*పంచయజ్ఞాలు* 

బ్రహ్మయజ్ఞం: ఒక ఋక్కును గాని, యజస్సునుగాని, సామాన్నిగాని అభ్యాసం చేయడమే వేదాధ్యయనం. దీన్నే బ్రహ్మయజ్ఞం అంటారు. స్వాధ్యాయం కూడా బ్రహ్మయజ్ఞమే.

దేవయజ్ఞం: వివిధ దేవతల తృప్తికోసం చేసే యజ్ఞాల్లో హవిస్సు ను స్వాహా పూర్వకంగా సమర్పించే కార్యక్రమమే దేవయజ్ఞం.

పితృయజ్ఞం: పితృదేవతల ప్రీతికోసం చేసే కర్మలు, తర్పణాలు ఆ కార్యక్రమాల్లో చేసే అన్న సంతర్పణ, పితృతర్పణాలు మొదలైనవి పితృయజ్ఞం.

భూతయజ్ఞం: ప్రతినిత్యం చేయాల్సిన వైశ్వదేవానుష్టానం తర్వాత జీవరాశుల తృప్తికొరకు భూతబలిగా ఇచ్చే ఆహార సమర్పణం, జంతువులకు ఆహారం పెట్టడం- భూతయజ్ఞం.

మనుష్యయజ్ఞం: తనకు కలిగిన విధంగా వచ్చిన అతిథి అభ్యాగతులకు అన్నదానం, ఇతర సహాయాలు చెయ్యడం మనుష్యయజ్ఞం.