ఆధ్యాత్మిక రహస్యం అనగానేమి???

      *మన జీవితంలో సర్వ సాధారణముగా మనకి ఏది లేదో, ఏది దూరం అయిందో, ఏది దక్కలేదో మనం ఎక్కువగా ఆలోచిస్తాం.*

     *భగవంతుడికి ఎన్నో పూజలు చేసినా, ఆయన కరుణ పొందలేకపోయామని వాపోతాం...*

     *అప్పుడప్పుడు మనం అంతర్ముఖులమై వివేకంతో విశ్లేషించి చూస్తే కొన్ని విషయాలు మనకే ఋజువు అవుతాయి.*

    *మనం పొందలేక పోయినవి కాక, పొందినవి, సంపాదించుకున్నవి, నిద్రాణంగా ఉన్నవి, ప్రతిభలు*

*సేవ చేయడానికి లభించే అవకాశాల గురించి ఎప్పుడన్నా ఆలోచించామా??...*

      *భగవంతుడు మనకి పుట్టుకతోనే ఎన్నో సుగుణాలు అర్హతలు,యోగ్యతలు, ప్రతిభలు, సేవ చేయగల శక్తి అవకాశాలు కూడా ఇచ్చాడో ఎప్పుడన్నా ఆలోచించామా??*

       *మనలో అంతర్గతంగా ఉన్న శక్తులను నిరంతరం జాగృతం చేసి, చైతన్యం చేసి సేవ చేసే ఒక చిన్న అవకాశం కూడా వదిలి పెట్టకూడదు!!...*

       *ఒకవేళ బద్ధకముతో వీటిని నిర్లక్ష్యం చేస్తే, మనలో ఆ శక్తులు చైతన్యం కావు, సేవ చేసే అవకాశాలు మళ్లీ లభించకపోవచ్చు.*

     *మానవ పరిణామమే చాలా మందగిస్తుంది.*

*10 జన్మల్లో చేసే పని చేయడానికి 20 జన్మలు పట్టచ్చు...*

*అందుకే శ్రీ కృష్ణుడు "జ్ఞాని కాని వాడు సదా కర్మలు ఆచరిస్తూనే ఉండాలి"  అన్నాడు..*

       *మన గురించి మనం సంపూర్ణముగా తెలుసుకుంటే, పిరికితనం , సోమరితనం, అలసత్వం, దుఃఖం ,అవిద్య దూరం అవుతాయి.* 

      *ఎన్ని అవరోధాలు వచ్చినా, నిందలు, అవమానాలు, కన్నీళ్లు, దుష్కర్మలు ఎదురైనా, ఈ ఆధ్యాత్మిక జ్ఞానముతో కర్మలని ఎదిరించాలి..*

*ఇదే ఆధ్యాత్మిక రహస్యం*        

*లోకా సమస్త సుఖినోభవంతు*