🌷🙏ప్రపంచ ప్రఖ్యాతి గాంచిన వైద్యశాస్త్ర వేత్త,గుండె గుట్టు విప్పి చెప్పిన విలియం హార్వే గారి జయంతి సందర్భంగా.....🙏🌷

#సంపన్నమైన కుటుంబం... విలాసవంతమైన జీవితం... అయినా ఓ యువకుడు... చదువును విస్మరించలేదు... వైద్యుడైనా పరిశోధన ఆపలేదు... అందుకు ఫలితంగా... వైద్యరంగాన్నే మలుపు తిప్పాడు!

#ఇప్పటి వైద్యులు గుండె మార్పిడి శస్త్ర చికిత్సలు చేస్తున్నారు. గుండెలో కృత్రిమ వాల్వులను కూడా అమరుస్తున్నారు. కానీ నాలుగు వందల సంవత్సరాలకు పూర్వం ఒక శాస్త్రవేత్త, గుండె పనిచేసే తీరును, శరీరంలో రక్తప్రసరణ జరిగే పద్ధతిని వివరించకపోయి ఉంటే ఈ అద్భుతాలు సాధ్యమయ్యేవి కావని చెప్పవచ్చు. హృద్రోగుల ఆయుర్దాయం పెరగడానికి దోహదపడే విషయాలు చాటిచెప్పిన ఆ శాస్త్రవేత్త విలియం హార్వే.

#బాల్యం,విద్యాభ్యాసం:

విలియం హార్వే ఇంగ్లండులోని ఫోక్‌స్టోన్‌లో 1578 ఏప్రిల్‌ 1న సంపన్నుడైన పట్టణ మేయరుకు పదిమంది సంతానంలో ఒకడిగా పుట్టాడు. పదిహేనవ యేట కేంబ్రిడ్జిలోని సైన్స్‌ కాలేజీలో చేరాడు. ఆపై వైద్య విద్య కోసం ఇటలీలోని పాడువా వైద్య విద్యాలయంలో చేరాడు. హార్వేపై గణనీయమైన ప్రభావాన్ని చూపిన హైరోనిమస్ ఫాబ్రిసియస్ . అరిస్టాటిల్ యొక్క ప్రముఖ అనుచరుడు. ఇటాలియన్ తత్వవేత్త సిజేర్ క్రెమోనిని హార్వేకి బోధించాడు.

#అక్కడి నుంచి లండన్‌ తిరిగి వచ్చాక ఇంగ్లండ్‌ రాజు మొదటి ఛార్లెస్‌ కొలువులో ఆస్థాన వైద్యుడిగా నియమితుడయ్యాడు. అంతటి హోదాలో ఉన్న సంపన్నుడెవరైనా విలాసంగా జీవితం గడిపేస్తారేమో కానీ, విలియం హార్వే మాత్రం కొత్త విషయాలు తెలుసుకోడానికి పరిశోధకుడిగా మారాడు.

#పరిశోధనలు:

1615 లో రాయల్ కాలేజ్ ఆఫ్ ఫిజీషియన్స్ లో ఈయన లెక్చరర్ గా నియమింప బడ్డారు. చేపలు, కప్పలు,కోళ్ళ పిండాలను జాగ్రత్తగా పరిశీలిస్తూ వాటి రక్త ప్రసరణ గురించి ఎంతో క్షుణ్ణంగా అధ్యయనం చేయసాగాడు. గుండె ముడుచు కోవటం వల్ల రక్తం ధమనుల ద్వారా రక్త నాళాలకు వెళుతుందని తెలుసుకున్నాడు. నాడి కొట్టుకోవడం అంటే గుండె కొట్తుకోవడమే అని రుజువు చేశాడు. 

#మానవ శరీరంపై ఆసక్తి పెంచుకున్న హార్వే అనేక జంతువుల శరీర అంతర్భాగాలను క్షుణ్ణంగా పరిశీలించి గుండె పనితీరు, రక్త ప్రసరణ విధానాలను గమనించాడు. చనిపోయిన ఖైదీల శరీరాలను అడుగడుగునా పరిశీలించడం ద్వారా గుండె ఒక పంపులాగా పనిచేస్తుందని, శరీరంలో సిరలు, ధమనుల ద్వారా రక్తం వలయాకారంలో ప్రవహిస్తుందని తెలుసుకున్నాడు. రక్తం ప్రవహించే మార్గంలో వాల్వులు ఎలా పనిచేస్తాయో కనిపెట్టాడు. మనిషి గుండె నిమిషానికి ఎన్ని సార్లు కొట్టుకుంటుందో, ఎంత రక్తాన్ని పంప్‌ చేస్తుందో చెప్పగలిగాడు. తన పరిశీలనలతో రెండు అమూల్యమైన గ్రంథాలను వెలువరించాడు. వైద్య రంగానికి ఎనలేని మేలు చేసిన హార్వే పేరు ప్రతి మనిషి గుండె చప్పుడులో ప్రతిధ్వనిస్తూనే ఉంటుంది.

#గ్రంధములు:

క్రీ.శ 1628 లో హార్వే ప్రచురించిన అనటామికల్ ఎక్సర్ సైజ్ ఆన్ ది మోషన్ ఆఫ్ ది హార్ట్ అండ్ బ్లడ్ అనే పుస్తకం వైద్య శాస్త్ర చరిత్రలో అపూర్వమైనది. పరిశోధనల ద్వారా వచ్చిన ఫలితాలను మళ్ళీ పరిశోధనల ద్వారానే రూఢి పరచాలనే శాస్త్రవాది హార్వే. ఈ పుస్తకం ప్రచురించిన మూడు సంవత్సరాల తరువాత హార్వే మొదటి చార్లెస్ మహారాజుకు రాజ వైద్యునిగా నియమించబడ్డాడు. కానీ రాజకీయ విపరిణామాల కారణంగా హార్వే లండన్ విడిచి పెట్టవలసి వచ్చింది. అప్పుడే కొంతమంది దుండగులు హార్వే ఇంటిలో లేని సమయం చూచి ఆయన నాలుగు దశాబ్దాలుగా సేకరించిన దాచుకున్న అమూల్యమైన విజ్ఞాన సంపద నంతా నాశనం చేశారు. అయినా హార్వే బాధ పడలేదు. నిరాశతో క్రుంగిపోలేదు. ప్రత్యుత్పత్తి, పిండాభివృద్ధి అంశాల మీద జీవితమంతా పరిశోధించాడు. 1651 లో "ఎక్సర్ సైజస్ ఆన్ ది జనరేషన్ ఆఫ్ ఆనిమల్స్" అనే పుస్తకాన్ని ప్రచురించాడు. ఈ పుస్తకం ప్రతులు అతి త్వరితగతిలో అమ్ముడైపోయి కొత్త చరిత్రను సృష్టించాయి.

#విలియం హార్వే చాల ఖచ్చితమైన వ్యక్తి.అతను తరచూ తన సొంత ఆలోచనలలో ఎలా మునిగిపోతాడో, అతను తరచుగా నిద్రలేమితో బాధపడేవాడు.అతను చీకటిని కూడా;ఇష్టపడ్డాడు, ఎందుకంటే అక్కడే "... అతను ఉత్తమంగా ఆలోచించగలడు" అని చెప్పబడింది.  #అధికంగా కాఫీ తాగేవాడు.

ఖాళీ సమయంలో సాహిత్యం పక్షులపై ప్రేమ చూపేవారు. హార్వే 1657 సంవత్సరం జూన్ 3 న మరణించాడు.

🙏🙏🌹🌺🌷🙏🙏