నీవొచ్చే  దారిలో 

నలిగే పువ్వును కానా 

నీవిచ్చే  కాంతిలో 

వెలిగే దివ్వెను కానా 

నిను చూసే కన్నుల 

కలలన్నీ తీరగా 

నీ రాకతో మదిలో 

ఆనందాల ఎరువాక రాదా..!

నీ కళలకు దిష్టి చెరపాలని

ఎరుపంతా పరచి వేచి 

నీ కనక కాంతులకై 

తూరుపు వేచి నిలిచె కాదా!

నీ చూపుల తడిసే భువికి 

నిలువెల్లా జీవము రాగా!

పుత్తడి కాంతులు నిండి 

కొత్తగ వెలిగిపోదా!

నీ అడుగుల సవ్వడికోసం 

నిలువెల్లా  కనులు చేసి 

నీ రూపు  చూడనెంచి 

నిఖిల జగతి నిలిచె కాదా!

నీ కిరణపు కలముతో 

నులివెచ్చగా వ్రాసే లేఖ 

మనసారగ చదివే కోరిక 

వసుధకు నిజముగా కలిగె కదా!

🌸🌸సుప్రభాతం 🌸🌸

బృంద 🙏