🙏🏻 *రమణోదయం* 🙏🏻

*మితిమీరితే అమృతం కూడా విషమవుతుంది. దానివల్ల కలిగే దుఃఖాలెన్నో కనుక "అతి అనే దోషం" సాధకులు తమవల్ల కలగకుండా చూసుకోవాలి.*

వివరణ : *శ్రీ మురుగనార్  చెప్పింది : జాగరణలు, ఉపవాసాలు ఆధ్యాత్మిక జీవితంలో సహాయకారులైనప్పటికీ, అతిగా అనుసరిస్తే అవి ప్రతిబంధకాలవుతాయి. భగవద్గీతలో ఈ భావాన్ని అంటే అతిగా ఆచరించే వాడు యోగసిద్ధి పొందడని శ్రీ కృష్ణ భగవానులు ఉపదేశించారు. శ్రీరమణ మహర్షులు కూడా ఉపవాసంలో మిత సాత్త్విక ఆహారమే సాధనకు సహాయ పడుతుందని చెప్పటం కద్దు.*

సాధనలో ఏ దివ్యనాదాలు నీవు విన్నా,

ఏ దివ్య దర్శనాలు నీవు చూచినా,

వాటిని వినేవాడూ చూచేవాడు ఒకడుండాలి అతడే

నీలో ఉన్న 'నేను'.  'నేనెవరిని?' అని విచారణ 

ద్వారా ఆ 'నేను' ను  అన్వేషిస్తే, విషయాలూ విషయి

ఒక్కటై పోతాయి..ఆపైన ఇక అన్వేషణ లేదు..

అంతవరకూ ఆలోచనలు పుట్టుతూనే ఉంటాయి..

విషయాలు గోచరిస్తూ మాయమవుతూనే ఉంటాయి

ఏమి జరిగింది, ఏమి జరగబోతుంది అనే ప్రశ్నలు

నీకు తప్పవు...విషయి తెలియబడితే విషయాలు

విషయిలో లీనమైపోతాయి!

🌹🙏🏻ఓమ్ నమో భగవతే శ్రీ రమణాయ!🙏🏻🌹

*భగవాన్ శ్రీరమణ మహర్షి*

(భగవాన్ ఉపదేశాలు *"శ్రీ మురుగనార్"* వచనములలో - సం.493)

సేకరణ: *"గురూపదేశ రత్నమాల"* నుండి 

🪷🪷🦚🦚🪷🪷

*ఏక మక్షరం హృది నిరంతరం*

*భాసతే స్వయం లిఖ్యతే కథం?*

🪷🙏🏻🪷🙏🏻🪷