ఒకసారి ఒక వ్యక్తి తన జీవితంలో ఎన్నో కష్టాలు పడుతూ, విసిగిపోయి దేవుడిని ఇలా అడిగాడు...

​"దేవా! నేను నీ పట్ల ఎంతో భక్తితో ఉన్నాను, రోజూ పూజలు చేస్తు న్నాను. అయినా నాకెందుకు ఇన్ని కష్టాలు? నా కష్ట సమయంలో నువ్వు ఎందుకు మౌనంగా ఉన్నావు? కనీసం నాకు దారి అయినా చూపించవా?" అని కన్నీరు పెట్టుకున్నాడు.

​ఆ రాత్రి ఆ వ్యక్తికి కలలో దేవుడు కనిపించి ఒక తోటను చూపించాడు. ఆ తోటలో రెండు రకాల మొక్కలు ఉన్నాయి. ఒకటి 'వెదురు' 

(Bamboo) మొక్క, మరొకటి సాధారణ 'పూల మొక్క'.

​దేవుడు ఆ వ్యక్తితో ఇలా అన్నాడు: "నేను ఈ రెండు విత్తనాలను ఒకేసారి నాటాను. రెండింటికీ ఒకేలా నీరు పోశాను, ఎండ తగిలేలా చూశాను.

​పూల మొక్క త్వరగా మొలకెత్తింది, కొద్ది రోజుల్లోనే పువ్వులు పూసి తోటను అందంగా మార్చింది. కానీ, వెదురు మొక్క నుండి చిన్న చిగురు కూడా రాలేదు.

​ఒక సంవత్సరం గడిచింది.. పూల మొక్క మరింత పెరిగింది, కానీ వెదురు మొక్కలో చలనం లేదు.​రెండవ సంవత్సరం, మూడవ సంవత్సరం, నాలుగవ సంవత్సరం కూడా అలాగే గడిచింది. వెదురు మొక్కలో ఎలాంటి మార్పు లేదు. అయినా నేను దానిపై నమ్మకం కోల్పోలేదు, దానికి నీరు పోస్తూనే ఉన్నాను.

​ఐదవ సంవత్సరం వచ్చేసరికి... వెదురు మొక్క భూమి నుండి బయటకు వచ్చింది. అది బయటకు వచ్చిన ఆరు వారాలలోనే ఏకంగా 90 అడుగుల ఎత్తు పెరిగింది!

​ *ఇన్నాళ్లు అది ఏం చేసిందో తెలుసా?* 

బయటకి కనిపించకపోయినా, లోపల తన వేళ్ళను భూమిలో చాలా బలంగా, లోతుగా పాతుకుపోయేలా చేసుకుంది. అందుకే ఇప్పుడు ఇంత ఎత్తు పెరిగినా దృఢంగా నిలబడగలిగింది."

​ *దేవుడు చివరగా ఆ వ్యక్తితో ఇలా అన్నాడు:* 

"నాయనా! నీ జీవితంలో కూడా నేను అదే చేస్తున్నాను. నువ్వు కష్టాలను ఎదుర్కొంటున్నప్పుడు, నేను మౌనంగా ఉన్నానని అనుకోకు. నీ మూలాలను (Roots) బలంగా చేస్తున్నాను. రాబోయే పెద్ద విజయానికి నిన్ను సిద్ధం చేస్తున్నాను. నీ సమయం వచ్చినప్పుడు, నువ్వు కూడా ఆ వెదురు మొక్కలా అమాంతం ఎదుగుతావు. కాస్త ఓపిక పట్టు, నాపై నమ్మకం ఉంచు."

 *​నీతి:* 

మన ప్రార్థనలకు సమాధానం ఆలస్యం అయితే, దేవుడు నిరాకరించాడని కాదు... ఆయన మన కోసం ఇంకా గొప్పది ఏదో సిద్ధం చేస్తున్నాడని అర్థం. నమ్మకం, ఓర్పు (Faith & Patience) కలిగి ఉందాం.

​