*ॐ             श्री शिवानन्दलहरी*

                 *శ్రీ శివానందలహరీ*

   *SREE SIVAANANDA*

                                  *LAHAREE*

     *(श्रीमच्छंकरभगवतः कृतौ)*

   *(శ్రీ శంకరాచార్య విరచితమ్)*

*(BY SREE AADI SANKARA)*

                        

                         *ఉపోద్ఘాతము - 3*

    *గంగోదకంతోనూ, శుద్ధోదకంతోనూ అభిషేకం చేస్తాము.*

    *బిల్వదళాలతో అర్చన చేస్తాము.*

    *ప్రత్యేకమైన అర్చనాదులు చేస్తూ,* 

    *దైవం వేరని - ఆయన అనుగ్రహం పొందడానికి వాటిని మార్గాలుగా అనుసరిస్తాము.*

*శివానందలహరి - ప్రత్యేకత*

    *శివానందలహరిలో పేర్కొన్న ఉదాహరణలు*

    

*1.కోతిపిల్లను ఆడించే భిక్షుకుడు,*

*2.ఒక గుడార నిర్మాణ వివరములు,*

*3.ఏతాముతో నీరుతోడి పొలాలను పండించుట,*     

*4.అగడ్త-ప్రాకారములు గల దుర్గ వివరములు,*     

*5.గుహలోని సింహవర్ణన,*

*6.వేటాడుటలో వినోదము,* 

*7.వసంత ఋతు వైభవము,*

*8.హంసల సరోవరాశ్రయము,*   

*9.చక్రవాక చకోరాల ప్రకృతి సౌందర్యారాధన,*

*10.నవ వధువుకు తన భర్త సుగుణ వర్ణన యొక్క ఆవశ్యకత,*  

*11.భూమియందు దాగిన నిక్షేపమును బలి,మంత్రములతో సంపాదించుట*

    *- వంటి ఎన్నో ప్రాపంచిక విషయములని మనం నిత్యజీవితంలో వింటూంటాం చూస్తూంటాం.*

    *ఈ అన్నిటియందూ శివారాధన నిరూపించగల పరుసవేది (లోహాన్ని బంగారంగా మార్చే రాయి - Philosopher’s stone) వంటిది శ్రీ శంకరుల* 

  *- భావనా శక్తీ,*

  *- సర్వ ప్రాపంచిక విషయ విజ్ఞానమూ.*

    *లౌకిక కర్మలను ఈశ్వరోపాసన సదృశముగ భావింపుమని బోధ.*

    *ఆ విధముగ పోల్చుకొనడం ప్రారంభదశ మాత్రమే!*

    *కానీ, క్రమంగా ఒకనాడు సర్వకర్మలు వాటి భౌతిక రూపమును వదలి ఈశ్వరమయమే కాగలదని భావించవచ్చు.*

    *అది అంతఃకరణం యొక్క పరిణామ దశ.*

    *దీనిని మనం శివానందలహరి గ్రంథంలో పూర్తిగా తెలుసుకోగలుగుతాం.*     

    *తద్వారా, లేచింది మొదలు పడుకునే వరకూ దైనిందిక జీవితంలో*

  *- మాయా ప్రకృతులతో కూడిన ఇనుము వంటి జీవులం,*

  *- పరమాత్మ అనే పరుసవేదితో అనుభూతి పొందగలుగుతాం.*

  *- తద్వారా జీవితాలు సువర్ణమయం చేసుకోగలుగుతాం.*

    *శివానుగ్రహంతో,*

    *రేపటి నుంచీ శివానందలహరీ శ్లోకాలు రోజుకొకటి చొప్పున విశ్లేషించుకొందాం.*

              

https://youtu.be/h8qlcoPKG5o

  *— రామాయణం శర్మ* 

           *భద్రాచలం*