ఎంతో పెద్దది ఆకాశం.. ఏమంటున్నది నీ కోసం.. అలాగే నీ హృదయం కూడా విశాలమైతే చాలంటా అంటారు శ్రీ శ్రీ

✨🌊 ఎంతో పెద్దది ఆకాశం..
ఏమంటున్నది నీ కోసం..
అలాగే నీ హృదయం కూడా
విశాలమైతే చాలంటా అంటారు శ్రీ శ్రీ అవును..
✨మనం మన చుట్టూ నిత్యం కనిపించే వస్తువుల నుండి వివిధ అంశాలను నిరంతరం నేర్చుకుంటూ, నిరంతరం మోటివేట్ అవ్వగలిగితే, నిరంతరం విజయపథంలో ప్రయాణించవచ్చు. అలా 24 గంటలు మనకు కనిపించేది ఆకాశం..
✨ "ఆ ఆకాశం నుండి మనం ఎన్నో పాఠాలు నేర్చుకోవచ్చు అలాంటి కొన్ని పాఠాల గురించి ఇప్పుడు నేర్చుకుందాం..
✨" ఆకాశం విశాలమైనది.. ఎంత విశాలమైనది అంటే అంతకుమించి విశాలమైన వస్తువు ఈ ప్రపంచంలోనే లేదు అన్నంత విశాలమైనది ..
✨ఈ విశాలత అనేది దేనికి వర్తిస్తుంది తనను గొడుగుగా భావించి తన నీడలో సేదతీర్చే ప్రతి జీవిని సమానంగా చూడటంలో, తను ఇవ్వగలిగిన ప్రతిదీ జీవ, జంతు, వృక్ష జాతులకు వివక్ష లేకుండా అందివ్వడంలో ఆ విశాలత వర్తిస్తుంది.
✨ మనం కూడా అలాగే ఎలాంటి వివక్షత లేకుండా అందరినీ సమానంగా చూడగలగటం అనేది ఈ ఆకాశం నుండి నేర్చుకోవాలి .
✨అంత పెద్ద ఆకాశాన్ని కూడా మేఘాలు కమ్ముకోక మానవు, ఎంతటి మేఘాలు కమ్ముకున్న కాసేపటి తర్వాత ఆకాశం తన రూపాన్ని తిరిగి చూపక మానదు.
✨ అందుకే జీవితంలో వచ్చే కష్టాలకు కుంగిపోకండి, "ఆకాశం వంటి మిమ్మల్ని మేఘాలలా కమ్ముకున్న కష్టాలన్నీ కరిగిపోతాయి అన్న ధైర్యంతో ఉండండి".
✨ ఆకాశమే మీకు ఆదర్శం.. అంతేకాదు జీవితం అంటే కష్టసుఖాల సమ్మేళనం.. సుఖం వెనక కష్టం, కష్టం వెనుక సుఖం నడుస్తూనే ఉంటాయి.
✨ ఆకాశాన్ని ఎప్పుడైనా గమనించారా..ఆ ఆకాశం కూడా చీకటి తర్వాత వెలుగును, వెలుగు తరువాత చీకటిని నిత్యం తనలో నింపుకుంటూనే ఉంటుంది. "వెలుగు వెనకాల వచ్చే చీకట్లకు కుంగిపోదు, చీకటి వెనక వచ్చే వెలుతురును మర్చిపోదు..

✨ఆకాశం నుంచి మనం నేర్చుకోవాల్సిన మరొక పాఠం స్వేచ్ఛ..
✨ ఆకాశమంటే స్వేచ్ఛకు చిహ్నం".. ఎన్నెన్నో స్వేచ్ఛా విహంగాలకు అది వేదిక అవుతుంది,ప్రేమగా నిర్మలమైన హృదయంతో తనలో వాటికి చోటు ఇస్తుంది.
అలాగే " మీరు కూడా స్వేచ్ఛ చిహ్నాలుగా" మారండి..
✨ మీ చుట్టూ ఉండే వారికి స్వేచ్ఛ ఇవ్వండి..
మీదైన స్వేచ్ఛను ఎల్లప్పుడూ కలిగిఉండి ఆనందంగా అనుభవించండి ..
మీరు కూడా ఆకాశంలాగా మారిపోండి ..
ఆకాశమే మీ హద్దుగా విహరించండి ..



సేకరణ