదువుకుందాం🌺*.

*శ్లో. మనోబుద్ధ్యహంకార చిత్తానినాహం న శ్రోత్రం న జిహ్వాన చ ఘ్రాణనేత్రే /*

*న చ వ్యోమభూమిర్న తేజో న వాయు : చిదానన్దరూప శ్శివో>హం  శివో>హం // 1*

*🌺🌾నేను పరిపరివిధాలా ఆలోచనలుచేసే మనస్సును కాను, అనేక కర్మలు చేయడానికి ప్రేరేపించే బుద్ధిని కాను, అహంకారము మొదలైన వికారములు నేనుకాను. వినదగినవి వినదగనివి వినే వినికిడి సాధనమైన చెవిని నేను కాను*. 

*అనేక రుచులకు అలవాటు పడిన నాలుకను నేనుకాను. నానావిధ పరిమళములను, దుర్గంధాలతోసహా, ఆఘ్రాణించే నాసికను నేను కాను.* 

*చూడవలసిన, చూడకూడని దృశ్యాలుచూసే నేత్రాలు కూడా నేను కాను*

*🌺🌾జగత్తంతా ఆక్రమించిన ఈ శూన్య ప్రదేశము అయిన ఆకాశమును నేను కాను*, 

*సకలజనులను, ప్రకృతి సంపదలను మోసే భూమిని నేను కాను*. 

*సమస్తమును ఆహుతి చేయగల సత్తావున్న అగ్నిని నేనుకాను*. 

*విశ్వమంతావ్యాపించే వాయువును నేనుకాను.* 

*అదేవిధంగా, ఎక్కడికైనా చొచ్చుకుని పోగల జలమును కూడా నేను కాను*. 

*మరి నేను ఎవరిని ?  నేను వీటన్నిటికీ అతీతంగావున్న, సచ్చిదానంద రూపుడనైన మంగళప్రదుడనైన శివుడనే నేను.  ఆ శివుడనే నేను*.

*శ్లో.*

*నచ ప్రాణ సఙ్నో నవై పంచవాయుర్నవా సప్తధాతుర్నవా పంచకోశ* : /

*న వాక్పాణి పాదౌ న చోపస్థ పాయు: చిదానంద రూప శ్శివో>హం శివో>హం // 2*

*🌺🌾పైన చెప్పినవే కాకుండా, నేను ప్రాణమును కాను, జీవుడను కాను.  ప్రాణా>పానాది పంచవాయువులను కాను.  శరీరాన్ని సక్రమంగా నడిపించే ఏడు ధాతువులను నేను కాను*. 

*ఈ ఉపాధి మాట్లాడే శక్తి నాదికాదు.  అనేక విధములైన కర్మలు చేసే పలుచోట్లకు తిరిగే, చేతులు కాళ్ళు నేను కాను. అలాగే బాహ్య అంతరేంద్రియములు ఏవియు నేను కాను.  మరి నేనుఎవరిని ? నేను కేవలం సచ్చిదానంద స్వరూపుడను, మంగళకరుడను అయిన శివుడనే.  అవును నేను శివుడనే.*

*🌺🌾నేను సాక్షాత్తు సచ్చిదానంద స్వరూపుడను తప్ప, వేరుకాదనే అఖండబోధను జగద్గురువులు నిర్వాణ షట్కమ్ ద్వారా వివరించిన విషయం గుర్తు చేసుకోవడం యెంతో సమంజసం*. 

*శ్లో. న మే ద్వేషరాగౌ న మే లోభ మోహౌ మదోనైన్యమే నైవమాత్సర్య భావ :*

*న ధర్మో నచార్దో న కామో న మోక్ష : చిదానంద రూప శ్శివో>హమ్ శివో>హం // 3*

*🌺🌾నాకు నావారు, పరులు అనే భేదభావనలు లేవు. అందువలన ఎవరిపై రాగద్వేషములు లేవు.  అదేవిధంగా నాది అంటూ నాకు ఏమీలేదు.  కాబట్టి దేనిపైనా నాకు లోభం కానీ మోహం కానీ వుండే అవకాశం లేదు*.

*🌺🌾అదేవిధంగా, ‘ నేను ఎవరికన్నా అధికుడను ‘  అనే భావం నాకు లేదు, నాకు ఎవరితో పోటీ లేదు.   కాబట్టి, నాకు మదము లేదు, ఏ ప్రాణితో నాకు మాత్సర్యము లేదు*.  

*🌺🌾నేను చేయవలసిన కార్యములు ప్రత్యేకంగా నాకు ఏమీలేవు. కాబట్టి, ఏ ధర్మమూ, నన్ను బంధించలేదు, ధనంతో నాకు పనిలేదు.  కోరికల ప్రసక్తే లేదు.  నేను సచ్చిదానంద స్వరూపుడను అయిన శివుడనే కాబట్టి,  ప్రత్యేకంగా మోక్షగామిని కాదు.  ఆ శివుడనే నేను*.

*🌺🌾' అహం బ్రహ్మాస్మి ' భావన, సాధకునికి రావడానికి ఇంతకంటే ప్రమాణం ఏమి వున్నది*. .

*శ్లో. న పుణ్యం న పాపం న సౌఖ్యం న దుఃఖం న మంత్రో న తీర్ధం న వేదా న యజ్ఞా* : /

*అహం భోజనం నైవ భోజ్యం న భోక్తా చిదానందరూప శ్శివో>హం శివో>హం // 4*

*🌺🌾నాకు సంబంధించిన పుణ్యకార్యములు ఏవీలేవు.   అలాగే* *పాపకార్యములుకూడా.*  

*ఇక సుఖదుఃఖాల ప్రసక్తేలేదు మంత్రజపాలు తీర్ధప్రసాదాలు, వేదములు, యజ్ఞ యాగాలు ఇవన్నీ నాకు సంబంధించినవి కాదు నేను భోగింపబడే వస్తువును కాదు, భోగములు అనుభవించేవాడను కాను*.  

*మరి నేను ఎవరిని ?  నేను శుద్ధ బుద్ధ స్వరూపుడను*.  

*పై చెప్పినవానికన్నింటికీ సాక్షీభూతంగావుండే శుద్ధ చైతన్యాన్ని.  నేను చిదానంద స్వరూపుడను.   నేను మంగళకరుడను. శివుడను*.

*🌺🌾ఇంత చక్కని భావన ముముక్షువులో అంకురించితే, మోక్షమార్గం పట్టినట్లే కదా* ! 

*🌺🌾ఇక్కడ, అపరిపక్వ దశలోవున్న సాధకుడు వితండవాదన చేసే అవకాశం వున్నది.  మోక్షగామికి భక్తిమార్గం అవసరం లేదనుకునే, అలసత్వం వచ్చే ధోరణి ప్రబలకుండా, గురుశుశ్రూషతో, భక్తిమార్గం ద్వారా జ్ఞానమార్గం పొందాలి*. 

*🌺🌾అలా చెయ్యకపోతే,  సాధకుడు రెంటికీ చెడిన రేవడి అయ్యే అవకాశం వున్నది.  పుణ్యపాపములు భస్మం అవ్వాలంటే ఆ ధోరణి భక్తిమార్గం ద్వారానే సాధ్యం*.

*🌺🌾' అహం బ్రహ్మాస్మి ' అనే భావనలో వున్న ముముక్షువునకు, పైన చెప్పినవి ఏవీ దైనందిన కారక్రమములలో వుండవు. కేవలం బ్రహ్మ భావన, జీవ బ్రహ్మఐక్యమే లక్షసాధన.  ఆ పరబ్రహ్మ తత్త్వం అనేది అలవడడమే, బ్రహ్మఐక్యాన్ని పొందడానికి హేతువు, అని సాధకుడు గుర్తించాలి*.

*శ్లో.*

*నమృత్యుర్న శంకా నమే జాతి భేద: పితామేనైవ న మాతా న జన్మ : /*

*న బంధుర్నమిత్రం గురుర్నైవ శిష్య : చిదానందరూప శ్శివో>హం శివో>హం* // 5 .

*🌺🌾నాకు మృత్యువులేదు, నేను సచ్చిదానందమనే అమృతాన్ని ఎల్లప్పుడూ గ్రోలుతూండే వాడిని గనుక*.   *నాకు జన్మ మృతు జరా వ్యాధుల గురించి ఏ సందేహమూ లేదు, అవి నన్ను అంటలేవు కాబట్టి*.  

*నాకు ఉపాధిజ్ఞానమే లేనందున ఏజాతివాడను అనే స్పృహ లేదు.  ఏ జాతిమీదా తక్కువ భావం అసలేలేదు*.

*🌺🌾నేను సనాతుడను కాబట్టి, నాకు శాశ్వత తల్లిదండ్రులు, బంధుమిత్రులు, గురువులు లేరు.  శిష్య పరంపర అసలే లేదు*

 

*🌺🌾నన్ను నేనుగాగాక వేరే ఏమీ స్పృహలోకి రానప్పుడు, నేను అద్వితీయుడనే*. 

*మరి సామాన్య జీవికి ఇవన్నీ ఉండడం యదార్ధమని మిధ్యాభావంలో నమ్ముతున్నప్పుడు, నీవు ఎవరివి ? నేను చిదానంద రూపుడనైన శివుడనే. ఆ శివతత్వమే నేను*.

*🌺🌾" తత్వమసి " అనే మహావాక్య సారమే ఈ సమాధానం గా జగద్గురువులు చెప్పారని తెలుసుకోవడానికి మనకు ఇంతకంటే తార్కాణం ఏం కావాలి ?* 

*ఈ లౌకిక ప్రాపంచిక జీవితంలో ప్రతిజీవి భ్రమతో తాదాత్మ్యం చెందుతున్న, శాశ్వతమనుకునే అశాశ్వత సంబంధాలైన తల్లిదండ్రులు*, *బంధుమితృలు, గురు శిష్య సంబంధాలను త్రిప్పి కొడుతున్నారు గురుదేవులు*.   

*ఎందుకంటే, అవి శాశ్వతములు కావని వారికి తెలుసు కనుక.*

*🌺🌾అలాగే జాతి భేదములు, మృత్యుభయమును.   మృత్యువే లేదను స్థిరభావం ఉన్నవాడిని మృత్యువు ఏం చేస్తుంది ?* 

*🌺🌾మృత్యువు తనకు, ఆ ఉపాధి మీద వుండే అధికారంతో తనపని తాను, ఆ వుపాధి మీద చూపించి, ఉపాధిని చైతన్యము నుండి వేరుచేస్తుంది.  నేనుకాని ఉపాధి నా నుండి వేరైతే నేనెందుకు భయపడాలి ?  ఇదీ అసలైన ఆత్మజ్ఞాన ఆవిష్కరణ.  ఇదే రమణ మహర్షుల విషయంలో జరిగింది.*

*శ్లో.*

*అహం నిర్వికల్పో నిరాకార రూపో విభుత్వాచ్చ సర్వత్రా సర్వేంద్రియాణాం /*

*న చాసంగతం నైవ ముక్తిర్ణమేయ : చిదానందరూప శ్శివో>హం శివో>హం // 6*

*🌺🌾జీవ ఈశ్వర ఏకత్వము సిద్ధించిన వాడను కావున నేను నిర్వికల్పుడను, నిరాకారుడను, నేను అన్నిచోట్లా వ్యాపించి వున్నవాడను.*

*నేను ఇంద్రియముల అధీనములో లేను, సర్వేంద్రియములు నా* *అధీనములో వున్నవి.  నా చైతన్యము వలననే, అవి ప్రకాశించి ‘ వాటి పని అవి ‘ చేసుకో కలుగుతున్నవి*.

*🌺🌾నేను నిస్సంగుడను, నాకు ఏ విషయముతో సాంగత్యము లేదు.   నేను ముక్తుడనే అయివున్నాను కనుక, నాకు వేరే ముక్తిలేదు.  అసలు నాకంటూ ఉనికి లేనేలేదు.  మరి నేనెవరిని ? నేను చిదానంద రూపుడనగు శివుడను. మంగళకరుడను*.

*🌺🌾జగద్గురువులు చిన్న వయసులోనే, ఇంత నిశ్చయభావంతో, చెప్పారంటే, వారు అప్పటికే, తత్వజ్ఞాన ప్రతిబంధకములు అయిన సంశయాది భావనలు పోగొట్టుకుని, విపరీత భావనలను దూరంగాపెట్టి, సూక్ష్మబుద్ధితో ‘  తాను బ్రహ్మమును ‘  అని తెలుసుకున్నారు.*

*🌺🌾ఈ నిర్వాణ షట్క వాక్యాలను సాధకుడు అవగాహన చేసుకుంటే,  దీని ప్రభావం వలన,  చేతిలోనికి తీసుకున్న నీరు,ఎట్టి ప్రతిబంధకము లేక ఎలా సేవించవచ్చునో,  అట్టి విధంగా ‘ పరబ్రహ్మప్రాప్తి ‘ సునాయాసంగా లభిస్తుంది*. 

*🌺🌾కాబట్టి ‘ తత్వమసి, అహం బ్రహ్మాస్మి ‘ అనే మహావాక్యముల గురించి నిరంతరం చింతనజేస్తూ వానిలోనే సాధకుడు తాదాత్మ్యత చెందవలెను.*