పాశ్చాత్య దేశాల్లో కుటుంబ విలువ ఉండవు, మన దేశం లోనే కుటుంబం మరియూ ఆ విలువలు ఉంటై అనేది పచ్చి అబద్ధం.

అమెరికా లో డైరక్టర్ ఆఫ్ నేషనల్ ఇంటెల్లిజెన్స్ అంటే చాలా అత్యున్నతమైన పవర్ ఫుల్ స్థానం. ఆ స్థానం లో ఉన్న తులసి గబ్బార్డ్ తన పదవి కి రాజీనామా చేశారు. 11 సంవత్సరాల క్రితం పెండ్లి చేసుకున్న తన భర్త కి ఈ మధ్య క్యాన్సర్ సోకింది. అది కూడా బోన్ క్యాన్సర్ అంటే బతకటం చాలా కష్టం. కానీ తన భర్త కి తోడు గా, నీడ గా ఉండటం కోసం, పక్కన ఉండి ధైర్యం చెప్పటం కోసం అత్యున్నతమైన, పవర్ ఫుల్ పదవి కి రాజీనామా చేసింది తులసి. అమెరికా ప్రెసిడెంట్, వైస్ ప్రెసిడెంట్, సెక్రటేరియేట్ ఆఫ్ స్టేట్/ డిఫెన్స్ తర్వాత ఆమెదే అత్యున్నత స్థానం. అమెరికా లో టాప్ 10 స్థానాల్లో ఒకటి. CIA, FBI, మిలటరీ ఇంటెల్లిజెన్స్, నేషనల్ సెక్యూరిటీ ఏజన్సీ అన్నీ ఆమె ఆధీనం లోనే ఉంటై. కానీ కష్టకాలం లో తన భర్త కి తోడు గా ఉండాలి అని తన పదవి కి ఈ రోజు రాజీనామా చేశారు.

న్యూజిల్యాండ్ ప్రధాని అంటే ప్రపంచం లో శక్తివంతమైన వ్యక్తుల్లో ఒకరు. ఇంతక ముందు న్యూజిల్యాండ్ ప్రధాని కూడా కుటుంబం తో ఎక్కువ సమయం గడపటం కోసం ప్రదాని పదవి కి రాజీనామా చేశారు జెసిండా. ఇలా చెప్పుకుపోతే వేల, లక్షల ఉదాహరణలు కనిపిస్తాయి.  

పాశ్చాత్య దేశాలు అనగానే కుటుంబం ఉండదు, కుటుంబ విలువలు ఉండవు అనేది పూర్తిగా తప్పు. నిజానికి అక్కడే చాలా ఎక్కువ మంది కుటుంబం కోసం చాలా ఎక్కువ సమయం కేటాయిస్తారు. పిల్లల ఈవెంట్స్ కోసం ప్రత్యేక సమయం గడుపుతారు, పిల్లల మెంటల్ హెల్థ్ కోసం, కుటుంబంకోసం క్వాలిటీ సమయం గడుపుతారు.

అలా అని మన దేశం లో లేదు అని కాదు. మన దగ్గర కూడా బలమైన బంధాలు ఉన్నై కానీ కుటుంబ విలువలు అంటే కేవలం కలిసి ఉండటం కాదు, ఒకరి జీవితాన్ని ఇంకొకరు గౌరవించడం కూడా కుటుంబ విలువలే. 

చివరికి మంచి కుటుంబం అంటే: భయం, భక్తులు ఉన్న ఇల్లు కాదు; మనసుకు ప్రశాంతత ఇచ్చే స్థలం. పాశ్చాత్య దేశాల్లో కుటుంబ విలువలు  అంటే “నువ్వు మా మాట వినాలి” కాదు. “నీ జీవితం నువ్వు సంతోషంగా జీవించాలి, మేము నీకు సపోర్ట్ గా ఉంటాం” అనే భావన.

కుటుంబ విలువలు అంటే కేవలం కలిసి ఉండటం కాదు. ఒకరి సంతోషం, మానసిక ప్రశాంతత, వ్యక్తిత్వ స్వేచ్ఛ ని గౌరవించటం. అది పాశ్చాత్య దేశాల్లో మెండు గా ఉంది. 

మన దేశం లో అయినా, పాశ్చాత్య దేశాల్లో అయినా వ్యవస్థలు వాటి అమలు విధానం వేరు కానీ మనిషి సాధారణ స్వభావం ఒక్కటే అంటాడు ఒక రోమన్ తత్వవేత్త

Jagannath Goud