_[—యండమూరి వీరేంద్రనాథ్ గారి “బేతాళ ప్రశ్నలు” అనే పుస్తకం లోనిదే ఈ అంశం...]_

***************************

*_⏰గడియారం గొడవ⌚_*

~~~~~~~~~~~~~~~~~~

*ఏదైనా శిఖరాన్ని ఎక్కే ముందు దానివైపు చూస్తే.. _'అమ్మో! ఇంత ఎత్తా'_ అనిపిస్తుంది. విసుగూ, భయమూ కలిసి నిస్సత్తువ కలుగుతుంది. తీరా ఎక్కిన తర్వాత చూస్తే... ప్రపంచం ఎంత క్రింద ఉందో తెలుస్తుంది. ఎక్కిన అలసట మటుమాయమై ఆనందం మిగులుతుంది. అదే జీవితం.* 

*😊ఆనందంలో కాలం విలువ తెలియదు.* 

*🕠కష్టాలొచ్చినప్పుడు కాలం ముందుకి కదలదు.* 

*⏰'కాలం విలువ' కష్టం వచ్చినప్పుడే గ్రహించాలి.* 

*గత శతాబ్దపు ప్రారంభంలో శాస్త్రజ్ఞులు సెకనులో 10,000వ వంతుని కొలవగలిగారు.*

*ప్రస్తుత శతాబ్దంలో, అంటే.. 2000 సంవత్సరంలో శాస్త్రవేత్తలు సెకనులో 1,00,00,00,00,000 భాగాన్ని కొలవగలిగే పరికరాల్ని కనుక్కున్నారు. అటువంటి (కాలానికి సంబంధించిన) బేతాళ ప్రశ్నలు ఇప్పుడు చదువుదాం.*

........... 

*పట్టువదలని విక్రమార్కుడు తిరిగి వెళ్ళి శవాన్ని భుజాన వేసుకుని మౌనంగా నడవసాగాడు.* 

*అప్పుడు శవంలోని బేతాళుడు ఈ విధంగా అన్నాడు... “చాలామంది విజ్ఞులు కూడా తమకు తెలిసిన మార్గంలోనే ఆలోచిస్తారే తప్ప రకరకాల ఇతర పరిష్కార మార్గాలు కనుక్కునే ప్రయత్నం చెయ్యరు. రాజా! ఈ ఉదాహరణ చూడు.*

¥ ¥ ¥ ¥

*కొంతమంది జనం దూరంగా ఒక పక్షిని గమనించారు. ఆ తరువాత వారందరూ ఆస్పత్రిలో చికిత్స పొందారు. పక్షి తనవైపు వేగంగా రావటాన్ని తాను చూశానని అందులో ఒక వ్యక్తి ఆ తరువాత వెల్లడించాడు. కొన్ని కోట్లు నష్టం జరిగింది... ఇలా ఎంతసేపు చెప్పుకుంటూ పోయినా అదేదో దెయ్యపు పక్షో, గండభేరుండమో అనుకుంటారే తప్ప, వారు విమానంలో ప్రయాణీకులన్న ఆలోచన రాదు.*

*ప్రశ్నకు తొందరతొందరగా సమాధానం చెప్పేయాలన్న కంగారు, చాలామంది విద్యార్థుల్ని తప్పుచేసేలా చేస్తుంది. “5, 6, 7, 8 అంకెల్లో ఏవేవి 2 చేత సమానంగా భాగింప బడతాయి?" అన్న ప్రశ్నకు తొందర్లో 6, 8 అంటారు.  నిజానికి అన్ని అంకెల్నీ '2' సమానంగానే భాగిస్తుందని, దేన్నైనా సగం సగం చేస్తుందనీ మర్చిపోతారు.*

°°°°°°°°°

*'ఒక గడియారం రెండు గంటలు కొట్టటానికి రెండు సెకన్లు పడుతుంది. మూడు గంటలు కొట్టటానికి ఎంత సేపు పడుతుంది?' అన్న ప్రశ్నకి సమాధానం: “నాలుగు సెకన్లు”. ఎలా అంటే టంగ్ (...) టంగ్ అని రెండు గంటలు కొట్టడానికి మధ్య ఒక విరామం ఉంటుంది. టంగ్ (...) టంగ్ (..) టంగ్ అని మూడు గంటలు కొట్టడానికి మధ్య రెండు విరామాలు ఉంటాయి. ఒక విరామానికి 2 సెకన్లు పడితే రెండు విరామాలకి 4 సెకన్లు పడుతుంది.*

*—©—©—*

_రాజా! పై సూచన ఆధారంగా ఇప్పుడు నేను అడిగే ఈ అయిదు ప్రశ్నలకీ సమాధానం చెప్పు._

*01) మొదటి ప్రశ్న: - ఒక గడియారం అయిదు గంటలు కొట్టటానికి 5 సెకన్లు పడితే, పదిగంటలకి ఎంతకాలం పడుతుంది?*

*02) రెండో ప్రశ్న: - ఒక గడియారం 6 గంటలు కొట్టటానికి 30 సెకన్లు పడితే, 12 గంటలు కొట్టటానికి ఎంతకాలం పడుతుంది?*

*03) మూడో ప్రశ్న: - అర్థరాత్రి 12 నుంచీ, మధ్యాహ్నం 12 వరకూ మధ్యలో ఒక సమయం దగ్గర - జరిగిపోయిన గంటలు, జరగవలసిన గంటలకన్నా రెండు రెట్లు ఉంటే, అప్పుడు సమయం ఎంతై ఉంటుంది? సమాధానం సులభం. ఉదయం ఎనిమిది గంటలకి, జరిగిపోయిన గంటలు 8, జరగాల్సినవి 4. ఈ ఉదాహరణ ఆధారంగా నీవు ఈ ప్రశ్నకి సమాధానం చెప్పవలసి ఉంటుంది. జరిగిపోయిన గంటలు జరగాల్సిన గంటలకి అయిదు రెట్లు ఉంటే అప్పుడు సమయం ఎంతై ఉంటుంది?*

*04) రాజా! ఇప్పుడు ఈ నాలుగో ప్రశ్న: మరింత కష్టమైనది. కానీ కాస్త మనసు పెట్టి ఆలోచిస్తే సమాధానం దొరుకుతుంది. అర్థరాత్రి 12 నుంచి జరిగిపోయిన నిమిషాలు, మధ్యాహ్నం 12 వరకూ జరగాల్సిన నిమిషాలకి తొమ్మిదిరెట్లు ఉంటే, అప్పుడు సమయం ఎంతై ఉంటుంది?*

*05) ఇక ఆఖరి ప్రశ్న: భూమి నుంచి దూరంగా వెళ్ళే కొద్దీ బరువు తగ్గుతుందన్న విషయం మనకి తెలిసిందే కదా. అందుకే అంతరిక్షంలో ప్రయాణం చేసేవారు శూన్యంలో తేలుతూ ఉంటారు. మరి భూమి లోపలికి, అంటే భూగర్భపు కేంద్రం వైపు ప్రయాణించగలిగితే బరువు తగ్గుతుందా? పెరుగుతుందా? ఒకేలా ఉంటుందా? ఈ అయిదు ప్రశ్నలకీ తెలిసీ సమాధానం చెప్పకపోయావో నీ తల వేయిప్రక్కలవుతుంది సుమా!" అన్నాడు.*

. 

. 

. 

. 

. 

. 

. 

.. 

. 

. 

. 

. 

. 

. 

. 

*(సమాధానం కావాలా..? ఇదిగోండి..)*

----------------------

*⌚బేతాళుడి మొదటి ప్రశ్నకి విక్రమార్కుడు ఈ విధంగా సమాధానం చెప్పాడు.*

*"అయిదు గంటలు కొట్టటానికి అయిదు సెకన్లు పడితే, పది గంటలు కొట్టటానికి 11.25 సెకన్లు పడుతుంది. అయిదు గంటల శబ్దాల మధ్య ఎన్ని విరామాలుంటాయి? నాలుగు!! అదేవిధంగా, పదిగంటల శబ్దాల మధ్య తొమ్మిది విరామాలుంటాయి. నాలుగు విరామాలకి పట్టేకాలం 5 సెకన్లు అయితే, 9 విరామాలకి 11.25 సెకన్లు.*

*🏅ఇక రెండో ప్రశ్న: ఆరు గంటలు (5 విరామాలు) కొట్టటానికి ముప్ఫై సెకన్లు పట్టిందంటే, పన్నెండు గంటలు (11 విరామాలు) కొట్టటానికి 66 సెకన్లు పడుతుంది.*

*♦️మూడో ప్రశ్న: అర్థరాత్రి నుంచీ 'గడిచిన గంటలు', మిట్టమధ్యాహ్నానికి గడవ వలసిన గంటల కన్నా అయిదు రెట్లు ఎక్కువైనప్పుడు గడియారంలో సమయం ఎంతై ఉంటుంది? అన్నది. ఆ ప్రశ్నకి సమాధానం... ఉదయం పది. అర్థరాత్రి నించి అప్పటి వరకూ... జరిగిపోయినవి 10, మిట్టమధ్యాహ్నం వరకూ... జరగాల్సినవి 2. అంటే అయిదు రెట్లు.*

*💞నాలుగో ప్రశ్న: కష్టమైనది. తొమ్మిది రెట్లు తేడా ఉంటే...? ఇది చెయ్యాలంటే అర్థరాత్రి నుంచి మిట్టమధ్యాహ్నం వరకూ ఎన్ని నిమిషాలో లెక్క కట్టాలి. 12 గంటలు అంటే 720 నిమిషాలు. దీన్ని 9:1 నిష్పత్తిలో విడగొడితే 648:72 వస్తుంది. అంటే, ఉదయం 10.48 నిమిషాలకి... అయిపోయిన సమయం, అవ్వాల్సిన సమయానికి 9 రెట్లు ఉంటుంది.*

*🤗ఇక చివరి ప్రశ్న:. భూమికి దూరంగా వెళ్ళేకొద్దీ బరువుతగ్గినట్టే, భూమి లోపలికి వెళ్ళినా బరువు తగ్గుతుంది. అయితే దీనికి కారణాలు వేరు. భూ కేంద్రం సమీపించే కొద్దీ, ఆకర్షణ శక్తి అన్నివైపులకీ లాక్కుంటుంది. భూమ్మీద అలాకాదు. కేవలం క్రిందికే వత్తిడి ఉంటుంది. నమ్మలేని నిజం ఇది. అయితే, చాలా లోపలికి ప్రయాణించాకే ఈ ప్రభావం మొదలవుతుంది.*

-----(👍🙏💪)-----

*ఈ విధంగా విక్రమార్కుడు సమాధానం చెప్పగానే... బేతాళుడు ఉద్వేగంగా, _"అద్భుతం రాజా! అద్భుతం. నిన్ను 'విసుగు చెందని విక్రమార్కుడు' అని ఎందుకు అంటారో.... ఇప్పుడు అర్థమైంది. నీకున్నంత ఓపిక ప్రతీ ఉపాధ్యాయుడికీ ఉండాలి. జ్ఞాన సముపార్జన అంటే, అదేదో విసుగెత్తించే చర్య కాదనీ పెద్ద పెద్ద లెక్కల్ని కూడా చిన్న చిన్న వినోదాత్మకమైన కథలుగా చెప్తే పిల్లల్లో అది చురుకుదనాన్నీ, తెలివిని పెంచుతుందనీ అందరూ తెలుసు కోవాలి. అన్ని వృత్తుల్లో కెల్లా గొప్పది ఉపాధ్యాయ వృత్తి. దీన్నెవరూ కాదనలేరు. అటువంటి గొప్ప ఉపాధ్యాయుడు నీలో నాకు కనపడుతున్నాడు”_ అంటూ అదృశ్యమయ్యాడు.*

-----------------------

*_{కొంచెం తికమకగా అనిపించినాడు, నిదానంగా ఆలోచిస్తే అర్థమవుతుంది కదా..! : --వెలిశెట్టి నారాయణరావు, విశ్రాంత సాంఘీకశాస్త్ర ఉపాధ్యాయుడు, ఆత్మకూరు పట్టణం, నెల్లూరు జిల్లా🙏}_*