*#శల్యసారధ్యం ...కర్ణుడి పరాజయం*

ముద్రదేశపు రాజు శల్యుడు .  పాండురాజు భార్య మాద్రికి స్వయానా అన్న .  పాండవులకు మేనమామ .  యుద్ధంలో పాండవులకు సహకరించడానికి బయలు దేరాడు .  దారిలో దుర్యోధనుడు కుట్రతో ఆయనకు ఘనస్వాగతం పలికాడు .  అడుగడుగునా బ్రహ్మరధం పట్టాడు.  శల్యుడు అది ధర్మరాజు చేస్తున్న సత్కారమనే అనుకుని ఆనందంగా స్వకీరించాడు .  యుద్ధభూమికి చేరుకున్నాక కానీ నిజం తెలిసి రాలేదు .  అప్పటికే చాలా ఆలస్యం అయింది.  యుధిష్ఠిరుడి దగ్గరకు వెళ్లి ,  "నాయనా ! నీవు నాకు అత్యంత ప్రీతిపాత్రుడువి .  మీ పక్షాన నిలబడి యుద్ధం చేయాలని బయలు దేరాను .  అయితే దుర్యోధనుడు దుర్భుద్ధితో నాకు ఘనంగా స్వాగత సత్కారాలు ఏర్పాటు చేసాడు .  అవి మీరే చేసి ఉంటారనే భ్రమతో నేను వాటినన్నింటినీ స్వీకరించాను కాబట్టి అతడు దుర్మార్గుడైనప్పటికీ నేను అతని పక్షానే యుద్ధం చేయాల్సి వస్తోంది . కానీ నీవు ధర్మపరుడివి, రాజనీతిజ్ఞుడివి కాబట్టి ఈ విపత్కర పరిస్థితి నుంచి బయట పడే ఉపాయం ఆలోచించు ", అన్నాడు .     

ఏమి చేయమంటారని ధర్మరాజు కృష్ణుడిని సలహా అడిగాడు .  అప్పుడు కృషుడిలా చెప్పాడు . "దుర్యోధనుడి సైన్యంలో కర్ణుడు మహాపరాక్రమవంతుడు , భీష్మ  , ద్రోణులు కూడా పరాక్రమవంతులైనప్పటికీ వారు మనస్ఫూర్తిగా ధర్మరాజు విజయం కోరుకుంటున్నవారే .  కానీ కర్ణుడు అలా కాదు. దుర్యోధనుడికి  ప్రాణమిత్రుడు పొరపాటున కూడా అతడు ఓడిపోవాలని కోరుకోడు .  పరశురాముడి శిష్యుడు , మహావీరుడు  అయిన కర్ణుడిని ఓడించడం అసంభవం .  అయితే , శల్యుడు మాత్రమే ఈ అసంభవాన్ని సంభవం చేయగల సమర్ధుడు . కాబట్టి , మీరు శల్యుడిని కర్ణుడి రధసారధ్యం వహించమని కోరండి " అని చెప్పాడు. ఆదిత్యయోగీ.

అప్పుడు ధర్మరాజు శల్యుడిని " మామా ! కర్ణుడు కురుసేనకు సైన్యాధిపతి  అయినప్పుడు మీరు అతని రథసారధిగా ఉంటూ , అతని మనోబలాన్ని నిరంతరం తగ్గిస్తూ ఉండాలి .  ఇందుకోసం మీరు కర్ణుడి వ్యక్తిగత జీవితంలోని , దుర్యోధనుడి సైన్యంలోని లోటుపాట్లు వినిపిస్తూ , అతన్ని , అతని సైన్యాన్ని నిరంతరం నిందిస్తూ , అతని మనోబలాన్ని కృంగదీయండి " అని కోరాడు .  అందుకు అంగీకరించిన శల్యుడు పాండవులు కోరినట్లే సరైన సమయానికి సారధ్యం వహించి , కర్ణుడిని , అతని సైన్యాన్ని నిందిస్తూ . అంచలంచలుగా అతని మనోబలాన్ని దెబ్బతీశాడు .  దాంతో కర్ణుడు యుద్ధంలో ఏకాగ్రతను కోల్పోయి , కౌరవుల పరాజయానికి పరోక్ష కారకుడయ్యాడు. అందుకే ఎవరైనా మన పక్షంలోనే ఉంటూ , మనోబలాన్ని దెబ్బతీసే విధంగా మాట్లాడుతుంటే అలాంటి వారిని శల్యసారధ్యం చేస్తున్నారంటారు ..*.      

*ఆధ్యాత్మిక కుటుంబం -1* ప్రధానంగా ఆధ్యాత్మిక సమాచారంతో పాటు మధ్యాహ్న సమయంలో 2 లేదా 3 సైకాలజీ, హోమియో సంబంధ పోస్ట్లు వస్తాయి. ఆసక్తి కలవారు జాయిన్ అవగలరు.                                                       🪷⚛️✡️🕉️🌹👇