****భగవాన్ రమణ మహర్షి కి ఏ విధంగా ఆత్మభోద కలిగినదో విశదీకరించబడినది .దేహము అనుభ్రాంతిలో ఉన్నప్పుడు బంధువులు , స్నేహితులు , శత్రువులు , నా వారు , నీ వారు , నేను , వాడు ఇలా తేడాలు కన్పిస్తాయి .

 భగవాన్ రమణ మహర్షి నిత్య పారాయణం

ఓం నమో భగవతే శ్రీ రమణాయ

అధ్యాయము 5

మార్పు 

      పై అధ్యాయమున భగవాన్ కి ఏ విధంగా ఆత్మభోద కలిగినదో విశదీకరించబడినది . శరీరము నశించిన ' నేను ' నశించునా ? ' నేను ' ఈ శరీరమేనా ? అని అనుకొనెను భగవాన్ . మరియు " ఈ శరీరము నిశ్శబ్దముగా , నిశ్చలముగా ఉంది . ( కాళ్ళు చేతులు చాచి పెదాలతో సహా బిగపట్టి శవంగా పడుకొనినప్పుడు అనుకొనిన మాటలు ) కాని జీవశక్తి ఉన్నట్లు తెలుస్తుంది . ' నేను ' అన్న శబ్దము కూడా లోలోపల వినిపిస్తుంది . పెదాలతో పలుకకపోయినా లోలోన ఆ ' నేను ' అన్న శబ్దము వినిపిస్తుంది . కాబట్టి ' నేను ' అన్నది దేహానికి అతీతమైనదని అది అతీతమైన శక్తి అని భౌతికముగా అగుపించే శరీరము చనిపోయినా మృత్యువు మటుకు ఆ చైతన్యశక్తిని తాకలేదు . దీనిని బట్టి చావులేనిదే చైతన్యమని ఆ చావులేని చైతన్యాన్ని ' నేను ' అని భగవాన్ నిర్ధారించినారు . మరియు భగవాన్ ఈ ' నేను ' యే ఆత్మ అని భగవాన్ దృష్టి ఆ ' నేను ' లేక ' ఆత్మ ' పైనే కేంద్రీకరించినారు . 

    ఈ మార్పు కలిగిన పిదప భగవానునిలో కొన్ని క్రొత్త మార్పులు కలిగినవి . అవి

1.  సదా ఆత్మలోనుడైనారు .

2. బంధువులతో మిత్రులతో దూరముగా ఉంటూ వచ్చారు .

3. చదువులో ముందున్న కొద్ది ఆసక్తి కూడా పోయినది .

4.  ధ్యాస బాహ్య వాటి పైకాక అనంతానికి తీసుకువెళ్ళింది .

5. స్నేహితులతో బంధువులతో వినయముగా ప్రవర్తించినారు .

6.  ఇది వరకు ఎవరైనా కొట్టినా తిరిగి కొట్టే భగవాన్ ఇప్పుడు పట్టించుకొనక మౌనముగా ఉండేవారు . 

7. స్నేహితులతో ఆటలు లేవు .

 8. ఎప్పుడూ ధ్యాన నిమగ్నులై అంతర్ముఖమై ఆత్మపై ధ్యాస నిలిపేవారు .

9. ప్రతిరోజు దేవాలయమునకు వెళ్ళి శివుని ముందు ఎంతోసేపు నిలబడేవారు .

10. అలాగే శివయోగుల ప్రతిమల ముందు , మీనాక్షీదేవి ముందు నిలబడేవారు .

11. ఎటువంటి కోరికలు కోరేవారు కాదు .

         పైన చూపిన మార్పులు గమనించినచో ఆత్మావలోకన కలుగక పూర్వము ఆత్మసాక్షాత్కారము కలిగిన పిదమ మనిషిలో ఎంతో వ్యత్యాసము వచ్చునని గమనించవలెను . దేహము అనుభ్రాంతిలో ఉన్నప్పుడు బంధువులు , స్నేహితులు , శత్రువులు , నా వారు , నీ వారు , నేను , వాడు ఇలా తేడాలు కన్పిస్తాయి . దీనివలన సుఖము , దుఃఖము కలుగుతాయి . రాగద్వేషాలు చెలరేగుతాయి. మాట పడకపోవటం , ఎవరైనా ఆటపట్టించినా లేదా కోప్పడినా తిరిగి దెబ్బకొట్టడం జరుగుతాయి . ఆటలలో ఉల్లాసం అదే సంతోషమని భ్రమ కల్గిస్తాయి . దేహము పై వ్యామోహము ఈ విధముగా దినదినాభివృద్ధియై జీవితముపై తీపి కలిగిచావుపై భయము కల్గుతాయి . దేహము అనుకొనువాడు సంసారములో పడి జనన మరణ చక్రములో ఒక రంగుల రాట్నము వలె క్రింద నుండి పైకి తిరిగి మళ్ళీ పై నుండి క్రిందికి పడతారు . అనగా పుట్టుట మరియు చచ్చుట ఇలా జరుగుతూనే యుండును . కావున భగవానకు కలిగిన ఆత్మబోధను జాగ్రత్తగా గమనించి తెలిసికొనిన జీవి సంసార చక్రములో పడక జీవించి ఉండగనే మోక్షము పొందగలడు . భగవాన్ భోదించిన ఆత్మభోదను మనకు కూడా అర్థమై స్వామి అనుగ్రహముచే ఆత్మానుభూతి కల్గి ఆత్మ సాక్షాత్కారము కావాలని భగవాన్ రమణుని శరణాగతి కోరుదాం .

           1. పుట్టినా  డెద్దయో పూనుదురే యుత్సవము

పుట్ట మన  కెద్ధియను బుద్ధిగొని - పుట్టుక 

గిట్టుకలే దై వెలుగు కేవల  వస్తువులో 

పుట్టినదే పుట్టిదినంబు.

    2. పుట్టునా డైనను పుట్టుక కేడ్వక 

    పుట్టినా  డుత్సవము బూనుట -  గిట్టిన 

    పీనుగు నలంకరించి పెట్టుటని తన్నెఱింగి

    యే  నణంగటే జ్ఞానమే.

       అరుణాచల శివ.