మంచిమాట

కాలం అనేది అందరినీ శాసించే శక్తి . మనం కాలాన్ని ఆపలేము , కానీ కాలంతో పాటు మన ధర్మాన్ని మనం నిర్వర్తించాలి . " సమయపాలన , కర్తవ్య నిర్వహణ " ద్వారా మాత్రమే మనిషి ఈ కాల చక్రం నుండి విముక్తి పొంది మోక్షాన్ని సాధించగలడు .

ఆధ్యాత్మిక కోణంలో "క్యాలండర్ " అనేది కేవలం తేదీలు , వారాల పట్టిక మాత్రమే కాదు , అది మన జీవిత ప్రయాణానికి కాల చక్రానికి ఒక దిక్శూచి వంటిది . అనేక సంస్కృతులలో కాలాన్ని దైవంగా భావిస్తారు ("కాలాయ తస్మై నమః "). క్యాలెండర్ మనకు కేటాయించబడిన పరిమిత సమయాన్ని గుర్తుచేస్తూ , ప్రతి క్షణాన్ని సార్ధకం చేసుకోవాలని భోదిస్తుంది . క్యాలెండరు (పంచాంగాలు ) సూర్యచంద్రుల గమనాన్ని బట్టి రూపొందించబడతాయి . ఇవి మనం ప్రకృతితో , విశ్వంతో ,ఎలా మమేకమై ఉన్నామో తెలియజేస్తాయి . గ్రహాల గమనం మన మస్సుపై , శరీరంపై చూపే ప్రభావాన్ని ఇవి సూచిస్తాయి . ధ్యానం , ప్రార్ధన లేదా పండుగలకు క్యాలెండర్ ఒక క్రమబద్ధమైన రూపాన్ని ఇస్తుంది . ఒక నిర్దుష్టమైన దినాన ఒక ఆధ్యాత్మిక కార్యాన్ని చేయడం వల్ల మనలో క్రమశిక్షణ , సంకల్పం బలం పెరుగుతాయి .

క్యాలెండర్ లోని ప్రతి పండుగ వెనుక ఒక ఆధ్యాత్మిక సందేశం ఉంటుంది . అవి చెడుపై మంచి సాధించిన విజయాన్ని లేదా మనలోని అంతర్గత మార్పును సూచిస్తాయి . క్యాలెండర్ ఈ సందర్భాలను గుర్తు చేస్తూ మనల్ని ఉన్నత స్థితికి నడిపిస్తుంది. క్యాలెండర్ గడిచిన , రాబోయే రోజులను (భవిష్యత్తు ) చూపిస్తున్నప్పటికీ , అది మనకు ఇచ్చే గొప్ప పాఠం " ఈ రోజు " ప్రాముఖ్యత . ఆధ్యాత్మికంగా , ఈ క్షణంలో జీవించడమే పరమార్ధం .

క్లుప్తంగా చెప్పాలంటే క్యాలండర్ అనేది కాల గమనాన్ని గమనిస్తూ , ఆ కాలంలో మన ఆత్మ ఎదుగుదలకు మనం చేసే ప్రయత్నాలను నమోదు చేసే ఒక సాధనం . గడిచిన ఏడాదిలో మనం చేసిన తప్పులు , నేర్చుకున్న పాఠాలను నెమరువేసుకోవడానికి ఇది ఒక మంచి సమయం . మనలోని అరిషడ్వార్గాలను (కామ , క్రోధ , లోభ , మోహ , మద , మాత్సర్యాలు ) ఎంతవరకు నియంత్రించాలో అలోచించి , కొత్త నిర్ణయాలు తీసుకోవడమే నిజమైన ప్రారంభం .

గడచిన కాలంలో మనకు అండగా నిలిచిన వారికి , మనల్ని నడిపించిన ఆ దైవానికి లేదా ప్రకృతికి కృతజ్ఞతలు చెప్పుకోవడం ఆధ్యాత్మిక ఉన్నతికి మొదటి మెట్టు . కృతజ్ఞత కలిగిన మనస్సు ఎప్పుడూ ప్రశాంతంగా ఉంటుంది

కొత్త సంవత్సరంలో కేవలం భౌతికమైన లక్ష్యాలే (డబ్బు , ఉద్యోగం ) కాకుండా , " నేను ప్రశాంతంగా ఉంటాను " నేను ఇతరులకు సహాయం చేస్తాను ", "నేను ప్రతోరోజూ ధ్యానం చేస్తాను " వంటి ఆధ్యాత్మిక సంకల్పాలు తీసుకోవడం ముఖ్యం .

కాలం అనంతమైనది. గతం ముగిసిపోయింది, భవిష్యత్తు ఇంకా రాలేదు . ఈ కొత్త ఏడాదిలో ప్రతి క్షణాన్ని దైవ ప్రసాదంగా భావించి , పూర్తి అవగాహనతో జీవించడమే గొప్ప ఆధ్యాత్మిక సాధన . మన కోసం మనం జీవించడం సహజం , కానీ ఇతరుల కోసం జీవించడం దైవత్వం . ఈ కొత్త సంవత్సరంలో సాటి మనుషులకు , ప్రకృతికి మనవంతు సహాయం చేయడం వల్ల ఆత్మ తృప్తి లభిస్తుంది .

"తమసోమా జ్యోతిర్గమయా " అన్నట్లుగా , మనలోని అజ్ణామనే చీకటిని తొలగించుకుని , జ్ఞానమనే వెలుగు వైపు అడుగులు వేయడమే కొత్త సంవత్సరం ఇచ్చే అసలైన సందేశం . మనకున్న దానిలో ఇతరులకు సహాయం చేయడం. , మనం ఇతరుల జీవితాల్లో వెలుగు నింపినప్పుడు , తెలియకుండానే మనలో ఒక లోతైన సంతృప్తి , దైవత్యం చోటు చేసుకుంటాయి . పాత సంవత్సరానికి వీడ్కోలు పలుకుతూ ...నూతన సంవత్సరానికి స్వాగతం చెబుదాం .

--రామలక్షి సదానందం .