*"నువ్వు చేసే మంచిని" నువ్వు మరిచిపోయినా - దైవం మరిచిపోదు.!!*

*నువ్వు చేసే "చెడుని" దైవం మరిచిపోయినా- "కర్మ" మరిచిపోదు.!!*

*"మనం చేసే ఏ పనైనా వృథా పోదని చెబుతోంది. మనం చేసే మంచి పనులను దైవం గుర్తుంచు కుంటుందని..."*

*అలాగే మనం చేసే తప్పుల నుండి "కర్మ" సిద్ధాంతం నుండి ఎవరూ తప్పించుకోలేరని... ఎంతటి వారినైనా "కర్మ" వదిలిపెట్టదు అని ఇది హెచ్చరిస్తోంది. అంటే ప్రతి పనికీ "ప్రతిఫలం... ఖచ్చితంగా ఉంటుందని దీని అర్థం."*

*"మనుషులు సృష్టించిన  కంప్యూటర్, ఇంటర్ నెట్, CC కెమెరాలు, ఆర్టిఫిషల్ ఇంటెలిజెన్స్ (AI), వాట్సాప్ మొదలగునవి... వాటిని కనిపెట్టిన మనుషులకే ఇంత శక్తి సామర్థ్యాలు ఉంటే... మనుషులను సృష్టించిన భగవంతునికి సర్వ శక్తివంతునికి ఎంత నెట్ వర్క్ ఉంటుందో... ఎంత అనంతమైన శక్తి సామర్థ్యాలు ఉంటాయో కొద్దిగా అర్దం చేసుకోండి..."*

*"ఎవరూ చూడరు, ఎవరూ వినరు అని... ఎన్నో ఎన్నెన్నో చెడు కర్మలు చేస్తుంటే సృష్టి కర్త- పరమాత్మ- ప్రకృతి మాత చూస్తూ ఉండాలా..."*

*"చేసే మంచి చెడు కర్మల ఫలితాలు ఏదో ఒకరోజు అనుభవించి తీరవలసిందే..."* 

*"దైవానికి' కాదు 'కర్మకు' 'భయపడు దైవం క్షమించినా 'కర్మ' అనుభవించి తీరాల్సిందే.!!!*

*పాప-పుణ్యాలు నిర్ణయించేది చైతన్య శక్తి... అది ఏ సన్నివేశాన్ని, ఏ కర్మని మర్చిపోదు... శివ చైతన్య శక్తికి అనంతమైన జ్ఞాపకశక్తి ఉన్నది... కాలం నీ కర్మని వడ్డీతో సహా నీకే తిరిగి ఇచ్చేస్తుంది.*

*చిన్న విత్తనం పెరిగి మహా వృక్షం అవుతుంది. అదే విధంగా మనం చేసిన కర్మలకు ఫలితంగా కాలక్రమంలో విధిని అనుసరించి కర్మఫలం (కర్మ ఫలితం) లభిస్తుంది.*

*ఆ కర్మఫలాన్ని సరైన సమయంలో, తగిన విధంగా అందించే ఏకైక స్వాభావిక శక్తి ఈశ్వరుడు భగవంతుడు పరమాత్మ. సకల జగత్తుకు తండ్రి అయిన ఆయనకు ఒకరి మీద ఇష్టం, మరొకరి మీద ద్వేషం ఉండవు.*

*ప్రతి కర్మకు కర్మానుగుణంగా ఫలాన్ని ఇచ్చేదే భగవంతుని శక్తి, దీన్ని మనం ఈశ్వర శక్తి- శివశక్తిగా భావిస్తాం.*

*శాస్త్రాల్లో దీన్ని విధి లేదా కాలం అని పేర్కొన్నారు. ఏది ఎప్పుడు జరగాలో దాన్ని నిర్ణయించేది నియతి లేదా విధి... దీన్ని నియమబద్ధంగా నడిపించేది కాలం.*

*"ఇప్పుడు సరైన సాధన ద్వారా మనసును అందాల బృందావనం గా మార్పు చేసుకోవాలి..."* 

*"భగవంతుడు మానవ జన్మ ఉత్తమమైన జీవన విధానము కొరకే ఇచ్చాడు... మహత్తరమైన మానవ జన్మను మహోన్నతంగా తీర్చి దిద్దుకోవాలి..."*

*"అది మన చేతుల్లోనే మనయొక్క పాజిటివ్ ఆలోచనలు లోనే ఉంది..."* 

*"అందుకే నిత్యం, నిరంతరం నీలోకి నీవు ప్రవేశించాలి... అలా ప్రవేశించే అవకాశం, మార్గం సరైన సాధన ద్వారానే సాధ్యం..."*

 *"ముందుగా నిన్ను మనిషిగా పుట్టించిన భగవంతునికి ధన్యవాదములు, కృతజ్ఞతలు తెలియజేయాలి..."*

*"సక్రమమైన పద్ధతిలో జీవించడానికి మార్గం చూపిన గురువులకు, జన్మ నిచ్ఛిన తల్లి దండ్రులకు కూడా ధన్యవాదములు కృతజ్ఞతలు తెలపాలి..."* 

*"విశ్వాని ప్రకృతి తల్లిని (మాతని) చేసిన తప్పులకు క్షమాపణ కోరాలి..."*

 *"ప్రతిరోజు 10 నిమిషాలు మంచి సంకల్పంతో ప్రేమతో  ధ్యానంచేద్దాం. ఆరోగ్యంగా, ఆనందంగా, శక్తివంతంగా ఉందాం.*

ఈ ధ్యానం చేయడం ద్వారా, ఒత్తిడి నుండి పూర్తి స్వేచ్ఛ లభిస్తుంది, మనస్సు ప్రశాంతంగా ఉంటుంది. మనలో కొత్త శక్తిని నింపుతుంది.*

ఈ సత్యాన్ని తెలియచేసిన బ్రహ్మర్షి పితామ పత్రీజీ కి వేలవేల కృతజ్ఞతలు చెబుదాం .

 జై ధ్యాన జగత్ 

*🙏సర్వేజనా సుఖినో భవంతు🙏*

సేకరణ మీ రామిరెడ్డి మానస సరోవరం 👏