*ఒక అమ్మాయి కొత్తగా పెళ్ళై అత్తారింట అడుగు పెట్టింది ఆ ఇంట ఎవరు తిన్న తట్టను వారే కడిగి పెట్టేవారు. మామగారు మొదలు తన భర్తతో సహా.*

*వద్దని వారించే వారు లేరు అక్కడ. మావయ్య నేను శుభ్రం చేస్తాను అని చెప్పినా వినిపించుకోలేదు. వెంటనే భర్త దగ్గర వెళ్ళి ఏంటి ఈ పధ్ధతి అని అడిగితే ఇలా చెప్పాడు.*

*మాకు బుద్ధి తెలిసాక నాన్న ఇలా తిన్న తట్టను కడిగిపెడుతుంటే ఎందుకు అని అడిగాము అప్పుడు నాన్న తన చిన్నప్పటి విషయం చెప్పారు.*

*మా నానమ్మకు ఐదుగురు సంతానం అంట అంటే ఇంట్లో మొత్తం ఏడుగురు*

*ఒక్క పూట తింటే అమ్మ ఏడు తట్టలు కడగాలి అంటే రోజుకు తిన్న తట్టలు మాత్రం ఇరవై ఒకటి కడగాలి.*

*అందుకోసమే ఎవరి గిన్నెలు వారు కడగడం చేత అమ్మ కష్టాన్ని తగ్గించిన వారైమి అవుతామని మా ఇంట్లో ఇలా చేసేవాళ్ళం అని నాన్న చెప్పారు.*

*సరే నాన్న అక్కడ అంత మంది ఉన్నారు కనుక అన్ని ఇక్కడ మనము తక్కువేగా అని అడిగినప్పుడు. నాన్న ఒక్కటే సమాధానం చెప్పారు నాకు మా అమ్మ ఎంతో మీ అమ్మ అంతే*

*అమ్మకు సాయం చేసినవాడిని మీ అమ్మకు చేయలేనా*

*అమ్మకు సమయాన్ని ఇచ్చినవాడిని మీ అమ్మకు ఇవ్వాలి కదా అన్నాడు*

*భర్త తిన్న తట్ట లో భార్య తినాలి అనే ఆచారం విన్న నాకు*

*ఇలా ఎవరు తిన్న తట్టలను వారే కడగాలి అనే ఆచారం ఎందుకు పెట్టలేదు పెద్దలు అనిపించింది.*

*అమ్మను ప్రేమించినవాడు*

*అమ్మను గౌరవించేవాడు మాత్రమే*

*భార్యను ప్రేమిస్తాడు గౌరవిస్తాడు అనడంలో సందేహమే లేదు.*

*ఈ కథ చదివాకైనా ఆడదానికి కాస్త సమయాన్ని ఇస్తారు అనుకుంటా...*