😂లుంగీ..🤣 లుంగోపాఖ్యానం 🤣

🤣నోరు తుడుచుకోడానికి కాగితం అక్కర్లేదు,

చెయ్యి తుడుచుకోడానికి రుమాలక్ఖర్లేదు,

ఒళ్ళు తుడుచుకోడానికి తువ్వాళఖ్ఖర్లేదు.

గుడి లేని గుడ్డ లుంగీ.

🤣ఎండాకాలం గాలికి,

చలికాలం విప్పేసి కప్పుకోడానికి,

వానాకాలం వెనకనుంచి నెత్తిమీద కప్పుకోడానికి ,

ఋతువు లేని ఋజువు లుంగీది.

🤣నిక్కరు కనిపించేలా కడితే బస్తా ఎత్తడానికి,

మోకాళ్ళ వరకు కడితే వంట చెయ్యడానికి,

చీల మండ వరకు వదిలేస్తే పెద్దరికం చెయ్యడానికి,

ఉద్యోగాలని మించిన ఉనికి లుంగీది.

🤣మలయాళీలు ఎగ్గట్టి మారథాన్ పరిగెట్టేస్తారు,

తమిళులు మడిచి కత్తి దూస్తారు,

తెలుగోళ్లు కాలితో ఎత్తి అంచు పట్టుకుని వెనక సుమోలు లేపేస్తారు,

దక్షిణ భారత దమ్ము లుంగీది.

🤣బస్తా ఎత్తిన తలపై తలపాగాలా,

భారమైన బిందె కింద సుమ్మలా,

పదునైన పేక కింద పరుపులా,

చేదోడు వాదోడు లుంగీది.

🤣బకెట్టులో మిగిలిన సబ్బునీళ్లలోనే స్నానం చేసి,

బీరువాలో కదలని భారమైన చీరల అడుగున ఇస్త్రీ అయ్యి,

తను చుట్టే నడుము ఎన్ని ఇంచీలని ఎంచని,

త్యాగాల తనువు లుంగీది.

🤣ఒకసారి చిరిగితే కుట్టించి వాడొచ్చు,

ఇంకొన్ని సార్లు చిరిగితే ద్వారం దగ్గర పడెయ్యొచ్చు,

ఇంకా చిరిగితే మసిగుడ్డ గా మార్చెయ్యొచ్చు ,

పునర్వినియోగ పద్ధతికి ముందు పుట్టిన చరిత్ర లుంగీది.

*లుంగీని, దాన్ని కట్టిన వాళ్ళని చిన్న చూపు చూసిన వాళ్ళని,

ఆ కాళోజి,

"లుంగీకట్టుట రాదంచు సకిలించు తెలుగోడా చావెందుకురా", అని 

ఆ గురజాడ,

"లుంగీ కట్టని వాడు దున్నపోతై పుట్టున్", అని శపించేవారు.

సంకలనాలు దాటిన సాహిత్యం లుంగీది.........