శీర్షిక- అమ్మ. రచన -విద్వాన్‌ కె.సుధాకర్‌

మాతృదినోత్సవ సందర్భంగా మాతలందరికి మాతృదినోత్సవ శుభాకాంక్షలు.
రచన -విద్వాన్‌ కె.సుధాకర్‌,09.05.2021.
శీర్షిక- అమ్మ

అమ్మ

మమతల కోవెల
మమకారానికి ఆకారం
మాతృత్వానికి మాధుర్యం
మాటలకందని అనురాగం
మధురానుభూతుల స్వర్గం
మనోహరమైన అక్షరాల కలయిక
అమ్మ
మహిలో మకుటాయమానం
శిఖరాయమానం
మహిళల కాదర్శం
కవి కలానికందని
ఊహలకందని
వర్ణింప శక్యంగాని
అనిర్వచనీయం,అసాధరణం
అమ్మ
కమ్మగా,తియ్యగా పలుకు మాట
తన్మయత్వం చెందు మాట
తాదాత్మ్యం పొందుమాట
తనువు పులకించుమాట
తేనియలు చిందుమాట
అమ్మ
మధురమైన మాట
మరలా మరలా వినాలనే మాట
మళ్ళీ మళ్ళీ అనాలనే మాట
అలవోకగా అవలీలగా
యాదృచ్చికంగా
నిద్దురలో
కష్టసుఖాల్లో
తుదిశ్వాస వరకు పలికే మాట
అమ్మ
బుణం తీరనిది తీర్చుకోలేనిది
సూర్యుని వెలుగు మారవచ్చుగాక
చంద్రుని వెన్నెలా మారవచ్చుగాక
నక్షత్రాల వెలుగు అపరిమితం
వసంతకాలం వసంతానికొకసారే
కోకిలల గానమాధుర్యం వసంతంలోనే
నదుల ప్రవాహవేగం మారవచ్చుగాక
ఫలాల మధురత మారవచ్చుగాక
నదుల్లో నీరెండిపోవచ్చుగాక
బావుల్లో ఊట తగ్గిపోవచ్చుగాక
అమ్మ ప్రేమ మారనిది తరగనిది
కర్మలను బట్టి మనుషుల మమతలు మారవచ్చుగాక
సంతానం దూరమవచ్చుగాక
అధికారం,హోదా, పరపతి, డబ్బు పోవచ్చుగాక
బంధువులు మిత్రులు అందరు దూరం కావచ్చుగాక
అనారోగ్యాలు చూసి అన్యులసహ్యించుకోవచ్చుగాక
కాలక్రమేణా శక్తులుడగవచ్చుగాక
అందచందాలు తగ్గవచ్చుగాక
తగ్గనిది మారనిది అమ్మప్రేమ
అమ్మప్రేమముందు
కన్నయ్య ఫిర్యాదులు నిలబడలేదు
ప్రహ్లాదుని హరి భక్తి తప్పనిపించలేదు
రామయ్య కోర్కె అసాధ్యమనిపించలేదు
కుంతికి రహస్యం అంగీకరింపతప్పలేదు
గాంధారి పుణ్యఫలాన్నిప్రసాదింప వెనుకాడలేదు
పార్వతీపరమేశ్వరులకు సైతం పొరపచ్చాలు తప్పలేదు
మేనకాదేవి శివుడుల్లుడగుమాట పట్టించుకోలేదు
అమ్మప్రేమ కొలవలేనిది కొలమానంలేనిది.
అమ్మంటే
అమృతం కన్నా మిన్న
కల్పవృక్షం కన్నామిన్న
ఎెన్నెలకన్నా చల్లదనం
ప్రకృతికన్నా ఆహ్లాదం
అగ్నికన్నా ఎెలుగు
నీటి కన్నా స్వచ్చత
పారిజాతం కన్నా పరిమళం