****విరామం యొక్క శక్తి....కథ

 *విరామం యొక్క శక్తి....కథ*

 

ఒకప్పుడు ఒక స్త్రీకి ప్రతి చిన్న విషయానికి కోపం తెచ్చుకునే ఒక చెడు అలవాటు ఉండేది. ఆమెకున్న ఈ అలవాటు మొత్తం కుటుంబానికి ఆందోళన కలిగించేది. అందువల్ల ఇంట్లో ఎల్లప్పుడూ ఒక విభేదాత్మక వాతావరణం ఉండేది.

ఈ అలవాటు వల్ల ఆ మహిళ కూడా చాలా బాధపడుతూ ఉంది. ప్రతి చిన్న విషయానికి ఆమె వెంటనే ఉద్రేకపడి, కోప్పడిపోతూ ఉండేది.

ఒకరోజు, ఆమె భర్త యొక్క చిన్ననాటి స్నేహితుడు, వారిని చూడటానికి తన కుటుంబంతో వారి ఇంటికి వచ్చాడు. అతను వృత్తిరీత్యా వైద్యుడు. వారి సంభాషణలో, అతను మామూలుగా, "సోదరి, ఎలా ఉన్నావు?",అని అడిగాడు.

ఆ స్త్రీ హృదయాన్ని ఎవరో తాకినట్లుగా, ఆమె కళ్ళు ఒక్కసారిగా కన్నీళ్లతో నిండిపోయాయి. "నాకు చాలా త్వరగా కోపం వస్తోంది. ఆ క్షణంలో, నేను కోరుకున్నప్పటికీ, దానిని నియంత్రించలేకపోతున్నాను. తరువాత, నేను నిజంగా చాలా పశ్చాత్తాపపడుతున్నాను, దీని కారణంగా నా ఆరోగ్యం కూడా క్షీణిస్తున్నది, నాకు ఇప్పుడు ఏదీ నచ్చట్లేదు. నా జీవితంలోని ఆనందాన్ని నా కోపం దోచేసుకుంటున్నట్లుగా అనిపిస్తోంది",అని అన్నది.

ఆ డాక్టర్ స్నేహితుడు చాలా ప్రశాంతంగా ఆమె కష్టాలన్నీ విన్నాడు. అప్పుడు ఆమెను చూసి, ప్రేమగా నవ్వి, “ఇంతేనా సోదరి,.. కొంతకాలం క్రితమే కోపానికి వైద్యశాస్త్రం ఒక మందు కనిపెట్టింది.

దీని వల్ల వేలాది మంది లబ్ధి పొందారు. నేను ఎక్కడికి వెళ్లినా ఆ మందుని నా వెంటే ఉంచుకుంటాను", అని, తన బ్యాగ్లోంచి ఒక మందు సీసా తీసి ఆమెకు ఇచ్చాడు, *"నీకు కోపం వచ్చినప్పుడల్లా నాలుకపై నాలుగు చుక్కల మందు వేసుకొని, 10 నిమిషాలు లేదా నీకు హాయిగా అనిపించేంతవరకు నోటిలో పెట్టుకో. నీవు 10 నిమిషాల పాటు నోరు అస్సలు తెరవకూడదు, లేకపోతే ఈ మందు పనిచేయదు",* అని  చెప్పాడు.

ఆ స్త్రీ ముఖంలో ఒక ఆశ మెరిసింది, డాక్టర్ సూచించిన విధంగా మందును తీసుకోవడం ప్రారంభించింది. *కోపం వస్తున్నట్లు అనిపించిన వెంటనే ఆమె నోటిలో నాలుగు చుక్కల మందు వేసుకునేది. ఆమె 15 రోజుల పాటు ఆ పద్దతిని అనుసరించింది. ఆ స్త్రీకి కోపం వచ్చే అలవాటు కేవలం 15 రోజుల్లోనే తగ్గుముఖం పట్టింది.*

నెమ్మదిగా ఆమె సంతోషకరమైన జీవితాన్ని గడపడం ప్రారంభించింది. 

15 రోజుల తర్వాత భర్తతో కలిసి వైద్యుడి వద్దకు వెళ్లింది. డాక్టర్ గదిలోకి అడుగుపెట్టగానే ఆమె కళ్లు మళ్లీ కన్నీళ్లతో నిండిపోయాయి, కానీ ఈసారి మాత్రం ఆనందంతో నిండాయి. ఆమె డాక్టర్తో, "ఈ మందుతో నా కోపం దాదాపుగా మాయమైపోయింది. ఇప్పుడు నాకు అంత కోపం రావడం లేదు, పైగా మా కుటుంబంలో ఒక ప్రశాంత వాతావరణం నెలకొంది. నా జీవితాంతం మీకు కృతజ్ఞతతో ఉంటాను... దయచేసి ఆ మందు బాటిల్ ఇంకోటి ఇవ్వండి." అని అడిగింది.

అతను గట్టిగా నవ్వుతూ,"సోదరీ, నేను నీకు ఏ మందు ఇవ్వలేదు, కేవలం నీళ్ళు మాత్రమే ఇచ్చాను," అని చెప్పాడు.

ఆమె ఆశ్చర్యంతో ఉక్కిరిబిక్కిరి అయ్యింది, "అయితే నా కోపం ఎలా తగ్గింది?" అని అడిగింది.

డాక్టర్ చిరునవ్వుతో ఇలా బదులిచ్చాడు, *"నీకు కోపం వచ్చినప్పుడు, నోటిలో మందు పెట్టుకున్నావు - ఆ క్షణాల్లో, కోపం తాలూకు ప్రతికూల శక్తి స్థిరపడుతుంది, ఆ విరామం యొక్క క్షణాలే మనలోని వివేకాన్ని మేల్కొల్పుతాయి."*

*ఈ విధంగా మనం కోపం యొక్క వికృత శక్తిని, కారుణ్యమనే ఒక అందమైన పుష్పంగా మార్చగలం*.

మిత్రులారా, మనలో చాలా మంది ఈ అలవాటు వల్ల ఇబ్బంది పడుతుంటాం. దానిని వదిలించుకునే ఒక మార్గం కోసం వెతుకుతూ ఉంటాం.

‘దాజీ’ అని ప్రేమగా పిలుచుకునే హార్ట్ ఫుల్ నెస్ ఇన్స్టిట్యూట్ యొక్క గ్లోబల్ గైడ్ అయిన డాక్టర్ కమలేష్ డి పటేల్ ఇలా అంటారు,"ఈ సారి  *మీకు కోపం వచ్చినప్పుడు, మీలో కోపం ఎలా ప్రవహిస్తుందో గమనించండి. దానిని అణచివేయకండి. దాని గురించిన పూర్తి ఎరుకలో ఉండండి. ఈ కాస్త ఎరుకకి రుజువేమిటంటే, మీరు చీకటిలో ఒక కాంతి కిరణంలా వ్యవహరిస్తారు.”*

*హార్ట్ ఫుల్ నెస్  ధ్యానం*