ఆడ పెత్తనం - మగ పెత్తనం !

 A fwd from vasireddy amarnath: intinti ramayanas: ఆడ పెత్తనం - మగ పెత్తనం ! 

ముప్పై ఏళ్ళనాడు    మేము   చూసిన రెండు కుటుంబాలు .

ఒకటో కుటుంబం ..

అప్పటికి భార్యా భర్తలు..  40 లో ఉండేవారు . ఇద్దరు పిలల్లు . ఆయన మంచి ఉద్యోగం చేసేవారు . పొదుపు .. తెలివయిన పెట్టుబడి . ఒక మాదిరి ఆస్తులు సంపాదించారు .  అమ్మాయి మంచి బడిలో .. అబ్బాయి కాలేజీ లో . పండంటి కాపురం అంటే ఇదే కదా అనుకొన్నాను .

సీన్ కట్ :

 ఇప్పుడా    కుటుంబం .

పెద్దాయన కరోనా లాక్ డౌన్ సమయంలో చనిపోయారు . ఎంతో బతుకు బతికిన ఆయన చివరి పయనం అనాథలా .

కొడుకు వయస్సు యాభై కి దగ్గర్లో .

ఉద్యోగం లేదు . 

వీడి ప్రవర్తన భరించలేక భార్య తన కొడుకును తీసుకొని పుట్టింటికి వెళ్ళిపోయింది .

 ఇప్పుడు వీడు  ఒంటిగా ఒక ఫ్లాట్ లో. అయిన కాడికి అప్పులు చేసి పొద్దు నుంచి రాత్రి దాక తాగడం .. ఇంట్లో టీవీ కుర్చీలు కూడా లేవు . కారణం అప్పులు ఇచ్చిన వారు తన్ని అవన్నీ ఎత్తుకొని వెళ్లిపోయారు .

కూతురు .. రెండు సార్లు పెళ్లి .. విడాకులు . ఇప్పుడు ఏదో జాబ్ చేస్తోంది . ఒంటరి జీవితం .

పెద్దాయన భార్య ఇప్పుడు కొత్త ఇల్లు తీసుకొని అజ్ఞాతం  లో గడుపుతోంది . 

కారణం కొడుకు కు అప్పులు ఇచ్చిన వారు ఇంటికొచ్చి బూతులు తిడుతున్నారు .

కొత్త ఇంట్లోకి వచ్చినా ... ఎలా కనిపెట్టారో తెలియదు .. అక్కడికి కూడా వచ్చి దౌర్జన్యాలు చేస్తున్నారు . కొడుక్కి  నాకు సంభంధం లేదు అని చెబుతోంది .పండంటి  కుటుంబం సర్వ నాశనం . 

రెండో కుటుంబం కథ . 

ముప్పై ఏళ్ళనాడు భార్య భర్త  30 లో ఉండేవారు .

కూతురు కొడుకు ..

చిన్న పిల్లలిద్దరూ  ఇద్దరు చక్కగా చదివే వారు.

సీన్ కట్   .

ఇప్పుడు ఆ కుటుంభం : 

భార్య కొన్నేళ్ల క్రితం ఉరి వేసుకొని చనిపోయింది ....  లేదు భర్త చంపి ఉరి  వేసుకున్నట్టు డ్రామా ఆడాడు అని టాక్ . నిజానిజాలు తెలియదు .

భార్య పోయాక వాడు రెండో పెళ్లి చేసుకొన్నాడు . 

కొన్నేళ్లకు కొడుకు .. కాలేజీ వయస్సులో ఉరి  వేసుకొని చనిపోయాడు . కారణం సరిగ్గా తెలియదు .

 సవతి తల్లి వేధింపులా ? తండ్రి సాధింపా ? తల్లి నుంచి వచ్చిన ఉరి ప్రేరణా ?

 తెలియదు . 

కారణం...  వారు ఎన్నో ఏళ్ళ క్రితమే హైదరాబాద్ వదిలి చెన్నై కి వెళ్లి పోయారు . 

ఇటీవలే భర్త కాన్సర్ తో పోయాడు . 

కూతురు ఒక్కటి మిగిలింది . ఆమె బాగా చదువుకొని సెటిల్ అయ్యింది పెళ్లి చేసుకుని చక్కగా కాపురం చేస్తోంది . 

ఒకటో కుటుంబం లో అందరూ నాశనం .. 

కూతురు మాత్రం ఒంటరి జీవితం గడుపుతోంది . 

రెండో కుటుంబం లో కూతురు  హ్యాపీ . డాక్టర్ అయ్యింది . చక్కటి ఫామిలీ . మిగతా ముగ్గురు మట్టిలో కలిసిపోయారు .

 ఏమయ్యింది ?

ఒకటో కుటుంబం 

ఆడ పెత్తనం . 

పెద్దాయన మంచోడు . 

భార్యంటే   అమితమయిన  ప్రేమ .

 ఆమెకేమో పుట్టింటి పై ఎన   లేని ప్రేమ . 

తన తండ్రి  చేసిన అప్పులు భర్త ద్వారా తీర్చింది . 

తమ్ముడిని ఇంట్లోకి తెచ్చుకొని పెంచింది . వాడు దారి తప్పాడు . పెళ్లి చేస్తే మారుతాడని సొంత కూతుర్ని ఇచ్చి పెళ్లి చేసింది . నెలల్లో విడాకులు .

సాధింపు .. 

తాను ఏమి చెప్పినా  భర్త వినాలి . 

లేకపోతే రాద్ధాంతం . 

ఇంటి పోరు ఇంతింత కాదయ్యా .. చెప్పు లోన రాయి .. చెవిలోని జోరీగ .. పెద్దాయన  భరించాడు. 

ఇంటి గుట్టు ఎవరికీ తెలియకుండా పరువు కాపాడుకున్నాడు .

రిటైర్మెంట్ .. 

ఆఫీస్ కు పొతే అదో  ఉత్సాహం . తాను ఉన్నతాధికారి . నిజాయతీ పరుడు . రిటైర్ అయ్యాక 24 గంటల కొలిమి . ఇప్పుడు భార్య తనను కొట్టడం కూడా మొదలు పెట్టింది . 

తాను కష్టపడి పైకొచ్చాడు . 

ఉద్యోగం .. ఇల్లు .. సిటీ కి దగ్గర్లో పొలాలు . 

అన్నీ హ్యాపీ . కానీ కొడుకు బతుకు నాశనం . 

కూతురు మాత్రం ?

 ఏదో బతుకుతోంది అన్న మాటే గానీ రెండు సార్లు విడాకులు . ఒంటరి జీవితం . 

ఇంట్లో భార్య పోరు .. 

నా బతుకిట్ల ఎందుకు తగలపడి  పొయ్యింది అనుకొన్నాడు . 

ఏడ్చాడు . ... 

చివరకు డిప్రెషన్ లోకి వెళ్లి పోయాడు . 

చివరి రోజులు నరకం . 

కరోనా వచ్చి పుణ్యం కట్టుకొని ఆయన్ని తీసుకొని వెళ్లి పోయింది .

తల్లి పెంపకం సరిగ్గా లేక పొతే కుటుంభం ఎలా తయారవుతుందో చూడు .. అని ఇప్పుడు వీరి గురించి  నలుగురూ అనుకొంటున్నారు .

రెండో కుటుంబం .

మగ దౌష్టీకం 

ఆడో శాడిస్ట్ .

 పురుషాహంకారానికి ప్రతీక . 

భార్య తాను "సిట్" అంటే సిట్ "స్టాండ్" అంటే స్టాండ్ .

తాను ఇంట్లో ఉంటే ఆమె సోఫా లో కూడా కూర్చో కూడదు . 

పెళ్ళాం అంటే బానిస .. వంట చేయడం .. పిల్లల్ని కనడం పెంచడం .. అంత వరకే . 

వాడి పోరు పడలేక ఉరి  వేసుకొందో లేక వాడే ఉరేసి చంపాడో ..    రెండో దానికి ఛాన్స్ ఎక్కువ . డబ్బుతో పోలీస్ లను మానేజ్ చెయ్యడం వాడికి ఈజీ . 

తల్లి దారిలోనే కొడుకూ పొయ్యాడు . డిప్రెషన్ కారణం అన్నారు . 

ఇప్పుడు   శాడిస్ట్ గాడూ    కాన్సర్ తో పోయాడు .

ఇవి కథలు కావు .. నిజ జీవిత వ్యధలు .

వీటి గురించి శ్రీమతి ఉష విశ్లేషణ .

ఆంటీ { మొదటి కుటుంబం లో పెద్దామె } చేసిన పాపాలు ఆ కుటుంబానికి శాపం అయ్యింది . పుట్టింటి పై ప్రేమ సహజం . కానీ అంత నా ? తమ్ముడు వెధవ అని తెలిసి కూడా కూతుర్ని ఇచ్చి పెళ్లి చేసింది . అంకుల్ సంపాదించిన  ఆస్తి మొత్తం పుట్టింటికి దారపోసింది . అంకుల్  చాలా మంచోడు . 

కానీ వెన్నెముక లేనోడు . పెళ్ళాం ఏమి చెప్పినా  కాదనక చివరకు అనాథలా పోయాడు .

 ఆంటీ పెంపకం .. పిల్లలిద్దరూ దారి తప్పారు . 

రెండో  కుటుంబం గురించి .. 

వాడు పెద్ద వెధవ . వాడు చేసిన పాపాలకు మొత్తం కుటుంభం నాశనం .

 దేవుడు వాడికి చివరకు కాన్సర్ చావు ఇచ్చాడు .

వంశంలో ఎవరో చేసిన పుణ్యమో ఆ అమ్మాయిని కాపాడింది 

శ్రీమతి ఉష గారి విశ్లేషణలు ఎప్పుడూ సెంటిమెంటల్ గా ఉంటాయి .

నా ఫేస్బుక్ ఫాల్లోవెర్స్ గా మీరేమంటారు ?

రెండు కుటుంబాల నాశనానికి కారణం ఏంటి ?

  పాపలా ?

 శాపాలు ? 

అడ పెత్తనమా ?

 మగ పెత్తనమా ? 

కాలక్షేపం కాదు ..

 ఈ రెండు కుటుంబాల ట్రాజిక్ స్టోరీ నుంచి మనం ఏమి గ్రహించాలి ? 

ఒకటో కథలో పెద్దామె...  ఉన్న ఆస్తిని  అమ్మి కొడుకు చేసిన అప్పులు కట్టేస్తే వాడు బాగుపడుతాడా ? 

ఇరవై - ముప్పై ఏళ్లలో మాకు తెలిసిన...  డజను కుటుంబాలు ఇలా తగలడబడి పోయాయి .

మొన్న  మేడపై అద్దాల గదిలో డిన్నర్ చేస్తూ నాకు శ్రీమతి ఉష కు మధ్య చర్చ . 

ఎందుకు? ఎందుకు ? అని .

అమేమో అన్నిటిని ... దేవుడికి ... ఖర్మకు ముడి పెట్టేస్తుంది .

యత్నం ప్రయత్నం దైవ అన్నారు  కదా . గాలిలో దీపం     పెట్టి దేవుడా నువ్వే దిక్కు అంటే ఎలా ?

సామజిక తెలివితేటలు .. ఎమోషనల్ ఇంటలిజెన్స్ .. సంపూర్ణత...  అంటూ నా ఆలోచనలు .

 పోస్ట్ లో చివరిగా ఒక్క మాట .సమాజానికి మించిన గ్రంధం లేదు . సమాజన్ని చదివిన వాడు విజేత .

శుభోదయం !