సుగుణశీలి

 🌺సుగుణశీలి🌺

         🚩🚩

ఒకనాడు  దేవేంద్రుడు  భూలోకంలో ఉన్న రాజులలో

కృష్ణదేవుడనే  రాజే

ఉన్నతమైన సంస్కారవంతుడని గొప్పగా కొనియాడాడు.

ఈవిధంగా దేవేంద్రుడు పొగడడం  సభలోని

ఒక దేవ పురుషునికి నచ్చలేదు.

దేవేంద్రుడు  ఒక మానవమాత్రుని 

పొగడడమా ?  ఆ కృష్ణదేవుని

గొప్పతనం పరీక్షించాలని  ఆ దేవపురుషుడు భూలోకానికి వచ్చాడు.  కృష్ణదేవుడు పయనిస్తున్న మార్గంలో ఆ దేవపురుషుడు  ఒక చనిపోయిన శునక

రూపంలో  పడివున్నాడు.

చచ్చిపడివున్న ఆ శునక  శరీరం నుండి భరించలేని దుర్వాసన

వస్తూవుంది. ఆ

శునకము యొక్క నోరు  తెరుచుకొని  పరమ వికారంగా  అందరూ అసహ్యించుకునేలా పడివున్నది.

  కుళ్ళిన ఆ శునకాన్ని 

కృష్ణ దేవుడు జాలిగా పరికించి చూచాడు " ఆహా.. యీ శునకము యొక్క

పళ్ళవరుస చాలా అందముగా,

ఎంతో తెల్లగా పరిశుభ్రంగా 

ముత్యాలవలె ప్రకాశిస్తున్నాయి" అని

తన మనసులోని మాటను పక్కవారితో అన్నాడు. ఆ క్షణంలో కృష్ణ దేవుని దృష్టి 

కుళ్ళిన ఆ శునకపు శరీరం మీదకుగాని, అక్కడి దుర్వాసన మీదకు గాని పోలేదు.

కాని శునకంలో చూసిన  ఓ మంచి విషయం

మీదకే రాజు దృష్టి పడింది.

ఇదే కృష్ణ దేవుని యందు వున్న ఉన్నతమైన గుణం.

కృష్ణదేవుని ఔన్నత్యాన్ని స్వయంగా చూసిన

దేవపురుషుడు  చచ్చిన ఆ శునకరూపము  వదలి తన నిజ రూపంతో రాజుకి దర్శనమిచ్చాడు. 

" మహారాజా .. సకలజీవులలో  మంచిని మాత్రమే చూడగల గొప్ప సంస్కారం నీలో వున్నది.

ఈ లోకంలో  నీవంటి వారు మాత్రమే 

సుఖసంతోషాలతో  ప్రశాంతంగా వుంటారు.

అని ప్రశంసించి  ఆ దేవపురుషుడు దేవలోకానికి తిరిగి

వెళ్ళిపోయాడు.