🤵‍♀️🙏🤵‍♀️🙏🤵‍♀️🙏🤵‍♀️🙏🤵‍♀️🙏🤵‍♀️

దైవాన్ని నేనెప్పుడూ చూడలేదు..

బహుశా నా ఇంటి కోవెలలో కొలువైన 

మా #అమ్మలా ఉంటుందేమో!?

ఆ చిట్టి సీతమ్మ తల్లి ఆటపాటలను 

నేనెప్పుడూ వీక్షించలేదు..

బహుశా నా కడుపున పుట్టిన నా #బిడ్డ

ఆటపాటల్లా ఉంటుందేమో!?

ఆ అన్నపూర్ణ దేవి వండి వార్చి 

శివయ్యకు పెట్టిన పంచభక్షపరమాన్నాలు 

నేనెప్పుడూ తినలేదు..

బహుశా నా #భార్య వండి వడ్డించే

వంటలా ఆ రుచి ఉంటుందేమో!?

ఆ శ్రీకృష్ణుడు ద్రౌపదికి వస్త్రదానం చేసిన

సన్నివేశంలో పాంచాలిని నేనెప్పుడూ దర్శించలేదు.

బహుశా నా కష్టంలో వెన్నంటి ఉండి

చేయూత నిచ్చే నా #చెల్లిలా ఉంటుందేమో!?

లక్ష్మీ దేవి కోసం తన బిడ్డ గణపతిని 

దత్తతు ఇచ్చిన పార్వతీ దేవిని 

నేనెప్పుడూ సందర్శించలేదు.

బహుశా నా సమస్యల పరిష్కారంలో తోడుగా

ఉండే నా #స్నేహితురాలిలా ఉంటుందేమో!?

నిత్యం పూజించే ఆ దేవతా మూర్తులను 

నేనెప్పుడూ కానలేదు.

బహుశా వారంతా నా ఇంటి అమ్మ,ఆలి,అక్క,బిడ్డ,స్నేహితురాళ్ళను 

పోలి ఉంటారేమో అనిపిస్తుంది వారిని చూసినప్పుడల్లా!!

ప్రతి స్త్రీ దేవతా స్వరూపమే!!

దేవతను ఎలా పూజిస్తామో..,,

ఆ రూపంలో మీ నట్టింట్లో నడయాడుతున్న

ఆడపడుచులను పూజించండి,గౌరవించండి, ప్రేమించండి.

మహిళా మణులందరికీ

మహిళా దినోత్సవ శుభాకాంక్షలు💐💐💐

🙏🌹🙏🌹🙏🌹🙏🌹🙏🌹🙏