*_రామమిలాయ రాజపదదీన్హా..!_*

**********************

_తులసీదాసు జయంతి_

✍️✍️✍️✍️✍️✍️✍️

వాల్మీకి రామాయణానికి

నువ్వూ నేనూ చదువుకునే 

రూపమిచ్చి..

సంస్కృతం సంస్కృతి 

చెదరనీయక...

మహర్షి ఇచ్చిన ఆకృతి

చెడిపోకుండా..

అందించిన రామదాసు

మన తులసీదాసు..!

అదెంత భాగ్యం చేసుకుందో

ఆ సరయూ తీరం..

బుల్లి రామయ్య ఆటపాటలకు

అదే మైదానమైంది..

రామరాజ్యానికీ

తానే సాక్ష్యమైంది..

ఆ అలలకు తెలుసు 

రాముని లీలలు..

అక్కడి రేణువులు 

రామయ్య వనవాస నిర్ణయంతో స్థానువులు..

ఆ జలం దాశరథి స్పర్శతో

గంగాజలం..

అలాంటి సరయు ఒడ్డున 

తులసీదాసు చేతి ఘంటం..

కళ్లకు కట్టేసింది

రామాయణంలోని 

ప్రతి ఘట్టం..

అంతటి పట్టాభిషిక్తుడికి 

మరోసారి కడుతూ పట్టం!

_శ్రీ గురుచరణ సరోజరజ_

_నిజమన ముకుర సుదారి.._

ఇలా మొదలయ్యే *హనుమాన్ చాలీసా..*

పాపపంకిలమైన

కలియుగాన 

భక్తి సామ్రాజ్యానికి

_సరిగాపదనిసా..!_

భాషతో ప్రమేయమే లేని

అప్రమేయం..

ఎవరు చదివినా వారి భాషే..

గుండె ఘోషే..

తెలియని భాషే అనుకున్నా

చదువుతుంటే అర్థం అవుతున్నట్టు..

అనర్థాలు తేలిపోతున్నట్టు..

రామయ్యకు చేరువవుతున్నట్టు..

_అందాక హనుమయ్యే_

_చేయి పట్టి నడిపిస్తున్నట్టు.._

*తులసీదాస సదా హరిచేర*

*కీజేనాధ హృదయమహడేరా*

చదివించేది..నడిపించేది

ఆ రాముడేరా..!

ఆలి ప్రేమకు దాసుడై 

గంగనే దాటిన దాసు..

_ఆస్థి చర్మమయ దేహ_

_మను తామేజైసీప్రీతితైసి_

_జో శ్రీరామ_ 

_మహహోతవతౌభవతి.._

*నా దేహమందు చూపే ప్రీతి*

*రామునియందుంటే* 

*భీతి ఉండదుగా* 

అన్న సతి బోధనతో 

_తెలిసి నిరతి.._

_జీవితమే సీతాపతి హారతి!_

వ్యాకులం చెందిన 

ఆ కలం కదిలితే 

*వరవై రామాయణం..*

విరాగి అయిన దాసు

ఆలపిస్తే అది

*వైరాగ్య సందీపనీ..*

*రామచరితమానసం*

తులసీదాసు హృదయోల్లాసం..

భక్తిరసభరితం..

ప్రతి అక్షరం 

రామయ్యకే అంకితం..!

***********************

*_ఎలిశెట్టి సురేష్ కుమార్_*

         9948546286

         7995666286