_ఈ సన్యాసి_* *_అద్భుతవచనాల విన్యాసి!_

 *_ఈ సన్యాసి_*

*_అద్భుతవచనాల విన్యాసి!_*

🙏🙏🙏🙏🙏🙏🙏

ఎప్పుడు పుట్టాడో

అప్పటి నుంచి 

ఆగని ప్రయాణమే..

జీవితం మొత్తం

ఉన్నత ప్రమాణమే..

బతుకుతెరువు కోసం కాదు 

తన పయనం..

పిన్న వయసులోనే తెరచుకున్న 

*జ్ఞాననయనం*

తనను తాను తెలుసుకుంటూ..

*_భగవంతుణ్ణి వెతుక్కుంటూ..!_*

ఆగలేదు..వీగలేదు..

జన్మభూమి నుంచి

మరుభూమి వరకు

అలుపెరుగని నడక

తెలియని ప్రయాస

*_దేవుడెక్కడన్నదే మీమాంస_*

నిరంతర జ్ఞానపిపాస!

సిద్ధాంతాలు..పిడివాదాలు

దేవాలయాలు..

సంప్రదాయాలు..

తగవని చెబుతూ 

ఆనవసర వాదాలు..

*_జీవుడే దేవుడని.._*

దరిద్ర నారాయణ సేవే

పరమార్థమని..

అదే యదార్ధమని

గ్రహించి..తా నిగ్రహించి..

ఉన్నతమైనది 

ఆధ్యాత్మిక శక్తని నమ్మి

జీవిత పర్యంతం

అదే ఆర్జించె...

*దుర్గుణాలను నిర్జించి..!*

అన్ని మతాలు సమ్మతమేమని..

*_ఏ మతానికైనా_*

*_మానవతే అభిమతమని.._*

ఆ మానవతకు..

అందులో సమానతకు

తన జీవితం అంకితమని

ప్రకటించిన 

*నిజమైన సన్యాసి..*

*నిరంతర పదన్యాసి..*

_*అద్భుత వచనాలవిన్యాసి!*_

ఎంతటి మహత్కార్యమైనా

ఆరంభం స్వల్పమని..

నిరాశ వీడితే ఫలితాలు

అద్భుతమని..

అందుకే గమ్యం చేరేదాకా

గమనం ఆపరాదని భావన

అందాకా అప్రమత్తమని బోధన

*_జీవితం మొత్తం_* 

*_అదే సాధన..!_*

అన్వేషి పాత్రలో

నరేంద్రుని యాత్రలో

ఒకటే ప్రశ్న..

*దేవుని చూసారా..*

సమాధానమై ప్రత్యక్షమైన 

ఒకే రూపం

సన్యాసుల్లో కలహంస

_*రామకృష్ణ పరమహంస..*_

అంతటి గురువుకూ

తప్పని పరీక్ష..

మొత్తానికి ఆ సన్నిధిలోనే

ఫలించిన నరేంద్రుని ప్రతీక్ష!

ఒకనాడు పస్తులున్నా

తరగని విలువల ఆస్తులు..

తానుగా చేస్తున్నా లంఖనాలు

ఆగని దానాలు..

కదిలిందంటే స్వామి రథం

మహరాజులైనా పట్టినట్టే బ్రహ్మరథం..

అలా జేజేలతోనే

ఆవిర్భవించింది 

*వివేకుని ఆధ్యాత్మిక సౌధం!*

రూపం ముగ్ధమనోహరం

మాట సమ్మోహనం..

ఆ మోమున 

కోటి సూర్యుల వెలుగో..

ఆకట్టుకున్న 

పలుకుల సొబగో..

మురిసింది చికాగో..

*_ఒకే ఒక్క ప్రసంగం.._*

*_తలవంచింది ప్రపంచం!_*

వివేకానందుని ఉనికితో

భారతీయ సిద్ధాంతాలకు

మరోసారి మహర్దశ..

ఇంత చేసిన స్వామికి

ఎందుకో మరి

పిన్న వయసులోనే

ముంచుకొచ్చిన చివరిదశ

బహుముఖుడు అంతర్ముఖుడై..

ఆధ్యాత్మిక చింతనతోనే

చేరాడు మృత్యువు చెంతన..!

🌸🌸🌸🌸🌸🌸🌸

యువజన దినోత్సవం...

స్వామి వివేకానంద జయంతి

12.01.1863..సందర్భంగా

శిరస్సు వంచి నమస్కరిస్తూ..

*_ఎలిశెట్టి సురేష్ కుమార్_*

         9948546286