🍁ఏమి నేర్చుకున్నాం...??* *ఎందుకు నేర్చుకున్నాం...??* *నేర్చుకుని ఏమి చెయ్యాలి..??*🍁

 

🍁ఏమి నేర్చుకున్నాం...??
ఎందుకు నేర్చుకున్నాం...??
నేర్చుకుని ఏమి చెయ్యాలి..??🍁

📚✍️ మురళీ మోహన్

🌸 ఈ చిన్ని ప్రశ్నలు... మనం ఎవరికన్న సందిస్తే సమాధానాలు అనంతంగా చెప్పాలి... ఎంత జ్ఞాని అయిన సమాధానం చెప్పాలి అంటే ఒకరకంగా తటపాటాయిస్తారు కారణం ప్రశ్నల తాలూక లోతు అటువంటిది... పైగా అడిగే వ్యక్తిని బట్టి సమాధానం ఉంటుంది అనేది కూడా స్పష్టం.. మనం ఒకసారి ప్రశ్నలను తరచి చూస్తే.. కొంతవరకు సమాధానం వస్తుంది... కానీ తన పరిస్థితిని బట్టే అనేది వాస్తవం...

🌸 ఏమి నేర్చుకున్నాం..? అనే ప్రశ్న దగ్గర అందరూ చెప్పేది వారి గతమే... అంటే అనుభూతి పరంగా ఉన్న అనుభవమే.. ఎంత చెప్పినా అందులోనే ఉంటుంది సమాధానం... తను ఏమి చూస్తున్నా, చేస్తున్న, లేదా నేర్చుకు0టున్న గతం అనే పునాదిమీద నుంచే అనేది పక్క.. అక్కడ నుండే నేర్చుకోవాలి, చూస్తారు, చేస్తారు... సరే సగటు మనిషి విషయానికి వస్తే చెప్పే సమాధానం సవ్యంగా లేదా హాయిగా జీవించటం అనేది సమాధానం.. హాయిగా అంటే మళ్ళీ ప్రశ్న మొదలు... స్పష్టమైన సమాధానం ఏమిటంటే అందరితో కలసిమెలసి జీవించడం అనకుందాం...

🌸 ఎందుకు నేర్చుకున్నాం..? అని రెండో ప్రశ్నకొస్తే నూటికి 75 మంది దగ్గర సమాధానం ఉండదు.. జీవితం అలా సాగుతోంది అంతే అనే చెబుతారు... కొంత మంది తర్వాత తరాలకు తాము ఎదుర్కొన్న సవాళ్లు తర్వాత తరంలో ఉండకుండా ఉండటానికి అనే చెబుతారు..
అంటే వీరు తమకన్న తమ పిల్లలకు సుఖం అందించాలి అని చూస్తారు... లేదా మరికొంచెం మెరుగ్గా ఉండటం కోసం నేర్చుకున్నది ఉపయోగిస్తారు అని అనుకోవచ్చు... మరి కొంతమంది శోధిస్తారు... వెదుకుతారు ఈ లోపు వచ్చే ప్రశ్నలకు సమాధానం వెదుకుతూ వేళ్తూనే వుంటారు.. వీరికి వచ్చిన సమాధానం సంతృప్తి ఇవ్వలేదు అనుకోవచ్చు... చాలా తక్కువ మంది మాత్రమే ఈ దారిలో ఉంటారు... ఇక్కడ సమాధానం రాలేదు అనేది కూడా వాస్తవం..

🌸 నేర్చుకొని ఏమి చెయ్యాలి..? ఈ ప్రశ్న మాత్రం మనకు చక్కటి దారి చూపుతుంది.. ఎందుకంటే చేసిన పని ఏది నిరుపయోగం కాదు కాబట్టి... ఎవరు ఏ పని చేసినా, ఆవిష్కరించిన అది తర్వాత తరానికి ఉపయోగపడటనికే... ఇప్పుడు ఉన్న అన్ని పరికరాలు ఈకోవకు చెందినవె... అయిన సంతృప్తి అనేది మాత్రం దొరికేది ప్రయత్నంలోనే... కొత్త దారిలో నడుస్తున్నాం అంటే మనలో కొత్తదనం వైపుకు మన అడుగు అసంతృప్తి నుండి సంతృప్తి వైపు అనుకోవచ్చు... ఇది భౌతికంగా అనుకుంటే ఆధ్యాత్మిక దారిలో కూడా జరిగేది ఇదే... కానీ మనం ఒప్పుకోవడానికి ఇప్పటి వరకు నడిచిన దారిలో ఉన్న అలవాటును వధులుకోవాలి అనేది ధైర్యనికి చిహ్నం గా చూడవచ్చు... ధైర్యం ఉన్నంతవరకు మనలో వెదుకులాట ఉంటుంది అక్కడ వయసుతో పని ఉండదు.. ఇలా సామాన్యమైన సమాధానాలతో ఇక్కడి వరకు వచ్చాం...

🌸 కానీ ఇదేమిటి అని ఒకసారి సింహవాలోకనం చేసుకుంటే... మనం మన జీవితంలో ధైర్యంగా తీసుకున్న నిర్ణయాలు చక్కటీ చిరునవ్వుని బహుమతిగా ఇచ్చాయి అనేది వాస్తవం...
ఏమి నేర్చుకున్నా, ఎందుకు నేర్చుకున్న, నేర్చుకొని ఏమి చెయ్యాలి అన్న ఆలోచన.. ప్రయత్నం చెయ్యాలి భౌతికంగా... సాధన చెయ్యాలి ఆధ్యాత్మిక0గా.. ఇప్పటికి ఇంతవరకు అర్ధమైంది..

నిరంతర ప్రయత్నానికి వయసు ఉండదు... నిరంతర సాధకుడికి చిరునవ్వు చేరగదు..

🌸🌸🌸

సేకరణ